#Ózbekstan_ulıwma_úyimiz
#Xalıqlar_doslıǵı_festivalı
#NMPI

🎉NMPIde milletler aralıq tatıwlıq hám doslıq bayramı bolıp ótti

Búgingi kúnde elimizde húrmetli Prezidentimizdiń basshılıǵında milletler aralıq tatıwlıqtı bekkemlew, xalıqlar arasında óz ara awızbirshilikti támiyinlew, keńpeyillik hám miyrim-shápáát ortalıǵın ele de kúsheytiwge ayrıqsha itibar qaratılıp, bul baǵdarda keń kólemli jumıslar alıp barılmaqta.

◾️Ájiniyaz atındaǵı Nókis mámleketlik pedagogikalıq institutı kóp milletli tatıw shańaraqqa megzeydi. Institutımızda 17 mıńǵa shamalas student-jaslar bilim almaqta. Bilimlendiriw 5 tilde alıp barılatuǵın oqıw dárgayımızda qaraqalpaq, ózbek, qazaq, túrkmen, rus, ukrain, koreys, qırǵız, tájik, ázerbayjan, bashqurt, uyǵır hám tatar sıyaqlı ulıwma 11 milletke tiyisli studentler bir shańaraqtıń perzentlerindey, awızbirshilikte oqıp atır.

«Biz – bir shańaraq perzentlerimiz!» súreni tiykarında «Ózbekstan – ulıwma úyimiz» atamasında ótkerilgen bayram keshesi jaslar arasında usınday ullı qádiriyatlarımızdı keńnen úgit-násiyatlawǵa xızmet etti.

Ilajda Qaraqalpaqstan Respublikası Ministrler Keńesi Baslıǵınıń orınbasarı R.Nurazizov hám institut rektorı Q.Qodirov sózge shıǵıp, búgingi kúnde elimizde bir júz otızdan aslam millet hám xalıqlardıń wákilleri bir shańaraqtıń perzentlerindey tatıwlıqta, awızbirshilikte jasap, túrli tarawlarda nátiyjeli miynet etip atırǵanın atap ótti.

Milliy ideya, ruwxıylıq tiykarları hám huqıq tálimi kafedrasınıń baslıǵı E.Tilewov elimizde barlıq millet hám xalıqlardıń tili, mádeniyatı, úrp-ádet hám dástúrlerin saqlaw jáne rawajlandırıw ushın barlıq sharayatlar jaratılǵanlıǵı, mámleketimiz tárepinen hár qıylı milletler arasında óz ara miyrim-shápáátti bunnan bılay da bekkemlewge ayrıqsha itibar qaratılıp atırǵanlıǵı haqqında óz bayanatında aytıp ótti.

Sózge shıqqanlar búgingidey globallasıw sharayatında kóplegen mámleketlerde júz berip atırǵan milliy, diniy hám etnikalıq kelispewshilikler jaǵdayında biziń elimizde hár qıylı millet wákilleriniń tınısh-tatıw, abadan turmısta ómir súriwi elimizde alıp barılıp atırǵan usı baǵdardaǵı durıs siyasattıń nátiyjesi bolıp esaplanatuǵınlıǵına ayrıqsha toqtaldı.

Ilaj instituttıń «Tumaris» xalıq ansambli hám talantlı studentleri atqarıwındaǵı bayram koncerti menen dawam etti.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2025/04/05/39471/

🇺🇿MATNNI O‘ZBEK TILIDA O‘QISH

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

#Ózbekstan_ulıwma_úyimiz
#Xalıqlar_doslıǵı_festivalı
#NMPI

🎉NMPIde milletler aralıq tatıwlıq hám doslıq bayramı bolıp ótti

Búgingi kúnde elimizde húrmetli Prezidentimizdiń basshılıǵında milletler aralıq tatıwlıqtı bekkemlew, xalıqlar arasında óz ara awızbirshilikti támiyinlew, keńpeyillik hám miyrim-shápáát ortalıǵın ele de kúsheytiwge ayrıqsha itibar qaratılıp, bul baǵdarda keń kólemli jumıslar alıp barılmaqta.

◾️Ájiniyaz atındaǵı Nókis mámleketlik pedagogikalıq institutı kóp milletli tatıw shańaraqqa megzeydi. Institutımızda 17 mıńǵa shamalas student-jaslar bilim almaqta. Bilimlendiriw 5 tilde alıp barılatuǵın oqıw dárgayımızda qaraqalpaq, ózbek, qazaq, túrkmen, rus, ukrain, koreys, qırǵız, tájik, ázerbayjan, bashqurt, uyǵır hám tatar sıyaqlı ulıwma 11 milletke tiyisli studentler bir shańaraqtıń perzentlerindey, awızbirshilikte oqıp atır.

«Biz – bir shańaraq perzentlerimiz!» súreni tiykarında «Ózbekstan – ulıwma úyimiz» atamasında ótkerilgen bayram keshesi jaslar arasında usınday ullı qádiriyatlarımızdı keńnen úgit-násiyatlawǵa xızmet etti.

Ilajda Qaraqalpaqstan Respublikası Ministrler Keńesi Baslıǵınıń orınbasarı R.Nurazizov hám institut rektorı Q.Qodirov sózge shıǵıp, búgingi kúnde elimizde bir júz otızdan aslam millet hám xalıqlardıń wákilleri bir shańaraqtıń perzentlerindey tatıwlıqta, awızbirshilikte jasap, túrli tarawlarda nátiyjeli miynet etip atırǵanın atap ótti.

Milliy ideya, ruwxıylıq tiykarları hám huqıq tálimi kafedrasınıń baslıǵı E.Tilewov elimizde barlıq millet hám xalıqlardıń tili, mádeniyatı, úrp-ádet hám dástúrlerin saqlaw jáne rawajlandırıw ushın barlıq sharayatlar jaratılǵanlıǵı, mámleketimiz tárepinen hár qıylı milletler arasında óz ara miyrim-shápáátti bunnan bılay da bekkemlewge ayrıqsha itibar qaratılıp atırǵanlıǵı haqqında óz bayanatında aytıp ótti.

Sózge shıqqanlar búgingidey globallasıw sharayatında kóplegen mámleketlerde júz berip atırǵan milliy, diniy hám etnikalıq kelispewshilikler jaǵdayında biziń elimizde hár qıylı millet wákilleriniń tınısh-tatıw, abadan turmısta ómir súriwi elimizde alıp barılıp atırǵan usı baǵdardaǵı durıs siyasattıń nátiyjesi bolıp esaplanatuǵınlıǵına ayrıqsha toqtaldı.

Ilaj instituttıń «Tumaris» xalıq ansambli hám talantlı studentleri atqarıwındaǵı bayram koncerti menen dawam etti.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2025/04/05/39471/

🇺🇿MATNNI O‘ZBEK TILIDA O‘QISH

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube