Pul topishning zamonaviy lekin halol bo'lmagan yo'nalishlariga kirib qolmaslik uchun o'zingizga quyidagi savollarni berishingiz kerak:

• Xo'sh, bu mahsulot yoki xizmat turi halolmi?

• Xo'sh, bu ishimga sarflayotgan vaqtimda kimgadir foyda beryapmanmi?

• Xo'sh, menga pul bergan odam men orqali sarflagan pulidan ko'ra ko'proq manfaat ko'rmoqdami?


Ushbu uchta savol javobi "Ha" bo'lsa, demak daromadingiz haloldir!


#tafakkur_qiling

@muzaffar_vakkosov1

Oila qurguncha va oila qurilganidan keyin bo'ladigan nomahramlar bilan "Ishqiy" munosabatlar sulola karmasiga juda jiddiy tarzda salbiy taʼsir etadi!


So'ngi paytlarda inson nafsini "Bu seni o'zingiz!" deb o'rgatib, odamlarni nafsi istaklariga ko'ra yashashiga va nafsi lazzatlarini tuyushini bu sening ruhiy kamoloting deb ko'pchilikni poklanishga emas, aksincha kirlanishga majburlayotgan ta'limotlar ham paydo bo'lgan.

Karma bu his tuygʻularimiz sabab nozik tanamizga to'planadigan va tozalanishi kerak bo'lgan informatsiyalardir. Bu tuygʻular negativ bo'ladimi yoki nafsoniy lazzat bo'ladimi baribir karma yaratadi.

Odam (yigit, qiz) kimnidir (qarama qarshi jins vakilini) nafsoniy hirslariga ko'ra yoqtirsa va u bilan chuqur his tuygʻular darajasida munosabatlarda bo'lsa (hatto jinsiy aloqada bo'lmasa ham) bu o'sha odam bilan nozik darajadagi informatsiyalari oqimida birlashib ketishiga sabab bo'ladi. Ya'ni kim bilandir ishqiy munosabat bu o'sha odam karmasi va sizning karmangiz endi birlashib, uning ba'zi karmalari sizniki, sizning ba'zi karmalaringiz esa unikiga o'tganini anglatadi.

Bejizga Dinlarda nikohlanish marosimi mavjud emas. Nikoh bu juftingizni to'liq (faqat tanasini emas, ruhiy darjada ham) o'z yarmingiz sifatida qabul qilish va birgalikda poklanish uchun harakat qilishga ond ichishdir. Ya'ni siz endi uning shahsiy va sulolaviy karmasiga, o'z shahsiy va sulolaviy karmangizni birlashtirasiz va yangicha tarkibdagi oila ruhini yaratasiz! Keyinchalik esa, ushbu oila ruhiyatiga mos bo'lgan ruhlar sizning farzandingiz tanasida bu dunyoga kelishadi. Va o'ziga mos oila muhitida yashashni boshlaydi.

Agar oila qurgan yigit va qiz hozirgi juftidan avval ham kimlar bilandir ishqiy munosabatlarda bo'lgan bo'lsa, endi bu oila ruhiga o'sha o'tmishdagi "mashuq va mashuqalar" karmasi ham qo'shilib ketadi. Bu nafaqat o'tmishga balki to'ydan keyingi uchinchi shaxslar bilan his tuyg'ular darajasidagi munosabatlarda ham sodir bo'ladi. Bunday hiyonatlar ruhiy qatlamlardagi informatsiyaga tezda ta'sir etgani bois, oiladagi juft hiyonatni real aniqlamagan bo'lsa ham ruhiy darajada sezadi. Natijada oilalarda tushunarsiz kelishmovchiliklar sodir boʻla boshlaydi!

Xo'sh, agar hiyonatlar jinsiy aloqagacha borgan bo'lsachi?

Bir manbada o'qigandim: Aniqlanishicha bir erkakdan ajrashib, boshqa erkakka turmushga chiqqan ayol agar yangi eridan farzandli bo'lsa, o'sha yangi tug'ilgan bolaning genlarida ayolning avvalgi eri genlari ham mavjud bo'ladi ekan. Ya'ni ayol bir erkak bilan tanaviy jihatdan yaqinlik qila boshlasa, bu endi o'sha erkak bilan bir tanaga aylanib ketishini ko'rsatadi.
Endi o'ylab ko'ring, hozirgi ba'zi ta'limotlar inson nafsini bu sening erkinliging, kim bilan istasang o'sha bilan hirslaringdi qondir! deb Yevropani chiritgan ta'limotni bizning xalqimizga ham kiritishi ortida qanday kuchlar turibdi ekan?
Bu albatta shaytoniy ta'limotdir!

Shaytonning maqsadi shunday ta'limotlar asosida insonlar karmasini, va oilalarning ruhiy qudratini bulg'ash orqali, yangi keladigan avlodlarga ham karmik eng quyi darajadagi ruhlarni jalb qilish orqali, jamiyat ichida buzg'unchilik va faxshlarni yanada kengaytirishdir!

