☘قصيده للامام علي ع☘

شايل وين هليله يكرار
ابو زينب الحيد وحامي الجار
🏴🏴🏴🏴🏴

شايل وين يابويه وعمت عيني
ويادار الولي ضلمه وتبجيني
وجيت انشد على المطبور حاجيني
(اتبجيني يادار الولي)
🏴🏴🏴🏴🏴

تبجيني ييمه الدار حزنانه
ومن راح الولي لليوم ماجانه
سدو مسجدة ومسدود ديوانه
(هد حيلي من شال الوالي)
🏴🏴🏴🏴🏴

الف وسفه عليه اليوم مهضومه
وانوحن عل ولي والروح مالومه
تبجي اتكول حيدر شاعت اعلومه
(عميانه واعيوني عليهم )
🏴🏴🏴🏴🏴

بعد يادار كولي وين اهاليج
من حمل ضعنهم ما نشد بيج
ياروحي بقيتي وحيده تاليج
( عفتوني للهم والونه )
🏴🏴🏴🏴🏴

شيال النعش بهداي تانينه
خل نوادعه فركاه ياذينه
اطينه ميال يادفان نادينه
( حيرانه والروح خلافك)
🏴🏴🏴🏴🏴

✍بقلم شاعرة اهل البيت عليهم السلام
☘ ام فراس الساعدي☘
   ولمله جنان الدلفي
غير مبري الذمه لكل من يحذف الاسم والرابط او ياخذ كلمات القصيده وينسبها اليه

https://www.tgoop.com/omFeras2

☘قصيده للامام علي ع☘

علي يومه يهد الحيل ياشيعه لتنسونه

علي الطبروه بالمحراب
وبراسه الولي ينصاب
ابن ملجم جسر ماهاب
ملعون ابن ملعونه....
علي يومه يهد الحيل ياشيعه لتنسونه
🏴🏴🏴🏴🏴

علي يامنبع الاسرار
ابن عم النبي المختار
علي يومه ابد ماصار
من صيامه يحرمونه....
علي يومه يهد الحيل ياشيعه لتنسونه
🏴🏴🏴🏴🏴

علي قائد بدر وحنين
علي والد حسن وحسين
نصرنه بمعركة صفين
جيوش وما يكحمونه....
علي يومه يهد الحيل ياشيعه لتنسونه
🏴🏴🏴🏴🏴

علي يسمونه داحي الباب
والينخاه ابد ماخاب
الكل مسأله عنده جواب
لو رادو يسالونه....
علي يومه يهد الحيل ياشيعه لتنسونه
🏴🏴🏴🏴🏴

علي المكسر الاصنام
علي الضدك ابد مانام
ماتمم شهر الصيام
برمضان ويغدرونه....
علي يومه يهد الحيل ياشيعه لتنسونه
🏴🏴🏴🏴🏴

علي ياكافل الايتام
علي علضيم ابد مينام
علي يااسد والضرغام
كل العدو يهابونه....
علي يومه يهد الحيل ياشيعه لتنسونه
🏴🏴🏴🏴🏴


✍ بقلم شاعرة اهل البيت عليهم السلام
 ☘ام فراس الساعدي ☘
غير مبري الذمه لكل من يحذف الاسم والرابط او ياخذ كلمات القصيده وينسبها اليه

https://www.tgoop.com/omFeras2

☘ نعي الامام علي ع ☘

نعي//مجرد

شفته يلوج الولي ومجروح 
يحسين خويه بادت الروح
اظل طول العمر مابطل النوح
🏴🏴🏴🏴🏴

صحت ياحسن خويه زاد همي
من شفت راسه اليوم مدمي
تذكرت الظلع وسطرت امي
🏴🏴🏴🏴🏴

سمعته يون بصوت عالي
صحت زهره ييمه هنا تعالي
مصوب صبح راسه الوالي
🏴🏴🏴🏴🏴

بادن اعضامي منسمعت مات
ماشوفك بعد يابويه هيهات
يابوي ياراعي الكلفات
🏴🏴🏴🏴🏴

يمه الولي ايسنه منه
وراح الذي كله محنه
ياريحته ريحة الجنه
🏴🏴🏴🏴🏴

مردني ييمه اوداع ابونه
وردتج يزهره وياي عونه
تصبرين الحسن وحسين اخونه
🏴🏴🏴🏴🏴

شالو ابونه وراحو بعيد
للنجف رايح علي الصنديد
واحنه يتامه بليلة العيد
🏴🏴🏴🏴🏴

راح الولي حيف وندامه
ناحت عليه حتى الحمامه
ياهو اليعايدها اليتمامه
🏴🏴🏴🏴🏴

ظليت اناطر عيني علباب
هلبت خبر يلفي منلحباب
مايردون الاهل غياب
🏴🏴🏴🏴🏴


✍بقلم شاعرة اهل البيت عليهم السلام
☘ ام فراس الساعدي☘
  والملا فاطمه ام علي التميمي
غير مبري الذمه لكل من يحذف الاسم والرابط او ياخذ كلمات القصيده وينسبها اليه

https://www.tgoop.com/omFeras2

☘قصيده للامام علي ع☘

خل نساعد زينب/ اعله الغالي
اليوم حمل عنهه/ شال الوالي

تبجي وحدهه وتصيح
من يطيبلي الجريح
والله ياناس احترك دلالي...
خل نساعد زينب/ اعله الغالي
🏴🏴🏴🏴🏴

