.
.
بين جرفين العيون
إغرگت والروجة رمشَ ..

جنت، شايل،گل،حزنهم، وگل، تعبهم"
وبلـظلوع، الوجع، يندس،
وبالحلم، ماتيهتهم"
وتالي، گطعو، گل، وصلهم"
أي، يگلبي، حيل، بيك "
شماتحن، وتبجي، ليهم،
تلگه، بظلوعك، سهمهم"
مايريدونك، يگلبي،
مايريدونك، يگلبي، وعلعلتني،
تعاتب، بروحك، عليمن"
همه، لو، بيهم، محنه، جان، آجو "
جان، ماخلوك، وحدك "
جان، ذگرو، گل، أغانينه، وعشگنه، ومانسو"


لـ محمد الاسدي .!

وصحت لــ إبعيد
يا نهر التعب لـ عيوني
عبر إنعاس
نومني أريد أرتاح
بـ عيوني بچي
بگد الحچي المضموم عند الناس

لـ كاظم إسماعيل الگاطع.!

شبعد للفضه وتشبهك ?
گفظ كفيت الگلوب الضخينة شؤك
وانته الماتحب وجهك
بهونك
وچد الهاذه انه
من تمون عل وينك !
لو ادري العمه نيشان
ما تيهتك بگلبي
لو يدري الدعاء مدمه
ما صار السگف حاجوز

شما يمشي العمر بلطين
كلمن يعثر بگلبه
اليحب عيون!
ماينعبر بل نگبه
وأجي منگب وضوگك
ياحلو حلك
التكتلك عيني التكتلك

بعدني شما اجيم اليل
حسبة طيف تشريني
وبعد مكفاي مكفه مرايه
من تكثر جروحي
يضيع وجهك من تلاگيني
وبعد بيه حزن منفوس
واجي متبدي
وغسل راسه بل دخان
من يطوطح الفانوس
كل هاذه الحزن بعيوني
لو صاير قصيده اشوه!
كل روجة عتب تتكسر
ع الشيب
من تغفه الضفيره اشراع

و هاذه انه
ما اصعد منصة شوچ
حته يشوفني النعناع

نسيت
وادري ماتنساني
لو گلبك مثل وجهك
وانته الماتحب وجهك

اضمك وين ?
يل متبدي لون احمر
يميز عين كل حاسود

صغنه من الحديد گلوب
تزاعلنه !
وجبت بلمشيه جم داوود

غريب
ومن يغثني الشوگ
احط جم باب عل شباچ

وأجي و يطيحلك حگي
وسدينه السوالف
سدة الفصليه للسرگي

انشدك من يفز عطرك
كسر بل جام لو
خصرك?

بلا شوف العمر يركض
بلا شوف الاغاني
اول دوه يمرض

ياذكرئ التهز گلبك
عثگ شوغه

يا اخ التوشلني?
شرخصني
بكل قصيده مطلعك الموزين
حته الوادم تحبني

اثوب للمحنه وجوه
لا خلف الله عل غيمه

يطيح الخير وي وجهك
وانته الماتحب وجهك

لـ ايهاب عيال الضالمي .!

احبك وانت متحبني..
كلت خل احترم نفسي واعوفك وركَـه بالشجره..
واتانيهه الخريف الجاي توكَـع حتى لو صفره..
امد روحي لأجلهه تراب..واتلكَـاهه ملكَـه احباب..
وارويهه لردهه اردود بدموع الفرح خضره..
ردت كَـشايه بجروفك اجلب بيهه مو غركَـان ماشايل الك ذكره..
انا شفايتلي واغركَـ بيك؟؟علواه لو صدكَ صارت على متوني اشد صخره..
ركد راسك على صدري بحلم وتخيل الموقف..
ردت فعلي لسه ارجف..مو حقي؟؟ينسمة ليل بيك تحلمت شجره..
مدري شكَـد احبك كون تدخل بيه وتكَـلي..
اسالك ماترد واغتاض وامشي وصوت يندهلي..
عليك اندار مو انته..حضرتك خالق السكته..
مامعقوله تندهلي اعرفنك خشم سمره..
واجيك مزاعلك واكَـعد بسدك والاصح البد..من كلشي يجي ببالي..
بغيابك ويتراوالي بدونك اي درب امشيه بيه حفره..
مشيت اوياك حد ال مابعد اكدر اكَـلك روح..
بدونك كلشي مااندل..ولااكَـدر اكمله اوياك دربك ماقبل يكمل..
هاي شبيك؟؟شو خفيت رجلك من حجيت اوياك؟؟
وعفتني وكملت ممشاك مالك خلكَـ تسمعني؟؟
انا ماجان قصدي انساك ردت اوياك تاخذني..
تراني بضحكه اتقشمر..جبت الدرب اركض وانت تتبختر مدري شلون سابكَـني؟
اسف بعد ماوصل..خل نرتاح..نكَـعد ولو لزمة ايد ونكمل..

لـ ياسر فليح.!

ريحت عدل ضليت حيل ارتخه وضاع ياكل بجسمي الدود وانه امشي ع الگاع
..

تدري يَـ البارد حنينك .. تثگـل أعذارك وَ أهزهن .؟!
تدري گمت أكتب رسايل ، وَ أرجع من الذلة أچزهن

و من زمان اجروحي تنـزف
هسة مدري منين أكضهن ...




لـ مصطــفى الاشتــراني..!

﮼انه،ذنبي،تعوديتك💚