إليكم 15 قصيده

من قصائد الشاعر #سيد_معتز_سلام_الحسيني

التي قرأت بصوت ناعي الزهراء

الحاج باسم الكربلائي

بمختلف المناسبات ….

نسألكم الدعاء

لو ردت تنخاها تنخاها تنخاها
الفاتحـه اِقراهـا اِقراهـا اِقراهـا
————————
وين العنده حاجه يرفع جفوفه
وعد ام البنين اليـوم متعوفــــه
خل وياها يحجي بدمعه مذروفه
بالمجلس تره موجوده وتشوفه

ركز وتلــــــكاها تلـكاها تلكاها
الفاتحـه اِقراهـا اِقراهـا اِقراهـا
———————
هـاي ام الكمر هـــاي الكلابيه
الآلاف الحوائج تكضي يومــيه
وينه اللي نـــخاها وراد ذريـه
ابشرك حاجتك مكضيه مكضيه

خالقك علاهــا علاهــا علاهــا
الفاتحـه اِقراهـا اِقراهـا اِقراهـا
——————
وين المرضه عندي وياهم حجايه
حَلفوها بكمــرها صاحب الــرايه
تطيبون وانه المسؤل عن هايـــه
للوفاي بـاب الــحاجه وفايـــــه

علتك تنسـاها تنساها تنســاها
الفاتحـه اِقراهـا اِقراهـا اِقراهـا
————
اطلب حاجتك بس امن اهاليها
اكو يكضيها يوعد ،واكو يكضيها
الليله ام البنين الحره حـاجيها
كلها بداعة اسكينه وبـــواجيها

اندمــج وياهــا ويـاها ويـــاها
الفاتحـه اِقراهـا اِقراهـا اِقراهـا
—————
عَينها الحسين بأمر من عــنده
خلاها لقضاء الحاجه والشــده
اذا مديون گلها ودينك تســــده
اذا عنـدك بعيد لحــضنك ترده

تكرم اليــهواها يهواها يـهواها
الفاتحـه اِقراهـا اِقراهـا اِقراهـا
—————-
بسجلها اليوم تتسجل اساميكم
دنيه واخره امْ عباس تحــميكم
على هذا اللطــم باجر تجازيكم
بجوار حسين بـ الجــنه تخليكم

يخسر العاداها عاداهـا عاداها
الفاتحـه اِقراهـا اِقراهـا اِقراهـا
—————
سيد معتز الحسيني

https://youtu.be/Mh9jiQVVrdM?si=MtxWPVAEPRwxVWKj

أنصارك غياره
منعوف الزياره

الملا علي الساعدي
سيد معتز الحسيني

العتبه العسكريه المقدسه
شهادة علي الهادي