tgoop.com/msnobk/4002
Last Update:
عازن السادات/ هاي الليله
امكدره هاليوم كل العيله
.............
شايله ياحيف بت المصطفى
نورها امن الدار خافت وانطفه
محد امن اولادها نام وغفه
وزينب بهاليوم شدت شيله
اعله اظلوعي// اوياها اللطمه
ام حسين العسكري ناصريه
===========
زينب بهل يوم شدت راسها
وتلطم وكوه تجر انفاسها
تكول ءُام الوفه منهو الجاسها
وانه بعد امي اضل نحيلــــــــه
((عله الهامه... وتلوگ اللطمــه)
✍️الشاعره ام روكان الشمري
===========
تـلوگ لطمتها الزچيه عـالمتن
شـالـت او دلالها لـزينب يحن
بعد امها تنام مـدري بياحضن
وهاي فرگتها الجليله اطويله
دولابه// والبين ايدوهن
أم عــ✍🏻ــلــي الـحـلـفـي
===========
يمه اريد اوياج موتتنه سوه
انتي وي الروح واغله من الهوه
حيلي باد اعليج وكليبي انجوه
شكد صعب فركاج منهو اشكيله
{ضيعناه //. طولج يمه}
✍🏻ام احمد العبودي بغداد
===========
ضاع وي طولج وسف رجوانه
وگلبي للأحزان حط عنوانه
والفرح شال وچذب يلفانه
بعدج الايام مالت ميله
((يوجعني// اصواب البييه ))
✍🏻العلوية أم منتظر جمال الدين
===========
................
تمت بحمد الله وتوفيقه بأقلام شاعرات ملتقى ناعيات الطف تحت اشراف وتدقيق الشاعره ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
http://www.tgoop.com/msnobk
BY قناه الشاعره ام احمد العبودي 📚📚
Share with your friend now:
tgoop.com/msnobk/4002