🔉 "Jasorat maktablari”ga oʻquvchilarni qabul qilish va taʼlim jarayonlari tartibi tasdiqlandi

⭐️Maktabgacha va maktab taʼlimi vazirligi hamda Mudofaa vazirligining 2025-yil 23-maydagi tegishli qoʻshma qarori bilan “Umumiy oʻrta taʼlim muassasalaridagi “Jasorat maktablari”ga oʻquvchilarni qabul qilish va oʻquv-tarbiyaviy jarayonni tashkil etish tartibi toʻgʻrisida”gi Nizom tasdiqlandi.

✅ Unga koʻra, “Jasorat sinflari”da:

✅ oʻqish muddati yetti yildan (5 — 11-sinflar) iborat boʻladi;
✅har yili 4-sinfni bitirgan 26 nafar oʻquvchi 5-sinf uchun tanlov asosida qabul qilinadi;

✅ “Jasorat maktablari”ga kirish imtihonlari qay tartibda oʻtadi?

✅ oʻqishga kirish uchun nomzod oʻquvchilarning hujjatlari “ariza.piima.uz” platformasida onlayn shaklda qabul qilinadi;

✅oʻqishga uchun kirish imtihonlari ikki (test hamda jismoniy) bosqichda amalga oshiriladi;

✅ test sinovlari oʻtkaziladigan fanlar boʻyicha topshiriqlar spetsifikatsiyasi va baholash mezonlari Maktabgacha va maktab taʼlimi vazirligi tomonidan har yili imtihon boshlanishidan bir oy oldin eʼlon qilinadi;

✅ test sinovlari ona tili va matematika fanlaridan tashkil etiladi;

✅ kirish imtihonlarining yakuniy natijalari har yili avgust oyida vazirlik va Jasorat maktablarining rasmiy veb-saytlarida eʼlon qilinadi;

✅“Jasorat sinflari”da taʼlim jarayonlari qanday olib boriladi?

✅ taʼlim jarayonlari 5-11- sinflarda kunduzgi taʼlim shaklida, umumiy oʻrta taʼlim muassasalari uchun belgilangan davlat taʼlim standartlariga muvofiq amalga oshiriladi;

✅ matematika, CHQBT, tarix, jismoniy tarbiya, chet tili, fizika fanlari chuqurlashtirilgan holda oʻqitiladi;

✅ oʻquv yili davomida ikki marta harbiy poligonlarda, har chorakda bir marta harbiy qismlarda amaliy mashgʻulotlar olib boriladi;

✅ 9-sinfni yakunlagan oʻquvchilarga tayanch oʻrta taʼlim toʻgʻrisidagi shahodatnoma, 11-sinfni tamomlagan oʻquvchilarga umumiy oʻrta taʼlim toʻgʻrisida shahodatnoma beriladi;

✅ "Jasorat maktablari”ni bitirgan oʻquvchilarga qanday imtiyozlar bor?

✅ aʼlo baholar bilan tamomlagan hamda “Vatan tayanchi” otryadining aʼzosi boʻlgan bir nafar oʻquvchiga Mudofaa vazirligi tomonidan oliy harbiy va harbiylashtirilgan hamda yuridik taʼlim muassasalariga oʻqishga kirish uchun imtiyozli tavsiyanoma beriladi.

🔗 Maʼlumot uchun: Oʻzbekiston Respublikasi Prezidentining 2024-yil 15-noyabrdagi tegishli qarori bilan “Jasorat maktablari” roʻyxati tasdiqlangan.

➡️Yangiliklarni kuzatib boring:

Telegram | LIVE | Facebook | Youtube | Instagram | X | TV