tgoop.com/oxegeen/89944
Last Update:
#ونسة_شو (2)
- السلام عليكم
= وعليكم السلام
- إنتي سودانية صح ؟
= شنو الخلاك تقول سودانية ؟
- بتصدقي لو قلت ليك الدم بِحن ؟
= لا لا
- معناها عِرفتك من شكلك ساي
= يمكن
- هسي أنا ما ظاهر سوداني ؟
= شكلك من بوركينا فاسو
- دي وين كمان
= لا لا خلاص خليها
- أوعى تكوني قايلاني من الأولاد الدايرين يحنكو وبفتشو لي مدخل ؟
= بالله هو في نوع تاني يعني !!
- الزول الجنبك دة ماله بعاين ليك كدة ؟
= قلت شنووو ؟
- قلت ليك جيتي دبي متين ؟
= لي إسبوع
- وكنتي وين ؟
= في تورنتو
- دي وين لي ودراوة ؟
= نعم ؟
- قلت ليك أنا جيت بي فيزة كوارث
= أهااااا تمام
- رأيك شنو في الشاب السوداني ؟
= لما بشوف بنت سودانية بتخيل إنها حقته
- شنوووو
= قلت ليك إنه طموح ومثقف وفاهم
- بتعرفي التُكُل؟
= لا لا
- بتعرفي المشلعيب
= لا لا
- بتعرفي ملاح أم تكشو
= شنووووووو
- لا لا دة خليه خلاص .. كبير عليك .. إنتي حصل حبيتي؟
= اااي
- حبيتي منووووو ؟
= ملاح الخدرة
- منوووووو ؟
= إنت ما سمعت ولا مافهمت ؟
- تقريباً الإتنين
= أنا بحب ملاح الخدرة لأنه ماما قالت سمح
- و ماما ما قالت ليك أنا سمح ؟
= نعم !!!
- ياخ الزول الجنبك دة أنا بقوم أدقو بعد دة .. ماله بعاين ليك كدة !!
= إنت حِمِش صاااح
- إنتي بتحبي الراجل الحِمِش ؟
= لا لا .. بحس بيه بتاع مشاكل
- خلاص .. هو زاتو ما كان بعاين ليك شديد .. إنتي إسمك منووو ؟
= نورسين ومعناها ضوء القمر قبل ما تسألني
- كنت عارفها ضوء القمر على فكرة
= أيوة ظاااهر
- المهم يا جلسرين............
= نورسييين
- مؤمنة بالحب من أول نظرة ؟
= أكيد .. ماستر ومارغريتا حبو بعض وهم ماشين في الشارع
- أيوة مارغريتا بعرفها .. دي بتاعت البيتزا صح ؟
= ههههههه .. لا لا دي قصة حصلت سنة 1968
- الوقت داك ما كان في مترو صاااح ؟
= لأ
- خسارة يااااخ .. هسي كان طبقنا نفس التجربة في نفس المكان
= منو و منو ؟
- كورينا و نورسين
= ههههههه .. إنت إسمك كورينا ؟
- اااي ومعناه العتود الذي ينطط تحت ضوء القمر
= هههههههه .. طيب يا سيادة العتود .. إنت بتنطط بالليل بس ولا في أي وقت
- والله أنا داير أنطط معاك بس
= وين ؟
- في الكوشة
= بالله !! .. يعني إنت عرفتني الليلة وعايز تتزوجني طوالي ؟
- لا لا .. أنا قصدي الكوشة حقت الوسخ .. مش أنا عتود ؟
= سخيف
- عارفة أكتر حاجة بحبها في البنت شنوو ؟
= شنووو ؟
- إنها تكون سمحة وجاية من تورنتو
= ما حأغلط نفس الغلط على فكرة
- لا لا .. المرة دي قاصدك إنتي عدييييل
= تصدق مافي زول قبل كدة قالي إنتي سمحة !!
- سمحة بس !! .. والله إنتي تجينا في ودراوة نعمل ليك تمثال
= ودراوة دي وين ؟
- لا لا خليها .. دي كان نطقتيها ساي بتعمل ليك حموضة
= تصدق أنا بحب السودان شديييييد ونفسي أمشي ليه
- رأيك شنوووو تمشي ليه وإنتي لابسة أبيض
= ههههههههه .. قصدك فستان يعني ؟
- لا لا .. كفن
= بطّل سخافة يا كورينا
- الله .. كدي قولي كورينا تاني ؟
= كووورررينا
- والله إسمي دة تقولي لي حبوبتي (خدوم) كان ترجّعك بي هدومك
= على فكرة أنا وصلت محطتي .. خلاص حأنزل هنا .. يلا باااااي
- يا جلسرين .. فازلين .. يا بت هوي أنا ما شلت رقمك
= بنتلاقى بنتلاقى
#روايات_Novel
BY - ۦﮩ ٰۗٛۧ ۦۧﹾﹾاوكہٰﹷٰسہٰﹷٰٰجہﹷٰينٰﹾﹾۦۧۦۧۦۧۦﮩ 💚
Share with your friend now:
tgoop.com/oxegeen/89944