ابو ذيات للامام الكاظم عليه السلام


الكاظم بالسجن دهره. تره بلا
وريجه بحنضل الفركه تره بلا
سنين لجيته أهله.   تره بلا
بلايه وداع راح وماله جيه



عله  الكاظم أهل الرده شلها
كأس السم جميع عضاه شلها
وتالي  جنازته. سجان.  شلها
وفوك الجسر.   خلاها.   رميه



يبويه جم ضلع مني حنيته
بكطران الدمع.  جفي حنيته
حرمني شوفته دهري. وحنيته
وخلاني. اون.  وصفك. بديه


بقلم العلويه الشاعره ام رائد زوين

●—>>﴾«﷽»﴿๋<<—●

໋৩❥ू┈┈┉💙
           
قناة ‏✿℘
الشــاعرة العلويه ام رائد زوين ✍

تختص بنشر القصــائد والمــواليـــد الحسينيه ولجميع المناسبات مع الالحان

https://www.tgoop.com/fhgfhjvd

‏                         ໋৩❥ू┈┈┉💙
↡ ↡┈••●••┈ ↡ ↡

قصيده سريعه للامام الكاظم عليه السلام


كضه عمره. بالسجن.  اويلاه
كاظم الغيض الممتحن. اويلاه




سنين ماشاف. الاهل . اويلاه
ساجد ودموعه تهل    . اويلاه
مصاب الكاظم موسهل. اويلاه
عيونه. فاركهه الوسن.   اويلاه




عالجسر نصبو. مأتمه    اويلاه
تنعاه أملاك. السمه.     اويلاه
تعزي. الزجيه. فاطمه.  اويلاه
الليله. محزونه. وتون.   اويلاه




وين صاير. مضجعه.    اويلاه
تهدم الحيل الفاجعه.   اويلاه
وين الاهل.    وتشيعه. اويلاه
ولمصيبته تون.  بشجن. اويلاه


خبر. ما واصل. هله. . اويلاه
ميت برجله.  سنسله.   اويلاه
هالامر من.  يقبله.      اويلاه
سبع العله. تزلزلن.    اويلاه



مظلوم الكاظم. مظلوم.  اويلاه
بعد. صبره.  مسموم.    اويلاه
محسر. راح. اومهضوم.   اويلاه
بيه. النوايب.   اوجرن.  اويلاه



بقلم العلويه الشاعره ام رائد زوين

●—>>﴾«﷽»﴿๋<<—●

໋৩❥ू┈┈┉💙
           
قناة ‏✿℘
الشــاعرة العلويه ام رائد زوين ✍

تختص بنشر القصــائد والمــواليـــد الحسينيه ولجميع المناسبات مع الالحان

https://www.tgoop.com/fhgfhjvd

‏                         ໋৩❥ू┈┈┉💙
↡ ↡┈••●••┈ ↡ ↡

ابو ذيه للامام الكاظم عليه السلام

ويلي عليك يالكتلوك. بلسم
طاري سمك للمجروح بلسم
لمصابك تون أملاك.   بلسم
تواسي النبي سيد.  البريه


عليك اصار. يامولاي. واجره
بدليلك. نار. السم.    واجره
يادمع الهضيمه  هل واجره
عله الماحضرته أهل.  الحميه


ناعي الحزن  ينعاه.  خله
غريب وخلة. شلون  خله
الكيده برجله. السجان خله
يويلي. مكيد بوكت.  المنيه


بقلم العلويه الشاعره ام رائد

:
#قصيده_لذكرى_استشهاد_لامام_الكاظم ع

قصة الم نرويها/ دم العين نجريها
قصة اهات واحزان/ بجت عيون الجدران
                يهد الحيل طاريها

*°❀•┈┈•🕊•✵⚫️✵•🕊•┈┈
قصة مظلوم ومسجون/ العين تبجيه عيون
تفزز بالروح جروح/ مسموم يواسي المذبوح
بين الخيم والحومه/ صرخت حرم مهضومه
الطف طايف بيها/ قصة الم نرويها

*°❀•┈┈•🕊•✵⚫️✵•🕊•┈┈

كاظم الغيض بمحنته/ ساجد وتهمل دمعته
جم مصرع تراواله/ بين حسين وعياله
اطفال تسحك عالجمر/ وطفله سلبهه الشمر
ماكو والي يحميها/ قصه الم نرويها
*°❀•┈┈•🕊•✵⚫️✵•🕊•┈┈

الكاظم يهمل مدمعه/ كلب الزجيه صدعه
يمه ماحضرت اهل/  بعبايه ملفوف نحمل
فوكالجسر مخليه /  تتفرج الناس عليه
اجنازته  معطليها/  قصة الم نرويها

*°❀•┈┈•🕊•✵⚫️✵•🕊•┈┈
الكاظم سمه هارون/ الهواشم بي مايدرون
وينه الشيع سلمان/ خل يحضر لعالي الشان
يشاهد بعينه الصار/ سوت بالكاظم لشرار
الزهره اليوم مروعيها/ قصة الم نرويها

*°❀•┈┈•🕊•✵⚫️✵•🕊•┈┈
متعنيه ام ضلع مكسور/  تون ونت عاشور
كعدت تندب يبني/     مصابك زود حزني
يبني ذابت الروح/   عالمسموم وعالمذبوح
مدري شلون تاليها/ قصة الم نرويها

