سلام عليكم دكتور
وربي ماعرف شلون اشكرك بس المهم ماطول عليك امتحنا شهري شهر اول 98🙈♥️ السبب مال بلزمه انت تأخرت بتنزيلها يعني مشفتها عليك وع شرحك المرتب بحيث الاسئله كلهن ع شرحك اجاوب ربي يوفقك يفتحلك اوسع ابوابه يارب العالمين

السلام عليگم استاذ:
استاذ وربي متدري شگد ادعيلك.لان خلصتني من اگبرر عقدة هيَ الأحياء عدت من وراهة جنت ماعرفك وبداية شهرر. العاشرر صدفة دخلت ع قناتك و شفت شرحك فد شي. راقيي شگرآ الك وربي اول مرة ادري بروحي. اخذ درجة بالأحياء گاملة البارحة چان أمتحاني وجاوبت الحمدلله بفضلك.شگد ماشكركك قليل بحقك لانوو.الأحياء اگبرر عقدة بگل المراحل شگراااااااااااااا 🫂🫂

السلام عليكم استاذ طبعآ كل الكلام قليل بحقك وخصوصا على الدوره المجانيه المكثفه لان انت اول مدرس معروف ع مستوى يسوي هيج خطوه الله يوفقك بحق الحسين وطبعا نظريه الكاروك كلش فادتني بالامتحان اجه سؤال عليه وجاوبته كل شكر قليل بحقك ولو اني بالامتحان مالحكت اقره زين وجنت حايره بالانتساب ان شاء الله اعوض بالجاي

السلام عليكم استاذ
طبعاً اريد اشكرك وكلمه اشكرا قليله بحقك ولله العظيم يعني لو بيدي اجيبلك مشيه عشيررتنا من ذي قار للبغداد حته نتشكر منك ولله العضيم يعني تخيل اخذ درجه كامله بمتحان الشهر الاول واني جنت مو شي بل الاحياء وصديقاتي انصدمن مني وكلتلهن عليك وهسه كلهن يتابعنك 😊 و كل يوم بصلاتي ادعيلك وادعي لعائلتك وخصوصا الوالده امانه سلملي عليهاا ❤️ افضل دكتور ومدرس بل الاحياء ابو الفضل الرائع لله يحفظ فضولي 🤎

والله ترة اسمي ابوالفضل ماعندي ابن اسمه فضل😂

استاذ اليوم امتحنت احياء شهر اول وربي بنص الامتحان وتذكرت مالت جهاز كولجي من تكول مستشفى وبيها ردهات مالت كسور وقلبيه 😂😂 كتبت ردهه الكسور ومسحتها😂😂😂ربي يوفقك استاذ اليوم جاوبت كله على شرحك حرفياااااااا واني بلامتحان اتذكر شلون شرحت كل حرف وكل تعريف حتى اذكر كتابتك وربي استاذ ربي يوفقك يارب ويجازيك على تعبك ويانه 🍒🦋

السلام عليكم استاذ اني أحد طلاب اليوتيوب قريت عليك الفصل الثالث قبل اسبوع والحمدلله اليوم طلعت ماخذه بالامتحان جان هوا من 50 فاخذت 47 جان عندي فراغ خطا الله يوفقك احسن استاذ باافضل شرح ربي يوفقك ويحفظك ❤️

السلام عليكم استاذ
اولا اعرف نفسي طالبة سادس دور ثالث احياء
صراحة جنت كلش ظايج ما اعرف شون ادرس
الاحياء بس سبحان الله شفت محاضرات مالتك استاذ وكلت خليني اجرب ما اخسر شي واكتشفت اني جنت خسران لان ما عرفتك من البداية والحمد لله كملت الاحياء والسبت امتحاني اشكرك
استاذ والله العظيم ما مبالغة ولا مجاملة بس لوما فضل الله ثم فضلك اني معرف شي عن الوراثة
جنت اموت ولا اسمعها وهسا اني ضبطتها بفضلك
اشكرك شكر خالص من القلب وان شاء الله يوفقك ويقدرك على فعل الخير جزاك الله يا افضل واحسن والطف مدرس على مر التاريخ

استاذ اعععع😱😱😭ممصدكه البارحه الشامل نفس اسئلة اليوم حتى واني دمتحن من التعب نسيت النظريات الي تفسر حركة الكروموسومات بعدين اتذكرتها هسه من داحل بالاسئله مال الدور الثالث😭😭💗✨ضلت ابالي حتى ما اغلط ان شاء الله اذا بقينا هيج على هاي الامتحانات السنه الجايه ان شاء الله ال100بالجيب✨💗.

لا تؤجل عمل اليوم إلى غد ، هالعبارة اول من راح يطبقها اني 😁 كل ما أنوي اصور واتعاجز إلى ثاني يوم تمطر وتطك الكهرباء ، وهاي ثاني مرة 😂 هنوب تراكمن علية المحاضرات يرادلي خطة مال تراكمات😂😂 طلاب سادس حاس بتراكماتكم

على اي حال اعذرونا طلاب الالكتروني واليوتيوب نعوضكم وطبقو العبارة مثلي منا وجاي😢

مساء الخير استاذ
توني رجعت من الامتحان فرحانة واني انتساب😭✨البارحة كعدت ع محاضراتك المكثفة قريت وكتبت وياك كلشي واليوم جاوبت حرفيا باول نص ساعة كملت حل والاسئلة جانت بيها افكار شوية وجايبة المواضيع الي ابو الوزاري ما مركز عليها ابد✨😭
بس انت ما عايف شي ما شارحه بالمحاضرات المكثفة الوزاري والمو وزاري✨🍓.

شكرا جزيلا استاذ ربي يفرحك مثل ما فرحتني لو ما انت ما اجاوب ولا افرح هلككد ✨🩷

السلام عليكم استاذ
ابشرك جاوبت الحمد لله والأسئلة سهلة جانت
والمسائلة الوراثية الى كلت أثناء الشرح مهمة نفسها شفتها بل أسئلة اليوم
اشكرك اشكرك من اعماق قلبي والله حتى كلمة شكرأً قليل بحقك الله يقويك يا رب
ان شاء الله ما تشوف شر بحياتك الله يرحم والديك

ابوالفضل من يكول شي مهم لازم يجي !

سلام عليكم استاذ قريت ع محاضراتك ال٥ شهر اول اخذت ٩٢ مفروض ميه بس هي حاسبتنا يعني تخيل اول مرا بسادس أخذ هيج درجه واني سنه ثانيه ممتنه الك كلش اول مرا افتهم الاحيا بهل طريقه وب٥ محاضرات فقط فطحل الاحيا اتمنه تستعجل بالفصل ثاني 😔❤️

هلو استاذ شلونك والله حابه اشكرك صح جنت مريض من راسلتك بس الحمدلله ضبطت مراجعه والبارحه اسئله الله شاهد بساعه حليتهه وجنت شايله هم الاحياء كووومه وخايفه منه

الحمد لله دائما مراجعتي بالصدارة🔥

السلام عليكم استاذ اني دفعه ٢٠٢٥ ولله هواي فادتني مراجعتك رغم اني هسه وياك بديت بيها شهر اول جبت بي٩٩ مادري على شنو منقصتني بس اني تخيل مافاتحه كتاب ولا ملزمه ولا اي شي الفصل الاول ماعرف اسمه وبس مراجعتك وجبت هاي الدرجه الله يخليك ويحفظك وانشالله على طول تبقه تنزلنا💙💙.

والله مناسيكم اليوم ما انام الا اكمل الكم كلشي تردونه بعون الله