نعي لسنوية الأم أهديه لمولاتي الزهراء ( ع)

•••••••••••••••••••••

گوووولي.....

والله مشتاقين الكم يل مشيتو

شلون حالتنه بعد مافكريتو

احنه بس الدمع رسمه بالعين

ليش اعلينه هالگد بطيتو

امس نتخيل حجيكم من تگعدون

واليوم دارت سنه وهم ما اجيتو

اگعدو النه يا عزاز الگلوب

غير تراب وچفن ما حصليتو


گووووولي......

مشتاگه الچ يايمه مشتاگه
ودموع المفارگ يمه حراگه
تمنينه تجينه وبيچ نتلاگه

••••••••••••••••••••
تمنينه نشوفچ نگعد اوياچ
ظلمه البيت ياحبيبه بلياچ
حنينه يايمه  لريحة  ارباچ
••••••••••••••••••••
بقت بس الصور والريحه عدنه
ونتذكر اهنه چنه اهنه گعدنه
واهنانه چانت الوالده امنه
••••••••••••••••••••
اوووووي يمه حبييييبه يمه

كلمن عاشرچ ون اعله فرگاچ
يا طيبه وحنينه وين نلگاج
نامت بالگبر ذيجه حچاياچ

      •••••••••••••••••
نامت بالگبر الحبيبه امنه
دارت سنه وكلنه انجمعنه
ونذكر ايام البيهه عشنه
       ••••••••••••••••
واليوم السنه دارت يايمه ابساع
وتذكرنه الحنينه النامت ابگاع
شفجه ولذيذه وحلوة اطباع
       ••••••••••••••••
شكثر احباب راحو... ودعينه
وبعدهم برده حاله... ودعينه
نخينه الله ورسوله... ودعينه
تروح الهم الرحمه بهل مسيه
      •••••••••••••••••
✍ أم علي الحلفي(بالمباشر)
اهدي هذا النعي إلى سيدتي ومولاتي فاطمة الزهراء(ع) وإلى المرحومة العلوية(أم ظاهر) لمرور السنة الأولى لوفاتها

                    نسألكم الدعاء

https://www.tgoop.com/Om_Abeha

#جديد_الشاعرة #أم_علي_الحلفي


هوسات لمولاتي الزهراء ( ع)


✦❥※❥※✿✿※❥※❥※✿✿※❥※❥✦

موجوعه الزچيه وحيل مابيها
او بـسمـار الضلـع هــو المأذيها
ويـن المصطفى اگـعـد يواليها

( ايسگطونه .... المحسن منها )

✦❥※❥※✿✿※❥※❥※✿✿※❥※❥✦

سگطوه الولد والزهره تعبانه
والدلال لاجله اموجره نيرانه
ما تمم اشهوره وشاف دنيانه

( ايدفعونه .... الباب اعليها )

✦❥※❥※✿✿※❥※❥※✿✿※❥※❥✦

دفعوا بابها اعليها الحوريه
لبوة حيدره عالگاع مرميه
تناديها يفضه لحگي اعليه

( مكسوره .... اضلوعي چنها )

✦❥※❥※✿✿※❥※❥※✿✿※❥※❥✦

اضلوع الطهر كـسروها ياوسفه
ويـاجـرح البتول الابد ما يشفه
يـا نـور الـنبـي والتـقـوه والعفه

( المظلومه .... امك يحسين )


✦❥※❥※✿✿※❥※❥※✿✿※❥※❥✦

امك يالحسين اشلون ظلموها
تـبـچـي عـالابـو كـفـار منعوها
اوصيـة جـدك المختار نكروها

( ايغصبونه .... ورثچ يالزهره )

✦❥※❥※✿✿※❥※❥※✿✿※❥※❥✦

ورثـچ يـم حسن غصبوه عدوانچ
بعدهي ماهدت على الابو نيرانچ
حـگـچ لـو بنيتـي بـيـت لاحزانچ

( اومهظومه .... اتنوح الزهره )


✦❥※❥※✿✿※❥※❥※✿✿※❥※❥✦

تـمـت والـحـمـدلـلّـه خــ✍🏻ــادمـة أم أبـيـهـا الـشـاعـرة أم عــلــي الـحـلـفـي لا أجـيـز شـرعـاً حـذف الأسـم أو تـغـيـيـر الـكـلـمـات أهـدي عـمـلـي هـذا إلـى أرواح الـمـؤمـنـيـن والـمـؤمـنـات وبـالـخـصـوص إلـى روح الـمـرحـوم والـدي ( رحـمـهُ الـلّـه )


