✨ أسرار نجاح البقلاوة 🥀

1: عجينة البقلاوة لازم تكون طرية كي تلموها و تخلوها ترتاح نصف ساعة و تبداوها مباشرة
2: كي تحلو العجينة او قبل ما تفتحوها بالآلة أفتحوها بالمايزينة باش طبقات البقلاوة يكونو بارزين و جي مورقة و مقرشين
3: الحشو كي تشوخوه بمازهر و ملعقتين زبدة يكون مندي شوية ماشي مشمخ بزاف و ماشو يابس باش يكون طري كي يطيب
4: بين كل الطبقات نحطو خليط الزبدة حذاري تكثرو حطو قيس ما تدهنو الطبقة فقط
5: و أهم شيء حذاري ثم حذاري نضغطو بقوة على الطبقات رح يروحلهم التوريق و تولي عجينة وحدة
6: مهم جدا كي تحطو الحشو في الوسط تنثروه اي تحطوه بشوية و حذاري تضغطو عليه اذا ضغطتو عليه رح يكون صلب كي يطيب و الطبقات لي في الأسفل يروحلهم التوريق و تخسر البقلاوة
7: كي تقطعو البقلاوة الموس اغطسوه في الزبدة الذائبة مع شوية زيت باش تتقسم البقلاوة بسهولة و حركة الموس تكون من الاعلى للأسفل حذاري تحطوه و تسحبوه بقوة رح تخسرو شكلها
8: لازم غير تكملو تشكيل الطبقات تقسمو مباشرة البقلاوة ماتخلوهاش حتى تنشف العجينة رح تتقع كي تكونو تقسمو فيها و حطو من الفوق قطع صغيرة من الزبدو او زبدة ذائبة رح يمدولها لون شباب كي طيب
9: تقدرو ماطيبوش البقلاوة في نفس اليوم يعني طيبوها في الغد اذا صنعتوها في الليل مايصرالها والو لكن لاااازم تبيتوها في الثلاجة لازم
10: تحطو البقلاوة طيب حتى تشوفوها حمارت في الحواف تشعلو عليها من الفوق على نار هادئة و تعسوها
11: عسيلة لازم تكون واجدة و باردة غير تخرج البقلاوة من الفرن تعسلوها مباشرة و حاولو تعاودو تفتحو بالموس بين الحبات باش تشرب مليح و خلوها على الأقل يوم في الصينية بالعسيلة باش تشرب مليح و اذا ما كنتوش مزروبين تقدرو تخلوها حتى لخمس ايام عادي

لأصحاب الأكل الصحي

#بان_كايك_صحي_بالشوفان
المقادير
بيضة
موزة كاملة
4ملاعق دبس التمر أو عسل التمر
3 ملاعق زيت الزيتون يفضل بدون رائحة
كاس حليب
رشة ملح
نضرب الكل بالخلاط الكهربائي (mixeur)
بعدها نضيف ملعقة كبيرة كاكاو و 6 م ك مسحوق الشوفان ونخلط جيدا اذ كان الخليط سائل نضيف مسحوق الشوفان حتى نتحصل على خليط املس سائل .. ونطهو على نار متوسطة في مقلاة خاصة

#رولي بطاطا

5 حبات بطاطا كبيرة
وعاء صغير جبن شيدر مبشور 100 جرام
2 بيض
ملعقة صغيرة ملح
ملعقة صغيرة فلفل أسود
ملعقة صغيرة بابريكا

للحم مفروم:
500 جرام لحم مفروم
2-3 ملاعق كبيرة زيت
بصلة
1فلفل حار
فلفل أخضر
ملعقة صغيرة ملح
ملعقة صغيرة فلفل أسود
ملعقة صغيرة من مسحوق الفلفل الأحمر
ملعقة كبيرة من معجون الطماطم
كوب ماء
2-3 أغصان من المعدنوس

صلصة البشاميل:
ملعقة كبيرة زبدة
ملعقة كبيرة دقيق
كوب حليب 300 مل
ملح وفلفل
#الطريقة
قشر وابشر البطاطا
اعصري عصير البطاطس المبشورة بيديك وضعيها في وعاء الخلط
أضيفي جبنة الشيدر والبيض والفلفل الأسود والملح والفلفل الحار إلى البطاطا واخلطيهم
اضغط عليه بشكل مباشر على صينية مبطنة بورق الزبدة
تُخبز في فرن محمّى على190درجة حتى يتحول لون الجزء العلوي والسفلي إلى اللون البني الفاتح
للحشوة الداخلية
اولا يُقلى اللحم المفروم في المقلاة حتى ينضج
يضاف البصل والفلفل ويقلى بنفس الطريقة
نضيف البهارات ومعجون الطماطم ويقلى
أضف الماء الساخن واخلطه عندما يجف من الماء ارفعه عن النار
اخرجي الصينية من الفرن وغطيها باللحم المفروم
قم بلفها ووضعها في منتصف الصينية

