اعداك شسوت بزينب يعباس
عكب ذاك الخدر يسبوهه الارجاس
.......
من ديره لعد ديره خذوني
من احجي يخويه يضربوني
صحت زينب يخويه انه السبوني
اعلى شط العلكمي نايم النوماس
...............
وين الخوه ياعباس ناديت
معقوله عفتني وعشرتي نسيت
وهاي الكوم ما خلتني ابيت
بخرابه نومتنه هاي الارجاس
..........
هاي ام عون تالي بين الاجناب
وماعدهه يخويه بس الحجاب
اميرات بوكتكم هسه الاغراب
الخدر ويا الصدر بالحافر انداس
...........
خويه شلون اختك عايفيهه
مشت مغصوبه خويه بلا وليهه
عايفهه الولي ومايدري بيهه
وتالي بالمعاره الغرب حراس

(الحك ليهه /مسبيه الحره)

*لخادمه الحسين /نور الهدى الشويليه

https://www.tgoop.com/nnosha9

قصيده للسبي

تميل بيه الناكه واصرخ ياكفيل
كوم رد بيه لهلي خويه دخيل
*********
من اذكر وصيه الحره التفت ع المشرعه
خويه ولله هواي صعبه لورحت ويه العده
زينب انه وهيبتي لمن اجيت لكربله
مسبيه هسه اني اصبحت والضعن يحديه حرمله
*********
اه يادرب السبي راواني خويه شكد هضم
بالسوط يضربني الشمر يكلي بكيتن بس حرم
اديرن لبو فاضل لجن مصيوبه عينه بالسهم
خويه تراها حالتي مااحمل الذل والشتم
********
موقف يخويه بالسبي جرح كليبي وموته
من انضر الطفله تصيح طول ابوي بسفرته
فزت بليل تناظرك وتكول جن يمي اجه
ابجي على حالي لْـۆ علـّى حال البكو فوك الثره

*************

لخادمه الزهراء /نور الهدى الشويلي
https://www.tgoop.com/nnosha9

قصيده للسبي

عالناكه وتونين. كليلي شتريدين
هايخت الحسين. هايخت الحسين
*
مفكودلج والي وعليه انتي تونين
لو فاكده خدرج يعمه وليه تحنين
صارلهم هوايه مشو عنه مبعدين
عمه وعلى شاطي النهر خلينه جفين
مصيوبه العين. والراس نصين
هايخت الحسين 2
*****
تذكر مصيبه كربله عمتي وحزنهه
مو والي واحد فاكده سبعين اهلهه
مرت عليهه شكد مصايب دوهنتهه
ومن كثر ضرب السوط متورم متنهه
تشكف بالايدين. عّلي مبعدين
هايخت الحسين 2
************
خويه الهزل ماينركب واني غريبه
وَحسين مذبوح النحر كطعو وريده
درت اعله نهر العلكمي واصرخ وحيده
ماكاملي الكافل يركبني بهيده
ماعده جفين. والراس نصين
هايخت الحسين 2
*******
لخادمه الزهراء /نور الهدى الشويلي
https://www.tgoop.com/nnosha9

شلون انام وعيني تغفه. بويه ومفاركني انته
بويه ضليت بحزن. بداركم بس انه اون
بويه بويه
...............
بويه من يوم المشيتو ظلمه صارت داركم
خاليه وتوحش عليه وماسمعت اخباركم
لايمر طيفي اعله بالك بويه واتراوالكم
بدارك بنيتك عفتهه شلوون انام وعيني تغفه
.............
كلمات نور الهدى👆👆👆👆


بويه هنيال الينام اوعينه تغمض ساعه
فكري مشغول ابحجيكم شوفني ملتاعه
ياحناني الراح مني اوصعبه حيل اوداعه
ابنيتك شو ماشفتهه
اشلون انام اوعيني تغفه



بويه مشتاگه الحنانك اوگعدت العصريه
انته هم مشتاگ اليه تحن تره البنيه
ضلمه هالدنيا ابغيابك بويه سير اشويه
دنيتي وحشه اعرفتهه
اشلون انام اوعيني تغفه