                   نـسـألـكـم الـدعـاء

https://www.tgoop.com/Om_Abeha

قصيدة لمولاتي الزهراء ( عليها السلام )

✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶

ردت الـزمـان ايـدوم يـايـمـه ردتـه
ولاشفت نعشچ سار ابعيني نظرته

✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶

بـعـينـي نـظـرتـه ســار نــعش الحنينه
مـا الـهـا رده  اردود  مــنـهـا ايـسـيـنـه
لـو تـنـشـري الاعـمـار عـمـرچ شـريـنـه
ولا عـشـت هذا اليوم شخصچ فگدتـه

✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶

يـوم الفگدتچ كـون مـا عشت بعدچ
مـرنـي ييمه الـضيم تسمعيني ردتچ
حسبالي عدله الگاچ واشتكي عندچ
الـدارچ اجـيت ابشوگ وعنچ ندهته

✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶

عنچ ندهت الـدار  والدمعه تهمي
هـم بـعـدچ اتحنين الگعدتها امي
چـني احسها اتگول فرگتها تعمي
كـل الضوه الـبـدار اويـاهـا خذته

✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶

خذتي ييمه الروح مو بس ضواها
مـتعـوبه لـو تـدريـن لاجـلـچ تراها
مـاتـهـوه بعد اتـدوم بـعـد الجفاها
بـيتـچ حـزيـن اعليچ يـايمه شفته

✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶

شفت المكان احزين وحشه الثنيه
وبـشيلـتچ شـمـيـت عـطـر الوفـيه
يـافييت ام البيت تـوجـع الفـيـيـه
عالهجر گلبي اعليل مـاتـبـره علته

✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶

تمت والحمدلله ✍ خادمة أم أبيها الشاعرة أم علي الحلفي لا أجيز شرعاً حذف الأسم أوتغيير الكلمات أهدي ثواب عملي هذا إلى مولاتي زينب (ع) وإلى روح المرحومة الحجية ( أم هاني)(رحمها الله)


١٩/ربيع الثاني/١٤٤٤ه‍ -- ٢٠٢٢/١١/١٥م

                  نسألكم الدعاء

https://www.tgoop.com/Om_Abeha

قصيدة حزينة لمولاتي الزهراء ( عليها السلام  ) لسان حال مولاتي زينب ( عليهاالسلام )

«😭»•※•«😭»•※•«😭»

ويلي عالكسروا ضلعها
بـالـخفـى تـهمـل دمعها

يمه زهره       يمه زهره

«😭»•※•«😭»•※•«😭»

تهمل الدمعـه خفيه
امـي الزهره الزچيه
تنظلم سـوده عـليه
امي لحنينه طبعها

يمه زهره        يمه زهره

«😭»•※•«😭»•※•«😭»

گـلــبــي مـابـيـه اصـبـره
وحـالـچ ابـعـيـنـي انظره
امصيبتچ يم حسن كُبره
وبـابـچ الـظـالـم دفـعـهـا

يمه زهره         يمه زهره

«😭»•※•«😭»•※•«😭»

يـدفــع الـبـاب ورفـسـهـا
يـدري بالبضـعه ويحسها
الچانت اصحاب ابأمسها
ايـده عــالـكـوثـر رفـعـهـا

يمه زهره         يمه زهره

«😭»•※•«😭»•※•«😭»

يـرفع ايده ابن الضلاله
بـلا رحــم وبــلا عـداله
ايـروع البضـعه شجاله
يغضب الباري الوضعها

يمه زهره         يمه زهره

«😭»•※•«😭»•※•«😭»

الباري يغضب عالظلمها
بـــت رسـولــه اسـمـهـا
مـاتـت ابـصـدري آلمـها
وعـالـبـزر تجري دمعها

يمه زهره     يمه زهره

«😭»•※•«😭»•※•«😭»

تمت والحمد لله ✍ خادمة أم أبيها الشاعرة أم علي الحلفي لا اجيز شرعاً حذف الأسم أو تغييرالكلمات أهدي عملي هذا إلى سيدتي ومولاتي الزهراء (ع) وارواح المؤمنين والمؤمنات

٢٧/ جمادي الاولى / ١٤٤٤ه‍-- ٢٠٢٢/١٢/٢٢م


                       نسألكم الدعاء

https://www.tgoop.com/Om_Abeha

قصيدة لمولاتي الزهراء ( عليها السلام ) 

❥✦❀✦٭٭✦❀✦٭٭✦❀✦❥

اليوم بيت الزهره خالي مظلم الليله
اولادها تبچي عليها وصارت انحيله

❥✦❀✦٭٭✦❀✦٭٭✦❀✦❥

صـارت انحيله اليتامه والـدمع هامي
فـراگ لحبيبه مـصيبه وللگلـب دامي
ويلي يـاكسرت ضلعها الزيـدت الآمي
بـالحزن ختـمت عمرها ماتـت انحيله

❥✦❀✦٭٭✦❀✦٭٭✦❀✦❥

خلّصت رحلـت عمرها والضلع مكسور
واللعين ابـهـذا فـعـلـه امعـيد ومسرور
ويلي ياگلب الزچيه امـن القهر مجمور
راحـت الربها الجليلـه واهـيـه تشـكيله

❥✦❀✦٭٭✦❀✦٭٭✦❀✦❥

تشكي اصحاب الجريمه الهجموا اعليها
وحـرگوا الـبـاب ابحطـبهم والـطهـر بيها
هـاي بـت سـيـد الــبـريـه هـايـه تـالـيهـا
ايـسـگـط الـظـالم ابنها والـدمـه ايسيله

❥✦❀✦٭٭✦❀✦٭٭✦❀✦❥

سـايـل دمـوم الشـهـيـد اوهـيـه  لـتشوفه
شلون مرمي اعله الوطيه الزهره وتعوفه
محسـن الـمـا شـاف دنيه امنيته معروفه
يـنـذبــح وهــوه جـنـيـن وامــه انـحيـلـه

❥✦❀✦٭٭✦❀✦٭٭✦❀✦❥

امـه انـحـيله لـمصابـه الـحيـل آذاها
ويـلـي ياذبحت ابنها البعدها ماجاها
ولا سـمـع امـه تـلـولـي وتـرك دنياها
باتت الحسره ابصدرها لاجله اثگيله

❥✦❀✦٭٭✦❀✦٭٭✦❀✦❥

تمت والحمد لله ✍ خادمة أم أبيها الشاعرة أم علي الحلفي لا أجيز شرعاً حذف الأسم أو تغييرالكلمات أهدي ثواب عملي هذا إلى روح المرحومة الشابة ( ليلى بنت قيس ) رحمها الله

١٦/ جمادي الاولى / ١٤٤٤ه‍ -- المصادف ٢٠٢٢/١٢/١١م

                     نسألكم الدعاء

https://www.tgoop.com/Om_Abeha

#جديد_الشاعرة #أم_علي_الحلفي



نـخـوة لـفـاطـمـة الـزهـراء( عـلـيـهـاالـسـلام ) لـقـضـاء الـحـوائـج وشـفـاء الـمـرضـى وبـالـخـصـوص ( والـدتـي)

✦❥※❥※✿✿※❥※❥※✿✿※❥※❥✦

نريد ام الحسن هاليوم
بـالـشـدات تـحـضـرنــه

✦❥※❥※✿✿※❥※❥※✿✿※❥※❥✦

تحضر فاطمه ويـانه
وتسمع هـيـه نخوانه
بـالشـده مـا تـنسـانه

نحلفـهه بـابـو سكنه

✦❥※❥※✿✿※❥※❥※✿✿※❥※❥✦

نـحلـفـهـه بعزيـز امـه
تـرفع عـنـه هـل غـمـه
دنيانه اصبحت ظلمه

تـزيـح الـهـم تفرحـنه

✦❥※❥※✿✿※❥※❥※✿✿※❥※❥✦

تـزيح اهمومنه الزهره
عليهه حسين والطبره
والـمشـوهـه امـيسـره

تـحلهـه كـل مشاكـلنه

✦❥※❥※✿✿※❥※❥※✿✿※❥※❥✦

ننخاهه ودموع تهيل
عن حبهم ابد مانميل
راوانه الـزمـان الويل

غـيـرچ يـمـه ماعدنه

✦❥※❥※✿✿※❥※❥※✿✿※❥※❥✦

يمه زهـره حـضـريـنه
عـدنـه هـمـوم تـاذينه
عـليچ حسـين وبنينه

تـشافين المريض النه

✦❥※❥※✿✿※❥※❥※✿✿※❥※❥✦

تـمـت والـحـمـدلـلّـه خــ✍🏻ــادمـة أم أبـيـهـا الـشـاعـرة أم عــلــي الـحـلـفـي لا أجـيـز شـرعـاً حـذف الأسـم أو تـغـيـيـر الـكـلـمـات أهـدي عـمـلـي هـذا إلـى أرواح الـمـؤمـنـيـن والـمـؤمـنـات وبـالـخـصـوص إلـى روح الـمـرحـوم والـدي والمرحومة الحجية أم هاني ( رحـمـهم الـلّـه )


                   نـسـألـكـم الـدعـاء

https://www.tgoop.com/Om_Abeha

#جديد_الشاعرة #أم_علي_الحلفي



قصيدة لمولاتي فاطمة فاطمة الزهراء (  عليها السلام) لسان حال مولاتي زينب ( عليها السلام  )

┈┉┅━━❀✦❀━━┉┉┈

ويـن الـگـابـلـتـنـي لامــي نـعـايـه
تواسيني ابدمعها اتسوي لقرايـه


┈┉┅━━❀✦❀━━┉┉┈

تواسيني ابدمعها ومثلي حزنانـه
دار امـي الـزچـيه الليله خـلـوانـه
دلالـــي عـلـيـهـا انـهـدت اركــانـه

دولـبنـي زمانـي ابصطرته هـايـه

┈┉┅━━❀✦❀━━┉┉┈

ابصطراته زماني دومه گاصدني
خذه مني الحبيبه وذبـلـه جفني
زغـيرونه بعدنـي ومنها يحرمني

ونـار افـراگـهـا بضلوعي دوايـه

┈┉┅━━❀✦❀━━┉┉┈

بـضـلـوعـي دوت نـار الفراگـيـه
مـاتـگـعـد بـعـد بـالـدار يـومـيـه
عـافتني حـزينه ومـا درت بـيـه

بعد المن اروحـن يـمـه شكايـه

┈┉┅━━❀✦❀━━┉┉┈

بعد المن اروح اهمومي اشكيها
اطـب الـدار امــي ومــا الاگـيها
اشــم ابشيلتچ يـمـه واحـاچيها

ويـن الدللـتنـي اوحچـت ويايه

┈┉┅━━❀✦❀━━┉┉┈

ويــن الـدللـتنـي امغـربـه الليله
فرگاها الحنينه يصـعب انشيله
وايــام الـغـيـاب اتـكـدر اثگيله

الفرگه طويله وتـوجع اهـوايه

┈┉┅━━❀✦❀━━┉┉┈

تـمـت والـحـمـدلـلّـه خــ✍🏻ــادمـة أم أبـيـهـا الـشـاعـرة أم عــلــي الـحـلـفـي لا أجـيـز شـرعـاً حـذف الأسـم أو تـغـيـيـر الـكـلـمـات أهـدي عـمـلـي هـذا لـمـولاي صـاحـب الـعـصـر والـزمـان ( عـجـل)


                       نـسـألـكـم الـدعـاء

https://www.tgoop.com/Om_Abeha

#جديد_الشاعرة #أم_علي_الحلفي


فزاعية ورباط هوسة لمولاتي زينب ( عليها السلام)

❈●••┈❁*❈┈❁●••┈❁

عليها اتلوگ بت حيدر الطميه
هـاي امـعـدلـه وامـهـا العلويه

❈●••┈❁*❈┈❁●••┈❁

هايه امعدله وامها المحجوبه
والـدگه عليها الـيـوم مطلوبه
ياربات الـدلال ودوم مهيوبه

( عَلّيها // الونه اعليها )

❈●••┈❁*❈┈❁●••┈❁

الـونـه على اخـت حسين عَليها
نعازي الطاهـره ابـزينب نعازيها
ويلي عالدهر شوف شعمل بيها

( حزنانه // ماتت بالغربه  )

❈●••┈❁*❈┈❁●••┈❁

مـاتت بـالغرب زينب الحزنانه
مـا يـمـهـا اخـو اليصـير دفانه
عليها اتعطل العباس واخوانه

( ايشيلونه // نعشچ يم عون )

❈●••┈❁*❈┈❁●••┈❁

رادتـه الـنـعـش لـتـشيلـه ولياها
ماجُوها الخوان التگـعد احذاها
وتـمـدد اديـهـا وتــعـدل اغطاها

