یبن الرضا


ملچوم خلصت الـعمر ما تنوصف سالفتك
غـــربه و هظـم و المشکله ام بیـتك الکاتلتك
اشوی عشت من طف کربله من فرحو إبفاتحتك
بس زین ماجاسك رمح ولا شفت رکضة بنتك


هم جاسك الحر والشمس و وجهك تغیر لـونه
وجدك ابـذاك الحر طلع دخان من عیونه
سالم متت ما منسحگ لو جسمك ایطشرونـه
الجــدك عشـیره التمت ومن کربله إیـلمونه

شایف هظم بس مو هظم عماتك الشافنه
سامع حچی بس موحچی عماتك السمعنه
السـوگ الــزلم ماطــبته وعــماتك الطبنـه
اشطول الدرب ممشه شهروهنه رکض جابنه

یلنساسی روحك تحترگ ع السطح بس ماتنسه
حسین الحرگ چبده العطش تحترگ من إتلمسه
ذباح یســلب خنـصره و ذباح گاطع نفســه
تفــرهد حلال إلبلخیم و خـربوا قــاسم عـرسه


احمد الصخراوی


https://www.tgoop.com/ninve

طالعات ظهر و من الخیمه کلهن طالعات
راکضات. صوب جسم حسین راحن راکضات
توه مات حسین توه نسحگ جسمه وتوه مات

طالعات الما یطلعن وین چا عباس عنهن
الخیم بیهن ریحة الله ولیش چاحرگو خیمهن
بلخیم طبو الغربه و لابسین اهدوم اهلهن

طلعن وموخوش طلعه
إحسینهن موزین وضعه
حسین بعدإشضال منه
راح راسه وراح إصبعه

____________

تنعه های های بتمن مدری اختمن تنعه های
تصیح مای‌ شابگه إهدیمات إبنهه تصیح مای‌
یا ربای لیش فوگ الرمح نایم یا ربای

اُم حنینه وماکو مای اشبیدهه وما در لبنهه
محترگ کاروك إبنهه و طفت النار إبحضنهه
وإلیسلب یدگ سوطه وما إنطته إهدوم إبنهه


ابنی شو ما لعبوه
گوه من حضنی خذوه
گالو ابنچ خیل اجته
و دافنته ابصدر ابوه

___________


إتحیرت حسین بیك و بلیتامه إتحیرت
تونی جیت توه لمیت البنات و تونی إجیت
مالگیت أهدوم اجیبنهن و إجیلك مالگیت


طلعت ام خمسین عام و ارکض و ما لحگیتك
بلدرب شفت ابنی طایح بس عبرت ابنی وجیتك
الیوم محد منتخیلی وجیت یبن امی و نخیتك

عابره الطف جیت وحدی
وجیت أحشم خال ولدی
موش للنوم الصحاری
إبظعنك الموخوش یحدی

______________

طایحین یلتحشمن ذول اهلچن طایحین
طابین طلعن الغربه بخیمچن طابین
بلحسین لا تدورن ما تطیحن بلحسین

بالچن لمن تعثرن خاف هوه البی تعثرن
حسین موش بکیف روحه صایربکیف إلیسحگن
لاترکضن یم اخوچن خاف یزعل من ترکضن

حسین خلص توه ذبحه
إیشوفچن من فوگ رمحه
خاف یزعل من تطیحن
لاترکضن فوگ جرحه


احمدالصخراوی

#فراق_زینب_علیها_السلام


چا هیچ الوداع ایصیر بلگوه
اجیت بثوبی اعثر مدری بلخوه
طیحتهم هضیمه المالهم تچوه

المن بلیتامه مدری الم بیك
بعدتنسحگ آدری من اخلیك

شفتك فاتح عیونك
اشبیهم ما یعوفونك
اشبگنك یجون اردود
ومن ایدی یجرونك

----------------------

احسب شیب راسی وراح تعرفنی
اجیت ارکض وخاف الخیل تلحگنی
طحت مابیه ادنگ متنی یوجعنی

نخیتك خویه حرمه وطاگهه البین
اول تالی یگطع بأخته الحسین


اجیت و هادنی الحیل
وعبرت الناس والخیل
انشافت عبگك ام عون
وآنا الماطالعه الیل


----------------

ظلام و ریحتك خلتنی بیك اندل
واعرفك وانت اخوی حسین المعدل
انا امتانیتك من امس الظهر ع التل

اشکثر ما مار اسمك خویه بشفای
وحگ درب الرکضته کارهه المای

اجیتك والجدم حافی
ولگیتك ع الرمل غافی
اشبگ بیك ماحسیت
حته السوط بچتافی

------------------------


الیحبنك عفتهن خویه ینتظرن
خواتك عتبن ومن حگهن إیعتبن
آفیی إبیا عبایه و کلهن احترگهن

الیله بهیمه عگبك رایح إنبات
وبس الغربه إلتزت الغریبات


چا ما تفز یلنایم
عیب النوم عندهاشم
نومك مو طویل حسین
اجتنه اتفرهد الوادم


احمد_الصخراوی

شور_جزع


کلمن مات بلطف ربعه شالو
بس حسین طایح وحده خلو
عادك هسه لوبس ضال ع الگاع
التمو کلهم وبلخیل و داسو

کلهه اتشیع الناس
بس حسین ینداس
محد شیع حسین
ضل جثه بلاراس

واویلا علیٰ الغریب
-----------------------

کلمن طاح بلمیدان ینشال
بس حسین حدر اخیولهم ضال
موش الناس خیل اتشیل الحسین
ترد النفس بی و ایسحگه خیال

توه یرید یرتاح
ویاخذحیله ذباح
ثلت مرات الحسین
گام و علوجه طاح


واویلاه علی الغریب

------------------------
من یمته سدت عند العرب های
الیعطش ینسگی بلخیل مومای
حته الخیل شربت وهوه عطشان
وگطعو حته فوگ احسین الفیای

العطش ماخله بی حیل
و ایشوف السمه لیل
هوه ایصیح عطشان
وایشربون بلخیل


واویلاه. علیٰ الغریب

-------------------------

یقبل یا شرع یا دین و اسلام
الغریب ایطیح وایحرگوله اخیام
یاهو الیقبل اهله تروح ع النوگ
و ایفرون بیهم دیرة الشام

یاهو الیقبل آبهای
یرکضون اهله حفای
یاهو الیگدر ایعیش
واهله ابحسرة المای

واویلا علیٰ الغریب

--------------------------
مدری یا عشیره آبهای تقبل
بنتهم صاعده الظهریه ع التل
یا ناس وعشایر تقبل آبهای
تصعد بنتهم اعله النوگ هزل

موش اولام و اتلوگ
زینب صاعده النوگ
بنت شیخ العرب های
اشلون و طبت السوگ

واویلا علیٰ الغریب

#احمدالصخراوی

. ثمّ أراد الإمام أن يخرج من الخيمة فتعلّقت به السيّدة زينب وقالت: مهلاً يا أخي، توقّف حتّى أتزوّد منك ومن نظري إليك، وأودّعك وداع مفارق لا تلاقي بعده. فجعلت تقبّل يديه ورجليه، فصبّرها الإمام الحسين، وذكر لها ما أعدّ الله للصابرين. فقالت: يابن اُمّي، طب نفساً، وقرّ عيناً ، فإنّك تجدني كما تحبّ وترضى

وداع_الحسین_مع_اهل_بیته_علیهم_السلام
تقول_السیده_زینب_علیها_السلام


اثنعش مره اتوادعیت وماکفاك
تطلع انته وترجع اتعایـن وراك
هوه کون الطف خلص بأول وداع
ماکو مای وحته ینذب ابگفاك


التمن علیك ایوادعنك
اتگوم وهنـــه ایگعدنك
وحده تظم الطاس یحسین
وحده تظم السیف عنك

خویه بس هلیله های
ابقیٰ مانحتاج مــای
ارد ازتنك یخـوی
ایطلعن ایرکضن ورای



اشما بعدت ایطلعن إیرکضن علیك
وخویه حته الخیمه هم إمجلبه بیك
الیوم وداعنه عزیز ابصف عزیــز
وهاذ دم عبدالله هل یابس بدیك


یاکون میته من اول إوداع
کلساع یوگف گلبی کلساع
یلضال بس انت بهل الخیام
کلساع یوگع غالی ع الگـاع

ضل یلوداعك ثجیـل
الفرگتك ینراد حیــل
الرایحلهم موش ناس
راح تتلگاك خیـل



انریدکم یحسین ماردنه الفـرات
عاد بس هلیله ضل بلخیمه بات
لو تـــطیح اخــیامنه رایح تطیح
بس تطیح احسب خواتك راکضات

