#ogohlik

❗️Taqiqlangan telegram kanallar va saytlar ro'yxati.

O‘zbekiston Respublikasi Oliy sudi tomonidan internet jahon tarmog‘idagi diniy ekstremistik, terroristik va aqidaparastlik g‘oyalari bilan yo‘g‘rilgan deb topilgan hamda O‘zbekiston Respublikasining hududiga olib kirish, tayyorlash, saqlash, tarqatish va namoyish etilishi taqiqlangan manba va kontentlar (materiallar) ro‘yxati.

Yaqinlarga yuboring, ushbu sahifalarga kirish, layk bosish, tarqatish jinoiy javobgarlikka sabab bo'ladi. Ogoh bo'ling!

🇺🇿 @nodavlattalim — nodavlat oliy ta’lim muassasalari haqida rasmiy xabarlar

⚡️O‘qituvchilarga berilgan ayrim imtiyoz turlari

➖ 1 oktyabr “O‘qituvchi va murabbiylar kuni” etib belgilangan hamda ushbu kun bayram (dam olish) kuni hisoblanadi.

➖ Bolalarga taʼlim-tarbiya beradigan barcha pedagog xodimlar doimiy ravishda bepul tibbiy ko‘rikdan o‘tkaziladi.

➖ Pedagoglar uchun 56 kunlik yillik haq to‘lanadigan uzaytirilgan taʼtillar beriladi.

➖ Pedagoglar xodimlar uchun ish vaqtining davomiyligi haftasiga ko‘pi bilan 36 soat qilib belgilanadi.

➖ Maktab o‘qituvchilariga faoliyatni baholash mezonlari asosida 10 foizdan 40 foizgacha, kutubxonachi va psixologlarga 10 foizdan 20 foizgacha ustama belgilanadi.

➖ Fan olimpiadasi g‘olibini tayyorlagan o‘qituvchilar rag‘batlantiriladi.

➖ O‘qituvchilar kasal bo‘lib qolganida moddiy yordam beriladi.

➖ Olimpiada g‘olibi bo‘lgan o‘qituvchilarga 150 foizgacha ustama beriladi.

➖ O‘zi dars beradigan fani bo‘yicha xalqaro tan olingan va milliy sertifikatga ega bo‘lgan o‘qituvchilarga ularning tarif stavkasiga nisbatan 50 foiz miqdorida har oylik qo‘shimcha ustama to‘lanadi.

➖ “Xorijiy tillarni o‘qitish bo‘yicha eng yaxshi maktab” tanlovi g‘olibi bo‘lgan maktabga yarim milliard so‘m beriladi.

➖ Inklyuziv sinf o‘qituvchilariga 40 foizgacha ustama beriladi.

➖ Olis hududlarda dars berayotgan o‘qituvchilarga 50 foizgacha ustama beriladi.

➖ Matematika, fizika, kimyo va biologiya fanlari bo‘yicha xalqaro va respublika olimpiadalari g‘oliblarini tayyorlagan professor-o‘qituvchilarga pul mukofoti beriladi.

➖ Ko‘p yillik stajga ega pedagoglar majburiy attestatsiyaga jalb qilinmaydi.

➖ Xalqaro fan olimpiadalarini tayyorlagan o‘qituvchilarga malaka toifasi attestatsiyasiz beriladi.

➖ Respublika fan olimpiadasi g‘oliblarini tayyorlagan o‘qituvchilar malaka toifasi bir pog‘ona oshiriladi.

➖ Tibbiyot sohasi professor-o‘qituvchilariga davolash-tashxis ishlarini bajarganliklari uchun qo‘shimcha haq to‘lanadi.

➖ Taʼlim muassasalarining chet tillar fanlari o‘qituvchilariga oylik ustamalar beriladi.

➖ O‘qituvchilarning faoliyatiga aralashganlik uchun javobgarlik bor.

🇺🇿 @nodavlattalim — nodavlat oliy ta’lim muassasalari haqida rasmiy xabarlar

⚡️Aytishlaricha, oʻqituvchilarga 5 yilga mashinalarni foizsiz "rassrochka"kaga berishga oid taklifni UzAuto rad qilibdi.

Xursandchilik uzoqqa choʻzilmadi))

🇺🇿 @nodavlattalim — nodavlat oliy ta’lim muassasalari haqida rasmiy xabarlar

⚡️Qaysi nodavlat oliygohlarning filiallari mavjud?