( مريوده // للموت الخوه  )

❈●••┈❁*❈┈❁●••┈❁

مـريـوده الاهـل والخوه مريوده
بـس زينب عــن الخوان مبعوده
اوجـمرتهم لـحد الموت مچيوده

( الدفانه // رادتهم هُمه )

❈●••┈❁*❈┈❁●••┈❁

تـمـت والـحـمـدلـلّـه خــ✍🏻ــادمـة أم أبـيـهـا الـشـاعـرة أم عــلــي الـحـلـفـي لا أجـيـز شـرعـاً حـذف الأسـم أو تـغـيـيـر الـكـلـمـات أهـدي عـمـلـي هـذا لـمـولاي صـاحـب الـعـصـر والـزمـان ( عـجـل)


                   نـسـألـكـم الـدعـاء

https://www.tgoop.com/Om_Abeha

قصيدة لسيدي ومولاي الأمام موسى الكاظم ( عليه السلام  ) تقرأ بعدة اطوار

┈┉┅━━❀•❥•❀━━┉┉┈

اجينه اليوم معصومه نعازيها
والـتـفـگـد ولـي تكثر بواچيها

┈┉┅━━❀•❥•❀━━┉┉┈

الـتفـگد ابـو مـكسور خاطرها
والكسره چبيره بيش تجبرها
عـالـفـرگه تـريد الله ليصبرها

عـنهـا شال والدها وگطع بيها
اجينه اليوم معصومه نعازيها

┈┉┅━━❀•❥•❀━━┉┉┈

گطع بيها الحنين وشاعت اعلومه
مـو حـلـوه الحياة ومـنه محرومه
مـن بعده تعيش ابـحزن مهظومه

خـيـمـه چـان دوم ايـظلل اعـليها
اجـينـه الـيـوم مـعصومـه نعازيها

┈┉┅━━❀•❥•❀━━┉┉┈

ايـظـلـل عليها ابعطفـه اوفـيـيـه
عـايـفـهـا تـون حـزنـانـه الـبـنـيـه
تـسـمـع عـالجسر لـجـنازه مرميه

وچبد الكاظم ابسمهم امگطعيها
اجـينـه الـيوم معصومـه نعازيها

┈┉┅━━❀•❥•❀━━┉┉┈

مگطعين الچبد وانواره طفوها
الـبـنـيـه عـلـيـه اتـنـوح خـلوها
ودوهـا ابـعـجـل للغالي ودوهـا

بـتـه اشـلـون يتركها اويخـليها
اجـينه اليوم معصومـه نعازيها

┈┉┅━━❀•❥•❀━━┉┉┈

يـخلـيـهـا عـلـيـه اتـنـوح دوهانه
يـگـولـون السموم امـغيره الوانه
يـاهـو ابـمـوتـتـه سبلها ذرعـانـه

ليش اجنازته اعله الجسر تاليها
اجـينـه اليوم معصومـه نعازيها

┈┉┅━━❀•❥•❀━━┉┉┈

تمت والحمدلله ✍ خادمة أم أبيها الشاعرة أم علي الحلفي لا اجيز شرعاً حذف الأسم أو تغير الكلمات أهدي ثواب عملي هذا إلى روح المرحومة خادمة الحسين ( ع) الملاية ( زينب نوري أم حسن) وإلى أرواح المؤمنين والمؤمنات

                        نسألكم الدعاء

https://www.tgoop.com/Om_Abeha

#جديد_الشاعرة #أم_علي_الحلفي


نـعـي للأمـام مـوسـى الـكـاظـم( عليه السلام )

❈●••┈❁*❈┈❁●••┈❁

مسجون خلص عـمره كله
والنوح عـالـمسمـوم يحله
ومصيبته لامـاهـي سـهله

❈●••┈❁*❈┈❁●••┈❁

امصيبته كـلـفـه وثـگـيلـه
ميت ابو السجده الطويله
امـن الـگـيد روحـه نحيله

❈●••┈❁*❈┈❁●••┈❁

انحيله روحه وغمض العين
وسـفه گـضه ابن السلاطين
مـسمـوم بـيـديـن الملاعين

❈●••┈❁*❈┈❁●••┈❁

الملـعـون مـا رحـم حـالـه
بـالـسـم گـطعـهن اوصاله
وعنه بعيده اهله واعياله

❈●••┈❁*❈┈❁●••┈❁

عـنـه بـعيـده اهـل الكلافه
وين الرضا ما اجه اوشافه
خلوه على جـسر الرصافه

❈●••┈❁*❈┈❁●••┈❁

فوگ الجسر امدد اشلون
هذا السبع واهله يرهبون
ودو خبر خلي يحضرون

❈●••┈❁*❈┈❁●••┈❁

يـحضـرون للـكـاظـم ابهـمـه
لا مــن ولـــد لا اهــل يــمــه
خـلص اسنينه ابسجن ظلمه

