نبدي بسم الله💕🙆🏻‍♀️🙋🏻‍♀️

من ولدت ايامي وجداولي كله مخربطة وهذا شي عاادي وتقبلت الفترة وتعايشت وعادي تصير اوقات اتعب وامل وابجي كلش وارد😅😅🙆🏻‍♀️

المهم هسه بعد٣ اشهر من الولادة
عمليتي زينه الحمدلله
طفلي تعودت علي وحسوني تعود ع وجوده ويانه (تطلع اثار الغيرة نوبات بس مسيطرين 🥲🦦)
اني عرفت يومي شون يمر وشنو الاوقات الي راح امر بيها……

ف خليت جدول بسيط مدته ٤٠ يوم اعدل بيه ع وضعي واضيف هواي امور اني محتاجته ……

واشارك هنا كلشي مثل ماهو حتى اتشجع وما اتكاسل واضل بمنطقة الراحه شويه احرك روحي كافي ماخذه دور الام التعبانه🤣💙

المهم بي هواي جوانب ح اذكر كم شغله كللش حابه اركز بيه
كعده الصبح ارجع اله وكافي تسخت
واسوي الصبح روتين صباحي ح انشر فديو كلش حلو سمعته اطبق كلشي بي

بحكم يومي يمر ركض ركض ف الصبح يكون هادي كلش (بي مداخلات من رضاوي للرضاعه🥹💙)
وهماتين لتقليل سرعه اليوم ودوخه خليت عادة ما اتابع ريلزات ابد لان مضارها كلش هوااي علي
وكل يوم اركز ع امر معين اهتم بي من ناحية تنظيف او عناية او تعلم شي معين


جدول عبادي كللللش بسيط وي الايام ازيد علي بس حتى ارجع للعبادات
•قراءة حزب من القرآن (الصبح من اكعد)
زيارة عاشوراء (الظهر)
تسبيحات المغرب

قراءة كتيب وي كعدتي وي اطفالي لمده ٥ د
ورياضه بسيطة تناسب وضعي ما بعد الولادة

وبعد هواي امور اشاركه وياكم ان شاءالله 💙

ف اليوم تم ✔️
قراءة قرآن والروتين العبادي
كتاب
ما صرت عصبيه ع نوني (هاي من اساسيات التغيير 🙆🏻‍♀️)
سمعت فديو لطيف
ركزت اليوم بالتنظيف (ترتيب غرفتي والبيت وغسل الملابس وسويت دولمة😆) وكلشي اسوي قربة لله حتى يكون كله عبادة💙

بمناسبه ولادة الامام الرضا
سولفوا لأطفالكم عن اهل البيت اقروا الهم قصص
بالنسبه الي وي حسوني
سولفت اله قصه الامام والغزاله لان حسوني يحب الحيوانات وعده غزاله لعبه ف جاي نربط شي بشي
وطلعت اله اناشيد عن الامام وقناة طه ما مقصره اليوم 🥹💙 واليوم كله احنه بذكره سلام الله علي كلش حابه ولادته وحابه باجر احييها من كل كلبي💙

افكار حتى تحييون ولاده الامام الرؤوف مع اطفالكم او لنفسكم ك امهات💙
(بالنسبه الي شنو مخططه ومفكره)

اول شي اصلي الفجر بوقتها وانوي نيه يوم الجمعه يكون كل شي اقدمه لبيتي ولعائلتي ع حب الامام الرضا ونهدي كل عمل لصاحب الزمان

يكون مودي ونفسيتي طول اليوم احاول تكون شرحه وحلوة ومابيه انزعاج من تعب

نيه وجبات الاكل الي اسويها لعائلتي تكون ع حب السيدة معصومه ونهدي ثوابه الهم

نشاطات اني وحسوني نرسم ونلون اشياء بسيطة تناسب عمره تخص الولادة

التزيين والتعطير ونلبس احلى ماعدنا ونسوي حلويات ونذكر انو كلشي هو احياء لولاده الامام💙💙

ابني رضا ….

شويه فضفضه 🫣

اول شي هو هالطفل احسه هديه لان بدون اي تخطيط
اما اسمه جنت اني طول ذيج السنه اتمنى ازور الامام الرضا بس ادري ولا ظرف يسمح الي اروح وكلش متعلقه بي واحلامي كله بزيارته
ف من صرت حامل جان اكو هواي اختلافات ع شنو اسمي كل واحد يريد اسم ف كتبت كل الأسامي وسويت قرعه وسحبنا يا اسم يطلع نثبت علي
طلع اسم رضا كلش حسيت بشعور حلوو انو اطفالي اساميهم على اكثر امامين اني متعلقه بيهم 💙💙💙💙 وحسيت رضا هديه من الرضا عسى ولعل فديوم نروح نزوره سوية💙💙

لا تَدعوا هذهِ الأيّام الرّضويّة تمرّ من دونِ أن تطلبوا حوائجكم من الإمام الرِّضا( عليهِ السّلام)
يقول سماحة الشّيخ حبيب الكاظمي حفظهُ اللّٰه ،اطلبوا حوائجكم من الإمام الرِّضا بهذهِ الصيغة :

«سيدي أيها الإمام الرّؤوف ياعلي بن مُوسى الرّضا نُقسِمُ عليكَ بحقٍ أمِك الزّهْرَاء عليها السّلام وابنكَ الإمام محمّد الجواد عليهِ السّلام أن تشفعَ لي عِند اللّٰه بقضاءِ حاجتي»
فإنهُ لا يردّكَ خائبًا…

جانب من حياة الإمام الرضا عليه السلام، تلك الحياة الزاخرة بالمناظرات والمعجزات
لا نسرد كل شيء، بل نكتفي بإطلالة سريعة على بعض المحطات التي تُلهمنا وتُعرّفنا أكثر بهذا الإمام العظيم🌱

جنت منتظرة الملف مالته اقرا🥹💙💙

وهذه المحاضره تفيدكم حلوة سمعتها

https://youtu.be/i3EKYGE4Rps?si=qguK9yxJkfD_4PUA

تَذكير: لا تنسوا صلاة كلّ أحد من ذي القعدة -صَلاة التّوبة-.

نسألكم براءة الذّمة والدُّعاء.🌻

نسألكم الدّعاء كثيرًا.🌻