امتانینك اتطیح و یجونه
من الخیمه خویه ایطلعونه
اموچودین لابس محبس حسین
یمته تطیح و یاخــذونه

اتطیح شیخلون بیك
خیلهم ترکض علیـك
الوحدك اتضل یاغریب
ومایخلونه نجیـــك


اشلون ازتك خویه لا مو عدله های
حدر النگاب اظم دمعی و مستحای
الیوم کلمن وادعیته ایرد ذبیـــح
و ماتو الگلولی راح انجیب مـای

الیوم خویه اتوادعینه
وردت چثثهم بس علینه
المای فرهد منی خوان
یحسین ضل مامشتهینه

الزتیته گبل اشوی مات
العباس طایح ع الفرات
بطلنه ما نشتهی الـمای
یتوسلن بیك البنـات




احمد_الصخراوی

#خطاب_العقیله_مع_قمر_بنی هاشم


إبيا رمح مشيول راسك ما عرفتك
واشلون اگلك خويه هاي اختك اجتك
وگربولي الرمح يبن امي وتبعتک
من شفت خيط ابلحيتك من جربتك



گلتلهم ذاك الکافلنی
عباس الچان امدللنی
متغیر لو متغیره انه
لا اعرفنه و لایعرفنی


لاعرفنـی ولاعرفتـه
شمیت عطره وشبگته
گتله عباس انه زینب
اشعجب ما فز من ندهته


ـــــــــــــــــــــــــــــــــــــــــــــــ

انه ما متغـیره بس متغیـر انته
حته سلاب الخیـم عنك نشـدته
ابنی طایح بلـدرب شفته وعبرته
وخویه ماضل زلمه میت ماگلبته


ابنی المذبوح اتعدیته
وماضل زلمه وماگلبیته
وین المنطی ام عون احجایه
وماضل شارب ماهزیته

عثـره تشمرنی اعله عثره
ویـن اخـوی الدگلی صدره
وینه عباس الیـــحبنی
البعمره ما دایرلی ظهـره

ــــــــــــــــــــــــــــــــــــــــــــــــ

ما طلعـت امن الخیم بس طلعتنی
مارکضت وانته للشـط رکضتـنی
خویه بــفـراگك گـبل چا عـودتنـی
ما عــرف للشیـب وانته الشیبتنی


تستاهل ارکضلك وأتعب
بس لاتـزعل جاوب زینب
امنسینی الدنیه و وادمهه
راس اختك بفراگك شیب


اعله النهر لمن سمعتك
طایح وحاظن جـربتك
گبل اخوك احسین خویه
اشلون ما اعرف وصلتك

ـــــــــــــــــــــــــــــــــــــــــ

هسه فات الفات واحترگت خیمنه
یمنه جابـوا رایتك خویه ـ عطشـنه
خــویه جــابو مای یمنه ومـاشـربنه
احنه نشرب مای بس من چف گمرنه


جابو مای وماشــربینه
وحته محد شافه ابعینه
نشرب بس من اید العباس
وذبته من ایدیهه اسکینه


یا مای الیـرهم وانشربه
من ایدك مو من الغربه
گلت اشرب مای واتروه
وعبـاس نیران ابگلبه



#عبد_الرباب
#احمد_الصخراوی
https://www.tgoop.com/ninve

#مولاتی زینب علیها السلام تگله...


یا شیخ یا حلو العشیره
الوادم‌ تلم بیك بحصیره
رایح وعایف ظعنك اویای
متحیره وموخوش حیره


إعذرنی جیت و باطیه إعلیك
جیتك اشوف ٱشبیك مابیك
و إمنهد ما ذبحوك عریان
ومامش عبایه وبیهه إغطیك

لا جیت اعاتب و ارد الچمك
بس جیت اودعنك و إشمك
یحسین ترسو بیك الطفوف
الوحدك عشیره و ما تلمك

ذاك الهوای إشگده صایر
التمت تلم بیك العشایر
منهم تلم الضال ع الگاع
وشی منهم اتدور الحوافر

شمسوی انت وهیچ ذبحوك
مذبوح بس چالیش سحگوك
إمطشر بطول الگاع یحسین
خویه ابشلاع الروح لموك


