‏"يبكي الناي .. و يربع من الحزن قاع
‏وانت صوتك على حد اللقى جرهدي

‏هزّني لا نويت تغيب .. - هزة وداع -
‏يمكن يطيح مع دمعي غلاك فـ يدي"

‏على دفا صوتك يمّر الليل ، مرور الكرام
‏والليل تطويه السوالف ، والسوالف لي قبل

‏أزف لك ، كل المحبة والمودة والسلام
‏أمّا بعد : أحبك ، وأمّا قبل أنسي قبل

‏صدّي عن الفايت ووليّ الجاي كل الأهتمام
‏ولآ لك إلا زلةٍ تدمح .. وعذرٍ ينّقبل

بـ أيام وصلك عوضي عيني عن أيام الخصام
‏وعلى جفاف الروح ، صبّي صبّ همّال الوبل

‏أنتي غمامة حُب واللي خالقك منشي الغمام
‏عليك شرهات الشجر لآ مات ، والورد أن ذبل

‏أعلنت لك كل الغلا ، حملت لك كل الغرام
‏خاويتك بـ كل الطرق ، راضيتك بـ شتى السُبل

‏وكلمة أحبك ، تآج في بالي ، وفي صدري وسام
‏متكوّنه من أربع أحرف ، مدري من أربع قُبل

متعلّقه فـ حبالي الصوتيّه فـ كل الكلام
‏تهدّ يدها من حبل وتشدّ في يدها حبل

‏وعيونك اللي كنّ صف رموشها صفة إسهام
‏لا سلهمت لي سلهمتها كنّها مسة نُبل

‏بتنام ، وبتصحى ، وبإذن اللي عيونه ما تنام
‏مثل ما حبّيتك قبل ، بحبّك أكثر من قبل 🤍

‏الصمت ساعة لبسته مثل هندامي
‏شفت المفوَّه تعذَّر، والكتوم أقدا

‏أنا أمتلك مبدأ أن "المبدأ" إلزامي
‏وما أصعب العيش للِّي يمتلك مبدا

‏صبري وصبرك إلين أصايد أحلامي
‏الأيام مثل البشر، فيه أصدقا وأعدَا

‏ريّانة العود .. ليه أجامل أيامي؟
‏وأحبّ خشم الظروف ووجنتيَك أبدا

«كيف أملّ من الشعور اللي يبدّد ضيقي»

"ماني بـ والله أخاف من الغياب الطويل
الخوف كلّه أغيب .. وأنت ما تنتبه"

النور في صدري من العام طفّاه
‏وْجه الليالي شاحبٍ بالتجاعيد

‏ماهو من اللي لا قسى الوقت قسّاه
‏وادري ظروفه .. ماتجي بالمواعيد

‏لكن غيابه طال - وأبطى بـ لقياه
‏ياكيف هذا العيد من بعده سْعيد

‏ماجابه الطاري على طول فرقاه !
‏يمكن ، تجيبه تهنئة ليلة العيد

"أنا ادري انك علتي من دون اقول
‏وانك بلاء الحب .. والحب ابتلاء

‏لكن طبيعي تنوجد فيك الحلول
‏الناس تستخرج من الداء الدواء

‏عزالله أن ماعاد لي .. قوّة و حول
‏إن ماكتب ربي على يدك الشفاء

‏من قلة الحيله ومن كثر الحمول
‏كم لي وانا اصارع على شان البقاء

‏وإن جيت أعبّر بالكلام وبالفعول
‏ما فادني حرفٍ من حروف الهجاء

‏الا اني اوقّف على أطلالك وأقول
‏إلى اللقاء إلى اللقاء إلى اللقاء "

‏محتاج للعزله، ومحتاج للغيبَه
‏وإني أواجه قسى الإحساس من تالي

‏أغلب مجالستي لـ ربعي من الريبه
‏يا كثر ماني بـ خايف أجلس لحالي

‏حتى وأنا خاطري مجروح يا طيبه
‏عيّا يجازي خطاك وخاطرك غالي

‏يوجعني الجرح لين يخلّف الطِيبه
‏والطِيبه جروح واجد مالها والي

تراقبك العيون اللي تحبك والمحب يخاف
وأنا ماالومهم خوفٍ عليك من الحسد والغل

مع أني ، لو تكلمت بحيادية عن الانصاف
من الواجب عليهم يفرشون الأرض ورد وفل

هم اللي مايبون الناس تجرح قلبك الميلاف
وأنا اللي باني آماله .. على موعد لقاك وزلّ

