(( خرج الحسين ))

خَرَجَ الحسينُ من المدينةِ خائفاً
كــ خـروجِ مـوسى خائفاً يتـكتَّمُ
وقَدْ انـجلى عن مكــةٍ وهو ابنُها
وبـــهِ تشـرَّفَتِ الحـطيمُ وزَمْـزَمُ
لـَـمْ يــدرِ أينَ يُـريحُ بُـدنَ رِكابِهِ
فــكأنَّما الـمأوى عـلــيهِ مُـحـرَّمُ

ويــن رايــح سيــدي واليـا مـكان
ماكـو بالغــربه الــيسد من غربتك
وادم اتــريـدك رمـح وادم خيـول
ماكو عدهه اسمالله ناس التانتك
امــنين ماتنــدار دم باچر تـشوف
والارض متروسه بس من خوتك

وين رايح ....
حسين باچر كلشي رايح
وين رايح ....
باچر اعلى الغبـره طايح
وين رايح ....
الـيا ذبح واليـا صـوايح .... وين رايح

حافر يدوسك باچـر بالفله
وطــر عيـالك هيـمة كربله
باچر رماح ونوگ وسلسله
                  "" "" "" "" "" "" "" "" "" "" "" ""
يــآ أيُـهّا الـضّعـنُ علـىٓ مّهـلاًِ فقـدّ
الـمآءُ يغدُ ضِـدكُمّ جَنــبَّ الــعِدئّ
ضـمّأنّ غــدِاً فـ عيــآلكُم تتــلّضَىُ
يهوٓ على شطِ الفُراتِ كّفِ السِقئّ
وتُبـآصرُ الأنــضــارُ مّن يـهوٓ غدِاً
مـّن يهوٓ فـي الــبيداء دمً إِرتوئّ

باچر يفـت الـعـطش گلـب العيـال
ورده ورده تـذبــل اوجـوه الزغــار
اشـلون ضد اهـله يصير ويستراح
وشاهد اگلوب الحـرم محترگه نار
ارجـــع الگاصـدهم ابـلا ذمه نـاس
اتموت اعيـالك عطـش تسلبهه دار

هاي وادم ....
ماتــحب كل طـاري هاشـم
هاي وادم ....
ابخيل تسحگ كلشي نايم
هاي وادم ....
باچــر اتـسلـــب العــمـايم .... هاي وادم

اتعطش عيالك وتشيلك رمح
وتسبي عيالك بالنوگ الصبح
ومن الضــماير غيـرتهم تشح
                  "" "" "" "" "" "" "" "" "" "" "" ""
رُمحً عــلى رُمحً تــصفُ رِجآلهّمّ
عـلّمُ المـــنِيةِ شــآهرينّ بكّـفـِـهمّ
لايـسلمُ منــــهُم أحـد والـكلُّ ذىّ
اجسآدُهمّ فوقّ الثرىٓ اجسـآدُهمّ
سبعـينّ رأسً عــ القناةِ رَؤسـهُـمّ
والعآدياتِ تدُوسُ أضلُعّ جِسمهُمّ

عـميـه باچـر خيـلهـم لـمــن تـدوس
ماتعـــرف ازغــير لا تـعــرف چبــير
تطــلع ابهــيمه ركــض كــل الزغـار
ويعمي دخان الـخيام اشچم امــير
الهيمه مد الشوف هيه الحيره هاي
والزغـار الصعــبـه لـو بـاچـر تحـير

حيره حيره ....
الفشله من تعثر امــيره
حيره حيره ....
الطفل مايعرف مصيره
حيره حيره ....
الكلفه ماعدهم عشيره .... حيره حيره

الكلفه العلآوي خيمتهن تشب
والصعبه زينب غربه وتنتحب
يعذب اليــتامه ياماي الـشرب
                  "" "" "" "" "" "" "" "" "" "" "" ""
تُســبىّ غدِاً فّــوقَّ النيآقِ أمّيرةً
تُسبــىّ إلـى أرضً غــدِاً لآترحمُ
تّخشىّ عِيونّ النآضرينّ فمآ لهاّ
غــّيرُ الدِمـوعِ تَصـبراً وتــكّتـمُ
والقآئمينّ على السّبييِّ قّلوبهُم
أقسىّ مّن الجَلمودِ قلبً أعظّمُ

باچــر اعلــى النوگ يســبون الـدلآل
وديـره ديــره تـفـتر اعــيالك غــرب
احجــار حداي الــضعن گلبه خبيث
مايــرف مـنه رمـش وكـت الــدرب
الصعبه اخت عباس تركب عالهزيل
وتمشي مچتوفه ابحبل وي الغرب

شام باچر ....
تـدخل ومكســوره خاطر
شام باچر ....
ودمع يجري من النواضر
شام باچر ....
امشيبه من ضيم الحوافر .... شام باچر

سوگ الشـــماته مسبـيه تطر
والاكثر اصعب تدخل للقصر
اتنام ابخرابه من بعد الخدر
                  "" "" "" "" "" "" "" "" "" "" "" ""
خادم السلطان
سيد محمد الياسري

(( دمعتي تسولف ))


دمـعتي تســولف عذابي والله يعلم بالگلب
شدو اگبالي المحامل اهلي والمؤقف صعب
صحته لآوين ابسفركم بويه والمدمع يصب
بويه لاتتـرك علــيله خـذني مــا احمل غرب

صدن اعيوني ابعــيونه
ودنگت راسي وبچـيت
بالنضر ســولفنه كلشي
چلمه وحـده ماحچيت

دمعته ابعينه وشبگني وصار الاموادع عذاب
اموادع ابنـيه لبوها راسه شاب وراسي شاب

وگتله السفر طويل
شيــسوي بالــعليل
"" "" "" "" "" "" "" "" "" "" ""
حيرتي ساعة سفركم چن غصن بويه انحنيت
شفتـك اتصيـح الـخواتي وانه يمهن ماحچيت
صعدن ارقيه وســكينه شفـرق وعنهـن بــقيت
بـالبـنات اول خـواتـي بــويـه بفـراگ انـسـبيت

ريـض اشــويـه يـغـالـــي
خل أشبع اعيوني شوف
بـاچـر ولاعـرفـه رسـمـك
مـن الحـوافر والــسيوف

وياك اخذني ما اتعـبك مو مريضه وبيه حيل
خادمه خذني الضعنكم من يچلچل بويه ليل

اول جدم مـشيت
بس الجسد بقيت

"" "" "" "" "" "" "" "" "" "" ""
الــيفارگ اهله حاله يـشبه الورده يصير
ساعة إيسـير ضـماها تذبل وتبدي تحير
العايش الغربه تكبره حته لو عمره زغير
يعيش ذله الفـارگ اهله لو يسمونه أمير

يكتله تفــكيره اليــفارگ
وتخــلص ايـامه شجون
يسولف الروحه ودمعته
ها يــجـونـي ما يـجـون

الغربه چتــاله اليفارگ هذا الإيفارگ قريب
اشلون حاله الأيفارگ هم ابوه وهم حبيب

مــن الحــزن يموت
سكته وبـلايه صوت

"" "" "" "" "" "" "" "" "" "" ""
دمـعه دمـعه بالمـسافه تـخـلص ايـامي وامـــوت
اندب اهلي بيتي وحدي والصده يجاوبني صوت
يا اللـهي روحـي اخـذها صـرت اندبه ابكل قنوت
حالتـي بالغــربه چـنها اجـنازه غـاطيني السكوت

ادعي الله ابكل مسيه
ابداعت البالعته حوت
يا اللـــهي اهـلي اريداً
لــو تـردهـم لـو امـوت

الما يعـرف المـوت شنــهي وعنه يتسائل يريد
الموت مو موت النعرفه الموت عن اهلك بعيد

الــفرگه دواهـا بيـش
الفارگ صعب يعيش

"" "" "" "" "" "" "" "" "" "" ""
ابسط اجروح العشتها الخطوه الاولى من الوداع
مـن مشـو وعيـونـي تربي اهنانه حسيت الضياع
حـيرتي صـارت بـعدهـم چن سفـينه ابــلا شـراع
هـامت الـروح ابـحـزنها روحــي ما شـالـتـها گاع

آخــر ايامي اعـيـشن
مو نــفذ صـبر الدليل
بالحياة إيعيش إلمن
كــلمن يفـارگ خليل

ياحــسافه مــوتـي گـرب وانـه بالــغربه أعـيـش
أليموت اهله التشيعه وماعشت هاللحضه ليش

يهلي المرض يهون
يــمــي اذا تــجـون

"" "" "" "" "" "" "" "" "" "" ""
خادم السلطان
سيد محمد الياسري

(( ملحمة الكوفه ))


حـــي ابو مطهر .... بالـــرگاب إيكـر
هاشمي ولو فار .... الكوفه دم تمطر

بسمالله تــــوكل يصطر ابچــفه
هز الكوفه بــيده هزة السعـــفه
سوه الكوفه بيهه ساعة المحشر
حـــته المايبارز مــسلم امرجفه

شد بيهه الغضمفر .... جـــــرد صارمه
الرگبه الطگهه توصل .... لعنان السمه
من هاشــــم دخيله .... متــوارد كرم
عزب بيـــهه مــسلم .... زلـم الموزمه

يا مسلم ..... يا مسلم
"" "" "" "" "" "" "" "" "" "" "" ""
سـيـفه مايمـهِل .... بالرگـب يگــزِل
طب عليهم غيض .... ماتفض وتحِل

عــن بكـرة ابيها مســلم إيـذلـها
بيده يشدهه مسلم بيده الإيحلها
واحد بس تشوفه اتعادل اچفوفه
كل هـاي الجحـافل بالحرب كلها

مسلم وحـده بارز .... وتشوفه الزلم
عن جيش ويمينه .... يطشرها ويـلم
هوا العمه حــيدر .... يطلع بالحـرب
محد يلوي چفه .... وغامـض طلسم

يا مسلم ..... يا مسلم
"" "" "" "" "" "" "" "" "" "" "" ""
للـزلـم حـط حـد .... نــــــــاره ماتبـــرد
غيره من عباس .... ابراسه ضل تصعد

مـــن ســجلِ الحـياة اليـبرز يچزه
ريــشه اكبــر مقاتل مــسلم إيهزه
فارس ناده فارس شدهته الصطره
لو حيدر رجع لو راجـــع الحـــمزه

يندب هل مبارز .... والصنطه تشع
لو ابــره تذبــهه .... يمهم تنسمـع
صار اكبر مــقاتل .... خاتل بالحرب
القـاده كل لسنها .... يمـه تنــــبلع

يا مسلم ..... يا مسلم
"" "" "" "" "" "" "" "" "" "" "" ""
يسلّــــم الاسلّم .... الماعــلن ينــدم
سوه بيهه الحيد .... الكوفه شط الدم

شارب شارب امــدنگ صفــه الهامه
مايســلم بشر مــن شــدت اللـثامه
يمه اكبر مقاتل مـــسلم اتشـــــوفه
حجمه ازغير اقل من مستوه الشامه

سل سيفه وبداها .... يگــــطع بالـرگـب
حش بيهم دخيله .... چن حش الكصب
محد صــد يـمينه .... وكـــت المــوزمه
إيطّــير منه راســـه .... اليبرز بالغضــب

يا مسلم ..... يا مسلم
"" "" "" "" "" "" "" "" "" "" "" ""
هاشمي وطبعه .... غــيرته اترفعه
الفارس الطگاه .... يوصله للسبعه

البيهم جـابته أمه خــلي يدناله
عرج الغيره لو طگ وجه يحلاله
ماتعـب يمينه مــسلم وسيــفه
لا كافي عليهم مــسلم اخــياله

لو ضهضب تشوفه .... جلمود ونزل
رس هاشـم دخيله .... يحلاله الزعل
ابـلا رآي الاشـاوس .... تركض هازمه
المو يومه يــموت .... ابچفينه الأجل

يا مسلم ..... يا مسلم
"" "" "" "" "" "" "" "" "" "" "" ""
خادم السلطان
سيد محمد الياسري

(( ناقوس الحرب ))


دگ نــاقـوس الـحرب بيــده
فــاض اعــناد والزلم صيـده
يطخ الغيـم راس ابو فاضل
مـن الله الـباري تـــسديــده

لگـدهه المـهره وغـار
چبيـر اعظــم سـردار ... دخــيل اچفـوفه النار ... ابو فاضل
الفوارس يمه اطوف
يخوف حتـه الخوف ... البرزله ايضيع الشوف ... ابو فاضل

ما شاء الله ... قمر
غـيـم الله يلــمه ابـــرفـت رايــته
الجيش الي برزله احتار ابشردته
عبــاس الوحـيد الـيفرق بالحرب
مو ماي المعــسكر حط ابجـربته

دخيلك يا ابو فاضل ....
"" "" "" "" "" "" "" "" "" "" "" "" ""
زلمـــه يثير للـجـدل رسمـه
اليسمع مات بالحرب اسمه
الزلمه الجان اشجع اسلافه
داس الحيد بالحرب خشمه

الثــگــيل يـدور اثگـال
شجاع ابوصفه اشكال ... اذا يدخل زلزال ... ابو فاضل
عجـيـب ويـفـرق چـان
يــذل اكــــــبـر انــسان ... ابو فاضل فنان ... ابو فاضل

