Telegram Web
إنتظرونا اليوم مع الحلقة ٢٢ ..
🌸نورٌ على نور🌸

الحلقة الثانية والعشرين 💐

في اليوم التالي حضرت زينب نفسها لتعود إلى الجامعة وتعوض ما فاتها من الدروس، دخلت إلى الصف رحبت بها صديقاتها وعندما دخل دكتور المادة الجديدة التي لم تحضر أي من محاضرتها فسألها
دكتور: أنت جديدة
زينب: لا
_:أول مرة بشوفك، صرت معطي كذا محاضرة
_:كان عنا حالة وفاة وظروف كانت صعبة فاضطريت غيب هالفترة
_:العمر الكم،الله يرحمن
_:تعيش، الله يسلمك
_:حاولي تاخدي دروس السابقة إذا ما فهمتي شي خبريني
_:ماشي شكرًا
_:أهلًاوسهلًا، يالله خلينا نبلش بالدرس الجديد
وهكذا حتى إنتهت هذه المحاضرة فنزلت زينب إلى الباحة لتستريح قليلًا فجلست مع رفقاتها تحتسي كوب من الشاي..
🌸🌸🌸🌸🌸

بينما كان سراج جالس مع محمد فأخبره بموعد الخطبة
سراج: انا بعد يومين راح اكتب كتابي
محمد: هيك فجأة، عمين
_:مش قصة فجأة، عبنت عمي لازم تبلش بالعلاج ولازم كون حلال عليها لأقدر أخدها وجيبها خصوصًا بيي مش هون
_:طيب وبعدان بس يخلص شو
_:لوقتها منشوف
_:أنت بدك ياها؟
_:بصراحة أي مش راح لاقي أحسن منها بس هيي اشترطت نترك بعد ما تخلص علاجها
_:وأنت وافقت؟
_:أي شو بدي أعمل، لوقتها ممكن تغير رأيها إذا حكيتها
_:وإذا ما وافقت
_:بالنهاية القرار إلها
_:ما تضيع الفرصة من إيديك
_:كيف يعني
_:لو خلصت علاج ما تنفصل دغري أعطيها وقت بركي بتقبل بتحكيها أمك وزينب
_:ما فيي أخلف بالشرط، بس لوقتها بخلي زينب تحكيها
_:يالله كلو خير، الله يوفقك ويمشي الحال
_:حبيبي، وأنت شو لأمتا باقي هون
_:لبكرا وراجع عالبيت
_:تمام بتجي عالخطبة
_:أكيد
_:أنت وأهلك، ما راح نعزم حدا مش مناسبة
_:أي صح
_:يالله بكرا بس بدك ترجع حكيني بوصلك عالبيت
_:ماشي حبيبي
🌸🌸🌸🌸🌸🌸🌸

بينما كانت تجلس زينب مع رفاقها وصلتها رسالة من محمد
محمد: كيفك، شو رحتي عالجامعة
زينب: الحمدلله، أي هياني بالجامعة خلصت أول محاضرة واعدت شوي مع رفقاتي لكانت بلشت المحاضرة التانية
_:اي منيح الله يوفقك
_:وانت كيف صرت
_:الحمدلله أحسن بكرا ان شاءالله راجع عالبيت
_:الحمدلله بس بدك تطلع خبرني قبل بوقت
_:ماشي تكرمي
_:كتير حابي شوفك
_:وانا كمان، أراكِ غدًا
_:تمام، أراك
🌸🌸🌸🌸🌸🌸

عند الساعة الرابعة جلست زينب في الحديقة بإنتظار سمر جهزت الطاولة وبعد بضع دقائق وصلت سلمت عليها
سمر: كيفك
زينب: الحمدلله، تفضلي اعدي
سمر: صراحة خجلانة منك
_:ولا يهمك اعدي
_:شكرا
_:شو بتحبي تشربي
_:ما بدي عذبك
_:لا ولو
_:متل ما بدك
_:ماشي راح أعمل شاي
دخلت زينب وأحضرت الشاي ومجموعة من الفواكه
سمر: لي عذبتك حالك اعدي
زينب: اهلا وسهلا
_:حبيبتي اهلا فيكي، مش عارفي شو احكي، عنجد بعتذر ما كنت بعرف شو الحقيقة
_:ولا يهمك، حصل خير
_:حبيبتي تسلمي مبين عليكي طيوبة
_:خجلتيني، خبريني شو عم تدرسي
_:كمبيوتر،وانت
_:حلو، طب
_:الله يوفقك
_:وأنت كمان
_:بتقبلي نصير رفقة
_:اي حبيبتي
_:شكرا الك، ان شاءلله منفرح منكم عن قريب
_:وعقبالك يا رب
_:تسلمي
واستمرت جلستهم حوالي ساعتين وبعدها رحلت سمر..
🌸🌸🌸🌸🌸🌸