*°❀•┈┈•🕊•✵⚫️✵•🕊•┈┈
تمت بعون الله
بقلم العلويه الشاعره ام رائد زوين
*°❀•┈┈•🕊•✵⚫️✵•🕊•┈┈

https://www.tgoop.com/fhgfhjvd

قصيده للامام الكاظم ع

•✿🕯 ╰⇢⇢⇢❥❥🕊❥❥✿

يادمعه سيلي            يادمعه سيلي

ع السجين وغربته    عل جسر ضلت جثته

للفرجه ويلي              يادمعه   سيلي

•✿🕯 ╰⇢⇢⇢❥❥🕊❥❥✿


فوك الجسر مطروح ملفوف بعبايه
ومن قيد  البرجله تسيل الدمايه
الله الله شعظم هاي  الرزايه
الكضه عمره بالسجن هاي النهايه
وين لالهل وين    يبن الميامين
ام الحسن تصيح تصوب دليلي
يادمعه  سيلي

•✿🕯 ╰⇢⇢⇢❥❥🕊❥❥✿

خلي نون وي فاطمه ونه شجيه
كل يوم البضعه  مثكوله برزيه
بعد الجرح ينزف من الغاضريه
ليش الدهر مايرحم بحال الزجيه
شكد مئاسي شاهدت
عليها الرزايه تراكمت
يادهر ويه فاطمه شلك حجيلي
يادمعه سيلي


•✿🕯 ╰⇢⇢⇢❥❥🕊❥❥✿

شنهو ذنبها اهل السقيفه محاربيها
يوميه بالسم والذبح مروعيها
شكد مصايب شاهدت ويلي عليها
حزنانه املاك السمه وتبجي لبجيها
حزنانه املاك السمه    ويه الوديعه فاطمه
مثكوله ام حسين  ويلي
يادمعه سيلي

•✿🕯 ╰⇢⇢⇢❥❥🕊❥❥✿

الليله يم الجسر تلاكاها الزجيه
عله السمو بالسجن نصبت عزيه
هاجت عليها المواجع هالمسيه
اتذكرت حسين والراحت سبيه
فاطمه مابطل وانها
اه يالوعت جزنها
تصيح ليش الحزن يادهري خليلي
يادمعه سيلي


•✿🕯 ╰⇢⇢⇢❥❥🕊❥❥✿

‏℘(✍)⇣✿​​​​℘الشــاعرة

ام رائد زوين

🕯🕊~`
┊⇣✿ 
✿

قناة 🎬

الشاعره ✍

               العلويه ام رائد زوين ⚜

اداء والحان 🕊🎤 الحاج حسين الحاج علي

الشاعر ✍🦋🕊ام رائد زوين 👍🎤

اداء والحان 🕊الخادم محمد السماوي

الشاعر ✍🦋🕊ام رائد زوين 👍🎤

قصيده للامام الكاظم ع
تقرء ثكيل

﹍﹎﹍﹍﹍﹍❥✿||🌹➞»)

مجبور اشتكي مجبور 

                    كضيت العمر محجور

ماعرف نهار اوليل// ساجد والدموع تسيل

العمر خلص شهر عاشور

مجبور اشتكي مجبور


﹍﹎﹍﹍﹍﹍❥✿||🌹➞»)

من يوم السقيفه ابدت مصايبنه
الجروح تراكمت والحزن صاحبنه
شكد قاسي الدهر مايوم ناصفنه

شلها اهل الرده علينه //بسم وابذبح كاضينه

شكد شفنه مئاسي اوجور

مجبور اشتكي مجبور

﹍﹎﹍﹍﹍﹍❥✿||🌹➞»)

ياهو البل سجن مثلي كضه عمره
ليش  اهل الرده محاربه العتره
كل يوم بمصيبه ثاكله الزهره

اه يالوعة البضعه // بالحزان متكبعه

كلبها من الحزن مفطور

مجبور اشتكي مجبور

﹍﹎﹍﹍﹍﹍❥✿||🌹➞»)

ع عود الرضا الليله نواسيها
ندك صدورنه والدمعه نجريها
هيه ام المصيبه بكل معانيها

شكثر جور اوهضم شافت // اوياها الدنيه مانصفت

الرزايه عليها لزمت دور

مجبور اشتكي مجبور

﹍﹎﹍﹍﹍﹍❥✿||🌹➞»)

عل كاظم المدمع من دمه نهله
نايم عل جسر ماتدري بي اهله
وبقيد الحديد مزنجله رجله
بعيد الاهل عنه //  الكاظم ياهو اليدفنه

يشيع نعشه الا ماجور

مجبور اشتكي مجبور

﹍﹎﹍﹍﹍﹍❥✿||🌹➞»)

ع جسر الرصافه يااسف مطروح
ياعود الرضا مصابك يفت الروح
ايهيج مواجع جدك الذبوح

مصابك حيل اذانه // لطف حسين وادانه

بحركه ندك صدور

مجبور اشتكي مجبور

﹍﹎﹍﹍﹍﹍❥✿||🌹➞»)
الشاعره
ام رائد زوين


🕯🕊~`
┊⇣✿ 
✿

قناة 🎬

الشاعره ✍

               العلويه ام رائد زوين ⚜

https://www.tgoop.com/fhgfhjvd