ما شاء الله .... قمر
مـن يــزعل دخــيله يمـطر مرجله
اسباع الطف تطخله اضل تتوسله
اليسلم من يمنته ويرجع بالحرب
راجع راسه بيده الرگبله امدلـدلـه

دخيلك يا ابو فاضل ....
"" "" "" "" "" "" "" "" "" "" "" "" ""
عن سبـعين صـارمه اعداله
عرج الغيض وجهه يحلاله
ماتعــب جـدمه ابو فاضل
كافـي يروح الهم اخــياله

لــغز حـيره النـاس
كهل ماشـــالك راس ... اليعرفك بس عباس ... ابو فاضل
الحديد ابچفه ايلين
ثـــگيل ابرسم العين ... اليخزره يصير اثنين ... ابو فاضل

ما شاء الله .... قمر
شــمس الله تطخله يتــلاهب جــمر
امضيگ الوسعه بالطف عـالرايد يفر
حـــاله مـــا مثــلها صــارت مـن قبل
بــيــده اللــي بــرزلـه يـحــفرله گـبر

دخيلك يا ابو فاضل ....
"" "" "" "" "" "" "" "" "" "" "" "" ""
مـتـمـرس مـن زغـر سنـه
طگ السيف والحرب فنه
مـالك صـار يشهد الزوده
من خـلاه سنه طگ سنه

مجازر سوه اهواي
يموت الراح الجاي ... اليشوفه ايضيع الراي ... ابو فاضل
يجلجل بيهم صوت
دخيله ابچفه الموت ... ابو فاضـل برهــوت ... ابو فاضل

ما شاء الله .... قمر
صــاغ الله عذابه ونــار الموزمه
بچفوفه ابو فاضل صب الحاطمه
مــن يدخل حسامه يگزل بالرگب
الطـگه راسه يوصــل لعنان السمه

دخيلك يا ابو فاضل ....
"" "" "" "" "" "" "" "" "" "" "" "" ""
فاير غيـض مايــطب بارد
مــن عبـاس مايـفر واحـد
من الجيش يسمع اباسمه
شـارد صـار يختل ابشارد

اخو خيته ونبراس
شــواب الــهــم داس ... ينگط غيره احساس ... ابو فاضل
ثگيل ورسـمه انـهاب
عجيب وكله اعجاب ... اليلوحه ابسيفه انعاب ... ابو فاضل

ما شاء الله .... قمر
اكـبر من خيـال ومــا تتـصـوره
نار السـبعه كلهه ابطــگت باتره
ابن ام الوفـاء الكـافـل هــيبـته
من مهده وتسمه ليث الگنطره

دخيلك يا ابو فاضل ....
"" "" "" "" "" "" "" "" "" "" "" "" ""
خادم السلطان
سيد محمد الياسري

(( اليعثر ابنص الشماته ))



اليعثر ابنــص الشمـــاته بالغــرب يولونه
ياضعن گاصد الديره الطايح يســحگونه
ياضعن ريض اخــيامك باچـر ولا خـيمه
باچر حسين الشماته من الگفه يذبحونه

صوايح .... نــوايح
من يـــرد المهر باچر خــالي
السلامه .... اليتامه
باچر اتهج من يطيح الغالي

حرمه حرمه باچر .... ترگض من الحافر
من تشب الخـيمه .... ينكـسر چم خاطر

واويلاااه ......
"" "" "" "" "" "" "" "" "" "" ""
ناس ماعدهم ضـماير واليطــيح اتســـلبه
الطايح ومهـدود حـيله بالخــيول اچــهبه
اليعطش يذبحون صوته بالـضمه يسبونه
ومحد يهزه ضمـيره وقطــره ماي يـشربه

يتعذب .... يتسلب
ياضعن باچر امير وذابله اوصافه
ينــادي .... فــؤادي
اتفطر من العطش خشبه اشفافه

حيره ترسم عينه .... والــعــده امـسلبـينه
ينســـمع بخيـامه .... حسره صوت اونينه

واويلاااه ......
"" "" "" "" "" "" "" "" "" "" ""
توضح ابعــينه دمـعته اليـــنكسر بـخوانه
ولو ســــلف ينــجاب يـمه مايسـد امچانه
ينحني ضهره ويباصر بس شماته الحـيره
اليطــــيح الله يعــينه وبالـــــفله نسـوانه

عــذابــه .... مــصابه
الشـــاهد اطفاله تـفـر نص هيمه
ابدمعته .... وكسرته
يشوف سوط ايطگهم ابلا شيمه

