اللّهُـمَّ صَلِّ عَلـى مُحمَّـد، وَعَلـى آلِ مُحمَّد

Аллаh'умма салли 'аля Мухаммадин ва 'аля али Мухаммад

Аллахӏан Элчано (саллаллахIу ӏалайхӏи ва саллам) аьлла: «Суна цхьа салават диллинчунна Дала итт салават дуьллур ду, цунна тӏера итт гӏалат а дӏадоккхур ду, итт даржехь иза сов а воккхур ву».

[Сахьихь ал-Жамиӏ: 6359]
https://www.tgoop.com/Ramzan_Gendargno

«Боккъалла а, АллахI а, Цуьнан маликаш а салаваташ дохкуш ду пайхамарна. ХIай [Делах] тешнарш! Салават дилла цунна, маршо а еха [цуьнга]».

[Сурат «ал-Ахьзаб» - 56 аят]

«ХӀай, ийман диллинарш! ПӀераскан дийнахь (рузбанан) ламазна кхайкхича, АллахӀ хьехорна тӀедерза, махлелор а сацаде! и гӀолех хир ду шуна, нагахь шун хаахь».

[Сурат «ал-ЖумуӀа» - 9 аят]

مكة احب البقاع الى الله ورسوله

قال رسول الله صلى الله عليه وسلم:
والله إنك لخير الارض الى الله واحب ارض الله الى الله
(رواه الترمذي وصححه الحاكم).

Макка АллахӀана, цуьнан Элчанна уггаре дукха деза латта ду.

Вайн Пайхмара ﷺ боху: «Валлахlи, хьо уггаре гlоли долу Аллахlан латтанах ма ду, Аллахlан уггаре дукха деза латта ма ду».

(Хьадис дийцина Тирмизис, Хьакимас Сохьихь а дина)

1215-гӀа Хаттар: Ассаламу Ӏалайкум.
Деша мича вахча дикох хир дара, Мисре я Мадинате? Мисрехь йолу АзхӀар санна дика ишкола ян а юй Мадинатехь?

Жоп: ВаӀалайкумуссаламу варахьматуллахӀи ва баракатухӀ!
Мичча вахча а бен дац, ахь дешчхьана дика ду, делахь а, хьан дешар Ӏеламнахаца хилахь, АзхӀар ерг, я кхиерг, я Мадинатера ерг бен яц, муьлхха а ишкола я университет эр вай цунах, цига охьахиина доьшуш ву бохуш лела дагахь велахь хьайн цӀахь гӀоли ду, цхьанхьа ца воьдуш. Ӏилма Ӏеламнахера схьаэца дезаш ду, АзхӀар ерг, я Мадинатера ерг, я кхин муьлхха а ерг кехатна доьшуш меттиг ю, Ӏилма Ӏамо меттиг яц, Ӏилма Ӏеламнахаца Ӏамош ду, иштта и цхьацца университет яьккхина ша олий воккха Ӏеламстаг хуьлий дӀахӀуьттуш болу нах бу тахана вайна бале бевлларш, нахана гергахь дешна нах бу, цара хӀун дешна-м доьшучунна ма хаьий, делахь а, нах кхета ца ло цу хӀуманах, уггар чӀогӀа къаьхьде яц цо яьккхинарг олу, исламски къаьхьде магистратура ца яьккхина цо олу, хала ду нах кхето, я кхета а ца кхета.

https://www.tgoop.com/Vragi_iblisa

Лекхахь вай дийцинчунна мухӏар тухуш

Лекха Сийлахь волчу АллахӀа цига ваха лууш, делахь анпалаш баланаш юха ветташ волчунна дог хьостийла, гергга йолу ханчохь массо анпалах баланах гӀайгӀанах хьалха воккхуш, Ӏилман новкъа воккхийла хӀора а! АллахӀа цу новкъахь чӀагӀвойла хӀора а! АллахӀа хӀора ша-ша волчахь беркате войла кху сийлахьчу динан! Ӏилман новкъа вала дог диллинчо цу новкъахь болучарна гӀодарехь дог ма дуьллийла! ДоӀанца, даьхница, гӀо-накъостаолийца. Тахана, вайна деза дахар-дуьне букътӀехьа теттан, АллахӀан дин даржо, бусалбанахана юккъера жехӀлалла дӀайаккха, нахана Дела дин Ӏамо ерриг дуьнена дахаран хазаллех хаьдна шайн могашалла, шайн жималла цу Ӏилман дӀайала арабоьвллачу вайн вежарийн йижарийн терго ян еза, тесна бита ца беза уьш.

Тамашийна болх бу иза, уггаре къомана а, халкъана а оьшуш долу адам - иза Дела дин доьвзуш дерг ду. Тоьпанал, йалтанал, ахчанал, коьртаниг ду иза! Ахь дууш долчу йалтанах хӀун пайда бу хьуна иза хьарам ду, йа хьанал ду хууш ца хилча? Ахчанах хӀун пайда бу хьуна иза айхь хьанал агӀора даьккхина йа хьарам агӀора даьккхина хууш ца хилча? АллахӀан дино вайн дерриг Ӏамадо. ХӀора шен хорша дӀанисво цо. Хьо топ кхуссуш велахь, йалта доккхуш велахь, хьолада велахь, ахь мел йоккхуш йолу гӀулч АллахӀан динан дазонашца йаккха езаш ю. Ткъа хьан дин Ӏамо аьтто ца хилла, амма тахан и Ӏамош болучаьрна гӀодан аьтто бу хьан, хьайга балахь даьхница бина, йа доӀанца бина а. Кхана Ӏуьйрана хьуна хьан берашна дин Ӏамора долу нах бу тахан тӀейоха кога йоха бедар эца таро йоцуш къахьоьгуш берш. Вай санна йовха чохь Ӏа ца лууш, дено денна мерзаниг юуш Ӏа ца лууш боьвла ма бац уьш цу новкъа. Цаьрга ма баккхало и кхача, шаьш Ӏилманна тӀехь йойъу хан дуьненна йайъичахьана, делахь и халонаш йолушшехь Ӏилма Ӏамо гӀерташ къахьоьгуш бу. Цу новкъахь царна гӀодаран ял мел йоккха ю вай кхеташ делхьара, хӀора шегарниг бен схьа ма бохуш хира вара вайх, делахь вайна ца хаьа цуьнан мах. Вайна оьшуш ма бу уьш, мутӀелам санна байлахь адам дуй те вайна?

Вай къома йоккха анпал ю веша хӀуман хам ца бар, сий ца дар, пусар ца дар.

ХӀора а дарс дешийн меха!
ХӀора а дош хьикмате!

Аллахӏа фирдавс ялсаманца бекхам бойла хьуна, тхан лераме ваша Ӏадлан!