الإحتفال ليلة رأس السنة حرام لو حلال ؟

قبل ما نذكر الحكم الشرعي خلي نوضح مسألة مهمة

أنتم منتبهين أن اغلب الأطفال صار ما يجذبهم إلا شكل وشخصية بابا نؤيل الوهمية بهذا اليوم ؟

سواء عن طريق الألعاب الموجودة بالسوق أو الافلام الكرتونية ؟
أما الكبار فصار لونهم المفضّل لإرتداءه بهذا اليوم هو الأحمر !
تمام ماكو مشكلة وهالشي مو حرام بس مشكلتنا وين ؟
عندكم علم ان هذه الأمور رح تأثر بجيلنا فيما بعد ؟
و رح يعتبروها جزء من عاداتهم مستقبلا ؟
ولربما توصل بيهم درجة ان ما يجذبهم إلا شكل الصليب فيحاولون يرتدوه على شكل قلادة أو طبع بالملابس مثل ما دنشوف بعض المسلمين للأسف يخلون شعار الصليب بحساباتهم ( فيكة )
ولربما كذلك يوصل الأمر إلى ان يعتنق دين المسيح
او الخروج من الدين الإسلامي وبالتالي يكثر المرتدين قال تعالى( وَمَن يَبْتَغِ غَيْرَ الإِسْلامِ دِيناً فَلَنْ يُقْبَلَ مِنْهُ )
ترى كلامنا مو طائفي وماعندنا تفرقة بين رُسل الله تعالى قال تعالى ( لَا نُفَرِّقُ بَيْنَ أَحَدٍ مِّن رُّسُلِهِ ۚ )
وماعندنا مشكلة إذا جان احتفالك من اجل ولادة النبي عيسى ( عليه السلام ) بس ملاحظة وللمعلومة
ان النبي عيسى ما كانت ولادته بهذه الايام وإنما ولادته في شهر حزيران
احنا فقط نريد نحافظ على هويتنا كمسلمين مو نجي نزرع افكار باطلة مالها ربط بديننا !!
قال تعالى ( إِنَّ الدِّينَ عِنْدَ اللَّهِ الإِسْلاَمُ )
ناهيك عن الفساد والغناء والاختلاط والتبرج والحرام الي ديصير بالاراضي المقدسة وبالأخص كربلاء

بعدين بالله عليكم إحنا كمسلمين هم فد يوم صار عندنا إهتمام بيوم ولادة النبي محمد ( عليه وآله الصلاة والسلام ) مثل إهتمام البعض حاليا بشراء الملابس والكيك والشعّالات ووو... إلخ
هم صار عندنا اهتمام بيوم ولادة الإمام المهدي عليه السلام الي رح يكون هو الحاكم على هذه الأرض وكل الناس رح تعتنق الدين الإسلامي حال ظهوره ؟


بعدين مو المفروض إحنا كشيعة نهتم بتعليم اطفالنا ونحبّبهم بالمنقذ العالمي الإمام المهدي ( عليه السلام ) بدل هالشخصية الوهمية بابا نؤيل ؟

مو المفروض تكون الأولوية بهذا الإحتفال
لهذا المنقذ العالمي ؟
ليش هو منو الي رح يفرح بظهوره ويصلي خلفه غير النبي عيسى ( عليه السلام ) ؟

منو الي رح يخلصنا من هالظلم والجور الي على الأرض غيره ؟

نهاية الكلام الإحتفال حلال بشرط ✋
ركّز على الشرط بصورة جيدة لأن ممكن توگع بالإشكال الشرعي
الاحتفال حلال في حال ما كان احتفالك مقترن بالفساد والضلال وما بيه ترويج لأفكار و عقائد باطلة نفسه المسيح بريء منها

ويبقى السؤال هنا / اذا يجي طفلك ويسألك ليش البس احمر وشنو قصة بابا نؤيل والشجرة شتجاوبه هنا ؟ وهنا رح تعرف اذا چان احتفالك يحمل افكار باطلة أو لا .