Agar bir avlod zinolar sabab dunyoga kelsa, undan keyingi avlod o'z jinsini qabul qilolmaydigan va faqat nafsiga qullik qilib yashash darajasiga tushib qolgan ong darajasida hayot kechirishni boshlaydi. Yevropani chiritayotgan "Havoranglar" ham bir necha avlod avval zinolarga ruhsot berilishi oqibatidir!

Shunday ekan, nafaqat o'z ruhiyatingizni balki avlodlaringiz, hamda butun millatni pok saqlash uchun nomahramlar bilan turli darajadagi zinolardan saqlaning. Ayniqsa allaqachon oilali bo'lsangiz. Agar oila qurmagan bo'lsangiz lekin kimlar bilanidir ishqiy munosabatlarda bo'lgan bo'lsangiz. Sulolangizni pok saqlash uchun faqat o'sha bilan butun umr qolishga, ya'ni nikohlanishga harakat qiling.

*Shaytoniy ta'limotlardan ongingizni va oilangizni saqlang!


#tafakkur_qiling

@muzaffar_vakkosov1

Agar farzandlar voyaga yetgani sari faxshga moyilligi (qizlarda yengiltaklik va ishqiy munosabatlarda aktivlik, yigitlarda esa jinsiga nomunosib hislatlar) ortib borsa. Bunga sabab ularning ota onasining oila qurguncha va oila qurganidan keyingi zinolar tarixidir!

Agar farzandlarda voyaga yetgan sari ilmga sustligi va ahloqsizligi (qizlarda betga choparlik, negativ so'zlarni ko'p ishlatishi, yigitlarda o'g'irlik va boshqalarga ozor berishi) ortib borsa, bunga asosiy sabab ularni nohalol rizqlanganligi bo'ladi!


Unutmang! Pok tarixga ega ota onalardan tug'ilgan va halol luqma bilan rizqlangan bolalarni Shayton boshqara olmaydi!


#tafakkur_qiling

@muzaffar_vakkosov1

Oila meni shaxsiy meningizdan Muqaddasdir!


Bir mashhur insondan "Necha yoshda oila qurgan yaxshiroq?" deb so'rashgan edi. U "Muhimi yosh emas, asosiysi bo'lajak juftingiz va bo'lajak bolalaringizga o'zingizga qaygʻrgandek qaygʻrishga, o'zingizga mehr bergandek mehr berishga qalban tayyor bo'lishingiz kerak!" deb javob bergan edi.

Avvalroq "Men"lik darajalari haqida ham post yozgan edim.
Qachonki ongimiz kengayib, qalbimiz poklanib borgani sari, o'z menlik chegaralarimiz ham kengayib, unga tobora ko'proq insonlarni va jarayonlarni qabul qildira oladigan darajaga erishib boramiz!
Demak, oila bu bizning kichik shaxsiy menimizni kengaytirish, ya'ni o'ziga yana kamida bir nechta insonlarni (juftimiz va farzandlarimizni) qabul qildirishni o'rgatadigan muqaddas dargohdir!

Afsuski, o'zbekchilik odatlarimizda hali o'zligi anglab yetmagan, endigina maktabni bitirgan yoshlarni darrov oilali qilishga urinish ko'p uchrab turadi. Natijada esa, hali yoshi 20 ga kirmay allaqachon erdan ajrashib, ota uyiga qaytib kelgan juvonlar ko'paygan.

Xo'sh oilalarni uzoq davom etmasligining sababi nima?
Sabab - O'zidan tashqaridagi (yangi oila a'zolarini) o'z meni ichiga kirita olmaslikdir! Ya'ni Ego!

Bundan avvalgi postda oila qurish faqat tana jihatdan yaqinlik emas, balki ruhan va karmik jihatdan ham qo'shilib ketish ekanini yozgan edim.
Ya'ni siz tanlagan juftingizni uning dunyo qarashi, xarakteri va tanaviy holatlarini ham boricha qabul qilishga va u bilan butkul uygʻnlashishga, hamda uning rivoji uchun chin dildan xizmat qilishga roziligingizdir.

Bugungi kundagi oilalarni parokanda qilayotgan yana bir narsa bu - o'zi shundoq ham jufnini to'liq qabul qilishga va oilasiga qalban xizmat qilishda qiynalayotganlarga sen "O'zingni sev!" deb ta'lim beradiganlar ko'payib ketganidir. Natijada oilasini bir chetga surib qo'yib, men ularga xizmatkor emasman deb, qalb maskasini taqib olgan nafslarini istaklariga ko'ra yashashni boshlaganlar ko'paygan. Bu ta'limotlarni salbiy ta'siri sabab ham allaqachon minglab oilalar ajralib ketishga majbur boʻldi.

Unutmang! Shaxsiy istak degan narsa bu illyuziyadir!
O'z istaklaringizga e'tibor bering ular sizga shunchaki atrof muhit tasirida joylashtirilgan xolos!
Ruhingizni asl istagi bu qalban poklanishdir!

Qanchalik poklanganingizni ko'rsatkichi esa, qanchalik ko'p odamga qalban mehr berib, ularga qalban xizmat qila olyotganingizda o'zini namayon etadi.

Yuqorida aytilganidek Oilali bo'lish bu faqat o'z soxta meningiz istaklari uchungina yashash illyuziyasidan chiqib, ya'ni yuksalib, atrofingizdagi yana bir nechta insonlar kamoloti uchun ham o'z energiyangizni qalban sarflay olishga, ya'ni oilangiz uchun o'zingizni fido qila olish ongiga erishdir!

Demak allaqachon sizning juftingiz va farzandlaringiz bor ekan, bilingki Alloh sizni chegaralangan va eng quyida bo'lgan "soxta men" darajasidan yuksalishingiz uchun muhim bo'lgan "Muqaddas ne'matni, ya'ni Oilani" sizga allaqachon nasib etgan ekan!

Siz oilali bo’la turib, "men o'zimni sevishim kerak" deb, oila a'zolaringiz oldidagi vazifalarngizdan qochishingiz va faqat nafsingiz istagiga ko'ra yallo qilib yurishingiz bu aslida rivoj emas, aksincha tubanlashish, ya'ni ruhiy kamolatda orqaga ketishdir!

Uning o'rniga agar sizda allaqachon oila bor ekan (Erkak bo'lsangiz ham Ayol bo'lsangiz ham) juftingiz va farzandlaringiz kamolti uchun o'z jinsingiz va oiladagi vazifalaringizdan kelib chiqib, ularga qalban xizmat qilishga kirishing!
Juftingiz va farzandlaringiz qanchalik sizdan mamnun bo'lsa, bilinki siz endi o'z ruhiy kamolatingizda yanada yuksalishiga erishib bormoqdasiz!


* Adashtiruvchi ta'limotlardan ongingiz va oilangizni saqlang!

Unutmang, faqat o'z egosi istaklari uchun tortishaveradigan va oilasidagi boshqalar uchun fidokorona xizmat qilishni istamaydigan ota ona bilan ulg'aygan bolalar ertaga xalqi uchun ham o'z qobiliyatlarini fidokorona baxshida eta olmaydi. Natijada esa muvaffaqiyatsizliklar girdobida hayot kechirishga majbur bo'lishadi.


#tafakkur_qiling

@muzaffar_vakkosov1

Farovonlik va Baxt qonuni!


Bilasizmi? Agar hamma halollik va adolat bilan, qo'lidan nima kelsa shu kasb orqali jamiyatga manfaatli xizmatlar qilib, bir biriga ko'maklashib yashasa. Aslida odamlar o'rtasidagi oldi-berdida Pul ekvivalenti kerak bo'lmay qoladi.

Pul bu boshqalar manfaati uchun o'z energiyasini qalban sarflashni istamaydigan dangasalarni o'rnidan turib, jamiyatga foydali nimadir qilishga majburlash uchun o'ylab topilgan vositadir!

***

Faqat pul uchun ishlaydiganlarni asosiy qismi odatda kambagʻallikda hayot kechiradi. Chunki bundaylar pul kelmaydigan vaziyatlarda hech narsa qilmay vaqtlarini bekor o'tkazishni afzal ko'rishadi. Oqibatda topganlari tanasini ochlikdan saqlab qolishgagina yetadi...

Pulni ikkilamchi oqibat sifatida ko'rib, har bir harakatida birlamchi maqsadini odamlarga o'z qobiliyatlari bilan qandaydir manfaat berishga qaratadiganlar insoniyatga odamlardan oladigan pullaridan ko'ra ko'proq baraka berganliklari bois, bundaylar sarflagan ortiqcha energiyalarini oqibati sifatida ish joylarida tezda lavozimi ko'tariladi yoki jamiyat ichida hurmat-ehtiromga sazovor bo'lishadi. Oqibatda esa, moddiy farovonlikka ham erishishadi.


* Olish uchun emas, asosan berish uchun yashang!

Unutmang: Olganingiz Tanangizni bugungi ozuqasi uchun bo'lsa, berganingiz Ruhingizni ertangi ozuqasi uchundir!

Endi angladingizmi nega ba'zi odamlar hayotida baxtsizlik va sog'lomsizliklar sodir boʻladi?
Chunki ular bir vaqtlar berganidan ko'ra ko'proq olishga intilishgan, natijada ruhiy ozuqasi tugab, ruh uch o'lchamli dunyo energiyasidan o'z ulushini qayta so'rib ola boshlaydi!


#tafakkur_qiling

@muzaffar_vakkosov1

Men uchun eng foydali bo'lgan top-3 kitoblar👇

@muzaffar_vakkosov1

Eng foydali kitob qaysi?


Gohida bizdagi kitoblarni olishdan avval ba'zilar: "Bu kitoblardan o'zingiz ham nimadir olganmisiz? Rostdan ham odamni dunyo qarashi o'sishida yordam beradimi?" deb so'rab qolishadi... Foydali ekaniga ishonqiramay!
Albatta, o'qib chiqishgach esa, foydasini o'zlari anglab yetishadi.