أخبرت زينب سراج تفاصيل جلستها مع سمر
زينب: مبيني البنت منيحة
سراج: ان شاءالله، خليكي جنبها
_:اي اكيد، بعزمها بكرا عالخطبة
_:ما بعرف، نحن مش عازمين حدا لان مش وقتها
_:بعرف بس قلت بركي بتتعرف على امي وفاطمة وهيك
_:متل ما بدك، بس ما بدي تعرف لي خطبنا وهيك
_:أكيد
فأرسلت لها رسالة لتأتي غدًا لحضور عقد القران
زينب: اي حبيبتي سمر بكرا كتب كتاب خيي بس مش عاملين شي لان توفو بيت عمي من فترة حبيت خبرك اذا بتقدري تجي بعد الصلاة العشاء
سمر: ان شاءالله بتشرف حبيبتي
_:بانتظارك
_:ماشي

إنتظرونا في الحلقات المقبلة...

israa ftouni♥️
♡♡♡♡♡♡♡♡♡♡

غير مُسامح شرعًا حذف الإسم عن القصّة أو التصّرف بمحتواها
يتبع..
🌸نورٌ على نور🌸

الحلقة الثالثة والعشرين💐

قامت زينب ووالدتها بتجهيز وتنظيف المنزل من أجل يوم الغد، جهزوا الحديقة ووضعوا الكراسي فيها لينفصل الرجال(في الحديقة) عن النساء(في غرفة الجلوس)، فاقتربت فاطمة قائلة:
فاطمة: يعطيكن العافية، لي عم تعذبو حالكم يا ريت فيي ساعدكن بس
زينب: تحكيش هيك
أم سراج: الله يعافيكي يا بنتي
🌸🌸🌸🌸

في اليوم التالي بينما كانت سمر في زيارة عمها فاتصل به أحد ما فاستأذن وذهب لغرفة المجاورة وبقيت هي في غرفة الجلوس ريثما ينتهي عمها من مكالمته فأحست أن هناك أمر ما سيحدث فاقتربت من الباب بعد أن أقفله لكي لا يدخل أحد فسمعت أمرًا خطيرًا فبقيت مكانها من الصدمة وعادت بسرعة إلى الغرفة قبل أن ينتبه لها عمها ففكرت أن تخبر سراج بعد انتهاء عقد قرانه..
🌸🌸🌸🌸🌸

عند الظهيرة أتى سراج إلى المنزل ليستعلم ان كانوا بحاجة إلى غرض ما
سراج: بدكن شي بعد
زينب: لا سلامتك كل شي جاهز
_:تمام
حينها اتصل محمد بزينب ليخبرها أنه سيعود إلى المنزل
محمد: سلام كيفك شو اخبارك
زينب: الحمدلله انت كيف صرت
_:الحمدلله بخير اتصلت لخبرك إني راح احكي سراج كرمال ارجع عالبيت
_:بلا ما تحكيه هياه حدي بجي انا وياه ومنروح لعندكن
_:ماشي تمام
فاسألها سراج عن الأمر
سراج: مين هيدا محمد في شي
زينب: لا ال بدو يرجع عالبيت راح جهز حالي وبروح معك وبطل شوي على بيت عمي
_:ماشي لكن لبسي
_:يالله
انطلق سراج وزينب الى المركز واحضروا معهم محمد وأوصلهم إلى منزله
محمد: مشكور ابن العم
سراج: ولو اهلا وسهلا
_:تفضل نزال
_:والله مستعجل عندي كم شغلة
_:ماشي بشوفك بليل
_:ماشي
دخلت زينب ومحمد وسلما على العائلة
أم محمد: طل البدر، والله اشتقنالك
محمد: وانا كمان هياني جيت يا امي
وضمها وقبلها في رأسها
أبو محمد: وانا
محمد: احلى ابو محمد
فقلبه وضمه أيضًا
ابو محمد: كيفك يا بنتي
زينب:الحمدلله عمو، كيف صرت
_:الحمدلله وين معاش بينتي
_:انشغلت بفاطمة وبالجامعة
_:يعطيكي العافية
_:الله يعافيك
ام محمد: تفضلي يا بنتي ارتاحي
زينب: شكرا
ابو محمد: هلا منتغدى سوى
زينب: انا ما راح اقدر طول عشان بدي ساعد فاطمة كرمال الخطبة
ابو محمد: تاكليش هم انا بوصلك
زينب: شكرًا عم عذبكن
ابو محمد: ولو متل بنتي
زينب: تسلم
حينها اتت رهف وسلمت عليهم وجلسوا قليًلا مع العائلة وذهب محمد إلى غرفته ليرتاح واستأذنت زينب ولحقت به..
🌸🌸🌸🌸🌸