❈●••┈❁*❈┈❁●••┈❁

خـلصن اسنين وخـلص عمره
وگـضـه حـيـاتـه ابعـيشه مره
الـدنـيـه لـيـش اويـاه عـسـره


احااااا عليه انعاااااب گلبي


❈●••┈❁*❈┈❁●••┈❁

تـمـت والـحـمـدلـلّـه خــ✍🏻ــادمـة أم أبـيـهـا الـشـاعـرة أم عــلــي الـحـلـفـي لا أجـيـز شـرعـاً حـذف الأسـم أو تـغـيـيـر الـكـلـمـات أهـدي عـمـلـي هـذا لـمـولاي صـاحـب الـعـصـر والـزمـان ( عـجـل)


                   نـسـألـكـم الـدعـاء

https://www.tgoop.com/Om_Abeha

#جديد_الشاعرة #أم_علي_الحلفي


فـزاعـيـة للأمـام مـوسـى الـكـاظـم ( عـلـيـه الـسـلام)

❈●••┈❁*❈┈❁●••┈❁

الليله الگلب حزنان
عـالميت ابطامـوره

❈●••┈❁*❈┈❁●••┈❁

ابطاموره گضه اسنينه
مـوسـى الله ايـعـيـنـه
الـحـالـه حـيـل ونـينـه

الدمعه اعـليه منثوره
عـالـمـيـت ابطـاموره

❈●••┈❁*❈┈❁●••┈❁

عليه الدمعه سچابه
عـنـه ابعيده احبابه
يوجع والله اصوابه

اعداه ابموته مسروره
عـالـمـيـت ابطـامـوره

❈●••┈❁*❈┈❁●••┈❁

ابموته اعداه فرحانه
ويـن اهـلـه اوخـوانه
خـل تحـضر الـدفـانه

الكاظم منطفي نوره
عـالـمـيـت ابطاموره

❈●••┈❁*❈┈❁●••┈❁

الكاظم ميت الليله
ويـن ابنيته تنعيله
عليها ذايـب ادليله

عنه ابعيده معذوره
عـالـميـت ابطاموره

❈●••┈❁*❈┈❁●••┈❁

عـنه ابعيده معصومه
تبچي اعـلـيـه مالومه
صعبه تفارگ ارسومه

يامولاتي مـاجوره
عـالميت ابطاموره

❈●••┈❁*❈┈❁●••┈❁

تـمـت والـحـمـدلـلّـه خــ✍🏻ــادمـة أم أبـيـهـا الـشـاعـرة أم عــلــي الـحـلـفـي لا أجـيـز شـرعـاً حـذف الأسـم أو تـغـيـيـر الـكـلـمـات أهـدي عـمـلـي هـذا لـمـولاي صـاحـب الـعـصـر والـزمـان ( عـجـل)


                   نـسـألـكـم الـدعـاء

https://www.tgoop.com/Om_Abeha

#جديد_الشاعرة #أم_علي_الحلفي

نـعـي لـلأمـام الـكـاظـم ( عـلـيـه الـسـلام )