Bilasizmi? Men tahminan hozirgacha 500 ga yaqin kitoblarni o'qiganman va shularni deyarli 70-80 foizi o'zbek tilida mavjud emas. Men taqdim etayotgan kitoblar esa, o'sha kitoblar ichida inson kamoloti va sog'lig'iga eng ijobiy ta'sir etadigan, saralangan kitoblardir!

Keling o'sha ko'pchilikka qiziq bo'lgan ma'lumotni, ya'ni men tayyorlagan kitoblar ichida meni o'zimni dunyo qarashimni o'sishida eng katta hissa qoshgan Top-3 ta kitoblarni aytib o'taman:

1) "Karma diagnostikasi 2 va 3."
Bu kitoblardagi sirli ilmlar meni ongimni butkul o'zgartirib yuborgan. Bu kitoblarni o'qigan odam dunyoni faqat 3D ko'rinishida emas, jismoniy dunyodan tashqaridagi hayotga eng katta ta'sir etadigan asl haqiqatlari bilan ko'rishni boshlaydi.

2) "Beshta ruhiy jarohatlar"
Bu kitob insonga o'ziga tashqaridan to'liq nazar solishni va bugungi holatiga kelib qolishiga aynan nimalar sabab bo'lganligi haqida to'liq tushunchalar beradi. Hamda barcha insonlarni nega aynan shunday ko'rinish va xarakterli ekanligini tushunishni o'rgatadi.

3) "Bu sizdan boshlanmagan"
Bu kitob ota ona bilan munosabatlarni yaxshilashda va sulolaviy dasturlardan qutilishda haqiqiy mo'jiza ko'rsatadigan kitobdir. Uni yig'lamay o'qishni iloji yo'q!
O'sha har bir tomchi ko'z yoshingiz siz va ota onangizga bogʻliq bo'lgan ichingizdagi negativ karmalarni yuvilib tashqariga chiqish jarayonidir. Kitobni o'qib tugatgan inson ota onansiga butul boshqa ko'z bilan boqishni boshlaydi!


Albatta boshqa kitoblar ham o'ziga hos juda foydali kitoblardir. Lekin meni shaxsan o'zimga, dunyo qarashimga eng yaxshi ta'sir etganlari shulardir. 👍

Umid qilamanki, bu kitoblar kanalimizning boshqa kitobxonlariga ham ijobiy ta'sir eta olgan🙏


Psixologik kitoblar👈

Murojaat uchun 👉 @m_vakkosov

@muzqffar_vakkosov1

Men taqdim etmagan va o'zbekchasi hali mavjud bo'lmagan kitoblar ichida, meni dunyo haqidagi tushunchalarimni o'sishida juda katta foyda bergan top-3 kitoblar esa, quyidagicha:

1) Бхагавад-гита
Bu kitob insonga hayotni mohiyatini va qanday yashasa ham bu dunyosi uchun, ham u dunyosi uchun manfaatli bo'lishini tushuntiradi.

2) Вадим Зеланд - Пространство вариантов
Bu kitobni o'qir ekansiz, hayotingizdagi juda katta energiyalaringizni besamar ko'kka sovirishingizni va sizni hamda butun insoniyatni ongsiz boshqargan holda butun insoniyat energiyalarini ma'lum bir oqimlarga to'plashga urinadigan kuchlar bor ekanini anglab yetasiz.


3) Руслан Нарушевич - Откуда берутся деньги и куда деваются
Bu kitobdan siz nega bugun aynan shunday moliyaviy hayot kechirayotganingiz va kelajakda rizqingizni barakali qilish uchun hayotingizda qanday o'zgarishlar sodir etishingiz kerakligi haqida borliqning juda katta ilohiy qonunlarini anglab yetasiz.


Albatta O'zbekistondagi kitob do'konlarida ham insonga to'g'ri yashashida va dunyoni anglashida juda katta ko'mak beradigan, islomiy ruhdagi, menga ko'p ilmlarni anglashimda yordam bergan kitoblar bisyor. Lekin men yuqorida hali bizning kutubxonalarda mavjud bo'lmagan kitoblarni yozdim.

Chet tillarini tushunadiganlar bo'lsa, tavsiya etaman, o'zingiz yaxshi biladigan tildagi bu kitoblarni o'qib chiqishingizni. Shunda yana anchagina hayot haqiqatlarini anglashingiz mumkin bo'ladi👍

@muzaffar_vakkosov1

Kasalliklarning vujudga kelishida bitta umumiy qonun bor:

--- Odam "Borliq" deb atalmish organizmga qanchalik foydasiz va zararli hujayraga aylanib qolsa. O'z tanasi hujayralari ham u uchun shunchalik foydasiz va zararli hujayraga aylanib boradi. ---

Chunki bu olam bir necha o'nlab qatlamlardan iboratdir. Yuqori qatlamdagi o'zgarishlar o'zidan pastki qatlamni ham huddi shunga mos ravishda oʻzgartiradi.

