هاي الجنازه اتدور اعله الجناز
وين الاحبهم عندي بالطف اعزاز
والاربعه الخامس وين
گلبي نشدهم والعين
هاي الجنازه اتدور اعله الجناز
🛰️🛰️🛰️🛰️🛰️
اخر نفس بيه وطحت
وانا اسئل اعله احبابي
دگ الهوى بابي اشكثر
ولاچفهم ايدگ بابي
خنياب الجروح الطفح
من گلبي شل ارچابي
من حگي أم وفاگده
لو ون عمر بمصابي
🛰️🛰️🛰️🛰️
دمعه اشيفيده اليغرگ بوسط الماي
اعتب عليمن والعتب رد اوياي
ارد امشي لاحبابي امنين
كلبي نشدهم والعين
هاي الجنازه اتدور اعله الجناز
🛰️🛰️🛰️🛰️
كل السوالف تنذبح
لو رد ذكرها ابالي
اصفن واگلب بالصور
منهم مشه چم غالي
لاني اعدلت ضهري وكمت
ولا عدل ضهره اخيالي
گالولي البضهرج مشو
ضهري گلت مو خالي
🛰️🛰️🛰️🛰️
والله الشماته وسفه صارلها السان
تحچي ابوقاحه وتشتم اهل القرأن
السئلو على اعزازي ثنين
٢
گلبي
نشدهم 👉👈والعين
هاي الجنازه اتدور اعله الجناز
🛰️🛰️🛰️🛰️
شيعت روحي أمن اسمعت
بأول خبر من جاني
بشر ابن حذلم من نعى
طفحت ابگلبي احزاني
گوه انگلت جدمي ورحت
الزينب تشب نيراني
گالتلي يم الاربعه
طاحو سوه خواني
🛰️🛰️🛰️🛰️
گالتلي يمه عظم اجرج بالراح
گلتلها زينب فدوه لج كل الطاح
بس كونه رد زين حسين
گلبي نشدهم والعين
هاي الجنازه اتدور اعله الجناز
🛰️🛰️🛰️🛰️
اعمامة رسول الله انطوت
وحدر الحوافر صارت
من راس ابن خير البشر.
بأطهر دمه چن فاضت
قبلها جبريل ونزل
يبچي ابدمع من طاحت
ناده يرب عد هل البشر
كل الضماير ماتت
🛰️🛰️🛰️🛰️
الله ورحمته وانظر اصحاب الفيل
لو الله رايد يگلب الطف سجيل

اتحدد ابابيله البين
گلبي نشدهم والعين
هاي الجنازه اتدور اعله الجناز
🛰️🛰️🛰️🛰️
مر چم شهر چم عام اذآ
واني انتظر ملگاهم
ياربي لو بالقافله
وبالطف  متت وياهم
ماچنت هيج اني احترگ
ولا انطوي ابفرگاهم
عذبني ليلي ابهل الحزن
عشت ابحزن ممشاهم
🛰️🛰️🛰️🛰️
شيعني دهري وطمني بين الاحلام
بالطف رفاتي بالمدينه بالشام
ماجاني راعي الچفين
گلبي نشدهم والعين
هاي الجنازه اتدور اعله الجناز

🛰️🛰️🛰️🛰️
الشاعر ابو قسورة الكربلائي
وزن المستهل ميمر
وجلمه ونص
والنص مجرشه

يوارث گلبي الاحزان
الزمن بأهل الزمن خان
ثلاثه وعندي عباس
طويله القصه ياناس
🏐🏐🏐🏐
اختصرت القصه بحسين
رغم كلش طويله
اجاني الناعي للباب
وشفت موت العليله
گلت ياناعي وشصار
يگلي يالاصيله
سبايه وكومة ايتام
انذبح شيخ القبيله
الطمت وجهي وصحت اه
ابو الاكبر دخيله
🏐🏐🏐🏐
يناعي چذب الاخبار
چذب گلي الخبر صار
امنهدها وعميت العين
بقيت ألهج يالحسين
غريبه ابعيني الاوطان
🏐🏐🏐🏐
امنهدها ابيضت العين
عمت والشيب اجاني
وفر ابيض بده ايطيح
انعوج ضهري ابمكاني
ذبحني موت الحسين
كسر عمري وحناني
يربي العمري ماريد
دعيت اني ابلساني
بقيت ابين السنين
غصن مكسور اعاني
🏐🏐🏐🏐
اعله حايط داري الاغراب
اجاني وجايب امصاب
وشفت اقارورة الدم
يورثه امن النبي ابهم
دمه وماينگطع چان
🏐🏐🏐🏐
عجيبه اتأخر الموت
اعله روحي ومن اجاها
مثل حدبت جمل طاح
عظم خاوي لگاها
ابوجها اتعيش الاحزان
ودمه تگطر وراها
توچت بين الايام
عجوزه ابسد عصاها
تدور بالدرابين
منو الناصب عزاها

🏐🏐🏐🏐🏐
الضنى صح غالي بس لاه
صعب وحسيني انساه
المدامع عالجفن جيش
يموت اتأخرت ليش
الگلب كل ساعه بمچان
🏐🏐🏐🏐🏐
البقيع اتوهم ابهاي
انا بالطف رفاتي
حياتي اشتسوه من دون
ابو اليمه حياتي
الحوافر ذيجه ياناس
اسحگت كل امنياتي
جلوس اگضيت الفروض
على تربة صلاتي
لحد ماشيع الموت
وعلن ساعة وفاتي
⌚🏐🏐🏐🏐🏐🏐
يهلبت والمشت كون
اعله هل ساعه يرجعون
منو ايشيعني بيده
ابو اليمه وعضيده
ويصير احسيني دفان
🏐🏐🏐🏐🏐🏐🏐
غزل مغزل تره الروح
اعله چف دهري اغزلتها
وبر نوگ ابوبر نوگ
احاسيسي ابرمتها
المدامع بالمدامع
اعله خدي خيطتها
جروحي ابوقع الجروح
ابگطن ابيص رفتها
بعد متهمني السنين
عشت وان ماعشتها
🏐🏐🏐🏐
اساسآ ميته چم دوب
محطة غفله الدروب
تعب حالي وصرت ليل
ضلام جروحي ياويل
شيطمه الدمعه بركان
🏐🏐🏐🏐🏐
الشاعر ابو قسورة الكربلائي
وزن( خدري الشاي)

👆من اجمل الاوزان هوه هذا الوزن

اربع زلم وديت للغاضريه
چي يرد بيها حسين سالم إليه
⌚⌚⌚⌚
عيفو النعش مطروح بلكي المشه ايرد
بلكي الرمح يندار عالمدمع ايصد
ازرع دمع بالعين وبچفي احصد
داري عگبهم صار وحشه وخليه
⌚⌚⌚⌚
بالشيله الف ادموع عيني واضمها
روحي وعلي اعله راح يكتل هضمها
مفضوحه روحي ابهاي اشما ردت اطمها
انحب نحيب الموت صبح ومسيه
⌚⌚⌚⌚
طيحت جذع مكسور طحت اعله بابي
الماحسبتله احساب اصبح عذابي
بالدنيا موت حسين مو من حسابي
اسمعت اعله راسه اهناك ماتت رقيه
⌚⌚⌚⌚
وينك يحادي العيس نعشي اعله ونته
يبني وحلال اعليك لبني الشربته
گالولي چفك طاح ضل اعله حطته
اي عفيه فعل وگول گد الوصيه
⌚⌚⌚⌚
يم داري انطر غاد والحيره والهم
وچني اسمعت عالباب بشر ابن حذلم
وزين العباد اوياه وگلبي تهشم
اشسوت صحت ياناس هاي المنيه
⌚⌚⌚⌚
عالحره انشد وين بين السبيات
گدامي بس الموت شبعها ونات
الدللها حيدر ليش بالمدمع اتبات
معقوله زينب هاي صارت سبيه
⌚⌚⌚⌚
اخر طلب ياناس ردته ابحياتي
يحضرني كون حسين ساعة مماتي
يدفني بيده وكون يعلن وفاتي
حتى ابدفنها العين ضلت جريه
⌚⌚⌚⌚
اضفرت الحزن ياناس شيبه اوي شيبه
وچني اعگدت بالروح حبل المصيبه
حگه الگلب لو ناح فاگد حبيبه
وين الحبيب حسين جثته رميه
⌚⌚⌚⌚
الشاعر ابو قسورة الكربلائي
شوط كربلائي ٣دگات
وهوه وزن الدارمي
طبعآ تم ذكر الوزن للتوضيح فقط حتى من ينسئل الرادود يعرف ويكون على بينة من النصوص الي راح يقراها اي وزن جاي اذكره بي فائده للجميع حتى المبتدأ