┈┉┅━━✦━━┉┉┈

وين الرضا خل يجي ينعه
يشيل الابـو وبيده يشيعه
هـذا الحنين وحـلـو طبعه

┈┉┅━━✦━━┉┉┈

حـلوه طباعه ومات مسموم
ويـلي على الكاظم المظلوم
گضه العمر من اهله محروم

┈┉┅━━✦━━┉┉┈

محروم گضه العمر مسجون
ومسنسل وبـالگـيـد مـرهون
لمصيبته جـريـانـه الـعـيـون

┈┉┅━━✦━━┉┉┈

جـريـانـه الـعـيـون وحـزيـنه
خـل تحضر اهله اوكل بنينه
الكاظم گضه وغمضت عينه

┈┉┅━━✦━━┉┉┈

غمض اعـيـونه وخـلص عمر
يـاعـيـشـتـه الـبـسـجـن مـره
احـاااا عـلـيـه اشـكبـر صبره

┈┉┅━━✦━━┉┉┈

صبره چـبير او شانه عالي
وعلى الجسر مطروح تالي
غالي الابو اعله الولد غالي

┈┉┅━━✦━━┉┉┈

ويـن الـولـد يتعنه گـصاد
يگطع ابهمه دروب البعاد
وينزل الليله بـرض بغداد

┈┉┅━━✦━━┉┉┈

بـغـداد يـنـزلـهـا الـلـيـلـه
والكاظـم ايفك زنـاجيلـه
مـاشـايـفـه مـده طـويلـه

┈┉┅━━✦━━┉┉┈

تمت والحمدلله ✍ خادمة أم أبيها الشاعرة أم علي الحلفي لا اجيز شرعاً حذف الأسم أو تغير الكلمات أهدي ثواب عملي هذا إلى روح المرحومة خادمة الحسين ( ع) الملاية ( زينب نوري أم حسن) وإلى أرواح المؤمنين والمؤمنات

٢٢/رجب الاصب / ١٤٤٦ه‍ ... ٢٠٢٥/١/٢٣م

                     نسألكم الدعاء

https://www.tgoop.com/Om_Abeha

#جديد_الشاعرة #أم_علي_الحلفي 🔥🔥

قـصـيـدة فـزاعـيـة ربـاط هـوسـة ( للاخـو ) بـدايـتـهـا نـعـي أهـديـهـا لـمـولاتـي زيـنـب ( ع )

الـنـعـي...

صـار الـفـراگ اودعيتـه
والدمع عـالغالي جريته
ظلمه صفت بعده ثنيته

           الـنـزلـة

اخوي الشال منه مـا بعد جيه
ياخال الولد ليش اگطعت بيه

✧►◄❖••◐❁♢❁◐••❖►◄✧

يـاخال الـولـد رخـالي احـزامي
فارگني اخوي اومـاهـو جدامي
علمك يالولي هدهدلي اعظامي

(( يبن امي صوابك // بز عيني ))

✧►◄❖••◐❁♢❁◐••❖►◄✧

بـز عيني يخويه اويومك اذاني
حـزنانه عـلـيـك الـبـيـن خـلاني
ردتـك لـومـتت يـاخـويـه دفاني

(( اشلون الهيبه // يدفنونه ))

✧►◄❖••◐❁♢❁◐••❖►◄✧

يدفـنون الحنين اشلـون اشوفنه
ايـس يـا گـلـب لا تـرتـجـي مـنـه
عـايـفـنـي اخـيـي مـا يـرد چـنـه

(( اخوانه اليوم // امضيعينه ))

✧►◄❖••◐❁♢❁◐••❖►◄✧

مضيعينه اخوته ويومه اشكبره
عـالطيب الـخـوه بالگلب حسره
شـايـل للگـبـر ومـخـرب العشره

(( الدار اتون // او حزنانه ))

✧►◄❖••◐❁♢❁◐••❖►◄✧

فلاها عشرته اوعيني طفاها
حلوه گعدته ما اگـدر انساها
بچاهـا اخـيته اعـليـه بچاها

(( الدنيه الويل // تراويني  ))

✧►◄❖••◐❁♢❁◐••❖►◄✧

تـمـت والـحـمـدلـلـه خـ✍🏻ـادمـة أم أبـيـهـا الـشـاعـرة أم عـلـي الـحـلـفـي لا أجـيـز شـرعـاً حـذف الأسـم أوتـغـيـيـر الـكـلـمـات أهـدي ثـواب عـمـلـي هـذا إلـى مـولاتـي زيـنـب (ع) وإلى روح الـمـرحـوم ( نـعـيـم أبـو كـرار ) رحـمـهُ الـلـه

https://www.tgoop.com/Om_Abeha

ملاياتنا المرتبات اليدورن جنطة امرتبة وكشخة تشيليها من
تروحين للمجلس 👜

جبتلج جنطة خاصة للملاية امرتبة
وتشيل هواي كتب وكل مستلزماتكم
وسعرها مناسب كلش

طبعا العدد محدود حصلي على وحدة من هذا الموديل قبل النفاذ 👜

للحجز 👇

⬇️ للتواصل والاستفسار ⬇️
@ABRAR5325

كروب اجهزة يفيد ملايات👇👇

https://www.tgoop.com/+n-BgqsOHygw5OWNh