Demak, odam qanchalik "Boriqqa" ijobiy ko'z bilan qarab, undagi o'zi kabi boshqa mavjudotlarga (hujayralarga) ham foydali hayot tarzini taqdim etgan holda yashasa, uning hujayralari ham u uchun shunchalik ijobiy kayfiyatda doimiy xizmat qilishda davom etadi!

Tezroq tuzalishni, ya'ni hujayralaringiz olamini tartibga solishni istasangiz mavjudotlar olamidagi ongingizni tartibga solgan holda, yomon koʻrganlaringizni yaxshi ko'rishni va bu olamning rivojiga ijobiy hissa qoʻshgan holda yashashni tezroq boshlang!


#tafakkur_qiling

@muzaffar_vakkosov1

Kibr - bu kibrlangan insonning shaxsiy rivoji yakunlanganligi haqida signal beradigan qizil chiroqdir!


Menga yaqinda shunday savol berishdi: Kuyovlikka ikkita nomzod yigit bor, qay birini tanlashga boshim qotib turibdi. Ikkisining ham ijtimoiy holati deyarli bir xil. Ammo xarakteri turlicha. Aytingchi qanday xarakterlisi kelajakda, ham oilasida, ham ishida yaxshi natijalarga erishishi mumkin? Umuman olganda odamlarni xarakteriga qarab kelajagini taxmin qilishni iloji bormi?

Aslida taqdir bu G'oyib ilmidir. Uning to'liq ko'rinishi faqat Yaratganga ayon. Ammo 1+1=2 bo'lgani kabi inson ongi darajasida ham hayotning bazi bir ssenariylarini oldindan tushunib olish mumkin. Chunki borliqda voqealar aniq matematik va fizik jarayonlar asosida vujudga keladi. Faqat insoniyat ongidan yuksak bo'lgan ta'sirlar ham mavjud ekanligi bois, o'sha yuksak matematikani javobini aniq anglay olmaymiz. Va o'sha anglay olmagan darajalarimizdagi fizik ta'sirlarni biz G'oyib ilmi deb ataymiz.

Hozirgacha o'rgangan ilmlarimdan va isonlar hayotini kuzatishdan olgan anglashlarimdan xulosa qilib shuni aytishim mumkinki, Kibrli insonning kelajakda muvaffaqiyatga erishish ehtimoli juda past bo'ladi!

Buning asosiy sababi: bundaylar o'zini, o'z iqtidori va qudratini birlamchi tayanch sifatida ko'rishni boshlaydi. Bunday yondoshuv esa, asl tayanch bo'lgan Buyuk Ilohdan ruhan uzoqlashishga olib boradi. Bizni tanamiz bu shunchaki yerda faoliyat olib borish uchun bir Avatar kiyimdir. Asl quvvat manbaimizni esa, Yaratgandan olamiz. Demak kibrli insonlar o'sha asl quvvatidan tobora uzilishga sabab bo'ladigan hayot tarziga kirib boradi va har qancha chiramnasin, kelajakda ham moddiy va ijtimoiy darajalarda, ham sog'lig'ida ham tanazzulga uchrashni boshlashadi.

Hayotingizda ko'rgan kechirgan voqealarni bir yodga olib ko'ringda: Qaysidir biznesmen ozgina ishlari yurishib, kibrlanishni boshlaganida bankrotlik bilan to'qnash kelgan. Qaysidir yuqori lavozimga ko'tarilib, odamlarni tengsamay qo'ygan shaxslar bir ikki yil o'tmay qandaydir siyosiy xatolari sabab turmaga tashlangan....

Umuman olganda, nafaqat kuyov yoki kelin tanlashda yoki quda tanlashda, balki, biznes sharik tanlashda ham, ishchi hodimlarni tanlashda ham bu muhim omilga e'tibor berish kerak. Agar kimdir o'zini ko'rinishi, ijtimoiy holati va yoki iqtidoridan kibrlanayotgan bo'lsa bilingki uning hozirgi darajasi bu uning eng yuksak darajasidir. U endi boshqa o'smaydi.
Kimki o'z ishini ustasi bo'lsa ham, yoki qandaydir moddiy va ijtimoiy darajalarga erishgan bo'lsa ham, o'zi kabi darajalarga hali erishmaganlar oldida kibrga berilmay tura olgan bo'lsa, bunday odamlar hali o'sishda davom etadi.

Demak anglashingiz kerakki, agar siz quda bo'layotgan oila, agar sizni oilangizdan o'zini ustun qo'yayotgan va sizni past sanayotgan bo'lsa, bilingki, qudalaringiz bilan munosabatlar hech qachon hozirgidan yaxshiroq darajaga chiqmaydi, agar kibrlanishni to'xtatmasa.
Huddi shunday biznes sheriklar o'rtasidagi va Er xotin o'rtasidagi munosabatlar ham yaxshilanmaydi, agar tomonlardan kimdir o'zini ustun sanayotgan bo'lsa.

Albatta katta ishlarga "Dux" yetishi uchun odamda o'ziga ishonch bo'lishi kerak. Lekin bu ishonchni mohiyatida Alloh uni qo'llashiga ishonch turishi kerak, o'zini hammadan ustun ekaniga ishonish emas!
Unutmasligimiz kerakki, biz bu hayotga Nafsimiz yoki soxta menimizni quvvatlantirgani emas, Allohga haqiqiy banda ekanligimizni anglash va Unga bandalik darajasida u yaratgan yer kurrasini va undagi boshqa bandalarni rivojiga o'z hissamizni qoʻshish uchun kelganmiz.


#tafakkur_qiling

@muzaffar_vakkosov1

To'g'ri ustoz tanlash!


Ko'p bor lichkamga qandaydir muommolarini hal qilishda va qandaydir tushunolmagan ilmlariga javob topishda ko'mak so'rab, mendan konsultatsiya olish maqsadida yozishadi.
Ammo men psixolog sifatida faoliyat yuritmayman va shuning uchun individual konsultatsiyam ham yo'q. O'rgangan ilmlarimni kanalimda bo'lishib borishga vaqtim bo'ladi xolos.

Tabiiyki bu hayotda ekanmiz har bir insonni qandaydir muommolari mavjud bo'ladi. Aslida shularni boshdan o'tkazib, o'zimiz va Yaratuvchini chuqurroq anglashimiz uchun kelganmiz.
Aynan shunday anglashlarga tezroq erishishni istaganlar hayotning asl haqiqatlarini tushuntirib bera oladigan ustoz qidiradi. Ayniqsa hozirgi adashtiruvchi ta'limotlar ko'paygan vaqtda, huddiki hamma haqiqatni gapirayotgandek tuyiladi.

Agar ayol bo'lsangiz va o'zingizga ayol ustoz qidirayotgan bo'lsangiz, sizga asl ruhiy poklanishingizda ko'mak beradigan va to'g'ri yo'nalishda sizni olib bora oladigan ustozni adashmay tanlashingiz uchun quyidagi alohida sifatlarga albatta e'tibor qaratishingiz kerak bo'ladi:

Ruh bu har qanday yeriy shahvatlardan yuksak hilqatdir!
Asl ruhiy poklanish uchun avvalo yeriy hirslardan ongingizni yuksaltirgan bo'lishingiz kerak, ana shunda ruhingizni asl mohiyatini anglay olasiz. Shunday ekan sizga ustozlik qila oladigan inson ham avvalo o'zi yerga bogʻliq hirslaridan o'zini qutqara olgan bo'lishi kerak.
Ayol agar ruh aslida qanday poklanishini to'liq anglagan bo'lsa, u nomahram erkaklarga o'zidan rohatlanishga sharoit yaratib bermaydi.
Demak asl ta'limotni beradigan ayol psixologni birinchi sifati bu Xijobda yurishi, ya'ni Allohning buyrugʻiga amal qilib nomahram erkaklardan o'zini saqlagan holda negativ karmani tanasiga yopishidan himoyalangan bo'lishidir!

Keyingisi esa, hozirda ko'pchilik havoi nafslarini qondirib, faqat lazzatlanishga berilib ketgan, va chet ellarda sayohat qilib yurganlarni ruhiy yuksalgan deb ishonishni boshlagan.
Xo'sh undaylar sizga nimani o'rgatishi mumkin? Albatta o'zi kabi "faqat o'zingni o'yla, o'ngingi sev!" deb hatto oilangizni bir chetga surib qo'yib, topganigizni lazzatlanishga sarflab yashashni o'rgatishadi xolos!
Shuning uchun ustoz tanlashda ikkinchi muhim jihat bu - u ayolni "menlik" darajasi kengayib, o'z ilmlari orqali oilasini ham tartibga solishni uddaylay olganmi? Shunga e'tibor qaratishingiz kerak.

Yana bir eng muhim narsa shuki: Sizga qandaydir noma'lum kuchlarga sig'inishni, va ulardan ko'mak so'rashni emas. Yagona Allohdan ko'mak so'rashni o'rgatishi kerak.
Agar qanaqadir ilohiy nomlar, sivilizatsiyalar, sehrli toshlar orqali muvaffaqiyatga erishishingiz mumkinligi haqida gapirishni boshlasa tezda undan uzoqlashing. U zamonaviy "Jodigar kampirdir!". Bundaylar Allohdan emas, odamdan biroz yuqoriroq kuchlardan yordam so'raydiganlardir.

Unutmang eng yuksak iloh bo'lgan Allohdan boshqasi agar sizga yordam bergan taqdirda ham buni qandaydir to'lovi bo'ladi va buni oldindan to'lamasangiz kelajakda katta yo'qotishlar bilan to'laysiz!


#tafakkur_qiling

@muzaffar_vakkosov1

Ba'zilar mana bu psixolog yaxshi ekan, ruhiy yuksaltirar ekan deb yozishadi. Kanaliga kirib ko'raman. Ruhiy yuksaltiradigan ayol boshi ochiq, yarim yalangʻoch, ko'rgan erkakni shahvatini qo'zg'atadigan ko'rinishda, vaqtini ayshu ishratga va pullarini qimmatbaho kiyimlaru taqinchoqlarga sarflab yashayotgan bo'ladi.

