Ҳукуматдан мунтазам равишда юқори лавозим талаб қилиб келаётган фуқаро Олим Сулаймоновнинг ижтимоий тармоқлар орқали тарқатаётган асоссиз маълумотлари юзасидан Тошкент вилояти ҳокимлиги расмий баёнот берибди.

Анъанага кўра, Президент Шавкат Мирзиёев ифторлик тадбирида иштирок этди.

Бутун республика бўйича 60 мингга яқин киши (асосан ногиронлиги бор ва эҳтиёжманд одамлар)га ифторлик ташкил қилинди.

Яхшиларнинг иши – яхшилик қилишдир!

Депутат пойтахт ҳокимига сўров юборди

«Тошкент шаҳар планетарийси» оператив бошқарув ҳуқуқи асосида «TOSHKENT INVEST KOMPANIYASI» АЖга ўтказилиши юзасидан Қонунчилик палатаси депутати Одилжон Иминов Тошкент шаҳар ҳокимига депутатлик сўрови юборибди.

«TOSHKENT INVEST KOMPANIYASI» АЖнинг 100 фоиз улуши Тошкент шаҳар ҳокимлигига тегишли, яъни хусусий компания эмас. Унинг асосий вазифаларидан бири – боғлар, хиёбонлар ва дам олиш масканларини реконструкция қилиш ҳисобланади.

Бироқ, илмий-маданий аҳамиятга эга ушбу масканнинг хусусий қўлларга ўтиб кетиш эҳтимоли, шунингдек, у ердаги кўп йиллик дарахтларнинг тақдири масаласида депутатнинг хавотирлари ўринли. Чунки «инвестор» ниқоби остида бирорта дом қуриб-сотар эга чиқиб қолиши мумкин.

Ўтган йили ушбу планетарийни таъмирлаш ва «Planetariy» ёзувини декоратив тарзда ўрнатиш учун Халқ депутатлари Тошкент шаҳар Кенгаши ҳамда пойтахт ҳокимига тегишли қарорлар билан 1,4 миллиард сўм ажратилганди. Аммо бу ишлар амалга ошганми-йўқми – менда бу ҳақда аниқ маълумот йўқ.

Тошкент шаҳар ФВБ бошлиғини зами қамоққа олинди

Тошкент шаҳар Фавқулодда вазиятлар бошқармаси бошлиғи ўринбосари ўз хизмат мавқеини суиистеъмол қилиб, Тошкент шаҳрида қурилиши режалаштирилган биноларнинг эскиз лойиҳасини тасдиқлаш, ёнғиндан автоматик тарзда хабар берувчи қурилмалар бўйича тузилган далолатномаларни имзолаш ҳамда янги қурилган ёки реконструкция қилинган биноларни Давлат қабул комиссиясига фойдаланишга топширилишида ижобий хулоса бериш эвазига доимий равишда тамагирлик йўли билан пора олиб келган.

Энг ачинарлиси бундай объектлар ичида умумий ўрта таълим мактаби ва тиббиёт муассасаси бинолари ҳам бор.

Ҳозирда мазкур шахсга нисбатан Жиноят Кодексининг тегишли моддалари билан жиноят иши қўзғатилиб, қамоққа олиш тарзидаги эҳтиёт чораси қўлланилган.

Эковазирлик делегациясининг Корея Республикасига ташрифи

Эковазирлик делегацияси 24–29 март кунлари Корея Республикасига амалий ташриф буюрди. Ташриф давомида экологик экспертиза ва атроф-муҳитга таъсирни баҳолаш тизимларини такомиллаштириш, стратегик экологик баҳолаш ҳамда углерод нейтраллигини таъминлаш бўйича ҳамкорлик масалалари муҳокама қилинган.

Шунингдек, Эковазирлик ҳузуридаги Давлат экологик экспертизаси маркази ва Корея Республикаси Атроф-муҳит институти ўртасида меморандум имзолаган.

