#Янгиликлар

✍️Имом Мотуридий халқаро илмий-тадқиқот маркази директор ўринбосари Ш.Исломов айни вақтда Дин ишлари қўмитаси, Ўзбекистон халқаро исломшунослик академияси, Ўзбекистон мусулмонлари идораси, Имом Бухорий, Имом Мотуридий ва Имом Термизий халқаро илмий-тадқиқот марказлари вакилларидан иборат Ўзбекистон делегацияси таркибида Индонезияда хизмат сафарида бўлиб турибди.

✅Хизмат сафари давомида Индонезия Бош вазири ўринбосари, Ижтимоий ҳимоя вазири Муҳаймин Искандар, Индонезия Уламолар кенгаши Бош котиби Амиршоҳ Тамбунан, Наҳдатул уламо ташкилотининг Олий кенгаши вакили Улил Абсор Абдуллоҳ билан учрашувлар ўтказилди.

🔰Учрашувлар давомида икки томонлама ҳамкорликни янада кенгайтириш, бугунги куннинг долзарб мавзуларида қўшма илмий лойиҳаларни амалга ошириш масалалари муҳокама қилинди.
Бош вазир ўринбосари, Ижтимоий ҳимоя вазири Муҳаймин Искандар Ўзбекистон заминидан етишиб чиққан алломаларнинг илмий меросида улуғланган умуминсоний ғоялар бугунги глобаллашув даврида ижтимоий муаммоларни ҳал этишда муҳим аҳамият касб этишини таъкидлаб, Имом Бухорий асарларида ёритилган маънавий-ахлоқий қадриятлардан бугунги кунда Индонезия жамиятидаги муаммоли масалаларни ҳал этишда унумли фойдаланиётганини маълум қилди.

💠Шунингдек, Наҳдатул уламо Олий кенгаши вакили Улил Абсор Абдуллоҳ бугунги кунда Индонезиялик оилалар ўз фарзандларига Бухорий, Мотуридий, Термизий ва Улуғбек каби ўзбек исмларини қўяётганини фахр билан тилга олди

Ижтимоий тармоқларда бизни кузатинг:👇👇👇

✅Telegram | ✅Facebook |
📷Instagram |📹Youtube|
🌐Tik Tok| 🌍moturidiy.uz

#Халқаро_ҳамкорлик

✍ Ўзбекистон делегацияси Индонезиядаги халқаро конференцияда иштирок этмоқда

📆 2025 йилнинг 3 июль куни Индонезиянинг Жакарта шаҳрида “Мовароуннаҳрдан Жануби-Шарқий Осиёга: ҳадис илмлари ва интеллектуал алоқалар” мавзусида халқаро илмий-амалий конференция бўлиб ўтди.

✅ Ушбу нуфузли тадбирда Ўзбекистон Республикаси Дин ишлари бўйича қўмитаси, Имом Бухорий, Имом Мотуридий, Имом Термизий халқаро илмий-тадқиқот марказлари, Ўзбекистон халқаро исломшунослик академияси ва Ўзбекистон мусулмонлари идораси, вакилларидан иборат делегация қатнашмоқда.

🔰 Тадбир очилиш маросими билан бошланиб, талабалар форуми, китоб ва санъат асарлариF кўргазмаси, Ўзбекистон ва Индонезия ўртасидаги дўстлик алоқаларини тараннум этувчи янги бадиий филм тақдимоти билан давом этди. Якуний маросимда эса тақдирлаш маросими, совринли ўйинлар ва стипендия ғолиблари эълон қилинди.

💠Дин ишлари вазирилигининг таълим масалалари бўйича бош котиби Арскал Салим ўз чиқишида қуйидагиларни таъкидлади:
“Мовароуннаҳр ислом дунёсининг гавҳари, илм-маърифат ҳисобланади. Муҳаммад Хоразмий, Беруний, Ибн Сино  илм-фан ва инновацияларнинг бунёдкорларидир. Ислом фақат бир миллат ёки ҳудудга тааллуқли эътиқод эмас, у бутун инсониятнинг мулки ва дунё халқлари унинг ривожига катта ҳисса қўшганлар. Шу нуқтаи назардан, ислом дини Арабистон яриморолида вужудга келган бўлса ҳам унинг назарий тараққиёти Мовароуннаҳр ҳудудига тўғри келади. Ушбу конференция нафақат билим улашади, балки Ўзбекистон ва Индонезия ўртасидаги дўстлик ва ўзаро ҳурматга асосланган ҳамкорлик алоқаларини ривожлантиришга хизмат қилмоқда”.

✔️ Ушбу тадбир нафақат Марказий Осиё ва Жануби-Шарқий Осиё ўртасидаги фикрий ва маданий алоқаларни мустаҳкамлайди, балки Ислом илм-фанига катта ҳисса қўшган буюк имомлар меросини улуғлаш учун муҳим имкониятдир.

Ижтимоий тармоқларда бизни кузатинг:👇👇👇

✅Telegram | ✅Facebook |
📷Instagram |📹Youtube|
🌐Tik Tok| 🌍moturidiy.uz

#Халқаро_конференция

✍ 2025 йилнинг 4 июль куни Индонезиянинг Жакарта шаҳрида “Мовароуннаҳрдан Жануби-Шарқий Осиёга: ҳадис илмлари ва интеллектуал алоқалар” мавзусида халқаро илмий-амалий конференция ўз ишини давом эттирди.

✅ Унда Имом Мотуридий халқаро илмий-тадқиқот маркази директори ўринбосари Ш.Исломов "Имом Бухорийнинг "Тариху-с-сағир" асари ҳадис илмлари оид муҳим манба" мавзусида маъруза қилди. Маърузада Янги Ўзбекистонда Имом Бухорий, Имом Мотуридий каби буюк аллома аждодларимиз илмий меросини ўрганиш ва халқимизга етказиш бўйича амалга оширилаётган кенг кўламли ишлар ҳақида батафсил маълумот берилди.

💠Индонезия илмий жамоатчилиги Ўзбекистонда Президент Ш.Мирзиёев ташаббуслари билан дунё илм-фани ривожига бемисл ҳисса қўшган алломаларимиз илмий меросини ўрганишга қаратилаётган эътиборни юксак баҳоладилар. Янги илмий тадқиқот марказларининг бу борадаги фаолияти натижаларини эътироф этдилар.

Ижтимоий тармоқларда бизни кузатинг:👇👇👇

✅Telegram | ✅Facebook |
📷Instagram |📹Youtube|
🌐Tik Tok| 🌍moturidiy.uz