Men aytaman: Yo'q bu ayol sizga ruhiy yuksalishni emas, aksincha nafsoniy yuksalishni o'rgatadi. Agar unga o'xshab mazza qilib yashashni istasangiz undan ta'lim oling. Ammo agar ruhiy poklanishni istasangiz undan uzoqlashing deyman.

Xo'sh unda kimni tavsiya etasiz? deb so'rashadi. Odatda kanalimda reklama joylamayman. Lekin koʻplab insonlarni adashmasdan, asl ta'limotlar bilan yuksalishi uchun mayli bir psixolog ayolni kanalini yozib qoldiraman👇

@NodiraMirvaliyevna

Aslida buni o'zlari so'ramadilar, lekin men u insonni beradigan ilmlari to'g'ri deb hisoblaganim uchun o'zim tavsiya etyapman!
Ular islom dinini va Qur'on oyatlarining ma'no mohiyatini ham mendan ancha yaxshi anglaydilar. Agar mutahasisga muhtoj bo'lsangiz ularga murojaat qilishingiz mumkin.

* Adashtiruvchi va ruhingizni kirlativchi ta'limotlardan saqlaning!


@muzaffar_vakkosov1

Ezoterika aslida juda keng miqyosdagi ta'limotlarni o'ziga qamrab oladi va inson aslini aniqlash borasida asosan 3 ta tarmoqqa bo'linadi.

1) Nafsni bu sen deydigan va nafsing (tana hirslari) istagiga ko'ra yashashing kerak deydigan.

2) Egoni (soxta menni) bu sen deydigan. Va o'zingni sev deb, faqat boshqalardan o'zini ustun ekanini his ettirishga undovchi havoi istaklar uchun yashashni o'rgatadigan.

3) Ruhni bu sen deydigan. Va yeriy energiyalar (nafs va soxta men) ta'siridan ruhingni ozod qil deb, dunyoga bogʻliq xohishlardan ko'ra Yaratganga qullikni birlamchi o'ringa qo'yib ta'lim beradiganlardir.

Demak mantiqan olganda islomiy tasavvuf ham Ezoterikadir! Chunki bu so'zning lugʻaviy ma'nosi ko'rinmas haqiqatlarni anglash ilmlari degan maʼnoni anglatadi.

Lekin bizga Ezoterika nomi ostida kirib kelgan ta'limot odamlarga yuqorida keltirganim Egoni bu sen deb ta'lim beryotgani uchun Ezoterika so'zini diniy qarashdagilar yomon deb hisoblab boshladi.

Aslida esa, Ezoterika so'zi emas, nafs va egoni bu sening o'zing deydiganlar asl haqiqatdan chalg'iganlardir. Chunki Ego bu jamiyat va hayotiy tajribalar asosida shakllangan soxta shaxsiyatdir. Nafs esa tana hirslaridir. Agar inson ularni birlamchi qilishga urinsa asl o'zligini topa olmay yerdagi energiyalarga bogʻliq holda karma botqog'iga botib yashashda davom etaveradi.

Men postlarimda doim shu tafavudlarni tushuntirishga urinaman. Va men taqdim etayotgan kitoblarda ham Ruhni birlamchi meningiz ekanligi tushuntiriladi.
Bu uchalasini aralashtirib yuborganlar "Muzaffarni postlari va taqdim etgan kitoblari ham ezoterikaga xosku?" deb ajablanishadi. Lekin to'g'ri yo'nalishni anglaganlar barchasini allaqachon tushunishgan. 👍

Tafakkur qiluvchilar uchun asl sirlar va nozik haqiqatlar ochib beriladi. Alloh bejizga Qur'onning deyarli har bir oyati yakunida buni takror takror eslatmagan!


#tafakkur_qiling

@muzaffar_vakkosov1

Ayolning "Ojizaligi" bu uning erkakdan past darajada ekanligi emas.
Bu uning erkakni harakatga keltiruvchi "Kuchidir!"

Odatda kuchli ayollarning erkagi g'ayratsiz bo'ladi.
Muvaffaqiyatli va g'ayratli erkaklarni ayoli esa, jismoniyatda va moddiyatda eridan ojiza ekanini bildira oladigan dono ayollar bo'ladi!


#tafakkur_qiling

@muzaffar_vakkosov1

Balki bunday savol sizda ham mavjuddir?


* Muhim tushunchani unutmang:
Pul bu energiyani moddiylashgan ekvivalenti xolos. U sizning foydangizga ko'payishi uchun unga sizdan qo'shimcha (jismoniy, aqliy, qobiliyat va ruhiy) energiya qo'shilishi kerak. Shunda qo'shilgan miqdor halol hisoblanadi!


#tafakkur_qiling

@muzaffar_vakkosov1

Insoniyat aniqlagan barcha fizik va ayradinamik qonunlarga ko'ra Asalari ucholmaydi. Chunki uning qanotlari tanasiga nisbatan to'g'ri taqsimlanmagan va juda nozikdir.

Lekin shunga qaramay u uchaveradi!