#عبد_الرباب
احمد الصخراوی


https://www.tgoop.com/ninve

للتواصل

@a_h_m_ninwa

#صداقة_الحسین_علیه_السلام



قررت احبك من گلب إقبلنی جیتك نادم
بس عشگك الیوجع صدگ چذاب عشگ الوادم
وناس وخلت من الوفه و ومات الوفه وی هاشم


یلواگف بعینی أعمه وتدلینی تحطنی اعله دربك
یالیلی یاصبحی. جرحك یضل جرحی و کلشی الیتعبك
یا اول جروحی واطلعهه من روحی یحسین احبك

یامای العطشانین
یاحیل المتعوبین
تتغیر های الناس
بس حسین انت حسین


(حسین یا اول و آخر حب)
____

لوهیچ لو تبطل بعد مابیهه لون الصحبه
یحسین یلحضنك وطن طلعنی من الغربه
موتنی بلحب والیحب لازم یموت الحبه

کلمن عشگ گلبه وضل ملتهی بحبه وروحی التهت بیك
ماألتهی بغیرك کاسر علی خیرك. وبعیونی اخلیك
عشگ البشرطافی بس عشگك الصافی چابیش اجازیك

حبیتك من اصبای
وجرحك یکبر ویای
تگضی الناس ویمشون
وبس آنته التبقیٰ اویای


(حسین یا اول و آخر حب)
_____


ما ینعرف عشگ البشر کلمن یحب إبوکته
ناس اشکثرراحت وإجت وبعدك هذاك اهوه انته
الصحبه منك و إنتهت تصدق إویه الصاحبته


ما ٱبتعد عنك واوجب فرض حزنك عند الیحبون
خل التهی بحبی. وآنه إشمرت گلبی ویه الیخدمون
إبیض گلب گلبك جون اسودوحبك. بس دللت جون


صبح الله بعینك لیل
و الحافر غثك ‌حیل
طایح وتفض قمصان
چاخوش جازوك بخیل



(حسین یا اول و آخر حب)
__

یلحبك اولایه و وطن بس ظعنك إمغربینه
ابوجه الیذبحك تبتسم وابوجهك ایسد عینه
وانطیت للحافر گلب و چان الگلب لسکینه

محدفهم گلبك کلمن یجی إیتعبك و اولهن المای
مخلینك بهیمه وحرگولك الخیمه واجروحك اهوای
بکلهن چنت صابر من حافر الحافر ولا گتله بهدای


بس اهناصبرك مات
رکضنلك علویات
تعبان انت من الخیل
والرکضن تعبانات



(حسین یا اول و آخر حب)



#احمدالصخراوی

https://www.tgoop.com/ninve

غریبه وهاد متنی الظیم الشام بزینب شخله
الیطب للشام خویه حسین یرجع ماتعرفه اهله
شهر ما نایمه اعله افراش اغفه وانه ع الهزله
الغریب امبین من ابعید تعرفه الناس من شکله

چنت أفرض. وهسه ارکض. لانی العدله لا میته
اشلون ارتاح. ویه الذباح. ودرب المانی ماشیته

التمو گامو ایصیحون
وراچ السوگ ضل یم عون

امشی و روسکم. جدام
وفرونه اعله عرض الشام




هذا الشام هذا الشام



خوش اتلاگه ظعن ام عون الهلا صارت جمر واحجار
الظعن عایز حرگ یحسین؟ الشام اگبالنه ایوج نار
ثکالیٰ وصحنه عطشانین وعلینه نشمر مای الحار
الوحدی وکلهه محترگین شطفی البیه لو لزغار


اهنانه الیل یخنگ حیل. شتحمل بعد شتعب
وایصیحون. جبنه ام عون. یلله اتفرجو الزینب

هیچ استقبلونی الناس
تلگونی ابرمح عباس

نسوان و زلم و إزغار
کلهم شامرونه احجار


هذا الشام. هذا الشام


________

البخت میت بگاع الشام. وناس اگلوبهم میتات
الضیف الیچهب الهلگاع یخلونه بخرابه ایبات
تعبانه و ثلث تیام وگفت بعتبة الساعات
شماته وکلهم ایصیحون. اجن یشام علویات


فرحانین. خویه حسین. مامش مستحه وغیره
تعبانات. وعلویات. وعلینه التمت الدیره


إشتهینه انموت بس شنموت
امتون. ایریدله. التابوت

اهنا غربه وهظم واصیاح
اهنا بس. الیموت. ارتاح


هذا الشام هذا الشام



احمد الصخراوی

https://www.tgoop.com/ninve

#ام البنین سلام الله علیها
#نفذ صبرها من کثرت
الانتظار للحسین علیها السلام




نشف بیهه الصبر من کثر المتانه
وبگلبهه حسین محد یترس مچانه
تِعدل بلهدوم الضاله من حسین
تحطهن یمهه وتشم بیهه قمصانه

چبیره و تنتظر یلفونهه الغیاب
و الینتظر تشلع گلبه دگة باب
مجروحه و دوای اتصیح بس حسین
اخاف اجروح گلبی إیطیبن اعله اعیاب

یجیهه الطارش وترکضله مثل الطیر
و احساب الرسایل ما تبشر بخیر
عظم الله اجرچ ذبحو العباس
وتگله حسین ابنی شلونه عوف الغیر

و یگللهه الهواشم موش مرتاحین
تعبتهم الخیل و حیل عطشانین
اذا عندچ اهدوم امودیه کون اهناك
الیوم من الصبح باگو اهدوم حسین

إقری الفاتحه و لزینب إهدیهه
وبصلاة الیل یأم عباس اذکریهه
ترکض بصحاری تدور اعله حسین
وهیه الخیل شمخلیهه من اهالیهه

گلهه البقه إبراس بعد مامش روس
عشرتالاف زلمه اعله حسین إیدوس
یحترگن أخیامه و هوه طایح غاد
والمسحوگ لاتنتظر منه ایحوس



#احمد-الصخراوی
https://www.tgoop.com/ninve

إن-یوم الحسین اقرح جفوننا
وذل عزیزنا



خلصت العمر من مقتل اِلمقتل
تهظمك حیل صعدت عمتك اعله التل
عندکم بلطفوف إشچم عزیز إنذل
ویم حسین بس الجزع تلگاه حل

فسرت المصایب و الروایات
تکتبهه و تخط چلمة سبیات
الناعی ایصیح طب الظعن للشام
ویغمی‌ٰ إعلیك لو گالوا غریبات

----

تهظمنه المصیبه الانته راویهه
مولای اشکثر چا محترگ بیهه
تدری إبعمتك آنته إشصایرإعلیهه
کل لیله. ابحلم. تسمع نعاویهه

نسمع وانته کلشی اتشوف مولای
عماتك اجن للشام حفای
إگبال إرماح اهلهن صعدن نوگ
رادن مای و بدو یمهن المای

--------

بخیامه. تطب و تطلع الوادم
حسین إبلا عمامه اعله الترب نایم
الظهریه إنسلب بلطف خدر هاشم
لا ضلت عبی و لا ضلت إعمایم

اهل الدمعه و المقتل یکتبون
المیت ینسحگ ماترهم شلون
یزحف للخیم و ترده الخیول
وطلعت روحه لمن طلعت ام عون

----------

گلت مأمن ثواب ایعادل الدمعه
قال الصادق ابکل مجلس انسمعه
تصیح بصوت ویه الناعی من ینعه
جدی حسین طحنو بلسحگ ضلعه

تشوف آنته المصایب کلهن بلعین
وتخضب لحیتك. کلوکت طین
تفگد وعیك من اتشوف مولای
عشرتالاف نبله ابصدر الحسین

#أحمد-الصخراوي

#حال مولاتی ام عون
تخاطب اخوها الحسین

مامش نعاوی المانعنهن
بس رادن ایفزعون اهلهن
یحسین ماکف ونهن إعلیك
کلش حنینات العفتهن

گعدن حنینه إبصف حنینه
و الذابحك حارس علینه
تنعه الرباب ونبچی یحسین
ومامش طفل شنهز بدینه

ابگلبی إشیطفیهه الحریجه
عگبك یخویه کلشی ضیجه
ینطونه مای الینذبح کون
وحسین ذبحوه اعله ریجه


هاذ الحزن موش اعله گدی
جیت إبعشیره وهسه وحدی
یاریت میته و شنهی ضلتی
یا عازتك یا خال ولدی


هوه آنه گلبی ظیم عایز
ونیتلك ون العجایز
گالولی طاح وجیتك ارکاض
أعثر و أگلب بلجنایز


موروح کون و عدنه روحین
بلکت علیك نموت مرتین
حزنك ثجیل و راید اعیون
ماطول عدله اتون عله حسین


إرتاح گتلك جیشهم راح
گتلی من اموتن یلله ارتاح
ماضل سهم ماجاس گلبی
وذباح یشمرنی اعله ذباح

ابفراگکم مو زین حالی
کلساع ازت للموت غالی
ومابیه اگومن عایزه امتون
وحته الذبحکم هم بچالی


احمدالصخراوی

https://www.tgoop.com/ninve

#وداع ام عون مع اخیها الحسین علیم السلام


خویه علناگه مــوش انته رمحك الطالع ورای
حیـل حیرانه خویه أسکت های و اترد تبچی های

الوحدی بس إرماح بظعونی
چا خوش عندی إخوان زتونی


کلشی غربه الناس غربه وماکو حدای من اهلنه
خـویه جابو مای یمنه إستهظمینه و ماشـربنه
والعرفنه ایدیر وجهه وچنه ماشاف وعـرفنه

ــــــــــــــــــــــــــــــــــــــ

يا براد الله وبجفاك الثلج من نلزمه حار
الیـل ستر الكاع وآنه لا لیل الیلمنی ولانهار

بیـناتنه الله حسین مشـتاگه
بینك وبینی الــرمح والنـاگه

ع الهزیله وگلـت الوحك تسرع و تبعدنی عنك
گلت اَحضنك و روحـی تطلع علهزیله من حضنك
عاین الروحی الغـریبه الطایحه و تعبهه حــزنك


___

شوفنـی إخلافك ضایعه إبـ بین الهزایل و الـرماح
من طحت انته وکلشی بلدنیه حلو من عینی طاح

الشمس وکحه وخربت لونك
وما غسلو الدم العلیٰ عیــونك


یابس الــدم اعله وجهك هاذ انته و ما مصدگه
والرمح بایگ حلاتك وشفافك من العطش زرگه
بلکت ایخلون راسك یمی اسح دمه و اشبگه

____


اتخوف اهل الشام ناس ماعدهم محنه اعله الغریب
احترگن چفوفی للشگف باچر امنین اچفوف إجیب

الشام مابی علغرب غیـره
الوحدی وتلتم علی دیــره


الشـام باچر کله یـلتم و کـلهــه تتفــرج علیــنه
السوط سهله اتعودینه النـار ما تــطفیٰ بعبیـنه!!!
نــاس مومالت ضـــیافه وکلهم ایشمتون بیــنه


___


الشام موش النه اشجابنه یحسین وشـعرفنه بـی
ینمـشر بحـجار الیطب للشام و الیــچهب علیِ


واحنه علاوی اهنا إشجــابانه
والســاده بـس انحور ویــانه

الشام هاذه اشجابنه احنه صعبه های وموش سهله
ناس مابیهم محنــه الــحرمه ما لازم تطبله
سوگهم یمــطر شــماته والیطب ینباگ شکله


احمد الصخراوی

https://www.tgoop.com/ninve

خروج_ظعن_الحسین_علیه_السلام
العقیله_تخاطب_الحسین_علیهما_السلام

رد ظعنك الكله اعزاز گوم و للوطن ردهم
الرسایل موصدگ یحسین بیهن دم رسایلهم
الـهلا عدهم چذب یحســین رد و لاتصدگهم

نجی یردونه انموت خل نرجع للبیوت
نرد تالیهه یحسین تابوت اعله تابـوت


ردظعنك یخویه حسین ردظعنك



توکل بلله خویه حسین گوم و للوطن ردنه
توه التم شلمنه وخاف حــافرهم یطشـرنه
مو مالت تعب یحسین نسوانك وتعرفـنه

یکتلنه مشه الیـل ویرید السبی حیل
ناس الودت اعلیك تره ایعزبون بلخیل

ردظعنك یخویه حسین ردظعنك


الهای الوادم الماشین چذابه سوالفهم
باچر راسك ایطب غاد موش انته إبمضایفهم
اعله رمحك موعلیك اهناك یلمتن طوافیهم

سمعو بلظعن جای وکلهم ظمو المای
اطیح ابناس موناس الوحدی ومنتم اویای

ردظعنك یخویه حسین ردظعنك


رد ماطول ستری بخیر یبعد العافیه وستری
غالی الخدرخویه حسین اخافن یحترگ خدری
خل یگضی العمر ویاك هوه اشضال من عمری