Bugungi kunda Respublika miqyosida 100 ga yaqin nodavlat oliygohlar qonuniy faoliyat olib bormoqda. Tahririyatimiz o'rganishlari bo'yicha bugungi kunda 13 ta oliygohning boshqa hududda filiallari mavjud. Bular,

1. Qo'qon universiteti Andijonda;
2. Kimyo xalqaro universiteti Samarqand va Namanganda;
3. Profi universiteti Navoiyda;
4. Toshkent menejment va iqtisodiyot instituti Farg'onada;
5. Zarmed universiteti - Samarqandda;
6. ISFT Instituti Samarqand va Andijonda;
7. Toshkent iqtisodiyot va texnologiyalari universiteti Namanganda;
8. Qarshi iqtisodiyot va pedagogika universiteti Samarqandda;
9. Navoiy innovatsiyalar universiteti Surxondaryoda;
10. University of Business and Science Toshkentda;
11. Oriental universiteti Samarqandda;
12. Turon universiteti Andijonda;
13. Toshkent gumanitar fanlar universiteti filiali Toshkent shahrida faoliyat olib bormoqda.

Siz yana qaysi filiallarni bilasiz?

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Oʻzavtosanoat Hukumat topshirigʻini rad qilmagani haqida bayonot berdi. Lekin mashinalarni boʻlib toʻlashga emas, kreditga berilishini aytgan.

Bu rad qilishga kirmaydimi shunda?

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Jismoniy madaniyat ta’lim yo‘nalishi bitiruvchilari qanday kasblarni egallashlari mumkin?

Kasb bo'yicha faoliyat:
➡️ maktabgacha ta’lim, umumiy o‘rta ta’lim va professional ta’lim muassasalarida jismoniy tarbiya darslari va sport mashg‘ulotlarini tashkil etish va olib borish;
➡️ sport maktablari, ixtisoslashgan sport maktablari, olimpiya va paralimpiya sport turlariga tayyorlash markazlaridagi sport mashg‘ulotlarini tashkil etish va olib borish;
➡️ sport maktablari, ixtisoslashgan sport maktablari, olimpiya va paralimpiya sport turlariga tayyorlash markazlari hamda sport turlari bo‘yicha federatsiyalarda tashkiliy-uslubiy faoliyat olib borish;
➡️ sport jamoalari, sport kulublarida sport mashg‘ulotlarini olib borish va sport musobaqalarini tashkil etish;
➡️ ishlab chiqarish korxonalarida jismoniy tarbiya va sport tadbirlarini tashkil etish;
➡️ ta’lim yo‘nalishi bo‘yicha oliy ma’lumotli shaxslar egallashi lozim bo‘lgan lavozimlarda mustaqil ishlaydilar.

Bitiruvchilar quyidagi kasbiy faoliyat sohalari bo'yicha ishlashlari mumkin:
➡️ Tanlagan sport turi bo'yicha murabbiy;
➡️ Jismoniy tarbiya o'qituvchisi;
➡️ direktor:
➡️ Jismoniy tarbiya va sport bo'yicha yo'riqchi-uslubchi;
➡️ kabinet mudiri.

Boshqa yo'nalishlar: https://www.tgoop.com/nodavlattalim/2536

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Kontrakt to‘loviga yo‘naltirilgan 12% daromad solig‘ini masofadan qaytarib olish mumkin

Buning uchun soliq organlariga bormasdan Soliq mobil ilova orqali shartnoma va toʻlov hujjatlarini (bitta pdf faylda skanerlangan holda) ilova qilib deklaratsiya yuborish mumkin.

“Soliq imtiyozini qaytarish” elektron xizmatida foydalanuvchining ish haqi va boshqa daromadlari toʻgʻrisidagi maʼlumotlar avtomatik shakllanadi.

Deklaratsiya yuborilganidan keyingi qadam – Keshbek va imtiyozlar bo‘limida – "Ortiqcha to‘lovni qaytarish" xizmati orqali ariza yuboriladi.

Face ID orqali shaxsingizni tasdiqlang. Bu haqda batafsil videoqo‘llanmada.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️"Yoshlar daftari"ga kiritilgan yoshlarga "prava"ga o‘qish puli to‘lab beriladi

Qonunchilikka asosan, daftardagi yoshlarning avtomaktabda o‘qish harajatlari qoplanadi. Bu miqdor — BHMning 4 baravarigacha, 1 mln 320 ming so‘mni tashkil qiladi.

Buning uchun avtomaktabda o‘qishni istagan yoshlar tuman (shahar) yoshlar ishlari bo‘limiga ariza hamda o‘quv kursi shartnomasi nusxasini beradi. Shartnomada ta’lim tashkiloti nomi, STIR, o‘quv kursi yoki kasb-hunar nomi, bir oylik to‘lov miqdori va umumiy muddat ko‘rsatilgan bo‘lishi lozim.

O‘qish pulini qoplab berish bo'yicha arizaga o‘rtacha 8 kun ichida javob beriladi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Nogironligi bor shaxslarga magistraturaga kirishda sertifikat talab qilinmaydi

Nogironligi boʻlgan shaxslarga magistraturaga kirishda imtiyoz mavjud. Biroq bu barcha toifadagi nogironligi boʻlgan shaxslar uchun emas.

Oʻzbekiston Respublikasi Prezidentining 20.10.2022-yildagi PQ-407-son qarori 4-bandiga koʻra, davlat oliy taʼlim muassasalarining magistratura mutaxassisliklariga hamda oliy taʼlimdan keyingi taʼlim ixtisosliklariga oʻqishga qabul qilishda koʻrish, eshitish va nutqida nuqsoni boʻlgan shaxslar tomonidan xorijiy tilni bilish boʻyicha milliy yoki unga tenglashtirilgan xalqaro sertifikatni taqdim etish talab etilmaydi.

Aynan shu qoidaga koʻra imtiyoz koʻrish, eshitish va nutqida nuqsoni boʻlgan shaxslarga taqdim etiladi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Ta'lim krediti haqida muhim ma'lumotlar

1. Imtiyozli taʼlim krediti xotin-qizlarga foizsiz, yigitlarga markaziy bankning asosiy stavkasiga (13,5%) ko'ra ajratiladi.

2. Ta'lim krediti O'zbekiston Respublikasi hududida faoliyat olib borayotgan davlat va nodavlat OTM talabalari uchun ajratiladi.

3. Ta'lim krediti joriy yildan faqat kunduzgi ta’lim talabalari uchun ajratiladi.

4. Joriy yildan Ikkinchi kursdan yuqori talabalarning baholari past boʻlgan (oʻrtacha “3”dan past) taqdirda taʼlim krediti koʻpi bilan toʻlov shartnomaning 80 foizi miqdorida ajratiladi.

5. Ta'lim krediti Markaziy bankning asosiy stavkasi pasaysa, kredit foizi ham pasayadi. Agar asosiy stavka ko‘tarilsa, unda kredit foizi o‘zgarmaydi (yaʼni ko‘tarilmaydi).

6. Ta'lim kreditini har yili olish mumkin.

7. “Superkontrakt” asosida oʻqishga qabul qilingan talabalarga imtiyozli taʼlim krediti ajratilmaydi.

8. Imtiyozli taʼlim krediti rasmiy oʻqish tugagandan keyin 7-oydan boshlab 7 yil muddatga ajratiladi. Masalan talaba 1-kurs boʻlsa, 11 yil 7 oy ichida kreditni toʻlashi mumkin.

9. “Ijtimoiy himoya yagona reyestri”ga kirgan oilalarning farzandlariga ajratiladigan taʼlim krediti boʻyicha garov va kafillik talab etilmaydi

10. 2024/2025 oʻquv yilidan boshlab taʼlim krediti olish uchun arizalarni “Taʼlim krediti” axborot tizimi (talim-krediti.mf.uz) va my.gov.uz orqali topshirish mumkin boʻladi.

11. Imtiyozli ta'lim krediti haqida eng so'nggi ma'lumotlarni @nodavlattalim sahifasidan topishingiz mumkin.

🇺🇿 @nodavlattalim — nodavlat oliy ta’lim muassasalari haqida rasmiy xabarlar

⚡️Kontrakt uchun to'lov soliqqa tortilmaydi

Ta'lim uchun to‘lov qilinganida soliq imtiyozidan quyidagi hollarda foydalanish mumkin:

➖ o'zingiz uchun;
➖ farzandlaringiz uchun;
➖ 26 yoshgacha bo'lgan turmush o'rtog'ingiz uchun.

➡️ To'lovni to'g'ridan-to'g'ri ish joyingizdagi ish haqidan o'quv yurtiga o'tkazishingiz mumkin, bunda ushbu daromadga soliq hisoblanmaydi.

➡️ Mustaqil ravishda elektron, naqd yoki naqdsiz ko‘rinishda to'langanda yil yakuni bo'yicha soliq organlariga deklaratsiya topshirib, avval to'langan soliq summasini qaytarib olish mumkin.

