نزلة ٧ محرم


إذن آذان المرجله وهتزت الراية
شاطي الفرات بكربله غص ونشف مايه


1
ضجت مشارف كربله صارت بألف حيره
والخوف بَيّن بالزلم من صاح أبو الغيرة
مابينهم صوت ارتفع وبأعلى تكبيره

حضروا نفسكم والوعد يم المسنايه


2
كل خطوه تخطيها بحذر لو شافت أخياله
ياجيش يكدر للكمر لو حان زلزاله
طب للشريعة والخلك تتركض كباله

وَحده تعنه العلكمي والوادم أهواية


3
عالميمنه وعالميسـره كل سا يشوفونه
زعلان هـز المعركـة وتتجادح عيونه
اتفقت أشباه الـزلم رادوا يبعدونه

بس التفت ليها الكمر شردت الرماية


4
من الخيم ناده الشمر ياناس خبروني
هذا علي لو بوالفضل ماشوف بعيوني
احموني منه وللقصـر ياقـوم رجعوني

عباس لو جدامه ألف يكظيهم كضايه


5
من وكف يم العلكمي والجود بيمينه
ماشرب من ماي النهر وتذكر احسينه
ناده اليصل يم النهـر اله اقطع أدينه

واعدت أخويه والحرم ماخون الحجايه


6
رد للمخيم والعلم والماي بجفوفه
والخيل رجعت والزلم بيهم ترك خوفه
دين الحسين بظامري صاح آنه ماعوفه

الكوم سمعت هالخبر ماقبلوا بهايه


7
يدري يموت أعله النهر رد عازم بهمه
ودع خواته بكربله وقَبّل أبو اليمه
قاتل قتال بكل وفه تالي أنسفك دمه

وفايه روحه للاخو ياناس وفايه


8
وفه العهد راعي الفخر ماخالف عهوده
ولاجل الحسين بكربله كطعهن زنوده
رادوا يمسحون الاسم لكن عله بزوده

الاسم صار بكربله أقدس واجل آية

شطره
امجد صاحب الشطري

https://www.tgoop.com/oydgh

مقدمة ٧ محرم


آخر ليلة وي العيله
يابو الغيرة يابو الغيرة


1
انه الطفلة رقية اسمي بدمع عيني اجيت انخاك
أحس روحك تريد أتروح يبو الغِيرة أخذني وياك
الهجر يهضمني ياعمي وانه مكدر على فركاك
حلم عمري تظل وياي بخدر أم الوفه أترجاك

روحي أتريدك ضمني بأيدك
من الحيره من الحيره


2
أذا رايح تجيب الماي انه بدونك شلي بالماي
يعم شوفت ضوه عيونك تهون لي لهيب ضماي
أخاف من الخيم ترحل وبعد مترد يلب احشاي
سكينه أتريدك وياها أمان من الدهر وعداي

ياحامينه ارحم بينه
المحنه جبيره المحنه جبيره


3
أحس وسط الصدر حسرة وتصد عينك على الأطفال
بحنينك تشبك عليها عرفت انك صدك رحال
شفت هل الموقف اليهضم وأحس كوه الجدم ينشال
جفل كلبي وبقيت أبجي يعمي ارحم إلي الدلال

نخيتك آني لاتنساني
بهاي الديره بهاي الديره


4
انه أمنيتي أموت وياك على الشاطي ينور العين
يعم أهون إلي من السوط ومن ركض العِده صوبين
انه بحرك الخيم أحتار بعد جتلك أروحن وين
بعد عندي طريق الشام والشهكه أعله رأس حسين

شلون بحالي ورأسه كبالي
وآنه أسيره وآنه أسيرة



5
ألف حسبه تجي أبالي عـن أحوالي وعـن الأيتام
يعم ليل اهدعش موحش وصعب والله بخرابه أنام
شلون اصبر بلايه حسين وبلا وجهك وبلا جَسّام
يكافل والخدر بعدك يصير بقبضت الظلام

باجر وينك منهو يعينك
الدنيا صغيرة الدنيا صغيرة

6
على النوك الهزيلة شلون بعد عينك يركبونه
نساء او رُضَع وأطفال بحبل كلنه يكيدونه
إذا رحنه لأرض كوفة على جسمك يمرونه
ويكولون الكمر هذا ذبيح ونبله بعيونه