في المساء حضرت عائلة محمد وسلموا على العائلة وجلسوا الرجال في الحديقة والنساء في الداخل وبعد قليل جاءت سمر سلمت على النسوة وجلست معهم وبعد دقائق حضر الشيخ وتم عقد القران (سراج وفاطمة) حينها اقتربت سمر وهنأتهم وطلبت التكلم مع زينب
زينب: اي حبيبتي سمر خير
سمر: في موضوع مهم ولازم احكي فيه خيك كنت ناطرة ليفل الشيخ اذا فيكي تعطيلو شوي عالمطبخ
زينب: هلا؟
سمر: اي كتير مهم لو سمحتي
زينب: ماشي يالله
نادت زينب لسراج
زينب: فيك تجي شوي
سراج: شوفي
_:سمر بدا تحكيك بموضوع
_:ما بيتأجل؟ مش مناسبة اسا
_:قالت كتير مهم
_:وينها
_:بالمطبخ
_:طيب فوتي قليلها انو جاي
_:ماشي
دخلت زينب المطبخ وأبلغت سمر بقدوم سراج..
طلب إذن الدخول ودخل ووقف بعيدًا عنها
سراج: خير شو في، قال شي مهم
سمر: اي في شي خطير وما عرفت كيف اوصل للحاج ما انتبهت اسالو كيف خبرو اذا صار شي
_:خبريني
_:كنت عند عمي وسمعتوا عم يحكي عالتلفون
_:أي؟
_:عم بخططو يغتالوا حدا ويمكن انت كمان
_:شو قالوا الاسم
_:يمكن الحاج محمود وسراج هيك سمعت
_:خلص تاكليش هم انا بتصرف
_:في شي تاني بعد
_:شو هوي
_:لازم تستعجلوا لان العملية بكرا بليل
_:خلص انا بتصرف، بس ما بدي حدا يعرف بالموضوع، وشكرًا لأنك خبرتيني
_:ولو، مهم ما تخلوا الخطة تنجح
_:ما تخافي، راح اتصرف
استأذن سراج من الحضور لأمر طارئ فلحق به محمد
محمد: شو صاير
سراج: بعدان بحكيلك مستعجل، خليك مع اهلي لكنت رجعت
محمد: ما تاكل هم خلص روح
سراج: ماشي
وذهب للمركز واجتمع بالحاج محمود وأخبره بما جرى..

إنتظرونا في الحلقات المقبلة...

israa ftouni♥️
♡♡♡♡♡♡♡♡♡♡

غير مُسامح شرعًا حذف الإسم عن القصّة أو التصّرف بمحتواها
يتبع..
شَــذَّا طـاهِـرة🖤:
᯽~⊰᯽⊱┈──╌•╌──┈⊰᯽⊱~
    •حَـــيٌ بَــعْـــد الإِرتِـــقَــاء‌ 2. ‌🕊️
᯽~⊰᯽⊱┈──╌•╌──┈⊰᯽⊱~


الــحــلــقـــة الـخَــامـِسّـة و الـعِـشـرين_25_

🎞🎞🎞🎥🎥🎥🎞🎞🎞

في محطة القطار🚊

كانت تجلسُ مريم و ولاء في أحد المقاعد  يتبادلون أطراف الحديث بإنتظار القطار السريع الذي سيوصلهم لمشهد المقدسة
بينما توجه علي وهادي لمرتضى الذي هاتفهما وأخبرهما أنه سيزور معهم...

وماإن أقدم سلموا عليه وأردف علي:
شو هلمفاجاة كنت خبرنا أنك جايّ

مرتضى : والله سائبت( صادفت) وأجينا 😅

علي:هيدي بس لما بصدقا ، لاسيما مع صاحب الأشغال والمهمات الصعبة😂😂

هادي: و أنت من كل عقلاتك ،
عم تسأل مرتضى؟؟

علي: عم إسأل لأنو مش محضر نفسيتي ليش لقاء أو مهة، وأنتَ الأعلم مرتضى صاحب المفاجأت😉

هادي: قصدك صاحب الصدمات😂

ضحك مرتضى لكلامهم ثم أجاب: يعني أنا هيك بنظركم يارفاق

علي: بالى( نعم)

مرتضى: تستحق جائزة نوبل لجبر الخواطر
ومن ثم أكمل: بس اطمنوا هلمرة مافي شي، كلو توفيق من الله لنزور الإمام ونحيّ معكن ليلة القدر🌹

• في تلك اللحظة إتصلت ولاء بهادي 📲وما أن أجاب أردفت: لك هادي وينكم القطار وصل ..
تعو بسرعة لنحجز أماكن

هادي: يلا جايين

ونادى لصحبه: يلا تعو القطار وصل

🎞🎞

جلست مريم بجانب ولاء بينما علي وهادي مع مرتضى..
وماإن إنطلق القطار حتى وضعت ولاء رأسها على كتف مريم🌷
سألتها مريم : شو حتنامي؟

ولاء: لا أكيد
بس بتعرفي هلأيام كل مابحط راسي بغفى، يمكن عم عوض أيام التعب والتجهيز للعرس

مريم: والله نيالك
أنا هلأيام ماعم يجيني نوم، من فكرة لفكرة

ولاء: دخيل المفكر😅
وبشو عم بتفكري؟؟

-مريم: بأشياء كثيرة
وعم نظما بالدفتر ، بعدين بفرجيك ياها
هلأ خلينا نفوت عغروب البنات إشتقتلن❤️

- إي يلا

وماإن دخلت مريم إلى المجموعة الخاصة بهن
وجدت رسائل  من نور:
- يارفيقات تنسوناش من دعواتكن بليلة القدر...
وتلها رسالة بعد عشر دقائق:
ولا رد معقولة🥹
الحق عليّ فايتة عمجموعة الكهف.

ردت عليها مريم:
- وعليكم السلام أول شي
وثاني شي 10دقايق ياعمي صرنا من أل الكهف😂

- علقت ولاء:
بتعجبني مريم لما تفوت بالقصف المهذب😅
" وعليكم السلام"

- دخلت فاطمة تلك اللحظة وكتبت: بتعرفو كنت عم أحضر دروس فجأة بقرا كلمة قصف من المجموعة فزعتوني

- نور: يعني فاتحة ومافوتك إلا القصف 😒

-ولاء: شايفة يانور مابردو علينا وبس نموت بنطو عستوري برثاء
" كان لدي رفاق... رحلو وسكنتُ زقاق"😂😂😂

مريم: ضلت بس صورهم😂😂😂😂

نور:🤣🤣🤣🤣

فاطمة: طبعا طبعا مانحنا رفيقات☺️

نور : اي أكيد😄
عفكرة يابنات حذرو🙈🙈

ردت الفتيات: شو

نور: غلط الحزورة مش شو🤣🤣

ولااء: لك نور إحكي

نور: حصير أم جعفر

مريم: يااقلبي يعني طلع البيبي ذكر😍
مبروووك يااقلبي

ولااء: ياااعمري أنا دخيلو لعمتو🌷❤️

فاطمة: ياااعيوووني أنتِ أحلى أم جعفر🌹

نور: حبيباتي عقبالكن إن شاء اللٰه 🌸

مريم : إن شاء اللٰه
وبليل إنطرو إتصال لنفرجيكن مفاجأة حلوة

فاطمة: إن شاء اللٰه
وهلأ سلاام رايحة ساعد إمي بتحضير الإفطار

نور:وأنا كمان قايمة للحّقْ

ونظرت مريم لولاء الجالسة بجانبها وأردفت: ونحنا قربنا نوصل😉

🎞🎞🎞🕊️🎥🕊️🎥🕊️🎞🎞🎞

تلك الخطوات الفاصلة بين أعيُنهم والمقام ، كانت مسافات إشتياقٍ وولهٍ بحضرةِ الإمام
الكُل يُسرع في الخطوات ليصل لباب الرضا أنيس النفوس ، ومطمئِنُ الأرواح🕊️
وماإن وصلوا للعتبة !!!
حتى أصبح الكلام للدموع
ذاك يقبِلُ الباب ويستأذنُ للدخول
والأخرُ لولا الناسُ والإزدحام تراهُ ساجدا فهو في حضرةِ الشمس التي تأبى الأفول
والسؤال أهذا كُله في الأعتاب؟؟
ماذا بقي إذا في الساحة وكيف الحالُ في الضريح🪔

أوصى كل من علي وهادي زوجاتهن أن ينتبهنّ للتليفون ومضو مع مرتضى للتيِهِ في المقام.
أمسكت مريم بيدِ ولاء وأردفت والدموع تبلبلُ وجنتيها: لك نحنا ضيوف عند الإمام الرضا ، عم بتصدقي ياولاء

ولاء والدموع في عينيها: ياعلي ابن موسى الرضا ، أعظم اللحظات بحياتي شفتهم هلأ

وفجأة يسمعن صوت من خلفهن: لبنانيات؟؟

إلتفتَن فوجدنَّ إمرأة بأعمارهن ترتدي الشادور الأسود بيضاء البشرة صغيرة الملامح تبتسمُ بود لهن😊

بادلنها الإبتسامة وقلنا في ذات اللحظة: اي
إتجهت نحوهن تعانقُ كل واحدةٍ منهن وتربتُ على ظهرها
قالت لها مريم: يااقلبي ماأطيبك

أما ولااء : ياالله ماأحلاك وماأطيبك

الفتاة: حبيباتي أنتو ماأطيبكن ، وما أحلاكن وماأسرعكن فوتة لقلبي🫀❤️
بس شفتكم فايتين لفتوني بعبايتكن و لمست بعيونكن شوق كبير ، وبس سمعتكن تحكو لبناني كسرت الحواجز😅

- ولاء: يعني أنتِ كمان لبنانية؟؟

- الفتاة :إي أنا لبنانية بس ولدت وعشت بقم لأنو بابا وماما طلاب حوزة

مريم: نياال قلبك
نحنا لبنانيات ومن شهر إجينا عطهران عفكرة شو إسمك

الفتاة: نرجس🌸
وأنتو؟؟

ولاء: عاشت الأسامي أنا ولاء
وهيدي 🤏: مريم
نرجس: تشرفت فيكن ككثير
-حاسة أول مرة تجو لهون، أنا هسنة صحلي كون من الخادمات بالصحن الرضوي فعارفة الأماكن هون

- ولاء: نيالك ونيالنا فيكِ

-نرجس: حبيبتي🌸
شو رأيكن تصلو ركعتين ، بعدين في قرأة جماعية للقرآن قبل صلاة المغرب