Deklaratsiya topshirib 12% qaytarib olish bo'yicha videoqo‘llanma: https://www.tgoop.com/nodavlattalim/2559

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Endi moliyaviy mustaqil bo'lgan OTMlar open budjetda ishtirok etaolmaydi

“Tashabbusli byudjet” jarayoniga o‘zgartirish va qo‘shimchalar kiritildi. Bu bo‘yicha Oliy Majlis Senati Kengashining qarori qabul qilindi. Unga ko‘ra:

➖ Endilikda moliyaviy mustaqil bo‘lgan OTMlarning ushbu jarayonlarda ishtirok etishiga ruxsat berilmaydi;

➖ Mablag‘lardan samarali foydalanish hamda ijtimoiy muammolarga ko‘proq e'tibor qaratish maqsadida tashkilotlar tomonidan bаrсhа turdagi avtomobillar, jamoat xavfsizligini ta'minlashga oid jihozlar (rаdаr, jamoat joylaridagi kuzatuv kаmеrаlаri, “svetofor”) rahbar xodimlar uchun mebel jihozlarini xarid qilish taqiqlanadi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Joriy yildan chet tili 1-blok bo'lgan abituriyentlar uchun sertifikat majburiy bo'ladi

2025/2026-o‘quv yili qabulidan boshlab fanlar majmuasida chet tili birinchi fan sifatida belgilangan ta’lim yo‘nalishlariga qabul xorijiy tilni bilish darajasini belgilovchi milliy yoki xalqaro sertifikat asosida amalga oshiriladi.

❗️Bunda fanlar majmuasida chet tili birinchi fan sifatida belgilangan ta’lim yo‘nalishlariga qabul qilishda ushbu fandan test sinovi o‘tkazilmaydi. Abituriyentlardan belgilangan darajadagi sertifikatni taqdim etish talab etiladi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

#Abituriyent2025

⚡️Abituriyentlar uchun muhim eslatma!

🏛Qonunchilikka ko‘ra (PF-81, 24.05.2024-y.) 2025/2026-o‘quv yili qabulidan boshlab fanlar majmuasida chet tili birinchi fan sifatida belgilangan ta’lim yo‘nalishlariga qabul xorijiy tilni bilish darajasini belgilovchi milliy yoki xalqaro sertifikat asosida amalga oshiriladi.

❗️Bunda fanlar majmuasida chet tili birinchi fan sifatida belgilangan ta’lim yo‘nalishlariga qabul qilishda ushbu fandan test sinovi o‘tkazilmaydi. Abituriyentlar belgilangan darajadagi sertifikatni taqdim etishlari lozim.

2025/2026-oʻquv yili uchun respublika oliy taʼlim muassasalarining taʼlim yoʻnalishlari roʻyxati va ularga mos test sinovi (kasbiy (ijodiy) imtihon) topshiriladigan fanlar majmuasiga koʻra chet tili birinchi fan sifatida belgilangan taʼlim yoʻnalishlari roʻyxati ilovada (rasm👆).

E’tibor bering! 1-fan sifatida aniq ko‘rsatilgan ingliz, nemis va fransuz tillaridan ayni shu fan bo‘yicha, 1-fan “Chet tili” ko‘rsatilgan ta’lim yo‘nalishlariga esa, bakalavriat ta’lim yo‘nalishlari uchun tasdiqlangan xorijiy tillarni bilish darajasini belgilovchi milliy va xalqaro sertifikatlardan birini taqdim etish talab etiladi.

Tasdiqlangan sertifikatlar ro‘yxati bu yerda👈

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Respublika OTMlari ichida samarali faoliyati yuzasidan yetakchilardan boʼlgan NamDU birinchi prorektori oʼz xohishiga koʼra lavozimidan ozod etilibdi.

Hozirgi vaqtda (@nodavlatbot) botimizga universitet prorektori N.Dexkanovning ishdan ketganligi yuzasidan murojaatlar kelmoqda. Murojaatlar mazmunidan to'satdan ixtiyoriy ishdan bo'shash shubha ostiga olinganini anglash mumkin.

Universitet maʼnaviy-maʼrifiy hamda sport sohasida respublika darajasida oʼz oʼrniga ega hamda yutuqlari ham bisyor. Tinimsiz kelayotgan murojaatlardan N.Dexkanovning universitet jamoasi va ko'plab talabalar mehrini qozongani anglash qiyin emas. Vazirlik bunday kadr faoliyati yuzasidan chiqarilgan qarorni qayta ko'rib chiqishi kerak.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!