هذا موقع مال ذكاء اصطناعي كولش يفيدكم بدارستكم مجرد تاخذون صوره للسلايد الي ما فاهمي وتكتبون (اشرح لي ) راح يشرح شرح مفصل وحلو وواضح وبسيط (حار مكسب وطيب)


هذا الرابط

https://gemini.google.com/?hl=ar

#كيسات

اذا اجاك بيشنت للصيدليه يعاني من هاي الفطريات بحلكه مثل ما موجود بالصوره شنو التشخيص الصحيح برايك ؟؟



اكيد حيكون داء المبيضات الفموي (Oral candidiasis - Thrush)

عبارة عن عدوى فطرية تتميز بظهور بقع بيضاء في الفم تكون صعبة الإزالة أو تغطي مخاط الفم بأكمله

عوامل خطر مالتها مثل العمر المتقدم، استخدام المضادات الحيوية، وتناول أدوية تثبيط المناعة (immunosuppressive) وادوية الربو همينه البخاخات خصوصاً▫️


يتم علاجه بواسطة النيستاتين (Nystatin)، الأمفوتيرسين (Amphotericin)، أو الفلوكونازول (Fluconazole)❤️

@pharmacy_2021_3

يعني والله الصيدله عباره عن امتحانات
تداوملك كم يوم يجي المد ويلعب بيك لعب المد شهر كامل
وراها تداوم هم كم يوم يجيك الفاينل يظل فوك الشهر
ويخلص الكورس ويبدي كورس جديد وتنعاد الدورة لحدما تتخرج 🐸

هم فد يوم فكرتو ليش الAzithromycin يُعطى مره باليوم لمده 3-5 أيام فقط بينما يبقى بالجسم 5 أيام اخرى بعد التوقف من استخدامه

برأيكم شنو السبب؟🤔

🟩الازيثرومايسين يمتلك نصف عمر half life حوالي(68ساعة)
بعد الإعطاء الازيثرومايسين لا يبقى بالدم وانما يتوزع الى الانسجة ويتخزن في الانسجة بنسبه كبيرة
ويتحرر من الانسجة الى الدم

🟨هسه عرفنا السر انو ليش الازيثرومايسين يمتلك فترة معالجة قصيرة(3-5أيام) بينما يبقى تاثيرة بعد التوقف عن المعالجة من5الى7أيام

📍السؤال هسه شنو الي يخلي الازثرو يتخزن في الانسجة ويبقى بالجسم 5 أيام بعد التوقف من المعالجة؟🤨

✅السبب في ذلك هو التركيب الكيميائي له الذي يختلف بشي بسيط جدآ عن بقية الادوية الاخرى لعائلة ال(Macrolides)
لو تشوفون التركيب الكيميائي للازثرو وتشوفون الموقع رقم 9 حيث تم حذف مجموعة الكربونيل الاساسية في تركيب الmacrolides في الموقع رقم 9 وإضافة
مجموعة(N-methyl)

هذه المجموعة جعلت الدواء اكثر ارتباطآ مع الانسجة ويبقى في الجسم لفترة طويلة

❇️ملاحظة:حلقة الmacrolide تحتوي على14ذرة لكن بعد إدخال N-methyl group الى مركب الازيثرومايسين اصبح15ذرةكربون وهذا مايميزة عن بقية الادوية(Erythromycin -clarithromycin)

❇️ ايضا من مميزات إضافة (N-methyl group) الى الازيثرومايسين انها جعلته لايتاثر بحامض المعده

كثرولي ♥️

#Ph_aya
@pharmacy_2021_3

Reference
-lexicomp
-Foy's principles of medicinal chemistry.

📙رجعتلكم اليوم بعد ما كملت الفاينل بمعلومة جديدة وحلوه

اكيد بالتدريب شفتو نوعين من
الفيوسدين كريم ومرهم

طيب شنو الفرق بينهم 🤔

بيهم نفس المادة الفعالة اللي هي حامض الفيوسيديك، هذا مضاد حيوي يستخدم للعلاجات مال التهابات الجلد البكتيرية. الفرق الرئيسي بيناتهم هو القاعدة أو التركيبة اللي تشيل المادة الفعالة:

1. Ointment :
• يحتوي على قاعدة دهنية مثل الفازلين، وهاي تخليه ثقيل وزيتي أكثر.
• يستخدم أكثر شي بالمناطق الجافة أو اللي تحتاج ترطيب إضافي، مثل الجروح الجافة أو المناطق اللي بيها تقشر.
• يبقى فترة أطول على الجلد لأنه ما يمتص بسرعة.