شافته  مترادي  مايكدر  يكوم
الوانه متغيره وصفه بس الرسوم
نايم اليوم وطريح
ودمه لهسه يسيح
بويه ياهيبتي  وسوري العالي....
خل نساعد زينب/ اعله الغالي
🏴🏴🏴🏴🏴

علي ياملجه اليتامه بكل وكت
للارامل نشف دموع التكت
يشيل حمل الي يطيح
للاسلام  وللمسيح
ظل دمعها اليوم بته هالي....
خل نساعد زينب/ اعله الغالي
🏴🏴🏴🏴🏴

نقط القران وانطانه دروس
ظلت العدوان تمسحها وتدوس
علي يلوجهك فليح
بكل خطاباتك فصيح
يا امير الشيعه ارحم حالي...
خل نساعد زينب/ اعله الغالي
🏴🏴🏴🏴🏴

جينه كلنه وياج يابت حيدره
نلطم  ونبجي الدموع مناثره
مات ابو حسين الذبيح
من الاعادي يستريح
كال اطعمو  ياحسن  جتالي....
خل نساعد زينب/ اعله الغالي
🏴🏴🏴🏴🏴


✍ بقلم شاعرة اهل البيت عليهم السلام
 ☘ام فراس الساعدي ☘
غير مبري الذمه لكل من يحذف الاسم والرابط او ياخذ كلمات القصيده وينسبها اليه

https://www.tgoop.com/omFeras2

☘قصيده للامام علي ع☘

ليلطم على راسه......لاتلومونه
خلو يلطم اعله الراس و عيونه

راح ايمامنه ومفسر الايه
شجاع ومايهاب وبيه الكفايه
بيده ذوالفقار وشايل الرايه
صارت معركه بالطف يريدونه....
ليلطم على راسه......لاتلومونه
🏴🏴🏴🏴🏴

شال اليشبع الجوعان بجفوفه
كعبتنه علي كل ليله انطوفه
ياوسفه انضرب حيدرنه بالكوفه
الشيعه جايه كلهم يشيعونه.....
ليلطم على راسه......لاتلومونه
🏴🏴🏴🏴🏴

تتباجه الايتام وتصرخ الليله
استشهد الولي ومهضومه العيله
فراكك ياعلينه مالنه حيله
واحبابك تكول ارواحنه دونه....
ليلطم على راسه......لاتلومونه
🏴🏴🏴🏴🏴

زينب حايره بخوتها عينوهه
على فراك الابو ياناس صبروهه
نصبو ماتمه وكل سنه ذكروهه
على مر الدهر مافرغ ماعونه.....
ليلطم على راسه......لاتلومونه
🏴🏴🏴🏴🏴

لوطحت بمصيبه توجه البابه
هذا المايرد فد يوم طلابه
وكفت على بابه تنوح احبابه
حلال المشاكل علي يسمونه.....
🏴🏴🏴🏴🏴

✍ بقلم شاعرة اهل البيت عليهم السلام
 ☘ام فراس الساعدي ☘
غير مبري الذمه لكل من يحذف الاسم والرابط او ياخذ كلمات القصيده وينسبها اليه

https://www.tgoop.com/omFeras2

☘قصيده للامام علي ع  ☘

لا ترحل يوالي     يِضَل البيت خالي 

لا ترحل يغالي ياابوالحسين 
تجري من دمه ودموع بلعين
وكلبي اعليك ظل يلوب وحزين
بدونك انه حال الضيم حالي....
لا ترحل يوالي  
🏴🏴🏴🏴🏴

يبويه الدار  هل ضلمه  بلياك
تعوف البيت كلي شلون انساك
اون عليك بويه ودومي  انعاك
اتذكر الطبره ودمعي هالي....
لا ترحل يوالي  
🏴🏴🏴🏴🏴

يبو الحسنين محتاره بل ايتام
شلون نعيشها بدونك الايام
يتجسرون بويه علينه ضلام 
وصرخ ياعلي ومشدوه بالي ....
لا ترحل يوالي 
🏴🏴🏴🏴🏴

يوالي الدار ماتنطب بلياك
وردت الموت يابويه انه وياك
حاربني زماني شلون وخذاك
راح  العز فكدته انه و دلالي....
لا ترحل يوالي
🏴🏴🏴🏴🏴

روحتكم يبويه تعمي لعيون
وضل انه بحزن يا اهلي شلون
بويه شلون لو كامو  يعيلون
تظل دموعي بعيوني تلالي....
لا ترحل يوالي
🏴🏴🏴🏴🏴