جمع ربي مشاعرنا الرقيقة عند وزن وقاف
مثل مايجتمع في وجهك الآخاذ شمس وظل

شعوري يوم أحس إن النصيب اقوى من الاهداف
شعور اللي تصيبه فالضلوع رصاصة المحتلّ

يامنسوع الجديل الجرح لايسمع ولا ينشاف
إذا في خاطرك تجرحني اجرحني ! تراك بـ حل

‏أنا مهما نقلت من الحمول اللي ماهيب خفاف
‏أشوفك حلم لا يُعلى عليه .. ولغز ماله حل

‏مع إن الناس من حولك كثير ولاعليك خلاف
‏يراودني شعور !.. إنك حبيبي ، يا حبيب الكلّ

‏أطَويّ أرصفة الدروب بْلا هدف
‏من أمان الليلة .. إليا خوفها

‏كم لي أتحرَّى على أسوار الصدف
‏بسمةٍ ــ عيَّـا الزمان أشوفها

‏"ياضحى العيد وش طعمك بليّا حبايب؟
‏ عين ماعايدت وجهٍ تحبه ؟ وحيدة "

‏ماعاد عندي من سمان المعاذير
‏غير الخطوط اللي على بطن كفّي

‏دربك "شفوف"ودرب غيرك"مقادير"
‏و انا ماعَرف اعاتب ، اعَرف اقفّي

‏باقي عشان انساك ، عمر و مشاوير
‏والخطوتين اللي معي ، ما تكفّي

"وش اشكي لك من اتعاب السنين وقسوة الايام
و انا الايام يـ آحنَّ الاوادم .. حَجَّرت طيني

لو انّ الله خلقني مثل خلقه من لحم وعْظام
لَكِن والله ما كان القِسى من ضمن تكويني" ):

‏ما يعيد الذكريات إلاّ الأماكن
‏و ليلةٍ نسناسها ما ينتطوّف

‏يا حبيب ٍ منزله في الروح ماكن
‏من يحبك صار في الحُب مْتصوّف

‏قول كل اللي تبي ! من غير لكن
‏الكلام اللي بعد لكن ؟ يخوّف

‏هوا بالي أيامٍ معك قسمها معلوم
‏ومساري غرام وقلب مفتون ومتيّه

‏أنا منك لو ما أذوق راحه ولا ألقى نوم
‏أجازيك بالحسنى ما أجازيك بالسيّه

‏لا تحتار فيني وأنت عندي عداك اللوم
‏يكفّيني مْن أسمن معاذيرك الجيّه

‏عفى عنك قلبٍ عن غرامك ماهو مفطوم
‏ماهو عايفك .. لو تلحق الكيّه الكيّه

يضيعنا العشم ونلبس الوجه الرمادي لون
نظن بشيء وكبار الظنون تخيب كالعادة

متى ماصارت احاديثنا صمت وكلام عيون
تأكدت ان فقدان الكلام اصعب من ايجاده

دموع الفرحة اللي كانت اواخر شهر كانون
هي اساسًا حزن لكن حزن سابق لميعاده

يهون بعين مكلوم الشعور اللي ماهوب يهون
بعد ماعلق امآله بشي .. ولا الله اراده

"الاحظ غربتي حتى على مدهالي ومرباي
‏مثل غربة حديث المُطلع في حضرة الأُمي

‏وش انسب حل مع قسوة زمانٍ ما احترم مبداي ؟
‏حمس قلبي على صاج الصبر لين احترق دمي

‏تضيع الضيعه اللي ما تبي فيها رجاحة راي
‏لا شفت احلامك يْكبر عليها الوقت ويسمي"

يجوز اسرفت فَآمانك،وفي حبِّي،وفي هقواي
‏ولكن خيبتي أكبر من اللي قد تخيلته

‏يفرِّط بي عزيز اصحابي،
‏وْواحد من هلي،
‏وعْداي..
‏ولكن قلبك اللي حبَّني؟ما قد توقعته