*السيده زينب(س)*
*تخاطب الطاغيه يزيد*

العلم اهلي من الذَر *راسخونه*
وهلك بلـبطل تُعرف *راسخونه*
اعتله ما هبط لذل *راسخونه*
وصبح ذچرك مزبله اعله الوطيه.

✒️… .ملا عاشور الصيداوي

*وَ الشِّمْرُ جَالِسٌ عَلَى صَدْرِكَ*
*وَ مُولِغٌ سَيْفَهُ عَلَى نَحْرِكَ*

اخــو ماضل افزعه *| والحمنه |*
وكسري بيش اجبره *| والحمنه |*
الــركبنه الــهزايل *| والحملنه |*
هوه الحز وريد ابن الزچيـه.

✒️… .ملا عاشور الصيداوي

*وازينبااااااا*

ییمه الــمای مهــرچ *(وانه حرمه)*
واخوی الکعبه بطف *(وانه حرمه)*
الــكفر هجمت عليه *(وانه حرمه)*
ارد عشره تهد ميه عليـه.

✒️… ملا عاشور الصيداوي

*📜يركنـي:*

احشم اعليك يبن امي *يركني*
عگبك گام سوط الشر *يركني*
ريت الــحافر الــركك *يركني*
وسيف اليحز نحرك يحز بيه.

✒️… .ملا عاشور الصيداوي

*اه يا زينب اه:*

مامــن تل حـزن بـطف *كتلّي*
صعدته ودم من اعيوني *كتلّي*
الـشمر لمّن گطع راسك *كتلّي*
خدري ونهب مزويت الزچيـه.

✒️… .ملا عاشور الصيداوي

وينه الذي يرگه عله سبوگ
يوصل الحَينه گبل الشروگ
يحشم هلي والزيج مشگوگ
ثارات الـكم والـكم احگوگ
احسين انذبح والبيت محروگ
او نسوانكم فروهه بسوگ .

✒️… *ملا عاشور الصيداوي*

فرونه:

احنه الـما رئانه احد *فرونه*
طلعنه وگوه بلبيده *فرونه*
سبونه وعلهزل عمداً *فرونه*
وشبعو شوف بينه اعلوج اميه.

✒️… ملا عاشور الصيداوي

*السيده زينب(س)اتگول:*

مو تل اصعدت يحسين */تلات*
ومن العدوان والله اشبعت */تلات*
عليك ايهون بيدي احبال */تلات*
وانياگ الهزيله اتعثر بيـه.




✒️… *ملا عاشور الصيداوي*

نعي مجاريد:

یحسین خویه جابو النوگ
وبسلسله السجاد مشبوگ
وشمر یحدی وحرمله ایسوگ
ویه الـغرب ممشای میلوگ
بنت الهواشم وسطت السوگ
وانه خایفه تشتمنی لحلوگ

✒️… .ملا عاشور الصيداوي

*وَثَواكِلٌ فِي النَّوْحِ تُسْعِدُ مِثْلَها*
*أَرَأَيْتَ ذَا ثَكْلٍ يَكونُ سَعيدا*

تعدَن بلــ نياحه *(من سعدچن)*
وعله ركب الهزايل *(من سعدچن)*
اشوف ادموم تجری *(من سعدچن)*
الحبل والسوط مايرحم سبيه.


✒️… .*ملا عاشور الصيداوي*

📜نعي مجاريد:

یحسین خویه جابو انیاگ
کلهن هزل میحملن اسیاگ
اوشدو بدینه احبال وشباگ
ویه الغرب ممشانه ما لاگ
ذباحكم مشـانه بـسواگ
اوحچی اشماته اشکثر حراگ
واعظم مصيبه خدري انباگ .

✒️… .ملا عاشور الصيداوي

السیده زینب تخاطب العباس ::

یعباس یلکافل دلالی
یصعب علی رکب العوالی
وضعن الحریم ایرید والی
أنه الماشایف احد اخیالی
تالی الغرب تشمت ابحالی
چانت گبل تطلب  انوالی

*السيده زينب(س)اتگول:*

اصواب الدهر علهامه *@طرالگاع@*
وبگيت امحيره اشبه *@طرالگاع@*
لون حيدر دره ابحالي *@طرالگاع@*
شهر سيفه واجه فزاع ليه.

✒️… ملا عاشور الصيداوي

~رجــلاي:~

راح الأمل مني وراح ~رجلاي~
بچيت ومحد اعله ابچاي ~رجلاي~
السلاسل ورمت يحسين ~رجلاي~
وضرب السوط خله اثار بيه.

✍🏻… ملا عاشور الصيداوي

بسم الله اارحمن الرحیم

*~لسان حال السيده سكينه (س)~*

لجيم النوح من بعدك *~وجرلي~*
وعگبك مافزعلي احد *~وجرلي~*
۴اجيتك والشمر طگني *~وجرلي~*
او دفعنی او طحت یمک علوطیه

✒️…. ملا عاشور الصيداوي

لسان حال السيده زينب
::تخاطب الأمام الحسین علیه سلام

أجيتك يخويه ابگلب مالوم
شفتک تون ماتگدر اتگوم
جروحک چثیره وتنزف ادموم
وسهم البگلبک چنه مسموم

فأجابها::
گلهه یزینب یا حزینه
جرح الگلب لا تلچمینه
بعصآبتچ لو تشدینه
لو دوه یحصل تداوینه

فأجابته::

تگله یخویه ومای عینای
والله ابیتنه ما ینوجد مای
یخویه امردت گلبی یرجوای
لوگف وفییلک ابهدمای

*~📜نعـي مجاريد:~*

وينه الذي يرگه عله احصان
يعرييه مايحتاجله اعنان
وابليلته يگطـع الــوديان
يوصل الحينه گبل الأذان
ويطر مضايف آل عدنان
ويصيح صوت ايهز الركان
حسين انذبح لحگو يشجعان
ضل علثره مطروح عريان
محــد بگـه يكفل النسوان
فزعـو گبـل لاتطب ديوان

✒️… .ملا عاشور الصیداوی

*امام الحسین یخاطب السیده زینب(س)*

اسمعت لوی الحرم وطفال ~لویاچ~
یزینب گـمت الــوی ابـکثر ~لویاچ~
یختـی اتگبعـی بلــخدر ~لویاچ~
العدو وصبری مثل صبر الزچیه.

✒️… .*ملا عاشور الصیداوی*

*اه يا زينب اه:*

دليلـي امـن الـنوايب /ماهميته
وجدمي الغير اخوتي /ماهميته
عجــب لــساع زينـب /ماهميته
عگب خوانهه ابديوان اميه.

✒️… ملا عاشور الصيداوي