نصيح بهمنا كوم أحضرنا
وجهك ديره وجهك ديره

شطره
امجد صاحب الشطري

https://www.tgoop.com/oydgh

اساس ٨ محرم


طفو شمع عمري وآنه أنكسر ظهري
ضـاع الحلـم منـي شمسويـه يادهري
ابن الحسن وينه ماغَمضّت عينه

1
راحت أيامه والضنه راح من أديه وبعد شيرجعه
راحت أيامه وعيني مامر بيها نوم معاشرة الدمعة
راحت أيامه آنه أدري يصيح يمه لجن ما أسمه
راحت أيامه الخيل داست صدره ويلي وهشمت ضلعه

شمع العرس بيدي وآنه انطر الجيه
تاليها بس دمه للخيمة رد ليه
الفاحت رياحينه ماغَمضّت عينه


2
جاسم أوليدي بيدي ربيته وذخرته لساعة الشدة
جاسم أوليدي هو الوحَيّد يدنيا ولا أخو عنده
جاسم أوليدي غادر وروحي أحسها تمرمرت بعده
جاسم أوليدي بسهم المثلث يولي انطر ثلث جبده

مالي خبر عنه بس كلبي ألمني
من اسألت عمه بالكوه جاوبني
ماواحد يعينه ماغَمضّت عينه

3
كلمة اليمه والله من أسمعها منه تبرد أجروحي
كلمة اليمه لو نطق بيها أكله يابعد روحي
كلمة اليمه مني راحت ياوسافه وهدمت صروحي
كلمة اليمه سببت هضمي ومصابي وحسرتي ونوحي

ليلة بعد ليلة يضعف بقه عودي
وجهي أنخطف لونه والدمعة بخدودي
ماترجع سنينه ماغَمضّت عينه


4
طفوا شموعه وبصواني العرس وسفه أتبدت الحنة
طفوا شموعه وبمكان أحضاني ويلي سهام شبكنه
طفوا شموعه ياهضيمه راح ابني ومشبعت منه
طفوا شموعه صحت يوليدي يجاسم نام وتهنه

هو الكلب طبعه من يفكد أحبابه
مايشفه وجروحه كل لحظه لهابه
إلي نصر دينه ماغَمضّت عينه

5
ضاعت أحلامي ونفقد من عندي كلشي بروحه الغالي
ضاعت أحلامي وعاينت وردة شبابه ذابلة كبالي
ضاعت أحلامي أشتم ثيابه العزيزة ومنشغل بالي
ضاعت أحلامي آنه رمله ومن ونيني ذاب دلالي

ماشايفه بعمـره واحـد يذبحونه
وفوك الذبح ويلي كصدوا يكطعونه
موقفه مأذينه ماغَمضّت عينه

6
من بعد موته ريت عمري يروح كله وينحفر قبري
من بعد موته آنه للمعبود ربي سلمت أمري
من بعد موته بالحزن خلصت حياتي والطم بصدري
من بعد موته شيبت من يوم فكده وانكسر ظهري

ياروحي هالدنيا مابيها كل راحة
مني خذت كلشي وظل كلبي وجراحه
والــ أخذته وينه ماغَمضّت عينه

شطره
امجد صاحب الشطري

https://www.tgoop.com/oydgh

اساس ٩ محرم

هذا علي ومنهو اليصل لحدوده
شايل حرز من فاطمة على زنوده
هليلة دكت غارة بألطف شهر فقارة
علي وياه


1
لمن طلع من الخيم صد للحريبة وابتسم
الحومة كلها شافته من شال بيمينه العلم

الزلم كلها محيره من أربع جهات محاصرة
الهم علي الأكبر نزل سواها بألطف مجزرة

طر الجيوش بسيفه خلاها تمشي بكيفه
حب الولي ميعيفه
ابد مايفترك ابد مايفترك

محد يكدر يوصله والي يصله يذله
من الصميده أصله
عشك شايل عشك عشك شايل عشك

مثل الجبل من يمشي رافع رأسه
تشوف المراجل حب علي بأنفاسة
منهم يطالب ثارة بألطف شهر فقارة


2
الدنيا كلها مغيمة كالو زعل بن فاطمة
من الأجل أين المفر واليوم يوم الملحمة

فرهم علي مثل الرحه وبالجيش صارت نايحه
الما يجي بسيفه قسم خزرة عيونه تذبحه

مثل الغنم ساكاها للمذبحة مشاها
وبزوده ظل يتباها
ابن عقد الوله ابن عقد الوله

بكثر العدد ماهمه زلمه الأكبر زلمه
ماعنده بالطف رحمه
يزلزل كربله يزلزل كربله

بالطف علي هو إلي صار القائد
وظل يفني بيها بسيفه واحد واحد
وحسين هو اختاره بالطف شهر
فقارة


3
الشمر من عنده رجف لون الوجه كله أنخطف
بكر ابن غانم ليه برز وبضربة الأكبر نزف

شافوه يفتر وحده والخوف بالعالم بده
مثل الصميده مشيته وي الفطاحل موعده

واكف جبل بالحومة وراية علي ملزومة
وجه النبي برسومه
مثل وجه الكمر مثل وجه الكمر

مثل الشجاع أيقاتل وينادي يابو فاضل
آنه أرد العايل
ولاهاب الخطر ولاهاب الخطر

كل الكتايب بالحرب رداها
خلاها تركع عالجدم خلاها
ماانطه يوم أعذاره بالطف شهر فقارة


4
جبده انفطر من الضمه بس العطش ماهدمه
يمشي ويصيح بحومته يافاطمة يافاطمة

رد والحسين أيشجعه كله استعد للقارعة
جم ساعة وتشوف النبي جانب الكوثر موقعة

بكاس العذب يتروه كلبك يراعي النخوة
أنت شبابك قدوة
شرف وأعظم شرف شرف وأعظم شرف

روحه بشغف ناطيها لحسين أبوه هاديها
كلمة عهد يوفيها
هتف صوته هتف هتف صوته هتف

حب الولي بأعلى الثمن ماباعه
مو كلمن يحصلها هاي الطاعة
محد يعرف إسراره بالطف شهر فقارة


5
لأكبر علي ألنه فخر من عنده نستلهم عبر
للشاب هو مدرسة باقي على مر الدهر

منزلته أعظم منزلة أصبح جبل في كربله
من ضحه لحسين الولي دم الشهادة وصله

هو الكلبنه قبلة ماخالق الله مثله
لا ماتغير أصله
فخر ألنه فخر فخر ألنه فخر

بسمانه يضوي نجمه خط بالمشاعر اسمه
حقق كلامه وحلمة
على السيف انتصر على السيف انتصر

الأكبر حروفه تسري وسط دمانه
قدوته هو وكل وكت ويانه
معروفه كل أخباره بالطف شهر فقارة

الشطرة
امجد صاحب الشطري

https://www.tgoop.com/oydgh

نزلة ٩ محرم

ياعلي عهد الوفه بوسط الدمه
ساعتك هاي وأريد أتقدمه

1
ياشبيه المصطفى الهادي النبي
حان يومك كوم يبن الطالبي
خله من عندك يفر الأجنبي

وكَسّر جفوفه الخبيثة الاثامه


2
انت منطي العهد لحسين ونِعم
وآنه أعرفك من تعاهد تلتزم
أنت وحدك تسوه الآف الزلم

ماتخون اعهودك ورب السمه


3
انت كل همك حسينك تنصره
وماتخلي الدَعِيّ يكطع خنصره
يبني من هسه عدوك حَذّره

وزلزل الميدان وانصب محكمة

4
أنت متربي يالاكبر عالوفه
من علي الكرار عندك معرفة
موقفك يعجز أبنادم يوصفه

شلون يوصف وأنت راعي المكرمة


5
حسين كلك روح وأنت مفتخر
ماوكفت بخيمته وكتله اعتذر
يدري بيدك سيف وتذل الكفر

ويدري ماتوكف أكبالك موزمه

6
لو دماك يسيل منك ياعلي
هذا دم الشرف ياشمعة هلي
آنه أريدك يبني ترفع رأسي إلي

كبال حيدر علي وأمك فاطمة

شطره
امجد صاحب الشطري

https://www.tgoop.com/oydgh

اساس ١٠ محرم

أمك وجيت اليوم مني الضلع مهشوم
دليني وينك خليني أعيِنَك

1
ليلة العاشر عليك هواية صعبة
هم عطش هم فركه هم يحسين غربه
جيت أشربك ماي من دمعي الاصبه
بعد جم ساعة الشمر نحرك يضربه