الحزن يذبح روحه .... ونــوحه يـكبر نوحه
البالفـــله نســـوانه .... الموته تبقه اجروحه

واويلاااه ......
"" "" "" "" "" "" "" "" "" "" ""
الغــربه للفــارگ اعـزازه بالغــرب چتــاله
واليموت ابغربه يشمت بيه حتـه اخياله
الماله خوان التشيله من يطيح اجروحه
بالشـــموس ويبقه عاري مــحد اليبـراله

يغـــسله .... ويــحمله
الماله اخو تترس اعيونه الحيره
اشكبرها .... ابكسرها
اليبقه هوا ابديره ضـعنه ابديره

كل دمعه يبچيهه .... يحرگ بلد بيـهه
حيره تجر حـيره .... ادموعه معانيهه

واويلاااه ......
"" "" "" "" "" "" "" "" "" "" ""
خادم السلطان
سيد محمد الياسري

خدام الحسين السلام عليكم اذا عدكم أستفسار على قصيده او لحن او اشكال يرجئ المراسله 07714292412 واتساب او تلگرام واني خادم لكل خدام الحسين ....💚

(( الاتفارك مثل عباس ))



الأتـفارگ مـثل عباس .... بالخــــوه بـعـد شــلها
تطلع والدرب عـثرات .... مـــن يــروح كـافــلـها
وانه الطلعت وشافوه .... جدمي والصعب حلها

يبن امي ارتاح وعـــوفــه
حالي ابيا حال اتــشـوفـه
مـــن اعــيونــك للـكـوفـه .... بضـــعون الشمات انروح
خيمه اطيح ابصف خيمه
ويعثـر جــدم ام الــشيمه
مـــا ننــدل درب الـهــيـمه .... وحسينك طايح مذبوح

آاااااه يبن أمي .....
"" "" "" "" "" "" "" "" "" "" ""
افـراگ الخــوه ماينراد .... ونـه كلـهم مـشـو عنـي
بدمـوعي اصــبر الروح .... حـرام الـنوم لـو مـرني
الهضمتني أخت عباس .... وهسه الحادي يآمرني

هـد حيــلي افراگ الــخـوه
بيــه يعــــيل المـــا يـسـوه
فــدوه الكـم زينـــب فدوه .... يحيود اتروح الدمعات
حــي هاشـــم تفــزع يـمـي
يفــت اجبال اشـگـد هـمـي
ابحلگ الغربه انجاب اسمي .... هاي التهضم والآهات

آاااااه يبن أمي .....
"" "" "" "" "" "" "" "" "" "" ""
مشتاگه الحچـيكم ذاك .... رجعو الخوه اريدنهه
أعيوني العينكم يحنان .... ماشـبعـت نضر منهه
تمنيت الأجــل لـلــروح .... مـرها وينـگطع ونهه

مــيته ولا هـذا الــبيه
مــحد فــز يــفزع ليه
زينب صـرت المسبيه .... بحـلوگ الشـمات اشلون
كــل الـمـا صــار وداير
بيـه الــيوم اكثر صاير
حارت أخت الما حاير .... بثمانين اطفال ام عون

آاااااه يبن أمي .....
"" "" "" "" "" "" "" "" "" "" ""
حگ الخـوه يالغافـين .... مـنــكم رايـده حــگـه
مايبـــرد جرح روحي .... الا ابـســاعة الـمـــلگه
الحرمه التنؤلي يهلي .... لخوها تركض اتشبگه

حگ الخوه اطلب گومه
لــيش انتم كلكــم نومه
طگ گلبـي من اهــمومه .... يمته اتفزعون الخيمات
مو طاحت خويه اعلينه
وجمر الخيمه امــچوينه
مـن نـطلع صــعبه البينه .... من نــتراكض مچـويات

آاااااه يبن أمي .....
"" "" "" "" "" "" "" "" "" "" ""
ابحليـب أمنـه احـلفكم .... بس لحضات ارجعولي
افراگ الخوه يالماشين ....  انحنيت وبين ابطولي
اذا بالـنــوم مـرتاحــين .... چنــــكم يـهلي گــلولي

راح امشي ابناگه هزيله
صعبه وانه اسمي عقيله
ناري ما تـــطـفه دلــيــله .... مســبيات انطب الشام
حالي اشگد يصعب حالي
غالي اخواني ابصف غالي
رد ضعـني ومنــكم خـالي .... مچتوفه وبيد الضلام

آاااااه يبن أمي .....
"" "" "" "" "" "" "" "" "" "" ""
خادم السلطان
سيد محمد الياسري