اسرار نجاح الجينواز👍
1_ اول حاجة عندكم قواعد تبعوهم :
بيضة وحدة فيها = 30g سكر = 30g فرينة = 5gكاكاو
❤ مثال: 5 بيضات معاها = 150 سكر / 150g فرينة
2 _ الحاجة لي تخلي الجينواز تاعكم تهبط مكمش طلعو فيها مليح ثاني حاجة طلعو البيض و سكر 10 دقائق احسبو لها لازم نقولو بديتو طلعو فيها 10.00 تولي 10.10 تحبسو و تحطو فرينة الوقت عندو دور كبير فيها
3_ الفرينة غربلوها و حطوها على 3 دفعات و كي تخدموها بالسباتيل لازم تخلطو من الفوق للوطة
4 _ المول لي باش طيبو فيه قبل ما تخدمو قيسو قداه فيه و اعرفو قداه يهزلكم من عضمة متخدموش هكاك بلاطو تاع 6 عضمات نتوما تعملو فيه 3 ;
❤ 5 عضمات طيبوهم ف بلاطو 30 على 40 سم
و في لي مول تاع لاير كايك كل ما كان المول صغير و ضيق باش تطلعلكم
5 _ في الجينواز لي تزيدو لاروم كي تولي دقيقة 8 حطو لاروم لي حابين اما تاع الكاكاو متحطوش كل محطيتو كاكاو نقصوفرينة كل عضمة = 5g كاكاو
6_ الفور مايتحلش جملا وقت الطياب وتطيب من 20/25د و لازم تلقاوها نشفت و من بعد تسكر الفور و خليوها فيه بعد و كي تسكرو تهبط طول
7 _ كي طيب و تبرد خبيوها لغدوة باش تخدمو بيها جامي تخدمو بيها ليلة نفسها تتفتت كان تتقص
5 عضمات يطلعو مع 150 سكر مدة 10 دقائق من بعد حطو
فرينة على 3 دفعات مغربلة و خلطو من فوق للتحت بالسباتيل و كل ما تزيدو كاكاو نقصو فرينةوالفورميتحلش و وقت الطياب

في مقلة ديري شويا زيت و سكرفجي سنات ثوم مع شويا جاج مقطع قطع صغيرة قليهم شويا بعد زيدي ملح و فلفل لكحل و كمون و راس حانوت لصفر و كركم و شويا فلفل احمر قليهم مع ثوم و جاج بعد زيدي زيتون اخضر مقطع بعد ديري كاس ماء مهم متخليهمش يتحرق ثوم و خليها تطبخ شويا بعدها مرقيها مشي بزاف ماء و قطعي بطاطا طويلة خشينة و ديريها داخل مرقة و قطعي حبة طاطا مدورة و ديريها فوق بطاطا و خليها تطبخ حتى طيب بطاطا ايذا شفتي بطاطا مطابتش زيزي ماء بعد كي توجد بطاطا كسري فوقها بيض و رشة معدنوس و خلي بيض يطيب

صابلي المقاهي

250 غرام مرغرين طرية
زوج صفار بيض
رشة ملح
كأس سكر ناعم
نصف كأس زيت
فانيليا
نصف كأس مايزينة نطم العجينة ب
ربعة كيسان و نص فرينة
ملعقة صغيرة خميرة حلويات
نحط العجينة في سطح العمل و نفتحها بالحلال نشكل دوائر حجم كبير و ندخلهم يطيبو
كي يطيبو نديرلهم معجون و نص نرشهم بسكر ناعم و نصف بالشوكولاطة كنت ذوبتها في حمام مائي

بطاطا كوشة بالدجاج

التتبيلة: في بول نحط عكري.فلفل اسود.راس الحانوت.زنجبيل.كاري.عصير ليمونة.5فصوص ثوم مفروم.زيت زيتون او عادي.ملعقة طماطم علب.ملعقة هريسة.ملعقة موتارد.2ورقات رند.زعيترة و نخلط مليح حتى يتجانسوا و نقسمها على 2 الجزء الاول نحط فيه أطراف دجاج و نزيد الملح نخلط مليح و نخليهم يتشربوا التتبيلة.الجزء الثاني تاع التتبيلة نزيدله كمية بطاطا مقطعة دوائر رقيقة.كمية بصل مقطع شرائح.كإضافة اذا توفر الزيتون الاخضر.نخلط مليح و نفرغها في صينية. في مقلاة نحط 2ملاعق زبدة كي تذوب نزيد أطراف الدجاج و نحمرهم مليح كي نشوف المقلاة قريب تتحرق نفرغ شوية ماء في البول لكان فيه الدجاج و نفرغه في المقلاة غير تغلي غلوة نطفي نستف الدجاج فوق البطاطا و نفرغ فوق الصوص و نرمي قطع زبدة و نغطي بالالمنيوم و ندخلهم للفرن درجة الحرارة 180* حتى يطيب كل شيء و يأخذوا اللون الذهبي

طاكوس في الفرن ( طاكوس قراتيني)

المقادير:
خبز التورتيلا الخاص بالطاکوس
هريسة (او صلصة حمراء او كاتشب)
دجاج مقطع مربعات مع التوابل حسب رغبتكم( شاورما)
بصل مفروم
بطاطا مقطعة مكعبات ومقلية
صفار بيضة
فرماج میشور
زيتون دوائر
💮طريقة صلصة الجبن
كريمة سائلة نضعها في كسرولة حتى الغليان ونضيف اليها حفنة من الجبن المبشور ، نضيف الملح والفلفل الأسود، نخلط جيدا حتى الحصول على كريمة ناعمة وخاثرة
⚘طريقة
نطلي القليل من الهريسة على الخبز نضيف دجاج ، البصل، البطاطس، ثم اللحم ثم البطاطس ثم صلصة الجبن، نغلق الطاكوس ووضعه في صينية فوق ورق الطهي ، نطلي الوجه بصفار بيضة ثم بصلصة الطماطم ونرش الفرماج المبشور والزيتون دوائر وندخله الفرن.