✍بقلم شاعرة اهل البيت عليهم السلام
☘ ام فراس الساعدي☘
 والملا فاطمه ام علي التميمي
غير مبري الذمه لكل من يحذف الاسم والرابط او ياخذ كلمات القصيده وينسبها اليه

https://www.tgoop.com/omFeras2

☘اربعين الامام علي ع☘

لطمه حيدريه// وتقرأ بعدة اطوار

اليوم عيد ومنتظرتك ياعلي
بمسجدك صلي للعيد  ورد الي

خلي يلتم الشمل بوجودك
واندعي وفرحانه چنت بزودك
بكل سنه وكل عام ربي يعودك
هلا بجيتك ياحبيبي وكل هلي....
اليوم عيد ومنتظرتك ياعلي
🏴🏴🏴🏴🏴

ليش بويه اتاخرت شو مااجيت
ماكلت زينب تون چنك نسيت
طولت لغياب لفراگك بچيت
وحيده من دونك واظلم منزلي....
اليوم عيد ومنتظرتك ياعلي
🏴🏴🏴🏴🏴

هواي طال السفر صارن اربعين
گلي چمدوب الصبر يابو الحسين
تدري  الفرگاك  محنه  معلمين
والله من ترجع كل هم ينجلي ....
اليوم عيد ومنتظرتك ياعلي
🏴🏴🏴🏴🏴

صدك  بويه  ماالك  رده  بعد
كل دلالي وعزي منعندي انفگد
يلي ماكو بل بشر  مثلك  زهد
بسمك وبوجودك الحگ يعتلي....
اليوم عيد ومنتظرتك ياعلي

🏴🏴🏴🏴🏴

الموت بويه بيني وبينك يحول
روح  بويه  وسلمنه عل رسول
والتحيه مني اخذهه  للبتول
مودع الله اكولهه ودمعي يهلي....
اليوم عيد ومنتظرتك ياعلي
🏴🏴🏴🏴🏴

يظهر القائم وياخذ طبرتك
ادعيلي بويه اصبرانه بغيبتك
تشفع بيوم الحساب لشيعتك
عمت عيني مني راح مدللي....
اليوم عيد ومنتظرتك ياعلي
🏴🏴🏴🏴🏴


✍ بقلم شاعرة اهل البيت عليهم السلام
 ☘ام فراس الساعدي ☘
غير مبري الذمه لكل من يحذف الاسم والرابط او ياخذ كلمات القصيده وينسبها اليه

https://www.tgoop.com/omFeras2

☘قصیده للامام علی ع☘


العشگ ماينوصف... عني بعيد النجف
يازماني........
يازماني....
✼ـــــــــــــــــ✼🕸✼ــــــــــــــــــ✼

فتشت والله اعلى اسمك يلي غيرك ماألي
ليه ليه تنادي امي ولو طحت صاحت علي
انت يانغمة براءة وقيـــــــم برهانك جـلي

الشوگ تدري أسراني،
یازمـــانــي
ولعشگ ماينوصف   وعني ابعيد النجف

✍🏻الشاعره  وعد الڪفيل
✼ـــــــــــــــــ✼🕸✼ــــــــــــــــــ✼

للحيـاة آنه اطلعت ابلحـظة امــي النادتك
ابساعة الطلكات صاحت يا علي من ندبتـك
بسمك اتلــوليلي امي ورضـعتني امحبتك

بـيک يا حيدر أماني
يازمــانــي
ولعشک ما ينوصف   عني ابعيد النجف

✍أزهار جبار الجياشـي
✼ـــــــــــــــــ✼🕸✼ــــــــــــــــــ✼

بها لمحبه الگلب هايم بالعشك وياك اسيـر
انتــه شخصك يالصميده انتـه الاول والاخـير
مالك الاحساس انتــه علي يانــعم الامـير

عشگي ظل ربانـي
يازمــانــي
ولعشک ماینوصف ــ عني ابعـید النـچف

✍🏻الشاعره مریم العبودیه اسیرة الاحزان 💔
✼ـــــــــــــــــ✼🕸✼ــــــــــــــــــ✼

ليل ونهار الهج اسمك ياعلــينا الغالـي
انت الله موصي الاول. ماتصير التالي
علـي من اسم الجــلاله وتـــظل دوم العـالي

ماكـــو والي ثاني
يازمــانــي
ولعشک ماينوصف ـ عني ابعيد النـجف

✍☘ام فراس الساعدي ☘
✼ـــــــــــــــــ✼🕸✼ــــــــــــــــــ✼

بکل دقیقه اتمر یحیدرـ تکبر انفاسي مـــعاک
یا علي جنني حبك.. ما لي بالـدنيا سواك
من بــداياتي يحيدر.. صرت اتنــفس هــواك

يلهج باسمك لساني
يازمــانــي
ولعـشک ماینوصف.. عني ابعید النجف

✍خادمة الزهراء // ليلى زغيب
✼ـــــــــــــــــ✼🕸✼ــــــــــــــــــ✼

يامغیث الحایر انته. من صغر ناديته
ارضعت مــن امــي حـبك. عـــطرك، اشتميته
كل شـدد مـرت علــيه حــزامي الك شديته

بصحنك انسى احزاني
يازمــانــي
ولعشک ماينوصف- عني ابعيد النجــف

✍ام اسعد الشمري
✼ـــــــــــــــــ✼🕸✼ــــــــــــــــــ✼

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب  ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
#مؤسسة_القلم_الفاطمي_لشاعرات_أهل_البيت_عليهم_السلام
‌〰️〰️〰️〰️〰️〰️〰️〰️
https://www.tgoop.com/omFeras2

https://www.tgoop.com/alkalm313

☘قصيده للامام علي ع☘

((بنهاية المجلس ))