Ушбу ҳужжат доирасида тизимларни такомиллаштириш, жамоатчиликни экологик қарорларга жалб қилиш, қўшма лойиҳаларни амалга ошириш, миллий қонунчиликни халқаро стандартларга мослаштириш, пилот лойиҳаларни ишлаб чиқиш, ўқув-семинарлар ташкил этиш ҳамда KOICA қўллаб-қувватлаётган лойиҳа асосида ҳамкорликни ривожлантириш назарда тутилган.

Миграция агентлиги хорижда ишлайдиган ҳамюртларимиз томонидан йўл қўйиладиган 7 та хато ва уларнинг 7 та ечими бўйича фойдали видеоролик тайёрлабди

Видеода чет элда ишлаш жараёнида йўл қўйиладиган асосий хатолар ва уларнинг ечимлари ҳақида батафсил маълумот берилган.

Шунингдек, муаммоларни тезкор ҳал қилиш учун агентликнинг 71 202 33 55 ва 1282 (қисқа рақам) телефон рақами орқали боғланиш мумкин.

Хориждан туриб боғланиш учун 24/7 режимида бепул ишлайдиган телефон рақамлар рўйхати мана бу ерда кўрсатилган.

Хорижда меҳнат қилаётган дўстларингиз ва яқинларингизга юбориб қўйинг!

Ахборот манипуляциясидан ва ёлғон ахборотдан
ҳеч кимга фойда йўқ — Раззоқ Алтиев

Хитой масаласи атрофида жуда кўп гаплар бўлди, кимдир тўғри масалани кўтаришга ҳаракат қилган бўлса, айримлар бу мавзуни ўзини пиар қилиш, обуначи ва лайклар йиғиш учун суистеъмол қилишга ҳаракат қилди.

Ёлғон гаплар, тасдиқланмаган хабарлар ва манипулятив чалғитувчи маълумот урчигандан урчиди. Жамият сифатида ушбу ахборотларни ҳазм қилиш, яъни оқни қорадан ажратиш қанчалик муҳим ва зарур эканлигини тушунганлар тушунади. Чунки, ҳар қандай масалада майли ҳатто конструктив мулоқот бўлмасада, ҳеч бўлмаганда ёлғон ва чалғитувчи ахборотларни тарқатишдан тийилиш жамият барқарорлиги учун зарурдир.

Тошкентни 60 фоизини хитойликлар сотиб олди деган, олтин конларини олишди деган, Тошкент картасини кўрсатиб, хитойликлар олган ерлар деб тарқатилган фейклар афсуски шулар жумласидандир. Энг ачинарлиси, шунга ўхшаган ёлғон ахборотларни расман ОАВ сифатида давлат рўйхатидан ўтган таҳририятлар, таниқли блогерлар ва фаоллар тарқатди. Ҳеч ким муҳокамаларга, сўз эркинлигига қарши эмас, албатта буни қўллаш керак ва яқин тарихимизда эришилган энг катта ютуқларимиздан бири ҳам сўз эркинлигидаги жиддий қадамлардир.

Ҳуқуқшунос ўлароқ мен бу масалаларни тўғри англашга ҳаракат қиламан. Муҳим нарсани тан олиш керак, унинг жамият учун жуда зарурлигини баралла айтиш керак. Сўз эркинлиги айнан шундай институт. Шунинг учун, сўз эркинлиги билан баробар сўз масъулияти ва қоидалари юради. Бири бирисиз бу икки тушунча яшай олмайди, акс ҳолда жунгли қоидалари билан яшаш керак бўлади. Кўплаб давлатларда айнан ахборот манипуляцияларга йўл қўймаслик учун масъулият кўндаланг жой жойига қўйилган, жавобгарликлар ҳам белгиланган. Бизда ҳам бор.

Демократ.уз вебсайти хитойликлар масаласида бу балансни унутган кўринади. Чунки, юқорида мисол сифатида келтирилган Тошкент харитасини кўрсатиб, халқа қилиб хитойликлар олган ерлар деб ёлғон маълумот тарқатганлар шу таҳририят аслида. Нега мен амин бўлиб бу маълумотни ёлғон деяпман, чунки Ўзбекистон қонунчилиги бўйича ерни чет элликлар сотиб олиши мумкин эмас. Ундан ташқари, Тошкентни бу даражада катта майдонлари чет элликларга ўтиб кетгани йўқ, бу ҳақиқатдан йироқ маълумот. Айнан шу харита расми тинмасдан барча сайтларда ва тармоқларда тарқатилди, дод войларга туртки бўлди.

Мен эътибор қилган битта жиҳати шу! Бошқа томонлари ҳам бўлиши мумкин балки. Хўш, шу тарқатилган ёлғон бўйича ҳуқуқни муҳофаза қилиш органлари тегишли ўрганиш юритиши керакми? Улар ўз функцияларини бажариши керакми? Қонунлардаги тартиб бўйича сўров бўлиши керакми ёки йўқми? Журналистлар ёки ОАВ учун қонун ишламайдими? Улардан сўров бўлса, ўз аудиториясидан фойдаланиб, асоссиз дод-войлаб ваҳима қилиш керакми? Албатта йўқ, ҳеч кимни бунга ҳаққи йўқ. Қонундаги мажбуриятларни бажариш ОАВларга ҳам тегишли. Ҳуқуқни муҳофаза қилувчи органларни ишига аралашиш нотўғри ва ноқонуний! Процессуал жиҳатдан барча ҳуқуқлар кафолатланган, ҳеч ким ўзича қарор қабул қилиб, кимнидир қамаб қўймайди ҳозирги шароитда.

Шунинг учун, айрим ўзини ҳуқуқ ҳимоячилари деб атайдиган, пиарга ўч, охирги пайтларда билимида катта тешиклари кўзга яққол кўриниб қолган инсонларни ваҳима ва асоссиз айбловлар тарқатилиши жуда ачинарлидир.

Мана шу нопрофессионал ишловчи таҳририятни ёнини олиб, яна бизнинг машҳур ҳуқуқбонимиз Ташанов жаноби ўзи охиригача тушунмаган соҳасида тилга кирганиям бор гап. Одамда бет қалин бўлса қийин экан, давоси йўқ ҳисоб. Ўзини бир тийинга қиммат фикрини асослаш учун бу сафар манипулятив методларни қўллаб, амалдорларни фамилиясини қўшиб пост қилибди, бу жуда қўл келадиган тактика ҳозир, ваҳима қилиб, хайп қилмасанг, ким ҳам сени постингни ўқирди. “Уддабурон” Ташанов, ҳар сафаргидек биронта қонуннинг нормасини келтирмай, биронта асос келтирмай, Демократ.узнинг фейкига шерик бўлган.

Тўғриси, бу каби сохта экспертлар, сўз масъулиятини унутиб қўйган, оммани чалғитишдан бошқасини билмайдиганларга нисбатан жамиятимизда “ҳимоя вакцинаси” шаклланиши устувор вазифа, деб ҳисоблайман. Бу каби инсонлар, ўзларини қабиҳ мақсадида ҳар қандай нарсага тайёр, бу кундан кунга аён бўлиб бормоқда.

Чиқинди хизмати учун тўловни энди «Toza Makon» мобил иловаси орқали амалга оширса бўларкан.

Илова ёрдамида жорий қарз, тўловлар тарихи, турар-жойда рўйхатдан ўтганлар сони, кадастр рақами ва уларнинг ҳудуди учун масъул бўлган санитар тозалаш корхонаси ҳақида аниқ ва тушунарли маълумотларга олиш мумкин.

Иловадан фойдаланиш учун App Store ёки Play Market дан «Toza Makon» иловасини юклаб олиниг.

«Мусор»га пул тўламасангиз, «свет»га ҳам тўлов қилолмайсиз.

Энергия тарифлари нархи оширилиши кечиктирилди!

