سُنة اليوم ☘️
قراءة سورة المُلك قبل النوم

تخيل سورة يقول النبي عليه الصلاة والسلام في فضلها مش حديث واحد إنما أكتر من حديث لدرجة تخليك تتعجب من كل الفضل ده ويكون للسورة دي مكانة خاصة في حياتك

"إن سورة في القرآن ثلاثون آية شفعت لرجل حتى غفر له، وهي: تبارك الذي بيده الملك"

"من قرأ تبارك الذي بيده الملك كل ليلة منعه الله عز وجل بها من عذاب القبر"

"سورة من قرأ بها في كل ليلة فقد أكثر وأطاب"

تخيل سورة تشفع ليك لغاية ما يتغفر ذنوبك وتمنع عنك عذاب القبر ومداومتك عليها يومياً كل ليلة كأنك عملت خير كبير

تضيعها إزاي من إيدك ؟!
اظبط منبه يفكرك بيها ⏰ أو علقها في ورقة قدامك 📝

وقراءتها مش هتاخد منك دقايق كل ليلة
لكن تحميك وتكون سبب في نعيمك بإذن الله 🧡

خطة ٢٢ رمضان
(ليلة ٢٣)

درس اليوم :
وفي السماء رزقكم وما توعدون

لينك الفيديو :
https://youtu.be/9HAf5xt-0v4?si=efnCrhHKWv9Mw8bU

سُنة اليوم ☘️
الأكل بثلاث أصابع

عن كعب بن مالك - رضي الله عنه - قال: رأيت رسول الله - صلى الله عليه وسلم - يأكل بثلاث أصابع، فإذا فرغ لعقها

سُنة سهلة تنويها وانت بتاكل وتاخد أجر وبركة اقتدائك بالنبي عليه الصلاة والسلام مع كل مرة هتاكل فيها 🧡

فكرة سريعة 💡

وانت قاعد دلوقتي ادعي "اللهم اغفر للمسلمين والمسلمات والمؤمنين والمؤمنات الأحياء منهم والأموات"

يقول النبي صلى الله عليه وسلم "من استغفر للمؤمنين والمؤمنات كتب الله له بكل مؤمن ومؤمنة حسنة"

يعني تاخد حسنة على كل مسلم ولو كانت ليلة القدر تبقى ضربت هذا الكم من الحسنات في ٨٤ سنة ! 🧡

خطة ٢٣ رمضان
(ليلة ٢٤)

درس اليوم :
بتوب وبرجع

لينك الفيديو :
https://youtu.be/2_pLwUYsU-0?si=RZuKEotGilZJQeOP

سُنة اليوم ☘️
قراءة سورة الإخلاص والمعوذتين صباحاً ومساءًا

يقول النبي عليه الصلاة والسلام "قل هو الله أحد، والمعوذتين حين تمسي وحين تصبح ثلاث مرات تكفيك من كل شيء"

أقوى حصن ممكن تتحصن بيه يومياً في حياتك وُيشعرك بالطمأنينة والحماية الربانية من كل شيء

اعمل منبه في موبايلك يفكرك ⏰
أو علقها في أوضتك 📝

الموضوع يستاهل ولو اتعودت عليها هتحس براحة وطمأنينة كنت مفتقدها 🧡

درس اليوم :
توعية بحقيقة الدنيا وآثار استيعاب قيمتها وطرق لتقليل حبها في قلوبنا

لينك الفيديو :
https://youtu.be/FhVv2Ovy0T0?si=fnmmHi7_weoMWmIG

خطة ٢٤ رمضان
(ليلة ٢٥)

سُنة اليوم ☘️
الإخبار بالحب

يقول النبي عليه الصلاة والسلام "إذا أحب الرجل أخاه فليخْبره أَنه يحِبه"

تخيل تفصيلة صغيرة زي دي من السُنة وكون النبي عليه الصلاة والسلام بيوصينا بيها يبقى ١٠٠٪؜ بتفرق في النفوس

قول للناس اللي بتحبهم إنك بتحبهم
روح قول لوالدك ووالدتك وأخواتك
ابعتها في رسالة لأصحابك ومعاها دعوة جميلة

اتكلموا وعبروا عن حبكم .. دي سُنة 🧡

فكرة سريعة 💡

وانت قاعد دلوقتي ردد "سبحان الله العظيم وبحمده"

يقول النبي صلى الله عليه وسلم "من قال سبحان الله العظيم وبحمده غُرست له نخلة في الجنة"

يعني يتغرس ليك نخلة في الجنة مع كل تسبيحة .. ولو كانت ليلة القدر يبقى اتغرس ليك نخل في الجنة قدر ما قولت الليلة لمدة ٨٤ سنة ! 🧡

خطة ٢٥ رمضان
(ليلة ٢٦)

درس اليوم :
ولادة المخلوق الأعظم

لينك الفيديو :
https://youtu.be/ye1YsyrETsQ?si=7TLscvZ-1dtWZE9y

سُنة اليوم ☘️
السُنن الرواتب

شوف الحديث ده 👇
يقول النبي صلى الله عليه وسلم "ما من عبد مسلم يصلي لله تعالى كل يوم ثنتي عشرة ركعة تطوعًا غير الفريضة إلا بنى الله له بيتاً في الجنة"

تخيل ١٢ ركعة في اليوم
تضمن ليك ايه ؟! بيت في الجنة
ومين اللي باني البيت ليك ؟! ربنا سبحانه وتعالى !

تخيل إنك ممكن تشتغل حياتك كلها علشان تشتري بيت ليك في الدنيا وبـ ١٢ ركعة بس ربنا يبني ليك بيت في الجنة .. والله إن ده فعلاً الاستثمار الحقيقي 🧡

خطة ٢٦ رمضان
(ليلة ٢٧)

درس اليوم :
سيغير مفهومك عن "السعادة"

لينك الفيديو :
https://youtu.be/rv5DanSbFro?si=LBr5J0Dpa__dYAE5

سُنة اليوم ☘️
قراءة سورة الكهف يوم الجمعة

"من قرأ سورة الكهف يوم الجمعة أضاء له من النور ما بين الجمعتين"

أسبوعك لا يمكن يكون Zero لو بدأته بسورة الكهف 🧡

فكرة سريعة 💡

وانت قاعد دلوقتي ردد "لا حول ولا قوة إلا بالله"

يقول النبي صلى الله عليه وسلم "ألا أعلمك كلمة هي كنز من كنوز الجنة؟ لا حول ولا قوة إلا بالله"

لو قولتها ١٠٠ مرة بس دلوقتي وكانت ليلة القدر يبقى اتكتب ليك ٣ مليون كنز في الجنة ! 🧡

خطة ٢٧ رمضان
(ليلة ٢٨)