#Rektor_kubogi
#NMPI
#Basketbol

🏆Basketbol boyınsha «Rektor kubogi» jeńimpazları anıqlandı

◾️Xabarıńız bar, Ájiniyaz atındaǵı Nókis mámleketlik pedagogikalıq institutı sport klubı tárepinen student-jaslar arasında sporttı keń en jaydırıw, salamat turmıs tárizin úgit-násiyatlaw, sheber sportshı jaslardı anıqlaw hám olardıń bos waqıtların mazmunlı ótkeriw maqsetinde sport túrleri boyınsha «Rektor kubogi» jarıslarına start berilgen edi.

🏀Basketbol boyınsha erler hám student-qızlar arasında bolıp ótken jarısta jeńimpazlar hám sıylı orın iyeleri anıqlanıp, institut sport klubı tárepinen xoshametlendi.

⛹🏻‍♂️Solay etip, erler arasında:

🏆🥇1-orın hám «Rektor kubogi» – Dene mádeniyatı;
🥈2-orın – Fizika-matematika;
🥉3-orın – Tábiyiy pánler fakultetleri;

⛹🏻‍♀️Student-qızlar arasında:

🏆🥇1-orın hám «Rektor kubogi» – Dene mádeniyatı;
🥈2-orın – Shet tilleri;
🥉3-orın – Fizika-matematika hám Mektepke shekemgi tálim fakultetleriniń studentlerine nesip etti.

✅Maǵlıwmat ornında atap ótiw kerek, institutta oqıw jılı dawamında basketbol, voleybol, mini futbol, shaxmat, stol tennisi hám usı sıyaqlı onlaǵan sport túrleri boyınsha «Rektor kubogi» jarısları dawam etedi.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2025/04/01/39336/

🇺🇿MATNNI O‘ZBEK TILIDA O‘QISH

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

🏃🏻‍♂️Azanǵı dene shınıqtırıw – salamatlıq girewi

«Óz aldına ullı maqsetlerdi qoyǵan xalıq tek salamat hám kúshli bolǵan jaǵdayda ǵana gózlegen niyetine erise aladı. Xalqımızdıń salamat bolıwı hám ullı jumıslardı ámelge asıra alıwında dene tárbiyası hám sporttıń áhmiyeti joqarı», – dep atap ótken edi Prezidentimiz Shavkat Mirziyoyev.

Haqıyqatında da, insan óz imkaniyatlarınan kelip shıǵıp, sport penen shuǵıllanıp, denesin shınıqtırıp tursa densawlıǵı ushın oǵada paydalı esaplanadı. Ásirese, hár kúni azanda 15-20 minutlıq dene shınıǵıwı yamasa 40-60 minut dawamında ashıq hawada piyada júriw oǵada paydalı.

◾️Búgin, 2-aprel kúni Ájiniyaz atındaǵı Nókis mámleketlik pedagogikalıq institutında erte tańnan professor-oqıtıwshılar hám student-jaslar qatnasıwında azanǵı dene shınıqtırıw ilajı shólkemlestirildi.

Sońǵı jıllarda elimizde xalqımız arasında salamat turmıs tárizin engiziw, ǵalabalıq sporttı keń túrde-úgit-násiyatlaw máselesi mámleketlik siyasat dárejesine kóterilip, fizikalıq jaqtan jetik, salamat áwladtı tárbiyalaw baǵdarında nátiyjeli jumıslar ámelge asırılmaqta.

Ózbekstan Respublikasınıń «Dene tárbiya hám sport haqqında»ǵı Nızamı hám Ministrler Kabinetiniń «Ózbekstanda dene tárbiya hám sporttı bunnan bılay da rawajlandırıw ilajları haqqında»ǵı qararında belgilengen wazıypalardan kelip shıǵıp ótkerilgen ilajǵa institut professor-oqıtıwshıları hám student-jaslarınan ibarat 1000 ǵa shamalas adamlar qatnastı.

Ullı babamız Ábiw Áli ibn Sinanıń: «Dene shınıqtırıw – densawlıqtı saqlawda nátiyjeli usıl esaplanadı» degen hikmeti hár birimizdiń ómirdegi uranımızǵa aylansa ǵana keleshek áwladlarımızdıń kámil insan bolıwına tiykar jaratqan bolamız.

Institutta jaqında ǵana paydalanıwǵa tapsırılǵan zamanagóy sport kompleksi hám úlken sport maydanı usı maqsetlerge erisiw ushın tiykarǵı baza bolıp xızmet etpekte.

Institutta ǵalabalıq sport ilajları dawam etpekte.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2025/04/02/39348/

🇺🇿MATNNI O‘ZBEK TILIDA O‘QISH

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube