الإبتلاءات اللي اذتك ، الأمور الثقيلة على قلبك ، الطريق اللي مشيت فيه ونسد بوجهك لكن يكون سبب لأفضل اقدار حياتك
{فَعَسَىٰ أَن تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا﴾ مو كل فقد معناه خسارة ، اللي يروح يتبدل بالأفضل رب العالمين من يقفل باب يفتحلك ابواب واسعة ، ومن يحرمك من جهة ينطيك من جهات ثانية اكثر خير ، ومن يبعد عنك اشخاص او اشياء كنت مفكرهم الأفضل ووجودهم في صالحك لكن في لحظة تكتشف وتتبدل كل افكارك ثق بالله هو اللي يقرب منك اللي يليق بيك ويناسبك
في حكمة غايبة عنك لكنها مختبئة في علم الربّ الواسع المُدبر وعسى الخير كل الخير اللي ظننته شرٌ الك اطمئن رب الخير لايأتي الا بالخير

#الكاتب_مستر_عبودي❤️

اكو اعتقاد الأنسان يتعلم من تجاربه الفاشلة من العلاقات الغير صادقة من دروس الغش او الكذب وراها تصير قدراتهم قوية يكشفون اليريد يضحك عليهم من اول موقف فلازم نعرف ناس هواي مو زينين حتى نتعلم الحقيقة برأيي عكس هذا الشي الأنسان يتعلم من العلاقات والنماذج الصادقة بحياته مو من العلاقات المشوهة ، علاقة صداقة حقيقية كفيلة تعلمك شلون تفرز اصدقائك والناس اليمك لأن عرفت نموذج الصديق الحقيقي شلون يصير ، علاقة حب صادقة كفيلة تنظمله مشاعره وتنهي اي ارتباك او تشكك لحقيقة ومصداقية اي علاقة ، لأن راح تعرف الكدامك شلون يتصرف ويدليك لمواطن الجمال البيك الموضوع مثل واحد جرب اكله كلش حبها وعجبته لأول مرة بحياته ، دائماً يتذكر هذا الطعم ، راح يبقى يفرق بين الحاجة الحلوة والحاجة النص ونص ، من تتعود على طعم مايعجبك تبقى طول عمرك ماتعرف الأطيب منه اله تجربه وتتفاجئ بي

#الكاتب_مستر_عبودي❤️

مع الوقت راح تتأكد ان ميريح بالك اله التسليم لأمر ربنا والرضى بقضائه وقدره مثل مانرضى في الخير راح نرضى بالشر ومثل ما نصبر على الفرح نصبر على الحزن ونتأكد ان في شر مجهول لشغلة جنه محتاجينها وان عدم التوفيق في شغلة خير النا مانعرفها وان الخير وكل الخير في اللي رب العالمين يجيبه النه اطمئن وامشي والمكتبولك يركض وراك
رب الخير لايأتي الا بالخير

#الكاتب_مستر_عبودي❤️

تميز بما شئت لكل لاتتكبر ابداً

وخاصم من شئت لكن لاتهن احداً

كل شغلة في حياتك تحصل في توقيتها المناسب راح اشوفها تتيسر بدون اسباب ولا اشخاص اللي الك رزق بيه راح تاخذه مهما انعدمت الأسباب واللي يتأخر ماجاي بوقته واللي مو الك مراح تاخذه مهما جنت متمسك بيه كلشي بهاي الحياة راح اشوفه في الوقت المناسب الرسول (ص) قال ( أنَّ نفسًا لَن تموتَ حتَّى تستكمِلَ أجلَها، وتستوعِبَ رزقَها )نصيبك راح يصيبك والرزق المكتوب الك راح تاخذه ف مهما ضاقت عليك الحياة ومهما اتعقدت راح تنحل خلي ابالك فكرة ان ماعليك الا السعي وان كل شيء مقدر اطمئن راح يجي كل شيء في توقيته اللي يشوفه رب العالمين مناسب النا رب الخير لايأتي الا بالخير 🤍🤍

#الكاتب_مستر_عبودي❤️

‏مهما كبُر الإنسان يظلّ بداخله طاقة طفل تجعله ينظر للتفاصيل البسيطة بعين الدهشة، مثل الحماس بعد شراء الأشياء الجديدة، أو الامتناع عن النوم ترقبًا لحدث منتظر في الغد يا ربّ لا تجعلنا نفقد وهج هذه الطاقة والرُّوح أمام الحياة حتى لا تتساوى الأمور جميعها في أعيننا

#الكاتب_مستر_عبودي❤️

#الأستشراف :

فن يتقنه بعض الأشخاص أو يكاد يكون معظمهم في وقتنا الحالي حيث ترى أن غلافهم مليء بالأيمان والتقوى
وجوهرهم عبارة عن عهر وانحراف وقذارة ينتقدون الجميع ويمجدون بنفسهم حتى يظن الناس بأنهم مثال على الشرف والعفة لكن بينهم وبين أنفسهم يفعلون ما يمقتوه بالأخرين

#الكاتب_مستر_عبودي❤️

اعظم شي يسوي الأنسان لنفسه ماتنكسر عينه لواحد لا لواحد ولالجماعة ولا لعمل او نظام
تعيش حر ومستغني وعزيز النفس لامنتظر حاجة من واحد ولاخايف من احد ولاتتحايل على شخص حتى يسويلك خدمة ولاتصاحب الناس على مصلحة وماتخلي اي واحد يستغلك نجاحك تصنعه بمجهودك وإصرارك وقناعاتك المحترمة بالحياة وانت الوحيد الي تنافس نفسك ساعتها تعيش عينك مليانة وگلبك قوي وعزة نفسك مرفوعة فوك تصير مثل العملة النادرة تُقاس بك الأشياء مو تُقاس انت بيها

#الكاتب_مستر_عبودي❤️

‏29/11 | Friday

وفي الجمعة الأخيرة من الشهر
اللهم البشارات التي نُحبّ والأيام التي تسر والرحمه التي تتوالى ، والعافية التي تدوم والخير الذي لا ينقطع ♥️ً

لقائي على قناة الانبار الفضائية اليوم

@mrab0de1

هذا منو 😂✌️

‏الشغله الوحيدة اللي راح اضل أطلبها من رب العالمين طول عمري بدون ملل هو أن يرزقني الله راحة البال والقناعة والرضا التام بكل ما هو مُقدّر لي، خصوصا اذا متتوافق أقداري مع الشي الي أريده لإن طالما رب العالمين كتب الي شيء فهو أكيد خير فرب الخير لا يأتي إلا بالخير اللهم ارزقني الخير ثم ارضني به يارب

#الكاتب_مستر_عبودي❤️

خلصت السنة بشرني شسويت ما سويت؟ شغفك سيطرت عليه؟
كم كتاب قريت الاهم بشنو فادتك هاي الكتب انعكست على واقعك بشكل ايجابي؟ تعلمت مهارة جديدة اخذت أشياء تطورك ؟تعلمت لازم تجرب حتى تتعلم؟ تعلمت لازم تخسر حتى تربح، لوبعدك شايف الفلوس هي اكبر قيمة بحياتك ومستخسر تصرف على اي تجربة؟ الموهبة العندك طورتها استثمرت بيها؟ لو بعدك تدور على شغل وتصيح ماكو تعيين لو انت من الهالكين نفسهم ومنطين كل وقتهم للشغل وشايفين الفلوس اهم من صحتهم وعائلتهم ووقتهم؟ زين صحتك عقلك صرفت عليهم شي لو مسترخصهم وملتهي تصرف بس على بطنك؟زين شنو الاشياء ناوي تشتغل عليها هاي السنة؟
ناوي تكرر نفس الخطوات لو تعلمت الدرس؟احجولي شنو الي قدمتوا لنفسكم من إنجازات ونجاحات بهاي السنه وصار تغيير رهيب بحياتكم لو بعد .

السنه الجايه لازم تستثمر بيها كل يوم ولاتخليها هم تضيع منك حالها حال القبلها والقبها والقبلها

#الكاتب_مستر_عبودي❤️

وقبل نهاية السنة؛ إن كان هناك أحد يستحق الامتنان عمرًا كاملًا، فهم أهلي، وهم أيضا كل ما أحب لقد رأيت من أهلي الحب والدلال والنعيم ما لم ولن أراه من أي أحد في العالم، ورأيت الاحترام الذي لن أتنازل عنه أمام أي أحد في ظل هذا العصر المريب خرجت من أسرة أعطتني الدلال والحب والاحترام في قدر واحد وشربت منه حتى شبعت فاللهم أسعد أهلي بقدر ما أسعدوني، وقرّ أعينهم بما يتمنوا، وأعنّي أن أكون الشخص الذي يفخرون به، ولا تبتليني فيهم أبدًا أبدا يا ربّ

#الكاتب_مستر_عبودي❤️

مرة سمعت حجية تكول
الما ياخذ من ملته يموت بعلته
كتلها شنو يعني؟
كالتلي الما ياخذ واحد يشبهه يكضي عمره عايش بمكان غلط ودوم يبقى يدور عـ البيت رغم هو بالبيت.

