لاكيني نده اعلَه الباب
فك شباجك من بعيد
ازف روحي هوه وعطاب
اغازل واهس اضنونك وتكشمر هوه وعصفور من تتجادح اعيونك


هاشم الخزاعي

عصريه ومطر نكاط وتمنيت

نكعد بالمجان البيه تلاكينه


حسين الناصري

سهرنالك دهر
ما جيت

مظفر النواب

أنا من شكَيت زيجي احتركَت ايدي
وأنت من شكَيت زيجك شفنه گمره


كاظم الكاطع

إعلى متني وتحلم بغيري
شوكح حلمك

ايهاب عيال الظالمي

وجع وحشه وظما ايفتت
أناشغ والدموع اتكت
شاورني الجرح عوفه وكَلتله اسكت

عبد الكريم القصاب

واچل عليك ..
ليل و چل على محبين
ومشابك ورنة كاس ..
واشبگك شبگة جويريد من يشبگ اركاك الناس


هاشم الخزاعي

شيواسيني
وانا بلياك محد شافني شبيه 
ضحكتي غروب صيف 
وحزني ظهريه

وجه سجه قديمه
وناسي بدويه 
ولا واحد دره شبيه

مسلم الصيمري 

حارت وياهم يذكروها المضى وگالوا أشدعوه
وأصبحت مثل اليهد وحيد چدام الزلم
وبعازة أخوه ينولي وخالي الظهر
مهظوم بدموعة أيتچّوه

عريان السيد خلف

أنه المنّي صناديگ الحجي أنباگت
بنص الليل ، أنه البيه بساتين الحجي
أحتركت بنص الليل

باگو صوتي نص الليل
خلوني بطرگ طاس من الخرس
بيهة اجدي الصوت


كاظم الگاطع

اقراني واحد مختنگ

ضاگت بعينه ولايته

مشتاگلك لكن هلك

يستكثرون حچايته

ضليت اگلب بالنجم
ياهي الگبالك بايته

نهاد الخيگاني

شما طاريك يذبل
على شفاف الناس اشوفه
يورّد بعيني



مصطفى الخزاعي

وهي لو بالعيد طلعت
يضحك العيد على روحه


محسن الخياط

نايم
والله يدري بهلسبايه
تفاحه من تفاحه تخجل
واكبر التفاح يتماوج غنج
يزيح لحاف عن لحاف
والدنيا شته
نايم وكلشي ايتثاوب..
روحي والشباچ والبيبان
وورود المخده

الحلفي

وانه والمسج والليل وانت النوم
واغمّض عود اجيسك يا ترف تاخذني زخة لوم
واكَلك : ليش وازيت العمر يفلان
يفلان العمر … يشكَر ولك يفلان
شيوكف العمر يفلان وهجرك دوم


مظفر النواب

خسرتي انسان
چان يضمج من الناس بهدومه

ادهم عادل

متونسين وجرحي يناشغ
وخنجرهم يضحك لذنوبه

چا يمتى العباس يشوّر
كلّش طالت
مامش حوبه

عبدالكريم القصاب

ويارسام خط حواجبك كالقوس
وسهام الرموش منبله تنبل
يل عينك جزيره ادور بـيــة الخيل
وماينمسع منه الصوت من تصهل
وخلطه من الزبـد وي كيمر المعدان
وناكع بلحليب الطول ليهلهل

محمد الغريب

جثير من العشك جريته مجرار

لگاح بنخله ميته شلون يثمر


الراحل محسن الخياط

رحيل ايجر رحيل
العمر مدري لوين ..

لكن مو مهم وين المهم ترحل

هية من العدم للعدم لاتحتار
سفر وبكل محطة الناس تتبدل