-مريم: فكرة بتجنن🥺

- نرجس: لكان إمشو معي😊

🪔🪔🕊️🕊️🪔🪔🕊️🕊️🪔🪔

بعد التلاوة العطرة للقرآن إرتفع آذان صلاةِ المغرب🕌
وماأخشعهُ من آذان
و بدأت أعظم ليلة في السنة ، ليلة تتنزل الملائكة بإذن ربها ، ليلة تكتبُ فيها الأمال والأقدار، ليلة تُقبل التوبة فيها وتُمحى الذنوب ولو كانت بعدد الأشجار وقطرات الأمطار....
ومذ بدأت بدأ الكل يلهج بالصلوات والإستغفار، وبعد أن أنهو الصلاة...
طمأنت مريم علي بأنها مع مرشدة وأخت لبنانية فلا يقلق عليها وأخبرتُه أن يُطمئن هادي عن ولاء.
و قبل أن يتوجهن حيث الإفطار الجماعي للنساء وهن لايزلن في محراب الصلاة منشغلات بالتسبيح📿
هتفت نرجس: يلا ياصبايا  بعد ماخلصتو دعاء ؟؟
خلينا نكسر صيامنا لنلحق برنامج العبادات

مريم: إي يلا جايين حبيبتي

لم تتكلم ولاء بأي شيء، كانت تشعُر بصداع كبير برأسها ، وماإن وقفت حتى أصبحت ترى ماحولها مضبضب ...
إختلّ توزنها فشعرت أن الدنيا تدور بها نادت في تلك اللحظة : مريييم
وماإن إلتفتت إليها حتى بُهت وجهها وأسرعت إليها ومعها نرجس
أما هي فأرخت بجسدها  و غابت عن وعيهم عنهم 🥀
وضعت مريم رأس ولاء في حضنها والدموع تتساقط من عينيها وبقيت تردد: يلا يااعمري فيقي ، نحنا عند الإمام العطوف🥺
إلهي ب علي ابن موسى !!

أما نرجس فراسلت صديقات لها يخدمن في الصحن ليقدمن...
وبعد خمس دقائق  عادت ولاء لوعيها تشتكي فقط من الصداع إبتسمت في وجه مريم القلقة عنها وإطمأنتها بكلامها: بكون من السفر والصوم هلأ رح كسر صيامي وبصير منيحة

نرجس: بس قبلا خلينا نطمن عنك جاية دكتورة متطوعة بالخدمة معنا

مريم : لاقبلا حتى تكسر صياما بالتمر والمي
وبدأت تحاكيها مثل تناغي الطفل الصغير: يلا إفتحي تمك

ولاء: مرييم🥲

مريم: عيونا
يلا كلي وماتخجلي، رفيقتك كل أكلا صار هيك مع علي😅

ولاء: الله معو😂😂

قدمت رفيقة نرجس وبعد أن تحسست نبضها وإرتفاع ضغطها وجدتها بصحة جيدة..
سألتها بعض الأسئلة و عندما أجبتها ولاء إبتسمت الدكتورة😊
وأخبرتها أن لا شيء مقلق و عليها أن تجري بعض التحاليل فور ماتعود.🩸💉

🪔🪔🪔🕊️🕊️🕊️🪔🪔🪔🕊️🕊️🕊️

بل في رحاب الملائكة والنفحات
تشعُر مريم بإشتياق رهيب...
أتمضي أجمل الليالي في لحظاات!!!
أحست نفسهت للحظة في محراب ينتقل من مقام لمقام وعندما وصل للباب الله
أغْلِقت الأشرعة وإنتهت أجمل اللحظات وحان الوقتُ ليغادرو..😔😔😔
سألت نفسها لماذا لم تكن كليلة الفقد طويلة؟؟
أم كليلة الحمى والشقيقة؟؟
لماذا لم تكن كليالي السهر والإنتظار...
أتمضي فورا وهي لم تشبع فؤادها وروحها بمجاورة الأنيس...💔

الحال لم يختلف عن علي، هادي ، مرتضى ، وولاء
فعليهم أن يغادروا قبل ساعتين من الفجر في الطائرة الداخلية✈️✈️✈️
ليكملُوا الصيام ، ولسانُ الحال
"اللهم لاتجعل هذه الزيارة أخر العهد مني"

رافقتهن نرجس حتى باب المقام بالدموع والدعاء ، لم تعرفهن إلا قبل ساعات لكن أحبتهن ، وتعلقت بهن ، بفكرهن، بشوقهن للإمام....

كانت تحمل إناء من الماء لترميه بعد أن يغادرن، على أمل الرجعة واللقاء❤️

أما مرتضى فكان لايزالُ يسير ببطئٍ ونظريّه معلقةٌ بقبة السلطان...🕊️
ولأن المكان لم يكن يعجُ بالكثير من الناس ,  فأغلبهم في الداخل يكملوا الدعاء
فقد بقيت عيناهُ شاردةٌ بالقُبة لذلك لم يلتفت للفتاة الواققة أمام باب المقام...
كانت هي سترمي إناء الماء الذي بيدها وفجأة أحست بقوة تدفعها فسقط الإناء ، وتناثر زجاجه إلى قِطعات...