چبیره وعمری خمسین شوگف بلدواوین
اموتن موش بلشام اموت بحضنك حسین


ردظعنك یخویه حسین ردظعنك


شوف الاکبر وجاسم اشلون انحورهم ترفه
جاسم راد بنت عمه و رایــد منك الوگفــه
موبلطف یخویه حسین خل إبیتنه إنزفه


الزفه اتصیر بفراح مو بلخیل و إرماح
زفة القاسم اتصیر یوگف بیهه ذبـاح


ردظعنك یخویه حسین ردظعنك


احمدالصخراوی
https://www.tgoop.com/ninve

#خروج ظعن الحسین من مکه الی کربلاء


توه الحج بده والناس کلهم گاعد ایحجون
شعدهم هاشم إمغربین گبل الوادم ایحملون
اعزاز البظعن ماشین موش اولام وایتعبون
تعالوبس زلم یحسین خل اترد لهلهه ام عون

های الناس توه استبده حجهم
اشبیهم هاشم و حمل ظعنهم

ابساع ابساع شدوها المحامل
وجدام الظعن یمشی ابوفاضل

مدری الوین ماشین ویمشی اویاهم البین
ظعن بس چنه مکسور ومومرتاح الحسین



« الله ویاه طالع ظعن الحسین»

__________


گوه ایشیل جدمه حسین ومانام وغمض جفنه
یمشی و مایعینه الحیل وکلساعه و شبگ سکنه
ومافارگ رقیه و راح اعله مهره وحاطهه ابحظنه
وایشوف ام جاسم من ابعید تبچی وتعجن الحنه

یمشی حسین اعیونه اعله زینب
طویل الدرب خاف ام عون تتعب

باچر زینب اتکض یامصیبه
هسه امدلله و باچر غریبه

زینب صاحبة رای ترکض باچر اهوای
باچر تعطش ام عون. وماینطونهه المای


« الله ویاه طالع ظعن الحسین»

-------------------

الظعن ماطوله بی عباس ما عایز و لا گطره
الهوا یستأذن العباس یمر بلظعن و ایعبره
خضار ونهر تجری تگوم من یسحگ عله الصحره
افیای اعله الظعن عباس و کلهم لاذو ابکتره

فوگ المهر یفتر ابجربته
اشما تعطش یجیب المای لا خته


ماطول ابوفاضل ماکو حیره
الوحده ولاذت ابسده عشیره

هاشم شایله الراس وکلهه ابرای عباس
امأمن ظعن الحسین ومامش خدر ینجاس



« الله ویاه طالع ظعن الحسین»


ـــــــ_ـــــــــــــــــــــــــ


یمشی حسین بس مخنوگ گوه اجدامه ینگلهن
کلساعه و یمر علنوگ و ایعدل محاملهن
یدری حسین باچر موت. بس محتار شیگلهن
اعله طول الدرب وزع مای و شما بی. یدللهن

گام ایشاور النسوان بهدای
اشما بیچن اشربن بلدرب مای

طبن بلهوادج و استراحن
احنه ابصف خدرچن لاتخافن


یحچی و گلبه مخنوگ. یدری ایصعدن النوگ
یدری ینسبن غاد وراهن طبت السوگ



« الله ویاه طالع ظعن الحسین»

-------------------------



احمدالصخراوی

#مولاتی العلیله علیه السلام
لسان حالها:

هذا المتانه الیطلع الروح
مادری اروحن مدری ماروح
انخامن و یاخذنی ویاه
ومن المناشد صوتی مبحوح


بس آنه شو. لا چمنی گلبی
ایدی اعله خدی وعینی تربی
کل الیروحن صعدن النوگ
بس. آنه محد گلی إرکبی


کضیت ایده و کض ادیه
یا بویه هم عینك علیه
صح المرض هدحیلی یحسین
بس بیه اباریلك. رقیه


‌احتاریت احاچیمن و اگلمن
ومن الرکض رجلیه ورمن
گعدن خواتی ایلمن اهدوم
عود آنه هم گعدیت المن


آلتمن علیه ایوادعنی
های التشم بیه و تحبنی
رحت العلی الاکبر واحاچی
چا عاد انت اویاك اخذنی


احمدالصخراوی

https://www.tgoop.com/ninve