واويلي على الكرار

مولانه يحامي الجار
واويلي على الكرار

ينجي شيعته من النار
واويلي على الكرار

ابن عم النبي المختار
واويلي على الكرار

ننده بسمه ليل نهار
واويلي على الكرار

لجله الفلك يندار
واويلي على الكرار

علي يامنبع الاسرار
واويلي على الكرار

هوه القائد المغوار
واويلي على الكرار

من دونه خليه الدار
واويلي على الكرار

تتباجه ازغار اكبار
واويلي على الكرار

اليواليه مايحتار
واويلي على الكرار

عليه ادموعنا مدرار
واويلي على الكرار

نواسي المنتضر بصار
واويلي على الكرار

الشيعه وياك تاخذ ثار
واويلي على الكرار

✍ بقلم شاعرة اهل البيت عليهم السلام
 ☘ام فراس الساعدي ☘
غير مبري الذمه لكل من يحذف الاسم والرابط او ياخذ كلمات القصيده وينسبها اليه

https://www.tgoop.com/omFeras2

☘ندبه للامام علي ع☘

لسان حال الشاعر 👉

الوزن //بحر طويل

يداحي الباب    اريد اجواب
    كون بساع تنطيني

تعنيتك انه من ابعيد طويله چانت السفره
اجيتك خاطري مكسور وادري خاطري تجبره
نحيله والگلب  لهفان  وانت  بحالتي  ادره
تسحن علّتي  بلروح  تسعر  نارهه  جمره
تطفي    النار
يحامي الجار
    مچدره    لا    تخليني.....
يداحي الباب    اريد اجواب
    كون بساع تنطيني

✍☘ام فراس الساعدي ☘
🏴🏴🏴🏴🏴

كون بساع تنطيني مرادي وتجبر الخاطر
اجيت بشهكت الغركان مشدوه الفكر حاير
اجر بذيالي يبو حسين  مثل همي فلاصاير
دوه ومنعوت للعلات اجيتك كاصدك ناطر
يابو الوراد
اجيت ارماد
ضاگت دنيتي بعيني
يداحي الباب اريد جواب كون بساع تنطيني

✍️ العلويه ام رقيه
     الموسوي
🏴🏴🏴🏴🏴

اجيتك من بلد لبعيد احس بگلبي تسعر نار
كريم وجيت الك كصاد تنطيني يحامي الجار
ادري تملي چفيني ولاضل ساعه انه محتار
جيتك والظهر مكسور وانت مضييف الخطار
يبو الشدات
الك وكفات
تنشف دمع البعيني
ياداحي الباب اريد اجواب كون ابساع تنطيني

✍ام مرتضى الخزرجي
🏴🏴🏴🏴🏴

ماخاب الكصد حيدر يگضي السالفه ابساع
ترجع والكلب مسرور وجدمك ما تشيله الكاع
البو الكلفات نعرفه زين الشيعه وياه كلها اتباع
يشيل الهم ابو الايتام
مايخلي الكلب ملتاع
الدمع بالعين
يابو حسين
بس انته التواسيني
يداحي الباب اريد اجواب گون ابساع تنطيني

ام✍🏻 زين العابدين لمحمداويه
🏴🏴🏴🏴🏴

اجيتك والكلب مكسور وبي مولاي الف ونه
ماعندي سند. غيرك تعبانه يلمچنه
همي صال ثكل اجبال وبحيدر اكلفنه
الك مديت انه الچفين وعرفك ما تخيبنه
خلص صبري
وگضه عمري
بحق الزهره وحسيني
يداحي الباب اريد اجواب گون ابساع تنطيني

ام رحمه الگاظميه
🏴🏴🏴🏴🏴

اجيتك والدمع جاري اجيتك بالگلب حسره
جرح بلروح يآلمني رفعت اچفوفي للزهره
اصيح ابصوت احلفنك قسمت اعليك  بالعتره
اريد اجواب من عندك احسها ابروحي هالجمره
يبو الكلفات
الك شارات
رفعت اليوم چفيني
وتتحدث شرايني
يداحي الباب اريد اجواب
دخيل الساع تنطيني

✍️هدى المطر ام محمد
🏴🏴🏴🏴🏴

تمت باقلام شاعرات  رابطة كبش الكتيبه ع
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tgoop.com/omFeras2

☘اربعينية الامام علي ع☘


اليوم صارت اربعين ابو الحسن
رحنا زوار وگعدنه بالصحن

نواسي ال المصطفى بهذا العزاء
باربعينك ياعلي أنجدد ولاء
اليوم وي زينب نعليه البكاء
عيوني علمولى علي من دم بچن ....
اليوم صارت اربعين ابو الحسن

✍️☘️ام فراس الساعدي ☘
♠️♠️♠️♠️♠️

ترگض الايام واليوم اربعين
وابد ماننساه امصابك يالحنين
بربعينه انعازي زينب والحسين
من مشيت ايامهم كلهن محن
اليوم صارت أربعين ابو الحسن