Президент Шавкат Мирзиёев аҳоли ва тадбиркорларни қўллаб-қувватлаш мақсадида муҳим қарор қабул қилди:
Электр энергияси ва газ бўйича янги тарифлар 1 апрелдан эмас, 1 майдан кучга киради!

Бу қарор аҳоли ҳамда тадбиркорлар учун яна бир имконият: уй-рўзғор ва бизнес харажатларини режалаштириш, янги шароитга тайёргарлик кўриш мумкин. Президентимиз бу топшириқни «аҳоли, иқтисодиёт тармоқлари ва тадбиркорлик субъектларини ишончли таъминлаш ва қўллаб-қувватлаш» мақсадида берган.

Демак, муҳим ўзгаришларга бир ой вақт бор. Энг муҳими — давлатнинг эътибори ва халққа бўлган ғамхўрлиги яна бир бор намоён бўлди.

Яна гир айланиб «тонировка» масаласига қайтаяпмиз. Ички ишлар вазирлиги ташаббуси билан муҳокамага қўйилган қонун лойиҳасига кўра, Маъмурий жавобгарлик тўғрисидаги кодекс 126-1-модда билан тўлдирилиб, рухсатномада кўрсатилган талабларни бузган ҳолда ойналарни қорайтирган ҳайдовчиларга БҲМнинг 1 баравари миқдорида жарима белгиланиши таклиф қилинмоқда.

Ҳар куни қаердадир даҳшатли авария содир бўлади, одамлар ҳалок бўляпти. Ёш болалар ўляпти. Бунга қарши чора кўриши керак бўлган идора эса пулли тонировкани устидан яна пул ишламоқчи. Аввало, ҳеч бир ҳайдовчи тонировкани ўзи ёпиштирмайди, хизмат кўрсатувчиларга мурожаат қилади. У мустақил равишда тонировканинг фоизини билиш имконига эга эмас. Лекин меъёридан оширилгани учун жавобгар бўлади.

Қонун тасдиқланса, ҳар куни рейдлар ўтказилади ва бунинг оқибатида асаббузарликлар кўпаяди. Охирги пайтлар ҳайдовчиларни мозгисини қоқадиган сабаблар анча камайиб кетганди-да, ўзи. Энди йўлларда тўпланиб турадиган «ГАИ»лар учун иш топилади. Ëки ҳамма жой камералашиб, ҳайдовчилар анча интизомли бўлиб қолганига (аввалгидан кўра) ГАИларни катталарига ҳеч ким илтимос билан қўнғироқ қилмай қўйган бўлиши мумкин.

Ҳукуматга қарашли бирорта хизмат машинаси тонировка учун рухсатнома олмаган. Қани, бирортаси, масалан, ГАИни каттаси ўзи фойдаланган «круговой тонировкали» машинанинг рухсатномасини мард бўлиб кўрсатсин! Қойил қолайлик.

Бизда тонировка масаласи қизиқ-да: ҳукумат мулозимлари учун текин — рухсатнома ҳам шарт эмас, камига лобовойга тонировка ёпиш учун солиқ тўловчилар пули ишлатилади, халқ учун эса пулли. Боз устига, меъёрдан ошди деган баҳона билан жарима солишни йўлга қўйишмоқчи.

Менимча, «круговой бетон» ойналарда юришни хуш кўрувчи мулозимлар ўзлари билан оддий халқ тенг бўлишини истамаяпти, ажралиб туришлари керак-ку, ахир. «Косаси оқармайдиган» қора халқнинг ҳеч бўлмаса машинасини ойнаси оқариброқ турсин дейишяпти, шекилли.

2025 йил 24 март куни Президентнинг «Чиқиндиларни қайта ишлаш соҳасини янада такомиллаштириш ҳамда комплекс тизимлаштириш чора-тадбирлари тўғрисида»ги 56-сон Фармон қабул қилинди.

Унга кўра, республикада чиқиндиларни қайта ишлаш соҳасида қуйидаги асосий йўналишлар белгиланди:

— мавжуд қаттиқ маиший чиқинди полигонларини 2030-йилгача 50 фоизга қисқартириш;

— янгидан ҳосил бўлаётган чиқиндиларни полигонларга йўналтирмасдан, максимал даражада қайта ишлаш ёки куйдириш, соҳага сиркуляр иқтисодиёт амалиётини жорий қилиш;

— «Нол чиқинди» тизими доирасида маиший чиқиндиларни шаҳарлардан олиб чиқиш, қайта ишлаш ва улардан экологик тоза энергия ҳамда бошқа маҳсулот ишлаб чиқаришга ихтисослашган зоналарни ташкил этиш.

Шунингдек, 2026-йилдан бошлаб чиқинди полигонлари Экология, атроф-муҳитни муҳофаза қилиш ва иқлим ўзгариши вазирлиги таклифига кўра Вазирлар Маҳкамаси қарорига мувофиқ ташкил этилади.

Президент Шавкат Мирзиёев Муборак Рамазон ҳайитини нишонлаш арафасида халқимизга хос эзгулик, бағрикенглик, инсонпарварлик, меҳр-оқибат ва кечиримли бўлиш каби олижаноб фазилатларнинг ёрқин ифодаси сифатида «Жазо муддатини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни афв этиш тўғрисида»ги Фармонни имзолади.

Фармонга мувофиқ, Ўзбекистон Республикаси Конституциясининг 109-моддаси 23-бандига асосан жазо муддатини ўтаётган ҳамда қилмишига чин кўнгилдан пушаймон бўлган ва тузалиш йўлига қатъий ўтган 488 нафар шахс афв этилди.

Афв этилган шахсларнинг 100 нафари асосий жазодан тўлиқ озод этилди, 268 нафари жазони ўташдан муддатидан илгари шартли озод қилинди, 34 нафарининг озодликдан маҳрум этиш жазоси енгилроқ жазо билан алмаштирилди. Шунингдек, 86 нафар шахсларга тайинланган озодликдан маҳрум этиш жазосининг муддатлари қисқартирилди.

Афв этилганларнинг 17 нафарини чет эл фуқаролари, 37 нафарини аёл, 37 нафарини 60 ёшдан ошган эркаклар, 167 нафарини ёшлар (шулардан, 1 нафари вояга етмаган) ҳамда 5 нафарини тақиқланган ташкилотлар фаолиятида қатнашган шахслар ташкил этади.

Фармон ижроси юзасидан афв этилган шахсларни оиласи ва яқинлари бағрига қайтариш, ижтимоий ҳаётга мослашиб, фойдали меҳнат билан шуғулланишлари, соғлом турмуш тарзини йўлга қўйиб, жамиятда муносиб ўрин топишлари учун уларга кўмак бериш бўйича масъул вазирлик ва идораларга тегишли топшириқлар берилди.

«Чиқиндисиз дунё учун!» — оммавий плоггинг экоакциясида фаол иштирок этинг!

Экология, атроф-муҳитни муҳофаза қилиш ва иқлим ўзгариши вазирлиги томонидан «World Zero-Waste Day»муносабати билан Қорақалпоғистон Республикаси, Тошкент шаҳри ҳамда вилоятларда кенг жамоатчилик билан биргаликда «Чиқиндисиз дунё учун!» оммавий плоггинг экоакцияси ташкил этилади.

Батафсил: gov.uz

Президентлар Ўзбекистон, Тожикистон ва Қирғизистон чегаралари туташган ҳудудда барпо этилган Дўстлик стеласини тантанали очдилар.

PS. Бугун кун тарихий сана ҳисобланади. Марказий Осиё дунёдаги энг зиддиятли чегараларга эга минтақалардан бири эди. Қирғизистон, Тожикистон ва Ўзбекистон чегара ҳудудларида йиллар давомида тортишувлар ва ҳатто қуролли тўқнашувлар бўлган.

