tgoop.com/paziyletuz/43491
Last Update:
Қарақалпақстан мусылманлары қазыяты қазысы Кегейли районындағы «Мағзан ийшан» мешитинде жума намазын оқыды
Бүгин, Қарақалпақстан мусылманлары қазыяты қазысы Б.Разов мешитлердеги жаратылған шараятлар, гүз ҳәм қыс мәўсимине таярлық, ысытыў системасы, мешит әтирапындағы абаданластырыў ҳәм тазалық жумыслары менен жақыннан танысыў ушын Кегейли районында хызмет сапарында болды.
Районның орайлық «Мағзан ийшан» жаме мешити намазханасындағы питкерилген, бүгинги күнде мешит әтирапындағы даўам етип атырған қурылыс жумыслары менен танысты ҳәм қурылысшы усталарға ѳзиниң миннетдаршылығын билдирди.
Жума тезисине тийкарланып «Саўабы жақсы әмеллер» темасында жәмәәтке баянат жасады ҳәм жума намазын оқып берди. Баянаты даўамында елимиздеги тынышлық, қәтержамлық ҳәм пәраўанлықтың қәдирине жетиў, перзент тәрбиясы, терроризм, экстремизм ҳәм миссионерлик ҳәрекетлерине қарсы гүресиў бойынша да айтып ѳтти.
Сапар жуўмағында Кегейли районы бас имамы А.Юсуповқа мешитлердеги шараятлардан хабардар болып турыў, абаданластырыў ҳәм қурылыс-ремонт жумысларына итибар қаратыў бойынша тапсырмалар берди.
👇👇👇👇👇👇👇👇👇👇👇👇👇👇
Бизди социаллық тармақларда бақлап барың!