Odatiy xodimlikdan texnologik biznes egasiga aylanish uchun sodda yo'l xaritasi:

1. Maqsadingizni aniqlang

O‘zingizga savol bering:
- Men o‘z mahsulotimni yaratmoqchimanmi? (masalan: mobil ilova, veb-sayt, SaaS)
- Yoki frilans, startap, xizmat ko‘rsatish agentligi ochmoqchimanmi?
- Yoki mavjud bozor muammosini texnologik yechim bilan hal qilmoqchimanmi?

Aniq maqsad – aniq harakatlarni paydo qiladi.

2. Muammo toping – g‘oya shu yerda ana o'sha yerda yashiringan bo'ladi

Texnologik biznes g‘oyadan emas, muammoni topishdan boshlanadi:
- Ishingizda yoki kundalik hayotingizda qanday muammolar bor?
- Odamlar nimadan norozi? Nega vaqt yoki pul yo‘qotishyapti?
- Bu muammoni hal qilish uchun qancha pul to‘lashmoqda?

Yaxshi g‘oya – bu hal qilinmagan muammoga yaxshi yechim hisoblanadi.

3. Ishlayotganingizda tayyorgarlik ko‘ring

Ishingizni biznesni boshlash uchun trampilin sifatida ko‘ring:
- Pul jamg‘aring (kamida 6-12 oylik xarajatlaringizga yetadigan)
- Tajriba oling (texnik ko‘nikmalar, loyiha yuritish, mijozlar bilan ishlash)
- Ilk mijoz yoki foydalanuvchini ishxonadayoq toping (shu muammo sizni o‘rab turgan muhitda bormi?)

4. Kichik loyiha yoki VMVP tayyorlang

Ilk bosqichda to‘liq mahsulot emas, minimum ishlaydigan mahsulot (MVP) yarating:
- Oddiy veb-sayt, Telegram bot, Google form, Notion sahifa ham bo‘lishi mumkin
- Maqsad: ilovangiz yoki xizmatingiz foydalimi yoki yo‘qmi, sinab ko‘rish

5. Foydalanuvchi/Mijoz to‘plashni o‘rganing

Texnologik biznes = texnologiya + mijoz. Har doim quyidagilarga e’tibor qarating:
- Qayerdan foydalanuvchi topasiz?
- Qanday qilib ularga xizmat yoki mahsulotingizni tushuntirasiz?
- Ular sizga to‘laydimi?

6. Parallel ravishda daromad topishni boshlang

Asosiy ishda ishlab turgan holda:
- Konsultatsiya
- Kichik ilova yoki bot orqali passiv daromad
*Frilans xizmatlar tavsiya etilmaydi!

Daromad kira boshlaganda ishdan chiqish uchun qulay fursat keladi. Bunda o'z ishxonangizni oldindan ogohlantirish tavsiya etiladi.

7. To‘liq o‘z biznesingizga o‘ting, to'liq!

Quyidagilar mavjud bo‘lsa, ishni tashlab o‘z yo‘lingizga o‘ting:
- Kamida 6 oy yashashga yetadigan jamg‘arma
- Ishlaydigan biznes model
- Barqaror mijozlar/foydalanuvchilar oqimi
- O‘z ustingizda ishlashga tayyorlik (sabab: endi hamma javobgarlik sizda)


Agar yuqoridagilardan bittasi sizda yo'qligini sezsangiz, iltimos qayta o'ylab ko'ring. O'zbekiston sharoitida yana bir zo'r imkoniyat bor. Bu sherikchilik, hozir ishlab turgan joyingizga hech bo'lmaganda 1% sherik bo'lish imkoniyati borligini tekshiring agar bo'lsa kompaniya ulushdori bo'ling, chunki yuqoridagi 7ta ko'rsatilgan talablar odatda kamida 10+ yil tajribaga egalarda uchrashi mumkin, bu degani 100% kafolat degani emas. Shu sababdan xizmat ko'rsatish sohasida imkon qadar o'z korxonanggizda bosh qaror qabul qiluvchilar qatoriga o'tish uchun harakat qiling.

Agar gap startap haqida ketayot bo'lsa, unga alohida keyingi postlarda to'xtalamiz.

Do'stlarga ulashing, ko'proq odamga manfaatli bo'lishi uchun harakatdaman - @AlisherAhmatovich