باجر ييمه شلون كل أخوتك يرحون
ينزف حنينك خليني أعيِنَك

2
أباب الخيام اكعدت أنحب وانظرك
ولن اجت زينب تشم نحرك وصدرك
هي تدري بكربله ينكسر ظهرك
وعالرمل توكع وسف من ظهر مهرك

ياريته طال الليل ولا تنسحك بالخيل
ودّع بنينك خليني أعيِنَك

3
لخيمتك شفت اعتنن سكنه ورقية
اسمع اسولفهن بونه خفيه
كالن أترد للخيم لو هاي هيه
أنخاف باجر تهجم أخيول اعوجية

لو عنه أنت أتروح يابويه وين أنروح
الله يعينك خليني أعيِنَك

4
يُمّه من طر الفجر خنكتني عبرة
شفتك تودع هلك والدنيا حمرة
الشمر متحضر وخيالة عشرة
ينادي هذا حسين أريد اليوم انحره

بصدرك يريد يدوس وبجفه يكطع روؤس
وأنت أعله دينك خليني أعيِنَك

5
بجتلت اهلك والأنصار وكل بنينك
تنذبح وآنه أدورك يُمّه وينك
عالضلع أيدي واكول الله يعينك
أنت باقي ولا ضلع ومكطعينك

متكسرات ضلوع ورأس برمح مرفوع
وينزف جبينك خليني أعيِنَك

6
بعد موتك يبني جثتك يسحكوها
وكل خيامك يهجمون ويحركوها
وزينب بسوط وشتم ويسلبوها
وللقصر عالهزل ويلي يأسروها

بين العده الارجاس وتنادي ياعباس
ياخويه وينك خليني أعيِنَك

شطره
امجد صاحب الشطري


https://www.tgoop.com/oydgh

نزلة ١٠ محرم

الوداع الوداع ياحبيبي ياحسين

1
ياحسين شلون راسك باجر أينحرونه
والجسم تالي بحوافر عالثرى يسحكونه
حتى هذا خنصر أيدك سيدي يبترونه
ويلي وبسهم المثلث جبدك يكطعونه

الوداع الوداع ياحبيبي ياحسين

2
لمن تنادي يوالي بصوت هل من ناصر
محد ايلبي ندائك ظهر يوم العاشر
من بعد جتلت ذويك تبقه واكف حاير
أبو فاضل عالشريعة وأنت بين الحافر

الوداع الوداع ياحبيبي ياحسين


3
باجر الشمر أعله صدرك يكعد يحز راسك
يضربك بثنعش ضربة وتنكطع أنفاسك
تموت لجن عالمخيم مايموت أحساسك
كوم حامي الضعن خويه تنده لعباسك

الوداع الوداع ياحبيبي ياحسين

4
حتى عبد الله رضيعك بالسهم يرمونه
ونحره ذاك الترف ويلي بكربله يكطعونه
هو ست أشهور عمره شذنبه ويفطمونه
ياوسافه صغير رأسه وعالقنا يشدونه

الوداع الوداع ياحبيبي ياحسين


5
باجر النيران تعله وتنترس بخيامك
وبالمعاره كلها تركض عيلتك وأيتامك
ريت تنظرها العقيلة من تكف جدامك
حايرة وأزرك متنها وتحسب بــ الآمك

الوداع الوداع ياحبيبي ياحسين

6
باجر أخدور أبو فاضل بالعلن يسبوها
وبالخرابة وحده وحده عالثرى يكعدوها
والعقيلة تصير فرجه ويمك يشتموها
بس علي السجاد عدها شلون لو جروها

الوداع الوداع ياحبيبي ياحسين

7
ليلة الوحشة مصيبة ويلي وأعظم حيرة
تعتلي أصوات اليتامه أحضرنا يابو الغِيرة
زينب أتنام بخرابة هاذي محنه جبيرة
ياوسف باجر نظرها وين بالله أديره