Чегара билан боғлиқ тарихий муаммоларни тинч йўл билан ҳал этилишида Шавкат Мирзиёвнинг ташаббуслари ва саъй-ҳаракатлари муҳим ўрин тутади.

31 март – Марказий Осиёда «Дўстлик куни» деб эълон қилиниши лозим!

Марказий Осиё мамлакатлари ўзаро ҳамкорликни мустаҳкамлаш, тинчлик ва барқарорликни таъминлаш йўлида катта қадамлар қўймоқда. Шу нуқтаи назардан, 31 март санаси минтақа давлатларида «Дўстлик куни» деб эълон қилиниши керак, деб ўйлайман.

Яқин вақтгача қирғиз-тожик чегарасидаги, ёки умуман минтақадаги ҳар қандай низоли ҳолат биз, ўзбекистонликлар учун ҳам хавотирли эди. Чунки қўшниларимиз ўртасидаги зиддият бутун минтақанинг барқарорлигига таъсир кўрсатади.

100 йил аввал Туркистон миллий чегараланиши жараёнида сунъий ҳудудий бўлинишлар амалга оширилган. Ўша пайтдаги ҳийлакор сиёсат натижасида минтақадаги давлатлар ҳеч қачон чегара масаласида келиша олмаслиги кутилган. Аммо бугун бу тарихий жараён барчанинг ўнгида, мулоқот ва тинчлик йўли билан ҳал этилди.

Президент Шавкат Мирзиёев ташаббуси билан Ўзбекистон, Тожикистон ва Қирғизистон давлатлари ўртасидаги низоли ҳудудларга доир ечимлар таклиф этилиб, узоқ музокаралар натижасида адолатли келишувга эришилди. Бугун мазкур уч давлат раҳбарлари тарихий учрашув ўтказиб, давлат чегараларининг кесишган нуқтаси ҳақидаги шартномани имзоладилар.

Бу улкан воқеа муносабати билан Тошкент вилоятининг 60 дан ортиқ маҳаллаларида, айниқса, чегараолди қишлоқларида катта байрам сифатида нишонланди.

Марказий Осиё давлатлари ўртасидаги тотувлик ва ҳамкорлик бугунги ва келажак авлодлар учун тинч ва фаровон ҳаёт кафолатидир!

Вазирлар Маҳкамаси Избоскандаги масжид ҳудудида рўй берган бахтсиз ҳодиса оқибатида ҳалок бўлган фуқароларнинг оила аъзоларига ҳар томонлама кўмаклашиш ва жабрланган фуқароларга тез тиббий ёрдам кўрсатиш, ушбу бахтсиз ҳодисанинг келиб чиқиш сабабларини ўрганиш, шунингдек, бу каби фавқулодда вазиятларнинг олдини олиш мақсадида фармойиш қабул қилибди. Ҳукумат комиссияси тузилибди, унга доимгидек Раматов бошчилик қиларкан.

Агар битта фармойиш билан бу каби фавқулодда вазиятларнинг олдини олиш мумкин бўлса, нега ҳукумат шу фармойишини аввалроқ қабул қилмаган? Андижонда масжид таҳоратхонаси портлашини кутиб ўтирганми? Тўхтанглар, бахтсиз ҳодиса бўлсин, кейин олдини олиш чорасини кўрамиз дегандек, тавба. Кабминдаги Зокиров Орифхон иш вақтида котибият раҳбарини шахсий топшириғи билан ҳали қуриб битмаган таҳоратхоналарда ўралашмай, масжидларда фавқулодда вазиятларни олдини олиш бўйича чора-тадбирлар ишлаб чиқса бўлмасмиди?

Бирлашган Араб Амирликлари суди Исроил ва Молдова фуқаролигига эга бўлган раввин Зви Коганни ўлдирган уч нафар Ўзбекистон фуқаросини ўлим жазосига ҳукм қилди.

Манба: газета.uz