✍🏻 ام زينب الأسدي
♠️♠️♠️♠️♠️

نعازي طاها وفاطمه بحيدرعلي
وهمنه لمصابه ابد ماينجلي
هذا ابو الحسنين يانعم الولي
نواسي زينب بلولي بحسره وحزن

العلويه ام اسامه البطاط
♠️♠️♠️♠️♠️

نواسي الزهراء وطـه الرسول
بااربعينك ياعلي فحل الفحول
نگابل اخت حسين ونعين البتول
نمشي الأرض النجف اعليه نون

✍🏻خـادمـة الزهـراءام احمد العبوديه زبير
♠️♠️♠️♠️♠️

انواسي ام الخدر بهذا بالمصاب
دوم ننعاكم وحق سيد الشباب
نبقه نكتب كل وكت الكل خظاب
مانعوفج. يلعقيله بكل محن

ام زين العابدين لمحمداويه
♠️♠️♠️♠️♠️

اربعينك جدد علينه الونين
فاگدينك ياامام المتقين
مانعوفك ياعلي لگطع الوتين
مره نصرخ ياعلي ومره حسين
تدري يامولاي عذبنه الزمن

العلوية ام احمد
♠️♠️♠️♠️♠️

تمت بعون الله
باقلام رابطة رماد الكلمات
https://www.tgoop.com/omFeras2
https://www.tgoop.com/remadalkalamat

☘قصيده للامام علي ع☘

ليوم الاربعين
الطور //نعي عاشوري

اجينه اليوم يم كبرررررك
             يوااااالي اه  اه
اريد اشكيلك شصايييير
              بحاااالي اه  اه
ظلمه  دنيتي  بعددددك 
            يغاااالي اه  اه
يبويه ارجوك لاتبطي عليه


من كثر البچي عمياننننه
        عييييييني اه   اه
ليل   انهار   اتسله 
     بونييييببني  اه  اه
من بعد الابو  شلييييي
      بسنييييني   اه  اه
اظل بغيابه بس اصفك بديه


راح وعافني وحدي
      ونساااااااني  اه  اه
بس هم  وقهر  بعده
       لفااااااااني  اه  اه
اون  علراح  ابوي
   ويتمااااااني اه  اه
من يوم المشه مارد عليه


زماني ولوكت ماانصف 
      وياااااااي   اه  اه
اخذ مني العزيز وذابت
       احشااااااي اه  اه
سكن برض النجف يانور
       عينااااااي اه  اه
وخلاني وحيده بهل بريه



✍ بقلم شاعرة اهل البيت عليهم السلام
       ☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه

https://www.tgoop.com/omFeras2

☘قصيده لاربعينية الامام علي ع☘

طور //نعي كرناوي

اجينا   لگبر   ابونه   اليوم   ننعاااااه
وكعدنه نسولف اعله المر علينه

وبأرض  النجف  ماتم  نصبناااااااه
واجينه  نزوره  بيوم  اربعينه

صعبه   وموحشه   ايام   الفگدناااااه
نون اعليه وبس نصفك بدينه

شو   طوّل   غيابه   وضييعيناااااه
سولفنه شكثر  يمه  ونعينه

ظل البيت خالي وفارگيناااااه
ونتذكر   لياليه  وبچينه

والمنبر خلا  ومحزن  لگينااااااه
ومصلايته  تسالنه  وينه

ابونه المشه ماظن  يوم  ننسااااه
بعده لهسه عطر ايده  بدينه

والگعدات    ماترهم    بلياااااااه
هسه شلون من بعده بقينه

راح وراح كلشي اليوم ويااااااه
واسف بغيابه هسه تيتمينه

كعدنه اعله التراب وعاتبينااااااه
ياهو البعده   چا ينشد علينه



✍ بقلم شاعرة اهل البيت عليهم السلام
       ☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه

https://www.tgoop.com/omFeras2

☘اربعينية الامام علي ع☘

نعي // بلطور الاهوازي

اليوم اربعينك يابو الحسين
كعدنه اعله گبرك تدمع العين
طالت.  الغيبه. يامرحلين
صدك بويه...


ظربوك يابويه الملاعين
لاذمه عدهم بويه لادين
دمك جمد بويه على العين
اوووووي بويه....


جينه  وكعدنه. يم    الاحباب
ماشفنه الولي بس شفنه التراب
والگبر  لامفتاح  لاباب
اوووووي بويه.....


كلساع بويه الگلب يشتاك
ونار  الهجر  يابويه  حراك
تدريني  مااتحمل  فراك
صدك بوييييه....


تذكرت الليالي وذيج الايام
بحضنك يبويه تلمنه وانام
لكعداتك انت الروح تحتام
اوووووي بويه....


اليوم اريد الدللاني
علفرگه ابد ماعلماني
تالي جفا وراح ونساني
وانه اعاتبنه....