دنيتي يابو المحنه مره والله ابدونك
ياعزيزي واغله غالي اي وحگ اعيونك
اهلك. او انه يبويه كل مسه يذكرونك
بسمتي الدنيا خفتهه
اشلون انام اوعيني تغفه

ام غيث الذبحاوي باقي النصوص.
https://www.tgoop.com/nnosha9

لطميه ثكيله لسابع الامام الحسين(عليه السلام)


الًيَوُمًِ سابع وين انصب ماتمه
واني ع الهزل سبيه مالمه
***
وين انصب ماتمك والطم عليك
واني مسبيه يخويه شلون اجيك
اعدل الميدان واتحزم عليك
وابجي ويا الناعي لو عنه نعه
*
خويه بس ابجي وناري ماطفت
وبتك تناشدني عنك مادرت
يمته يرجعلي ابوي اتحيرت
شنهو اكلهه عفت ابوج اعلى الثره
***
خويه م̷ـــِْن ابجي الشمر يسطرني
وسوطه فوك امتوني ولله المني
صحت ها عباس ماتسمعني
اختك وتنخاك ياحامي اللوه
***



لخادمه الزهراء /نور الهدى الشويلي
https://www.tgoop.com/nnosha9

الشمر طكني،،سوطه ألمني،،يعباس
شوفني شبيه،،خويه مسبيه،،يعباس

******
خويه بعدك لاهدت لاغفت عيني
م̷ـــِْن مصايب كربله زايد ونيني
تنظر بيا حال انه ماتجيني
تنظر الحالي،،خويه يالوالي،،يعباس
شوفني شبيه،،خويه مسبيه،،يعباس
*****
خويه بس نسوان احنه وماكو رجال
بس عليل مربطينه خويه بحبال
خويه الحكلي تره بيه الشمر عال
يضرب العيله،،خويه كل حيله،،يعباس
شوفني شبيه،، خويه مسبيه،، يعباس
****
خويه تبجي رقيه تسالني على حسين
خويه وتاذيني بس تجهر بالونين
شنهو اكلهه ع الرمح راسه الحنين
فركته صعبه،، وانه بس انعه،، يعباس
شوفني شبيه،، خويه مسبيه،، يعباس



لخادمه الزهراء /نور الهدى الشويلي
https://www.tgoop.com/nnosha9

لطميه للسبي


آيا زماني. آيا زماني
عذبني بدروب اليسر آيا زماني
**
آيا زماني المارحم عذبلي حالي
راسه ويه نحره اذكره وينشده بالي
مظلم عليه داركم وحشه وخالي
ميته عســآني. ميته عـســآني
لمن حده بيه الشمر ميته عساني
********
خويه طريق الشام راواني العجايب
وعلى الجمر مشونه ياخويه الغرايب
ومدللتكم تالي نامت بالخرايب
تبجي رقيه. تبجي رقيه
بالليل مانامت تره تبجي رقيه
******
تكلي اريدن والدي ياعمه اريده
طول علينه بالسفر شو ما يجينه
ومدللاتك يمشن لديره بعيده
بهدوه الليل. بهدوه الليل
تكعد تون بهداي خويه بهدوه الليل
*******



لخادمه الزهراء /نور الهدى الشويلي
https://www.tgoop.com/nnosha9

فزاعيه للسبي

اختكم من مشت. عباس ماجاها
وعلى النوك صار اليوم ممشاها
****
دارت للنهر بلكت يكوملها
عباس الكفلها غاب شو عنها
وسفه الشمر ياخويه يركبها
*ولارض الشام صار اليوم مسراها*
*
ياعباس ترضاها الشمر يحدي
تروح ميسره ماكلت عمت ابني
هاي ام الخدر ويا الغرب تمشي
*وكلساع اللعين بسوطه ضرباها*
***
سلبونه البواشي من بعد عينك
خويه انت كفلتني هسه جاوينك
تمنيتك تجي وترده بيمينك
*لو موجود حيدر جان رداها*
**
خويه الناس تنشد وينهه زينب
وانه مجتفه والدمع مني يصب
اكله البطل لو موجود جاعصب
*شون ام الخدر للشام وداها*
**

لخادمه الزهراء /نور الهدى الشويلي
https://www.tgoop.com/nnosha9