قـائمة الإمـام المهـدي (عجل الله فرجه)

اللهم عجل لوليك الفرج

اليوم : السبت، 2024/11/23

✦ تعليم المقامات الصوتية

✦ تعليم القراءة الصحيحة للقرآن الكريم

✦ أحكام التلاوة برواية حفص عن عاصم من طريق الشاطبية

✦ تعليم الخطابة الحسينية

✦ النعي والرثاء لمجالس سيد الشهداء

✦ الكشكول

✦ قواعد الإملاء العربي

✦ قناه خادمه الزهراء ع

✦ قناة الشاعر عباس الشويلي

✦ أنغام الطريقة العراقية

✦ القوة الدماغية والعقلية والنفسية

✦ مركزتنوير العقول لتمهدالظهور للإمام المهدي عليه السلام 🌺🕊️

✦ قصائِد حُسينية 🇮🇶

✦ بالقرآن نحيا

✦ مملكة الصغار

✦ اعمال اهل البيت ع

✦ معلومات ومنوعات

✦ إني أنست نوراً

✦ 🏴النعي الحُسيني

✦ الشاعره ام ريحانه الفاطمي

✦ سفينة النجاة

✦ قناة الحقيبة المهدوية

✦ قصص مهدوية قصيرة هادفة

✦ قصائِد النزلات

✦ قصائد الليالي الفاطمية 📿

✦ ﻧـجّـمھَہّ

✦ 🏴صوتيات واستوريات حُسينية

✦ خِـدام فـاطـمـة الـزهـراء ❤️‍🩹

✦ اللهم عجل لوليك الفرج 🤍🤲

✦ قصائِد العباس والسيدة زينب ع

✦ الشاعر المتوفى جاسم محمد الطائي

✦ قصائد صاحب العصر والزمان عج

✦ قصائِد استشهاد موسى والجواد ع ㅤㅤㅤㅤㅤㅤㅤㅤㅤㅤ
✦ ثقافة قرآنية عامة

ياباب أو باب
غدر الاعراب
ياهو الحارگ
باب الزهره
وشنهو الاسباب
📿📿📿📿
الروايه الثالثه تشرح مصيبتها
السوالف من تمر تبچي اعله حالتها
تصدح بالضماير تبقى قصتها
نلعن بالصحابه وابجريمتها
📿📿📿📿
حتى المسمار
ولسان النار
باجر يحچي ابواحد
واحد ياهو السلاب
📿📿📿📿
الروايه الثالثه لازم نئكدها
الجريمه ابكل فعل نبدي نحددها
للمحسن نرد والي صفع خدها
واثار الجمر ماينمحي اب يدها
📿📿📿📿
لابد اتدور
الضلع المكسور
ينزف لسه ولسه المحسن
جرحه ماطاب
📿📿📿📿
الروايه الثالثه ماننسه تاليها
نسأل على القبر والمهدي يرويها
شنو چان السبب حيدرنه يخفيها
ومنو بعد الدفن رايد يأذيها
📿📿📿📿
للمهدي الراي
ونسئله هواي
بس يضهر ماراح انعوفه
ابن الاطياب
📿📿📿📿
الروايه الثالثه نتعنه الها ابهم
حسينين كلنه وكلنه نفس الدم
وعلى حب فاطمه ابمجلسها من نلتم
على ابواب اللطم والخدمه نتحزم
📿📿📿📿
فاطم قرأن
سر الاكوان
لو ماهيه احجاب الدنيا
ماصار احجاب
📿📿📿📿📿
الروايه الثالثه نحضرها بل ونه
لان اخر روايه وبيها حيدرنه
يلطم عالزجيه بدمعه يتعنه
الشفيع البل حشر غيره منو النه
📿📿📿📿
كل قنبر صار
لالايحتار
مترد كل خادم نعرفها اي يابو اتراب
📿📿📿📿📿
الروايه الثالثه بيها اشكثر لوعه
الضلع ماينتهي وناته مسموعه
من طفل الطفل تاريخه ورجوعه
بس اهل الشرف ماتمحي موضوعه
📿📿📿📿
بس الاشراف
تحچي ومتخاف
عن فاطم نحچي اشكم لوعه
وشكم امصاب
📿📿📿📿📿
الشاعر ابو قسورة الكربلائي
وزن النص تجليبه