✍ بقلم شاعرة اهل البيت عليهم السلام
 ☘ام فراس الساعدي ☘
غير مبري الذمه لكل من يحذف الاسم والرابط او ياخذ كلمات القصيده وينسبها اليه

https://www.tgoop.com/omFeras2

☘عيد رمضان ☘


اجانه العيد بس موعيد جنـــه
بدموع الحزن نبچي اعله اهلنه

ابوادي النجف عيدنه الاحبــاب
وي شبت البخور الروح عطـاب
نرش فوك الكبور ادموع سجاب
تمنيه الكبر يحباب بي بـــــــاب

ونشوف الصار بيكم
درس حيلي عليكم
بعدهي ارسومكم حلوه ياهلنه

✍️ العلويه ام رقيه
┈••●••┈ ┈••●••┈ ┈••●••┈

ابوادي النجف جن نمتو سويه
يهلي ولا دريتو اشصار بيه
احسن مظلمه الدنيه عليه
أتاسف كمت واصفك بديه

حن الكلب الكم
شلي بعمري بعدكم

بعدكم راح واطشر شملنه

ام عمار الصائغ
┈••●••┈ ┈••●••┈ ┈••●••┈

فكدنه رسومكم  يحباب حلوات
وحشه بيوتكم ما بيها ضحكــات
ياحيف الزمن ابغدره طعنــــــات
فوك افراكـــم  اذانه شمـــــــات

تعالوا  وشوفوا الحال
علينه الدهر من مال
من كثر البجي اتغير وضعنه

✍️نبضي حسين
┈••●••┈ ┈••●••┈ ┈••●••┈

كعدنه عله الكبر نجذب الحسره
علكنه اشموعكم من نار جمــــره
مشتاك الگلب وشلون صبــــــره
يريد ينام يمكم على الغبــــــــره


  ريت الگبر بيه باب
  ونتعاتب  يلاحباب
واسمعكم ونيني بالف ونـــــــــه

✍️ام جعفر الايرواني
┈••●••┈ ┈••●••┈ ┈••●••┈

اجينه بروح تعبانه وحزينــه
نهيل اتراب منعدهم علينــــه
بعدكم  بالكدر ولهم  بگينـــــه
اشتاگينه شكثر بس شبدينــه

نمتوا بالرمل دوم
ضل گليبي مهموم
هيهات المشه مايرجعلنه

✍️☘️ام فراس الساعدي ☘️
┈••●••┈ ┈••●••┈ ┈••●••┈

جينه بالمدامع والگلب نــار
نادينه وبجينه جينه خطــار
منعيد صفينه ازغار وكبـــار
تمنينه الزمن وياكم انــــــدار

دوم ابقى اعاني
مرمرني زماني

وسافه حيل للعافو نزلنـــــــه

✍🏻تقى التميمي
┈••●••┈ ┈••●••┈ ┈••●••┈

شيرد ايامنه و نكعد سويـه
واسولف ياهلي ضيم العليه
هم بيكم بعد لدار جيــــــــه
وتعود ايامنه الجانت زهيه

ردوا وشوفو حالي
تعبتني اليالــــــــي
مر افراكم حيل وتعبنــــــــه

✍️ام يوسف الخزعلي
┈••●••┈ ┈••●••┈ ┈••●••┈
$$$$$$$$$$$$

تـــمت بــــعون اللــه تعـالى ـــ بأقــلام الشاعـ✍🏻ـــرات المبدعــات فــي رابــطـــة الأمـــام الحســــن👉 عــليــه الســلام لايجــــوز شررررررررعاً حذفـــُ اسمــاء الشاعـــــ✍🏻رات او تغيــــ🙏ــــرررها

https://www.tgoop.com/omFeras2
https://www.tgoop.com/joinchat-AAAAAFDeD-8dIUKfF2UaBA

☘☘وداع رمضان☘☘

ياشهر الفضيل انودّعه اليوم
ربي يعوده ويبلغنه للدوم

خلص شبساع شهر الخير ياناس
بيقضه  ونومنه  تسبيح الانفاس
الرحمه الواسعه من دون مقياس
ريت بكل سنه وكل عام مختوم ...

✍☘ام فراس الساعدي ☘
🌹🌹🌹🌹🌹

شهر الخير مثل الضيف اجانه
لا طول  و لا  محـتر   مچانه
مضاعف كل اجر ربك جزانه
رحمه اعله البشر من الله اتحوم...

✍️ام سجاد الشهيد
🌹🌹🌹🌹🌹

طول يا شهر لتغيب عنه
بيك  الخير  كله  يااملنه
ابجيتك كل سنه احنه فرحنه
بشهر الله ورسوله نتمم الصوم ...

✍️ام زين العابدين لمحمداويه
🌹🌹🌹🌹🌹

بيك الاجر من الباري ضعفه
ويزيده ال ينطي بكرم چفه
نحس براحه من گلوب ترفه
ننساه الزعل منكثّر اللوم...

✍️طالبه الزهراء
🌹🌹🌹🌹🌹

نتوجه  اليوم  بوكت الغروب
ندعي بهل شهر يمحيها الذنوب
ويجمع كل شمل غالي ومحبوب
ومن گلوبنه تنزاح الهموم...