Chunki u bir ikki olimlar ishonchiga ko'ra anglangan hayot qonunlari chegarasida fikrlab, "Bu ilojsiz, buni uddalay olmaysan!" deydigan odamlar ichida yashamagan va shunday insonlarni tarbiyalaydigan maktablarda o'qimagan!


#tafakkur_qiling

@muzaffar_vakkosov1

Nima uchun bu millatning "baxtsiz"lik va "omi"lik zanjiri hech tugamaydi?

Chunki yangi avlodlarning kamoloti va tuzajak yangi oilasini o'zini na ilmli, na baxtli qilolmagan "Baxtsiz Kattalar" belgilab beradi!


#tafakkur_qiling

@muzaffar_vakkosov1

Karmani poklashdagi eng katta to'siq Egodir!


Ko'plab psixologik mutaxassislarda kuzatiladi: ba'zi insonlarga ularni o'zlari ko'rolmagan dunyo qarashlaridagi xatolarini tushuntirsangiz, ular "Yo'q aslida seni gaping noto'g'ri, meni qarashlarim esa o'zi to'g'ri" degandek sizni qabul qilishni istashmaydi. Vaholanki unday insonlar hayotida baxtsizlik va yetishmovchiliklar sodir boʻlayotgan bo'lsa ham asl haqiqatlarni to'g'ri deb qabul qila olishmaydi.

Buning sababi, ya'ni odamlarga boshqacha qarashni anglashga to'sqinlik qilayotgan narsa, bu ularning Egosidir!

Ego o'zida insonning tug'ilganidan boshlab ko'rgan kechirgan voqealari va odamlar, hamda tabiat bilan munosabatlardagi tajribalari asosida hayot va o'z shaxsiyati haqida tushinchalarini o'ziga xos informatsiyalar bilan to'ldirgan illyuziyaviy qobiqdir.

O'sha qobiq ichidagi informatsiyalar esa, huddi robotni miyasida uni nima ish qilishi haqidagi dasturiy taʼminoti bo'lgani kabi, insonning karmasiga ko'ra harakat qilishga yetaklovchi dasturiy taʼminotdir.

Ba'zi insonlarga o'zi va boshqalar haqidagi qarashlaridan xulosa qilib, siz buday dunyo qarashingiz oqibatida kelajakda "shunday" voqealarga va "bunday" kasalliklarga duchor boʻlishingiz mumkin deb aytsam: "Buni qayerdan bilasiz?, karmani qanday ko'rasiz?" deb ishonqiramay kulib qo'yishadi.

Ego bu inson shaxsiyatini himoyalovchi qobiq ekan va inson shaxsiyati, hamda xarakteri o'sha odamning karmasiga yetaklovchi informatsiyalar to'plami ekan. Bu ilmlarni chuquroq o'rgangan inson, odamlar bilan suhbatlashish davomida hozirgi qarashi qanday sabablarga koʻra shakillanganiyu, kelajakda bu qarashlari oqibatida nimalarni boshdan kechirishi mumkinligini anglay oladi.

Demak, Ego bu faqat kibrlanish yoki hudbinlik emas, ego keng ma'noda o'zingiz va hayot haqida tushunchalaringizdir. Agar siz yo'qotishdan, qorqsangiz yoki o'zingizga ishonchingiz past bo'lsa ham, agar sizga o'zgarishingiz haqida kimdir gapirganida siz yo'q bu noto'g'ri deb o'z hayot tajribalaringizdan olgan e'tiqodingizni himoya qilishga kirishsangiz, bu ham karmangiz informatsiyasini saqlashga urinayotgan Egoning ishidir!

E'tibor berganmisiz? Odamlar qachon birdan o'zgarib qolishadi? Huddi egosi birdan parchalanib ketgandek bo'ladi?
Qachonki o'sha qobiq ichidagi informatsiyalar xato ekanini koʻrsatuvchi voqealarni boshdan kechirishganida, yoki ko'plab ilmlar olish orqali, ya'ni bunda ham o'sha e'tiqodlari xato ekinini chuqur anglashlari orqali o'zgarishlari mumkin bo'ladi.

Demak karmangizni og'ir oqibatlarini boshdan kechirmasdan ham poklanishingiz mumkin. Bu esa, e'tiqodlaringizni xato ekanini tushuntirib beruvchi va sizga asl pok e'tiqodlarni singdiruvchi insonlarni gaplarini yoki shunday kitoblarlardagi ilmlarni qabul qilish bilan sodir boʻladi.
Buning uchun esa, avvalo Egoingiz illyuziyaviy devorini parchalab tashlashingiz kerak.
Demak, Egoni eritib tashlash bu karmani poklashdagi eng muhim qadam ekan!

Unutmang: Kimda qanchalik Ego kuchli bo'lsa, U shunchalik karmasining oqibatlariga ogʻirroq javob berishga majbur boʻldi.


#tafakkur_qiling

@muzaffar_vakkosov1

Yoqtirganlaringizga yengil erishishingizga yoqtirmaganlaringizni qo'yib yubormasligingiz halaqit beradi.


#tafakkur_qiling

@muzaffar_vakkosov1