‏قصيدة حُبّ تعود لـ 4000 سنة، منقوشة باللغة الآشورية، كتبتها فتاة مزارعة لحبيبها الراعي.

يعيني

حين تحبها لاتحسب كم خطوه عليك خطوها فلا أحد يمشي قي الحب الجميع يطير💚

موضوع وَخلص
المن تعيده!
مال نرد سوه كلش بعيده
خايف من فشلتك
عَاديہ والله
كلهم باس ايدي وماريده
حبلك غير واحد عندك هواي
واتصور شغلتك مو جديده

..

وشوفة عيونك يگلبي الحب خسر
عايشين الموتوك من القهر
عايشين بخير واحنا المانتوب
امبللين وخايفين من المطر
تخاف ع الماخافوا الله ورخصوك
عفنه كم نجمة اعلى مود المو گمر
شكم قصيدة نكتبت اعلى الما قراك
الما درى بروحي تروح بكل شطر!
الصوج صوجك علمتني شلون اطيح
وعلمتني اكتب أسامي اعلى الشجر
وعلمتني اعلى الدفو البالمحطات
وفاتتك ما علمتني اعلى السهر

قد ينسى المرء جميع محاولاته لكنه لن ينسى محاولته الاخيره الّتي قدم من اجلها كل ما يستطيعُ هباءً ..

يتدلَّل الإنسان على من يثق بمحبَّتهم له، ليس على من يحبّهم.🥺💚

ههههه يبوي 🖤

تعال انطيني واحد خاسرك مثلي 🖤

{ ولسوف يعطيك ربك فترضى }💚

النهايه 💚

جانو خمس اشهر صعبين عليه كلش
(الشهر الرابع والخامس والسادس والسابع والثامن)

جانت اصعب مرحله بحياتي
وكعت بشي اكبر مني ومن عمري
من بعد ما نطيت كل روحي بالمقابل تجازيت بأذيه مجنت متخيله بيوم راح اتجازه بيها .🤍
لذلك كرهت هالقناة 🤭
عموما ما اريد اتعبكم وادوخكم وياي
بس خل اكلكم شغله قبل لا اعوف هـ القناة واروح
وعسى ولعل بيوم من الايام تتذكروهن🤍


(ويَحسبون كَسر الرُوح هيناً وَهو عِند الله عظيم)
لا تكسرون بخاطر احد ابد اذا جان ممسويلكم شي
خليكم حنينين وكلوبكم حنينه
القسوه ابد مو حلوه متتصورون شكد تاذي
القسوه خلتني ابجي اشهر بدون وعي !
لا تخلون احد يبجي كل يوم
اتطمنو على ناسكم وحبوهم
واذا ردتو تتركوهم بيوم خابروهم او قابلوهم وبررولهم
لا تتركون احد بدون تبرير
الترك بدون تبرير راح يسبب عند المقابل شك بروحه !

(الحنيه) شي كلش حلو
شكد ما تشوهت روحي بس مراح اتخلى عن هالشي
خلي الحنيه تملي كلوبكم الدنيا مناقصه اذيه اكثر من هيج 🤍

ولا تندفعون وتنطون كل مشاعركم لشخص
بالاخير راح تخسرون روحكم اقسم بالله تخسرون روحكم وتتندمون

وهذا الحجي مو شرط يكون للحبيب
لا لاي شي بالدنيا (الحبيب والصديق واي علاقه تكونون بيها لا تندفعون !)

ولا تكونون مغفلين ابدا
اذا ما ارتاح كلبكم لشي او شكيتو بشي امشو وره كلبكم لا تثقون بـ احد ثقه عميه ولو جان اقرب واحد الك .
لان بالاخير حيطلع شكك بمحله ٩٠٪؜ 🥰

وشغله اخيره اريد اكولها .
لا تنسون دعوه المقهور منكم !
يا الله شكد جبيره عند رب العالمين
ولتستهينون بيها
هالدعوه هاي يمكن مو هسه تطلع يمكن بعدين
ربنا جبير وعظيم ما يرضه بالاذيه
ربنا ما يرضه احد ينام وهوه مقهور ومحترك كلبه
بـ كل الديانات هذا الشي
فـ اول ما تحس نفسك انو تريد تأذي شخص تذكر وراك رب عظيم ما يرضه بالاذيه ابداً🤍🙏

واذا احد اذاكم لا تسامحو ابد لا تسامحو وانتقموا منه ولا تسكتون عن حقكم !
_شلون انتقم منه ؟! اني اكلكم شلون
(اكو رب عظيم بس تكله ياربي فلان اذاني خلص انت هنا انتقمت منه اشد انتقام 🖤)

واذا جنتو تعبانين من شي عادي
اتعبوا وابجو وفضفضو وكلشي سوو لا تضمون شي بكلبكم ابداً عيشو الشعور كله حتى لما تخلص هاي الفتره وتطلعون منها حتطلعون منها بكل قوتكم 🙏

لا ترخصون نفسكم ابداً
ابد محد يستاهل ترخصون نفسكم علي..

وبأي لحضه تحسون روحكم بيها تعبانين
لا تروحون لأحد ابداً
روحو بس لـ رب العالمين 🤍
وعزته وجلاله قدره ما فد يوم جنت تعبانه ورحتله اذا ما كمت من السجاده واني مرتاحه 🤍

وشكرا الكل المواقف الي خلتني اعرف بهاي الدنيا كلها ماكو سند
غير رب العالمين ومن بعده نفسي واهلي🤍

وبالاخير اذا وصلتو لهل نقطه تكدرون تغادرون القناة
هـ القناة من ٢٠١٧ ليهسه كافي ممليتو 🥰😂

الحمدلله على كلشي
الحمدلله على الموزين قبل الزين بحياتنا
الحمدلله على كل محنه وكعنا بيها
الحمدلله على كل تجربه عدت علينا وتعلمنا

الله عظيم وعوضه اعظم
ومن يجي العوض من هيج رب عظيم
راح ننسه كل تعب مرينه بي ..

يارب دائما تكونون بخير وعافيه ومرتاحين 🤍
احبكم 🤍