1- لماذا أغمي عن ولاء وماذا ستجد في التحاليل ؟؟
2-وكيف سينتهي الموقف بين مرتضى ونرجس؟؟

يتبع....

https://www.tgoop.com/tahira_50_313

      ᯽~⊰᯽⊱┈──╌•╌──┈⊰᯽⊱~


✍🏻م .طــــاه‍ـــــرة♡~
            
            ᯽~⊰᯽⊱┈──╌•╌──┈⊰᯽⊱~
يتبع..
🌸نورٌ على نور🌸

الحلقة الرابعة والعشرين 💐

بعد مرور ساعة بدأت العائلة تقلق على سراج خصوصًا بعد ذهابه بهذه السرعة فاستاذت عائلة محمد ورحلت
أبو محمد: نحن منستأذن يا جماعة واذا صار شي احكوني
أم سراج: اذنك معك، شكرًا عم نعذبكن
أبو محمد: محمد خليك هون واذا اعتزتوا شي خبرني
محمد: اكيد باقي هون لحتى يرجع سراج، اكيد بحكيك
_:بس يرجع طمنا
_:ماشي
لكن سمر بقيت بعد أن أخبرها سراج بضرورة بقائها في منزلهم لكي لا تتعرض للخطر او يشك بها، فمر محمد من قربها واستوقفها بعدما علم من زينب انها هي السبب بمغادرة سراج
محمد: شو خبرتيه لسراج لفل هيك بسرعة
سمر: ما فيي احكي
_:لي
_:امر خطير
_:اف هالقد
_:اي، وهوي قلي ما خبر حدا
_:ماشي، بس ليرجع بعرف
🌸🌸🌸🌸🌸

طلب الحاج محمود حضور مجموعة من الشباب فأرسل لهم سراج على مجموعته
سراج: حسن وحسين محتاجينكن
حسن وحسين: يالله جايين
محمد: خير شو في
سراج: خليك مع العيلة، بس ارجع بحكيلك
محمد: ماشي
أخبر سراج الحاج بقدوم حسن وحسين
سراج: حكيت حسن وحسين راح يجو
الحاج: بعد بدنا شباب، محمد وينو
_:تركتو مع العيلة
_:منيح
_:بدك بحكي وعلي صادق بعد ما رجع
_:تمام احكيه
_:يالله
اتصل سراج بعلي وصادق وطلب منهم القدوم على الفور..
🌸🌸🌸🌸

عند الساعة الواحدة بعد منتصف الليل بينما الجميع في منازلهم داهم الشباب منزل أسعد(عم سمر) واعتقلوه وتم التحقيق معه بعد أن اعترف بالاغتيال الحاج عباس وبأنهم سيغتالون الحاج محمود وسراج وصادروا هاتفه لمتابعة البقية واعتقالهم..
وعند الصباح اتصل أحد بأسعد ليحدد موعد الاغتيال فطلب منه أن يجتمع به أولًا للحصول على المال ومن ثم ينفذ العملية فوافق الآخر وتم تحديد المكان وأرسل أسعد ليقابله وتم اعتقاله أيضًا وتم اعتقال اثنين آخرين بعد أن نصب لهم الفخ بحجة مساعدة أسعد والحصول على نصف المبلغ وهكذا تم اعتقال الجميع والاعتراف بجرائمهم بعد أن ارتقى عدة الشهداء بسببهم وبعدها تم تسليمهم إلى دولة وحكم عليهم بالمؤبد..
🌸🌸🌸🌸🌸

عند الساعة الثالثة عصرًا عاد سراج إلى المنزل بعد أن كادت والدته يغمى عليها بسبب ارتفاع ضغطها خوفًا على ولدها الوحيد فجلس قربها وطمئنها أنه بخير ولم يصبه أذى حتى هدأت وأدخلها إلى غرفتها لترتاح قليلًا..
عندها ناداه محمد وجلسا في الحديقة
محمد: شو صار طمنا والله قلقت عليك
سراج: طمن كل انتهى عخير والحمدلله ماحدا تأذى
_:شو قالتلك سمر
_:كان عم يخططو يغتالونا انا و الحاج بس الحمدلله سمعتن سمر وخبرتني وتصرفنا بسرعة واعتقلنا عمها والمجموعة لمعو وانقضت عخير
_:الحمدلله، بس لي ما خبرتني كنت رحت معكن
_: كان الأفضل تبقى مع العيلة خصوصًا كلن بنات بركي بعتو حدا لهون عالبيت
_:الحق معك، الحمدلله قطعت والحمدلله عسلامتكن
_:الله يسلمك يا رب
_:خليني روح عالبيت بدي نام شوي وخليكن ترتاحو
_:ماشي خلينا نرجع نشوفك
_:اي اكيد
ذهب محمد إلى منزله وذهب كل منهم إلى غرفته والتقى سراج بسمر قبل رحيلها وشكرها على مساعدته
سراج: بتشكرك لان خبرتيني وما خليتي العملية تنجح
سمر: ولو اهلا وسهلا، انا بدي استاذن وروح
_:خليكي مع الصبايا اذا بدك
_:لا خليني روح عبيتي امي بتكون قلقانة عليي
_:متل ما بدك عراحتك
_:شكرًا
وغادرت سمر لتعود إلى منزلها فأمها مقعدة ومن المأكد أنها قلقة عليها..
🌸🌸🌸🌸🌸🌸