#الكاتب_مستر_عبودي❤️

استجداء التعاطف من الغير بالخسارة اصبح ديدن العراقيين اصحاب المحتوى خصوصاً العرب يستغلون هذا الموضوع إذا خسر المنتخب يمدحون العراق وفد سبب ثاني وهمي يخليك تحس هذا الشخص شريف يستحق المتابعة والكون كله متآمر عليك مو بس على مستوى الرياضة حتى على مستوى العمل واحد يدفع عربانة ينشر يومياته شي حلو بس المو حلو من ينكسر تاير العربانة وتسوي دراما او مثلاً وحده تسوي اكل بارك الله باليروج الها والله يرزقها بس صاحب المحتوى ماكو داعي يكول اشتروا منها يصيبكم اجر هي ماكاعد تجدي تشتغل بتعبها
وعلى طاري المجادية حتى متسول الحاضر اختلف عن قبل قبل تلكاه كاعد وحاط او حاطة طاسة وتنتظر احد ينيطيها هسه الجدية اختلطت حتى بالعمل واحد يبيع كلينكس يقدملك ماتشتري يكلك ساعدني لوجه الله لو ابو تكتك يوكفك يحجيلك موقف حابكة زين وبالاخير يكلك إذا تكدر تساعدني بالله قبل فترة واحد عنده كيا طبك سيارته واجاني يريد فلوس بانزين طبعاً اثر استجداء العاطفة عدوى مو سلوك طبيعي او خارج عن الأرادة المواطن من يشوف السياسي ماعنده كرامة يعتبر سبب الرياضي تصعد عنده الغيرة من يسمع بمبلغ مالي هم سبب والفنانة او البلوكر من يصير عيد ميلادها وتنتظر هدايا هم سبب كل ذني الأمور هي استجداء تعاطف مصطلح مرادف للتسول

#الكاتب_مستر_عبودي❤️

مو بس السنه راح تنتهي راح ينتهي وياها كل الأشخاص الي ميستاهلونا راح ينتهي وياها كل المواقف الي ضوجتنا وراح ينتهي وياها كل الذكريات الي زعلتنا
راح تنتهي هالسنة وتاخذ وياها شكو شي محلو صار بيها وراح تضل بس الذكريات الحلوة باشخاصها ومواقفها طول العمر
وراح نبدي بسنة جديدة بـ رغبة جديدة بـ فرص جديدة بـ احلام وطموحات وانجازات جديدة

#الكاتب_مستر_عبودي❤️

كل عام و انتو بخير ...❤️

2025/1/1

اي قرار
تحسه يرضي رب العالمين ويرضي تربيتك وضميرك
سوي بدون ماتسال احد لان صدك مراح تخسر

دير بالك تزعل على الي فات لو على شغله راحت منك وجنت متعشم بيها ومنتظرها اذا جانت بيها نصيب الك راح تجيك حتى لو انت أيست منها واذا ما الك نصيب بيها مستحيل راح تاخذها حتى لو فريت الدنيا وراها متعرف رب العالمين شنو مدبرلك بدون متدري ممكن ياخذ منك نجمة حتى ينطيك بدالها القمر صدكني كل الي راح والي راح يجي من رب العالمين هو خير الك واذا جان الك بي نصيب راح يجي منه "خير" لأنه رب الخير ولا يأتي إلا بالخير، وصدكني صبرك شكد ما طال راح يجيك العوض فوك الجمال وكل متشوف نفسك تعبت كول " يارب اني راضي ومنتظر وكلي ثقه بيك وظني عمره ما خاب ولا راح يخيب " وانتظر ورة فتره راح تشوف الفرح ينزل على قلبك والسعادة الي راح تشوفها والفرح الي راح ينزل على قلبك بسبب يقينك وايمانك برب العالمين

#الكاتب_مستر_عبودي❤️