@najmamahdwia

اسئلة المتابعين عن دولة صاحب الزمان

👆 سويتلكم تثبيت للكتاب الي يتكلم عن رجوع الانبياء والإمام الحسين وحكمه بعد الإمام المهدي وباقي الائمة الامعصومين

عليهم جميعا صلوات الله وسلامه

ليش محد يتكلم عن موضوع الرجّعة من المعممين ؟

خلي ببالك ان انت دتحتفل بالإله الشمس لا بولادة عيسى عليه السلام ولا برأس السنة

الجدول العبادي اليومي لشهر رجب

عملنا الجماعي ليوم غد

بإذن الله تعالى بعد يومين ندخل بالأشهر المباركة رجب وشعبان ومن ثم شهر رمضان وعندي كم ملاحظة اريد اذكرها حتى لا تصير هوسة علينا مثل العام 👇

1_ نصيحة لا تفوتون أجر الصلوات الي رح انشرهن كل ليلة بإذنه تعالى ترى كل صلاة بيها فد ثواب معين مثلا : اكو صلاة تعطيك ثواب الشهداء والعلماء و اكو صلاة تخلصك من عذاب القبر وسكرات الموت واكو صلاة تحفظك وبيتك وعائلتك من البلاء والامراض وووو..إلخ فحاول شگد ما تگدر تلتزم بيهن لأن ثوابهن عظيم

2_ من هسة نزلوا تطبيق عداد الركع لأن عندنا صلوات ام الـ 20 ركعة او 100 ركعة وهالتطبيق رح يفيدكم هواي حتى لا تخربطون بالركع

3_ عدنا اعمال كلش هواي وثوابهن عظيم جدا
نبدي بيهن من ليلة الثلاثاء لحد يوم الجمعة وكل يوم رح اخلي اعماله بفيديو وحد حتى لا تخربطون

4_ رح اعطيكم علم بكل يوم واعماله قبل بيوم عن طريق الستوري واطمنوا رح اظل وياكم لنهاية شهر رمضان وما اخلي شي يفوتكم إذا رب العالمين اعطانا عمر وعافية وفرغنا لخدمتكم

5_ اريد منكم تساعدوني مثل ما اني اساعدكم
رح احاول انشر الاعمال قبل يوم او يومين لأن اني هم حالي حالكم اريد اصوم واسوي اعمال
وصعب علية اگعد اجاوبكم بنفس الليلة او اليوم هالامر رح يكون متعب جدا الي
ف اترجاكم الي عنده سؤال يسأله قبل يوم او يومين مو مثل العام گاعدين ع السجادة ومنتظرين مني جواب وخليتوني انقهر عليكم وما گدرت ارد !!

6_ رح احاول اعطيكم ملاحظات عن بعض الامور مثلا : شنو معنى رجاء المطلوبية ؟ حتى من اگول لكم مثلا غسل او صلاة هذه الليلة يكون بنية رجاء المطلوبية رح تكونون فاهمين معناه

7_ كل شي يخص الاعمال رح اخليه بالهايلايت بالصفحة حتى ترجعون عليه

@najmamahdwia

اعمال اول ليلة من شهر رجب

ملاحظات مهمة

1_ وقت الغسل : من الغروب إلى الفجر
2_ نية الغسل : اغتسل غسل هذه الليلة قربة إلى الله تعالى
3_ هذا الغسل لا يغني عن الوضوء
4_ صلاة العشرين ركعة تصلوها بعد المغرب
5_ نية الصلاة : اصلي صلاة هذه الليلة قربة إلى الله تعالى
6_ تگدرون تصلوها من جلوس
7_ كل ركعتين بتشهد وتسليم
9_ تگدرون ترتاحون او تسوون اي شغلة وبعدين ترجعون تكملون
10_ صلاة الركعتين تصلوها بعد العشاء
11 _ الي ما حافظ السور القصيرة يگدر يفتح القرآن او الموبايل اثناء الصلاة ويقرأ بيه

@najmamahdwia