في اليوم التالي اتصلت زينب بمحمد ودعته لتناول الفطور معًا وحينها اتصل سراج بصادق ودعاه أيضًا فطلبت زينب منه احضار بعض الأغراض
زينب: عزمت محمد عالترويقة منا شوية غراض
سراج: وانا عزمت صادق كمان، طيب عزمي سمر فرد مرة ومنقعد نحن الشباب بالحديقة وانتو قعدو جوا
_:ماشي يالله حدقلها
_:احكيها وقليلي شو بدكن لروح جيب
اتصلت زينب بسمر ودعتها أيضًا للفطور معًا فلبت سمر الدعوة فورًا وذهب سراج إلى الفرن وأحضر بعض المعجنات بينما زينب جهزت الشاي وبعض الألبان والأجبان..
وصل محمد أولًا ثم وصل صادق وسمر بنفس التوقيت فألقى السلام فردت سمر خجلة ودخلت مسرعة..
جلس محمد وصادق وسراج في الحديقة وفاطمة وزينب ووالدته وسمر في الداخل وتناولوا الفطور معًا وبينما كان صادق جالس بالقرب من سراج سأله
صادق: مين هيدي البنت لأجت بتقربكن؟
سراج: مين سمر؟
_:ما بعرف اسمها وصلت انا وياها
_:لا رفيقة اختي
_:مخطوبة شي؟
_:شو شكلك علقت
_:لا مجرد سؤال
_:لا مش مخطوبة
_:اي ماشي

إنتظرونا في الحلقات المقبلة...

israa ftouni♥️
♡♡♡♡♡♡♡♡♡♡

غير مُسامح شرعًا حذف الإسم عن القصّة أو التصّرف بمحتواها
يتبع..
حابين القصة؟
إنتظرونا اليوم مع الحلقة ٢٥اليوم..
🌸نورٌ على نور🌸

الحلقة الخامسة والعشرين💐

عند الظهيرة استأذن سراج لدخول غرفة فاطمة وتكلم معها
فاطمة: تفضل
سراج: انا كنت ماخد موعد للحكيم لبسي وجهزي حالك لنروح بعد شوي، وعذرًا ما قدرت خبرك من مبارح بس هيك صارت كم شغلة
_:ولا يهمك كلو خير، يالله ربع ساعة وبكون جاهزة
_:ماشي ناطرك تحت
_:ماشي
نزل سراج وانتظر فاطمة حتى انتهت وانطلقوا نحو عيادة الطبيب..
🌸🌸🌸🌸

دخلت فاطمة إلى العيادة وفحص الطبيب عيونها مما أخبرها بأن العلاج سيأخذ بعض الوقت
الطبيب: راح نبلش العلاج من بكرا بس بدن وقت
فاطمة: اي ماشي
سراج: مش مشكلة مهم يمشي الحال
الطبيب: ان شاءالله اتكال عالله
ساعد سراج فاطمة للعودة إلى السيارة وعاد ليتكلم مع الطبيب لأن أحس بأمر ما
سراج: خليكي هون شوي وجايي يمكن نسيتي تلفوني جوا
فاطمة: ماشي
دخل سراج وتكلم مع الطبيب
سراج: بدي اسالك عن العلاج حسيت مخبي شي
الطبيب: ما حبيت احكي ادامها كرمال ما تيأس بس العلاج طويل ومش مضمون لانكن تأخرتوا لازم من وقت كانت بالمستشفى يتعالجوا والظاهر كانت تبكي كتير وشكلوا اثر عليهم كمان
_:ادي احتمال يمشي الحال
_:اتكال عالله في نسبة ٥٠٪، مع العلاج ببين
_:ممكن تحتاج عملية شي
_:ما راح نحكم دغري خلينا نبلش شهر بالعلاج بعدان منحكي بالعملية
_:مشكور دكتور اخدت من وقتك
_:اهلا وسهلا
وهم في الطريق سألها سراج
سراج: بتحبي تجيبي شي قبل ما نرجع عالبيت
فاطمة: لا شكًرا
_:ما تستحي
_:لا عنجد ما بدي شي يسلمو
_:ماشي بس بدك شي قليلي
وأوصلها إلى المنزل وذهب إلى حوزته..
🌸🌸🌸🌸🌸🌸

بينما كان أبو سراج في عمله التقى بالحاج أحمد فأوصل رسالة معه لولده سراج وأخبر الحاج في حال تعرض لإصابة او اسر بأن لا يخبر أحد إلا في حال إستشهد
أبو سراج: اسمك راجع اليوم هيدا رسالة أعطيها لسراج، ومتل ما بتعرف هون الوضع صعب وأنا تأخرت عن رجعتي بس اعطيه رسالة ويخبر العيلة اني بخير وشو ما صار معي تصاوبت او اناسرت ما بتخبرن الا اذا استشهدت
الحاج احمد: خلص متل ما بدك يا حاج، بس لي هالطلب
أبو سراج: بعرف العيلة ما بتتحمل بعد كل شي صار حتى لو اصابة خفيفة راح يتعبوا
الحاج أحمد: والله لحق معك، يالله بدك شي بدي جهز حالي
أبو سراج: مع السلامة
🌸🌸🌸🌸🌸