✍️☘️ ام فراس الساعدي ☘️
🌹🌹🌹🌹🌹

تمت باقلام ✍️✍️✍️شاعرات رابطة ساقي عطاشا كربلاء المبدعات
حقوق النشر محفوضه عند سيد الشهداء ع
https://www.tgoop.com/omFeras2
https://www.tgoop.com/saghiatashaalkarbala

☘☘عید الاحزان☘☘

الیوم تاسع بالحزن تنــعه الفقید
لیـــــل وانهار ابمناحه وما تهید
♾️〰️♾️〰️

عیــــد زینب عید دمعات وونین
ولطم عد محراب امیر المومنین
تـــذکر ایام التعــــدت والسنین
یوم عاشر وره الحادث اجه العید...

✍ام مهدی مجدم
〰️♾️〰️♾️〰️
تروح يـوم الـعيـد وتـرشـلـه الـورد
تبدي اتــسولـف مـصايبـها وتـعـد
ويــلي من الآمـهـا شــتـذكــر بعــد
بالـيلـة الحــادي احظــرنه يـالعميد...

✍🏻خـادمـة الزهـراءام احمد العبوديه زبير
〰️♾️〰️♾️〰️

وين اكو عيد وعلي جوه التراب
تنده اعله  الوالي وماكو  جواب
اتكظي  الليل  بملامه  والعتاب
والصبح ونتها تبدي من جديد ...

✍️☘️ام فراس الساعدي☘
〰️♾️〰️♾️〰️

ليلهه ایخلص كله بس بچـــي
من عگب حیــدر المن  ترتجي
عله الزمن تعتب وازود الحچي
راحت امي بعد من عندی شيريد

✍ ام زين العابدين لمحمداوية
〰️♾️〰️♾️〰️

عنــت علــيه معــانيك علی
يا حلات العید بوجود الولی
اشکبر بختی و انه بین هلی
وحزنی یا غالي كل يوم يزيد

✍️ ام سيد حسن
〰️♾️〰️♾️〰️

العيد عكبك يبو الحمله شلي بي
وانت عايف بيتك وماظن تجي
عكب عينك أنا المن التجي
یا هو يكلي بعد عيدج سعيد

✍الشاعره ام احمد البصراويه
〰️♾️〰️♾️〰️


تمت بعون الله باقلام ✍✍✍شاعرات
قناة رماد الکلمات
https://www.tgoop.com/omFeras2

☘لاستشهاد امير المؤمنين ع☘

لسان حال السيده زينب ع عن العيد

الناس اتعايد اوانه حزينه
بشهر الصوم فگديته ولينه
غايب مسند الدين
غايب مسند الدين
الناس تعايد اوانه حزينه
****
تعيد الناس وانه معيده شلون
وصبن بلدمع خل تعمه العيون
اخوتي لولي راحو يدفنون
شايل ياضوه العين
غايب مسند الدين
زهره. الكناني
****
اخوتي علولي  كلهم  محزنين
والتمت الناس  اليوم  صوبين
مكدريلحسن وبصفه  الحسين
مكدر حسن وحسين
غايب مسند الدين
✍️ام زهراءالفاطميه
****
شايل وين ياراعي المحنه
فركنه الدهر نكطع الضنه
يا راعي المحنه يشيل عنه
اولادك محزنين
غايب مسند الدين
ام محمد الخطيب الموسوي  
****
ماخذ كل نضر عيني وحياتي
يحفرولي الكبر يمه امنياتي
ولا ظل بالبواجي حد مماتي
دم بس تهمل العين
غايب مسند الدين
✍ام اسعد الشمري
****
بعدنه ماشبعنه مسامر وياه
خذاه الموت ريت اندفن وياه
حسافه وحيف ابونه فارگيناه
اه يا عمله البين
غايب مسند الدين
✍️☘️ام فراس الساعدي☘️
****
تمت القصيده باقلام شاعرات
رابطه النحر الخضيب

غير مبري الذمه لكل من يغيير الاسماء
او ياخذ كلمات القصيده وينسبها اليه
https://www.tgoop.com/omFeras2

☘☘عيد رمضان☘☘

بحر طويل للامام علي ع

شعندك جايني ياعيد
                 وابوي الحيد ماهوه
حيدر ياعزيز الروح
                       راح الكلها امروه

فكدناه ابشهر رمضان
ماندري الدهر خوان
يفاركني الامل ماجان

حيدر ياعزيز الروح راح الكله امروه

•───✧◐❀◐✧───•

سند وعون للأيتام
          صاحب وفه وحنيه
حجاياته ترد الروح
          الحاجه يمه مكظيه
حريمه عليك يلوالي
              شلت ومابعد جيه
حنين الوالد علينه
             الابو تالي كطع بيه

هله بمعزب الخطار
بكرم معروف ياكرار
مرظي ازغارها واكبار

شعنده الدهر ويايه مني ماخذه كوه

ام عمار الصائغ

•───✧◐❀◐✧───•

من يوم الرحت لليوم
             اعيش بحيره مهضومه
عكبك مااشوف النوم
                    تره بلياك مهمومه
حسافه مارحت وياك
                 اظل للدوم مندومه

يامولى الانس والجان
سفرته تشبع الجوعان
حريمه يموت هلريسان
للعازات والكلفات ردتك يلابو تچوه...
✍️☘️ام فراس الساعدي ☘️