الوداع الوداع ياحبيبي ياحسين

شطره
امجد صاحب الشطري

https://www.tgoop.com/oydgh

أذان المرجلة

https://youtu.be/qeAVb0jVGx0?si=vU6F5hc9m3A9OsQm

🎤الرادود #جمعه_حامد
✍🏻الشاعر #أمجد_الشطري


🎥تصوير
يونس سعيد
مصطفى سلامة

📣المكساج والتوزيع
عقيل المنصوري

🎞️ التنفيذ والمونتاج
سيد احمد البطاط

🎬اخراج
خادم الزهراء ع

🏴 انتاج
حسينية خدام فاطمة الزهراء (ع)

اذا ادور قصائد سهلة الحفظ وجميلة المعنى ادخل هنا ما راح تندم


🔗 اضغط هنا للانضمام
📡 https://www.tgoop.com/alhagamy78sattar

•
الآن على قناة اليوتيوب
‏‌ ‌‎| #مانعيش_بدونه l
| 1446هـ - 2025م |

أداء | #دانيال_بوجبارة
كلمات | #امجد_صاحب_الشطري

الهندسة الصوتية | #احمد_البرمكي
التوزيع | #حسن_حريري

مونتاج | #قاسم_بوشفيع
اشراف عام | #مصطفى_الطرفي

‏
‏[https://youtu.be/dLujmHE_iD0]

(قعدن بهاي المسيه)

اداء الحاج #جمعة_حامد
كلمات #أمجد_الشطري


حسينية خدام الحسين دولة الكويت
١ محرم الحرام 1447هـ 2025م


https://youtu.be/G2Hug98DV_8?si=LvV0nAfrMo4nNfZA

(يايوم الراية اتعليها)

اداء الحاج #جمعة_حامد
كلمات #أمجد_الشطري


حسينية خدام الحسين دولة الكويت
١ محرم الحرام 1447هـ 2025م



https://youtu.be/Iglm1QIINxw?si=9JbJLUrEupC2QREM

يا محرم - جمعة حامد
https://youtu.be/aMBqTHAFhnw

🎤الرادود جمعه حامد

✍🏻الشاعر امجد الشطري


🎥تصوير
يونس سعيد
مصطفى سلامة

📣المكساج والتوزيع
حسن المرهون

🎞️ التنفيذ والمونتاج
مرتضى الزهيري

🎬اخراج
خادم الزهراء ع

🏴 انتاج
حسينية خدام فاطمة الزهراء (ع)

(عالعهد خادمك)

اداء الحاج #جمعة_حامد
كلمات #أمجد_الشطري


حسينية خدام الحسين دولة الكويت
٣ محرم الحرام 1447هـ 2025م





https://youtu.be/nAC0ah0ccYA?si=CkR-5SnFZgXIyip1

🔷** جديد محرم 1447 هـ **

🎼 قصيدة : { *بُركَـــــــانْ* }

🎙️ الرادود : *مصطفى الوايل*

📜 الشاعر
*امجد الشطري*


🎹 توزيع والهندسة الصوتية
*حسام يسري*


🎙️ التسجيل
*استوديو الصادق*

🎬 تنفيذ : *الكرار ميديا*- البحرين
هاتف *0097336588818*

📷 تصوير فوتوغراف
37 studio
Ali Hameed

*رابط 🔗 يوتيوب*👇🏻
https://youtu.be/RpnOwe3UBrc?si=HvuMy9TOHy3tJP6Q


الشكر الجزيل لكل من
ملا علي المهنا
ملا احمد الحمود
ابو فدك


*يامولاي ياحسين اقبلني بحق علي الأكبر*

(راحت عيوني)

اداء الحاج #جمعة_حامد
كلمات #أمجد_الشطري


حسينية خدام الحسين دولة الكويت
٤ محرم الحرام 1447هـ 2025م




https://youtu.be/uhLcTwOOfhY?si=NVsH9kTAHEPhtGi1

مسلم يا صوت القران


https://youtu.be/f47ENH7BgFE


🎤الرادود #جمعه_حامد
✍🏻الشاعر #أمجد_الشطري


🎥تصوير
يونس سعيد
مصطفى سلامة

📣المكساج والتوزيع
عقيل المنصوري

🎞️ التنفيذ والمونتاج
سيد احمد البطاط

🎬اخراج
خادم الزهراء ع

🏴 انتاج
حسينية خدام فاطمة الزهراء (ع)

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://www.tgoop.com/+PZwpTt2HLXcvUQZh

------------------------------------------------------