اتصل صادق بسراج ليكلمه بموضوع سمر
سراج: اي حبيبي صادق في شي
صادق: حابب احكيك بموضوع اذا فاضي
_:اي قلي
_:مش عتلفون، بدي شوفك
_:طيب شوي ورايح عل مركز سبقني لهونيك
_:ماشي يالله
ذهب صادق الى المركز ولحق به سراج بعد قليل وجلسا معًا
سراج: خير شو في
صادق: بدي تساعدني بموضوع
_:سمر؟
_:شو عرفك
_:حسيت عليك وقت كنت عنا كل شوي تشرد
_:اي صح، من وقت شفتها مش عم تروح من بالي بس انا ما بدي هيك
_:اكيد هل شي غلط ، قلي شو بقدر ساعدك
_:كرمال هيك حكيتك، بركي اختك بتحكيلي معها اذا بتوافق بدي فوت عالبيت
_:ماشي هيدا الصح، بس في شي لازم تعرفو
_:شو هوي
_:لعميل لعتقلناه بكون عمها للبنت وبيها للأسف كان هيك
_:شو يعني
_:حبيت خبرك كرمال بنت مش ذنبها فتشنا ورا الموضوع طلع البنت ما دخلها بهل قصص وبالعكس هيي ساعدتنا بالموضوع
_:وانا ما عندي مشكلة البنت مبيني منيحة يعني مش ذنبها اذا عيلتها هيك
_:انا بس هيدي لبدي وصلك هيي انو البنت غير، قلت بخبرك لبعدان كرمال ما حدا يحكي بالقصة
_:اكيد ما بقبل حدا يحكي بالقصة
_:بس بركي اهلك عارضوا
_:لا ما بعارضوا انا بحكيهن
_:لكن الافضل تحكي اهلك، بترجع اختي بتحكيها بلا ما ينكسر خاطرها اذا اهلك ما وافقوا، بدك تقنعهم بالاول وانا بساعدك في حال رفضوا
_:والله معك حق، ليوم بحكيهن بليل وبردلك خبر
_:تمام
_:لكن خليني قوم روح كمل شغلي
_:الله معك
🌸🌸🌸🌸🌸🌸

قرر محمد أن يذهب هو وزينب ليتمشى على شاطئ البحر  ويتحدثا بخصوص تجهيز منزلهم الجديد فأتصل بها
محمد: كيفك حبيبتي
زينب: الحمدلله ماشي الحال
_:شو عم تعملي
_:ولاشي اعدي
_:تمام شو رأيك نروح مشوار
_:متل ما بدك
_:سراج بالبيت
_:اي من شوي اجا
_:شو رأيك يروحوا معنا هوي وفاطمة
_:والله فكرة
_:يالله حاتصل فيه وشوف اذا بيقبل
_:ماشي انا راح جهز حالي
_:تمام
اتصل بسراج على الفور
محمد: شو عامل
سراج: ولاشي
_:طالع انا وزينب مشوار نتمشى شوي عالبحر، شو رأيك تروح معنا انت وفاطمة
_:رايح انت وخطيبتك شو بدك فينا
_:امشي هيدي فرصتك بركي بتغير فاطمة رأيها بعدان بتمشو وبتحكو شوي
_:ماشي راح احكيها
_:اذا وافقت لبسو هياني جايي
_:ماشي
وافقت فاطمة على الذهاب لعلها تتحسن نفسيتها قليلًا فتجهز الجميع ونزلوا إلى الحديقة حيث كان محمد بانتظارهم..

إنتظرونا في الحلقات المقبلة...

israa ftouni♥️
♡♡♡♡♡♡♡♡♡♡

غير مُسامح شرعًا حذف الإسم عن القصّة أو التصّرف بمحتواها
يتبع..
الرجاء قراءة السورة المباركة الفاتحة مسبوقة بالصلوات على نية حفظ المجاهدين وشفاء الجرحى🤲
Forwarded from 💎وصايا الشهداء 💎 (Israa Ftouni)
حملة صلوات محمدية على نية شفاء الجرحى
Anonymous Poll
52%
١٠٠
0%
٢٠٠
3%
٣٠٠
14%
٥٠٠
31%
ما فوق ل ٥٠٠
السلام عليكم
راح نتوقف عن النشر هالفترة لأن استشهد عمي
ما تنسونا من الدعاء وما تنسوا دعاء لشفاء الجرحى🥀 وحفظ المجاهدين ونصرتهم🙏

الفاتحة لأرواح الشهداء وشفاء الجرحى🙏
Forwarded from 💎وصايا الشهداء 💎 (Israa Ftouni)
حملة صلوات محمدية على نية حفظ المجاهدين ونصرتهم وشفاء الجرحى
(العدد قدر المستطاع)
لمن يريد المشاركة تفاعل❤️
2025/07/06 10:33:35
Back to Top
HTML Embed Code: