الليل وإنت علي جا وين المروه
النوب واحد يجي لو إنت لو هوه


عبد الكريم القصاب 

كل ضني منشوفك عيني ترتاح
ماضنيت تمشي وتبقه الطيوف
ششوف وعيني ظلت باقيه وياك
انه وياي عيني وكلشي ماشوف

همام رافد

بطيفي يولفي اجيت امس
و عليك من طيفي غرت
كتلك ما اريد الگمر يشوفك
عاندتني ويم الشمس سيرت

علي حسين

كلهن سولفتهن لو بعد منهن
شد عيني بعصابه
واخذني مغمض اندلهن
واندل وين مضمومات
واعرف ليش دافنهن
مثل شايب خلص عمره
وبقه بعود الصبه يدندن

كاظم الكاطع

دخنت واختاضيت بيه وجه النار
جن عركه عد معدان بيه التفك ثار

شايف بالعزيز انته تفك ثار
تحس بالكتلو بروحك تفك ثار
امجبل واسمع بيتي تفك ثار

بس كمت ماضليت ومتاني فزعه
جن جيله ونطكيت مالها رجعه

مهند الشويلي

يجذبني
و اجذبه
و بالعشك نحلف
و فنه الكال إحبك دون ما يرجف

ايهاب الظالمي

ولا رف الجفن من خطف طاريهه
نستني وگلت ناسيهه

كاظم إسماعيل

وشفتك منجل وكلتلهم إستفهام
بس كالولي عمي صويحبك زنجر

سعد شميل

شراعٌ ابيض
كفنٌ ابيض
لونٌ واحد للرحيل
غيومٌ سود غيومٌ بيض
و المطرُ بلا لون
غيومٌ سود غيومٌ بيض
لا عنصرية في السماء

كاظم الحجاج

نبض لا مو نبض كلبي يرى شبي
صخر وبدم شرايينه يرشبي
لون حادي الفجر حالي يرشبي
فلا اشرقت شمس الله عليه

كرم السراي

أريد إلمـا تـريده النْـاس
وأحلـم بالـظلام يشوف
أهيـمْ إمن الحزنّ وأوكـَف إبطولـيِ أشراع
ولـك مـاي النـهر كـل عمره بس .. إوداع
الوطـن بيـن الاصابع ما يمس الگٌـاع
أفـرح يموت الفرح
أحزن يـوّج أسرار

عزيز السماوي

حزني المبين بيش استره
مفضوح چن دم اعله غتره

عقيل العرد

العشگ والغربة ودموع السهر
اول تالي احچي وي الصور

ايهاب عيال

انلم الوجوه
الصدّگ و الچذب و المصبوغ توه
ونمتحن بالماي
نسبح و النظيف ايفوج و الوجهه كواغد ينمرد بالماي

الگاطع

غَلينـي تَرانـي أسـوى
أسـوى تعيشلـي ومـا تلتفت يَمهـم
أسـوي إتكـون إليـه وتبتـعد عَنـهم'

أحمد ابراهيم

افيش والله
حلم بالبوس طرزني
لا طال عمره الذي من النوم فززني

عبد الكريم القصاب

ضعت ودروب المتيهين
يطويهه الهظم مغزل
ضعت والدنيا ماتندل

مصطفى الخزاعي

صار سنين اطك حجار بحجار

واول ماشعلت النار مطرت

گلوب الماصحت من ذيچ الجروح
تبقـه مفطره رجلين رعيان


كاظم إسماعيل

شفت وردة إزدهرت
مابين عاگول ، تمد رگبتها لخيوط الشمس
تحلم عمرها أيطول
لچّن هالشوگ آه الشوگ
خنجر حسد مسلول


سفاح عبدالكريم