"Тахана жахIилнах мутIаIеламашна хьоьхаш бу, мичахьа хIун ала деза, хьаьнца хIун дийца деза, маца муьлха кхайкхам бан беза. ЖахIилнах мутIаIеламашна къедой хилла дIахIиттан!"

https://www.tgoop.com/vaynmajlis

#жайнан_могIа

Фарз-ламазел тlаьхьа цхьа а хlума дац lилма lаморал дикаха.

Имам Шафиlий (Дала къинхетам бойла цунах)

lилманан дозалла

Ислам-дин дендархьама lилма lамош верг бакълуьйчех ву, пайхамарийн даржана тlаьхьадогIуш ду цуьнан дарж.

Имам Ибн Къаййим

lилманан дозалла

Суна ца девзу lибадатех цхьа а хlума наха lилма lаморал дикаха.

Суфьян Ас-Саврий (Дала къинхетам бойла цунах)

lилманан дозалла

АллахIа пайде дойла хlара жайнин кепехь вовшахтоьхна йоза, АллахI реза хуьйла кху тlера гlалат вайна билгалдиначунна а, иштта даржош дакъа мел лаьцначунна а

Шайх lусман Хамис , АллахIа lалашвойла и

1429-гӀа Хаттар: Ассаламу Ӏалайкум.
Мадинатехь ДжамиӀатул исламиййахӀ ю дика я Рияд ю? Къуръан дешар доцург кхин хӀумма а хууш ца хилча ваха мегар ду аьлла хетий хьуна?

Жоп: ВаӀалайкумуссаламу варахьматуллахӀи ва баракатухӀ!
Кху дуьнен тӀехь миччахь елахь башхалла яц, институт, университет боху меттигашкара Ӏилма схьаоьцуш дац, башхалла яц, ерриге а цхьатерра ю, и меттигаш ерриге кехат эца, я прописка эца дӀахӀуттуш меттигаш ю. Ткъа Ӏилма маьждиг чу вахана, Ӏеламстеган шина кога буха охьахиина схьаэца дезаш ду, иштта эцнарг бен Ӏилма дац, кхиерг ерриге цӀе ю, Ӏилма дац! ХӀара бусалба дин доладелчхьана цу Ӏилманан долу низам иштта ду, тахана иза вай хийца гӀертарх цкъа а хийцалур доцуш! И хийца гӀертий вайх цхьаболчара шайн кхетамаш хуьйцу, нах Ӏехош, цхьа университет йоккхий, со дешна вели олий, цӀа воьдий нахана хьалха воккха Ӏеламстаг хуьлий гӀурт кего охьахуу, и ду тахана вайна бале даьлларг! Ӏилма схьаоьцуш меттиг «Ӏеламнах» бу, маьждига чу а вахана. Цхьаволчо ала тарло, Ӏилма оьцу меттиг яц аьлча цигахь шортта Ӏилма, пайда ма бу аьлла, бу дера, ас ма ца боху бац, пайда-м Ӏарбойн махкахь берийн беше хӀоттахь хир бу, кхузахь динца йолу берийн беше лелош долу берана масийтта шарахь дешначунна цахуург хаьа. ТӀаккха Ӏилма Ӏамо Мисрехь берийн бешахь деша алий вай?! Ӏилма цхьа хӀума ду, амма цхьацца пайданаш хилар, довзар, жимма Ӏилманах дерг довзар, динах дерг довзар, иза кхин хӀума ду. Пайда хир бу, дукха дика программа ю Мадинат институтехь, амма ахь и мел чӀогӀа дика яккхахь а, 4 шарахь масала, 4 шарахь Ӏеламстагана хьалха хийшинарг санна цкъа а хир вац! Хила йиш яц мел чӀогӀа ву баьхча а! Цу хӀуманах кхета деза, цу Ӏилманан, и Ӏилма схьаэцаран шен некъаш, шен меттигаш бу, хӀинццалц кху уммато оьцучу кепара ахь и схьа ца эцча кхача везаш йолчу Ӏалашоне ца кхочу хьо, цул галдаьлларг, хьуо Ӏехало хьо цу Ӏалашоне кхаьчна моьттуш. Цундела хьо мичча вахча а, пропискана цхьанхьа дӀахӀотта деза хьан, иштта йоккхуш йолчу ханчохь цхьаъ яьккхина аьлла кехат хиларх новкъа ма даций хьуна, и ший а кхочушдан цхьанхьа, бен яц, миччанхьа дӀахӀутту хьо, амма Ӏилма Ӏеламнахера схьаоьцу ахь. Хьо хьажа везаш дерг, мичча вахча а, алссам Ӏеламнахана тӀекхочийла хир долче хьажа веза хьо, Ӏеламнахера Ӏилма схьа алссам эца, царна алссам тӀекхочийла йолу меттиг хаьржина цига хӀотта, институте, башхалла яц хьуна меттиг муьлхха хилча а. Институте, ас лакхахь ма-аллара, пропискана, хилахь кехат новкъа дац-кх аьллий бен оьшуш яц хьуна. Ткъа Къуръан деший бен хууш ца хилча ваха мегар ду дера, Ӏамо воьдуш ма ву хьо, шадерг хууш хилча-м ахь хӀун до цига вахана.

https://www.tgoop.com/Vragi_iblisa

1442-гӀа Хаттар: Ассаламу Ӏалайкум.
Шайх Ӏусаймина тӀаьххьаре маж дӀаяьккхира бохург бакъ дуй?

Жоп: ВаӀалайкумуссаламу варахьматуллахӀи ва баракатухӀ!
Бакъ дац, харцо ю Шайх Ӏусайминна тӀе кхоьллина, маж охьаюжур ю хьан аьлча, рак цамгарна, шен лазарна ца ягайойтуш цӀа вала вайтина Далла дуьхьалавахна ву, маж йоцуш Далла дуьхьалаваха ца лаьа шена аьлла.

https://www.tgoop.com/Vragi_iblisa

1449-гӀа Хаттар: Ассаламу Ӏалайкум.
Ӏеламнахана такфир деш волчу стаге ладогӀа мегий? Цуьнан хьехамашка ладогӀа мегий?

Жоп: ВаӀалайкумуссаламу варахьматуллахӀи ва баракатухӀ!
Ӏеламнехан хьокъехь реза воцуш дош багара долуш волчу стагана геннахула бен тӀех ца волуш генахь латто веза! Ӏеламнехан хьокъехь вон ойла ерг а кхераме стаг ву хаза нехан санна. Ӏеламнахана такфир дар-м дуьйцур дац. Ткъа хьехам бар бохург, хьехам ца хуьлу «алхамдулиллахӀи раббил Ӏаламийн» аьлла дӀаволавелла шена луург дийцича, цунах хьехам ца олу, тахана мода хилла цу хӀуманах! Бага еттар олу цунах, Ӏеламнахана лен а луьш, Ӏеламнахана такфир деш хьехам муха бо?! Иштта хӀума хуьлуш ма ца хуьлу! Хьехам, мелхо, такфир ма де, кхидерг ма де, вон дерг ма де бохуш хила безаш бу. Ткъа и инкарло ян дезаш долу хӀума ша деш волчуьнга ла муха дугӀур ду?! И ву мелхо а, шена наха хьехар дан дезаш стаг!

https://www.tgoop.com/Vragi_iblisa

Дерриг адам lеламнахера lилмане хьашт ду.

lеламнехан дахар - хlонц ю.

Царна (lеламнахана) муьтlахь хилларг нийсачу новкъа а нислур ву, царна lеса хилларг бакъон тlера дlа а вер ву!

Имам Ажуррий (АллахIа къинхетам бойла цунах)

lилманан дозалла

Шайтlано мел хьоьгуш долу къа дохош берш lеламнах бу!

lеламнах шайтlанна уггаре цабезаш болу нах бу!