•───✧◐❀◐✧───•

شايل ياعمود البيت
             وديوانه صبح خالي
وانه بالهضم ضليت
             حال الضيم ياحالي
انوح وانتحب يابوي
           ودمعي اعلى الو جن هالي
تروح وتبتعد عني
                ماهي جانت ابالي

يابويه ينور العين
شايل ياابو الحسنين
يا سفه خذاك البين
اون اعليك يالكرار  وباليني الدهر بلوة

ام يوسف الخزعلي

•───✧◐❀◐✧───•

سيف الي. جرح. راسك
            ريته بويه ذابحني
ماريد العمر يابوي
               ونته مبتعد عني
بعدي عله امي حزنانه
                ولسه ماسكن وني

تحاجيه برفيع الصوت
بعدك  موحشه البيوت
كلبها انمرد ومفتوت

وتشوف لولي مجتول متردكعدته الحلوه  
ام مازن

•───✧◐❀◐✧───•

ياعيد ابتعد عني
       خلني بالحزن وحدي
الناس اليوم تتباشر
                وبافراحها تحدي
واحنه الهظم عالينه
                   وباحزانه نبدي
مالاك الفرح لينه
            غير النوح ماعندي

صبحنه نجر ونه
رايح راعي المحنه
هذا العيد مو  النه

ابونه بالكبر نايم وانه اتعنيت اله عنوه

ام جعفر الايرواني

•───✧◐❀◐✧───•

رايح يا علي منه
         وعليك ارواح تتحسر
يلما مثلك بهلكون
         علي وانت ساقي الكوثر
شلون بغدر يلوالي
                 الهامه الك تتطبر

البيت ينوح والمحراب
رايح حيدر داحي الباب
  مايسوه الزمن عتاب

فاركنه ويه الغالي ماخذمنه لسلوه

نبضي حسين

•───✧◐❀◐✧───•

تـــمت بــــعون اللــه تعـالى ـــ بأقــلام الشاعـ✍🏻ـــرات المبدعــات فــي رابــطـــة الأمـــام الحســــن👉 عــليــه الســلام لايجــــوز شررررررررعاً حذفـــُ اسمــاء الشاعـــــ✍🏻رات او تغيــــ🙏ــــرررها
https://www.tgoop.com/omFeras2

☘️عيد رمضان☘

كاني بلسان مولاتي زينب ع..
شتگول:-

رايحه لحضرت علي
ارد ازورنهم هلي

جيت اعايدهم سويه بعيد رمضان
ماشيه انعاهم وأكعد على التربان
بويه بويه ..بويه بويه
🏴🏴🏴🏴🏴

ليلي ونهاري اون صبح ومسيه
على العافوني وغفو تحت الوطيه
علدرب صديت وعيوني جريّه
عشت بلهم سهمي بس ون واذيه

بهلي وازاني الدهر
وانه غاطيني القهر

اصفك الراحات وحدي الفكر حيران
ماشيه انعاهم وأكعد على التربان

بويه بويه ..بويه بويه
🏴🏴🏴🏴🏴

رايحه ويم الگبر دمعي اسيله
ارد اسولف ضيم گلبي واشتكيله
جيت ولهانه وعلي روحي نحيله
ارد اكلهم عليتم ماكو مثيله

والبعد ماينحمل
يون گلبي مايمل

البيت اضلم من عكبهم صبح خلوان
ماشيه انعاهم وأكعد على التربان
بويه بويه ..بويه بويه
🏴🏴🏴🏴🏴

سوالفي ماتنحچي كلهه غريبه
بيمن ابدي شرد اسولف يامصيبه
ياهو الحچيهه تبینلكم عجيبه
منهد جدي واهلي كلهم فد ضريبه

لن طفلهم ماسلم
وانه كاتلني الالم

ابد مامرت قصصهم ال عدنان
ماشيه انعاهم وأكعد على التربان
بويه بويه ..بويه بويه
🏴🏴🏴🏴🏴

خلافكم اشبع قهر يهل المحنه
آ يشوفتكم سوه چن عطر جَنّه
صعبه نتلاگه واشوفنكم يهلنه
ريت وياكم يدفنوني اتّمنّه

ما اشوفنكم بعد
چنتو ليّه اكبر سند

روحي ماترضى تهيد وگلبي حزنان
ماشيه انعاهم وأگعد على التربان
بويه بويه ..بويه بويه
🏴🏴🏴🏴🏴

العيد اجانه والخلگ تنتضر طلته
عيني تبره عالولي العايف بنيته
بگن دمعاتي يكتّن فرد كتّه
لو حلم ابقه اتاني أبليل جيته


وسفه ميتين الاهل
ضاع من عندي الامل

احسب ايامي البگن والعمر خلصان
ماشيه انعاهم وأكعد على التربان
بويه بويه ..بويه بويه
🏴🏴🏴🏴🏴

تمت باقلام شاعرات اهل البيت عليهم الصلاة والسلام
✍️☘️ام فراس الساعدي ☘️
✍️ام سجاد الشهيد
غير مبري الذمه لكل من يغيير الاسماء او ياخذ كلمات القصيده وينسبها اليه
https://www.tgoop.com/omFeras2