2. Cream :
• يحتوي على قاعدة مائية، وهاي تخليه أخف وأسهل بالامتصاص.
• يستخدم بالمناطق اللي تكون رطبة أو حساسة أكثر، مثل الوجه أو ثنايا الجلد.
• الجلد يمتصه بسرعة وما يخليك تحس بشعور دهني مثل المرهم.

يعني بشكل عام، يفضل تستخدم المرهم بالمناطق الجافة أو بالليل، والكريم بالمناطق الرطبة أو الحساسة أو إذا تحتاج امتصاص سريع.

كثرولي من هذا ❤️

@pharmacy_2021_3

شويونه فارماكولوجي🙂‍↔️

🔰Diazepam

الديازيبام يستخدم لعلاج حالات الاكتئاب ويخفف من تكرار نوبات الصرع للأشخاص المصابين بالصرع.

هسة عندي مريض مكتئب أو عنده صرع، شلون يشتغل الدواء وياه؟

أكو شغلة بالدماغ اسمها “GABA”، هاي المادة موجودة بالدماغ، وهي ناقل مثبط (inhibitory transmitter).
باختصار، الديازيبام ينشط مستقبلات الـ”GABA” ويخليها تشتغل أكثر وتطي تأثير مهدّي أقوى. وبهذا الشي يقلل تكرار نوبات الصرع والتوتر.

شنو علاقة الديازيبام بالصرع؟
الديازيبام ينشط مستقبلات الـ”GABA” حتى يقلل النشاط الزايد بالدماغ، ولهذا السبب يشتغل كمهدّي للمرضى ويساعد بتقليل نوبات الصرع وبس .

كثرولي من هذا ❤️

📋اكيد اغلبنا من درسنا فارما يتردد علينا هالمصطلحين adverse effect و Side effect

طيب شنو الفرق بينهم؟

Adverse effect

يحدث نتيجة ال pharmacological action مال الدواء نفسه ،يعني مثلا عندي دواء يعالج ارتفاع الضغط (معناها دينزل الضغط ) فقد يسبب هبوط قوي بالضغط هنا عالج الحاله بس راح زايد بالموضوع

Side effect

هذا تاثير جانبي للدواء ،حدوثه ليس لنتيجة pharmacological action مال دواء يعني مثلا واحد عنده ضغط وياخذ من عائلة ال ACEI وصارت عنده كحه (هو مماخذ ال ACEI علمود الكحه وانما علمود الضغط بس سوتله تأثير جانبي dry cough)

اي سؤال عدكم اكتبولي بالتعليقات ❤️

ماكو هيج ريمونتادا

داگلب بقناتي وشفت بوستاتي القديمة ف اشتاقيت اكعد اكتب بوستات واسويلكم معلومات مرتبه وحلوه نفس ما جنت اسوي قبل لكن اوف المرحلة الخامسة صعبه حيل ومتعبة وتحتاج دراسة كثيرة 🥲

راجعتلكم قريباً بمعلومات رهييييبة تدمير تدمير حرفياً لان كلشي داتعلمه اسجلة يمي خصوصاً عن البايوتكنولوجي والأدوية البايولوجية اللي هسه صايرة ترند بعالم الأدوية

ف انتظروني 🥲❤️

تقنية الـ recombinant DNA تعتمد على إدخال جين معين إلى كائن آخر، مثل البكتيريا، حتى تبدأ هذه البكتيريا بإنتاج البروتين المطلوب.

الشرح بخطوات واضحة وبسيطة:
1. استخراج الجين:
• نبدأ بأخذ الجين المطلوب من كائن حي معين. مثلاً، إذا نريد إنتاج الأنسولين، نأخذ الجين المسؤول عن صنع الأنسولين من الحمض النووي للإنسان

2. قص الجين:
• نستخدم إنزيمات خاصة لقص الحمض النووي (DNA) وفصل الجين المطلوب عن بقية الجينات.

3. إدخال الجين في الناقل (Plasmid):
• الجين اللي قصيناه يتم إدخاله في قطعة دائرية صغيرة من الحمض النووي تُسمى البلازميد (plasmid)، وهي بمثابة “الناقل” الذي سيدخل الجين إلى البكتيريا.

4. نقل البلازميد إلى البكتيريا:
• بعد دمج الجين بالبلازميد، نُدخل هذا البلازميد إلى خلايا البكتيريا. البكتيريا راح تعتبر البلازميد كجزء من الحمض النووي مالها.

5. تكاثر البكتيريا وإنتاج البروتين:
• البكتيريا تبدأ بالتكاثر بشكل طبيعي، ومعها تبدأ بإنتاج البروتين اللي الجين الجديد طلب منها تصنعه. في هذه الحالة، البكتيريا تنتج الأنسولين.

هذه الطريقة مفيدة لأن رح نگدر نصنع كميات كبيرة من البروتينات مثل الأنسولين بشكل سريع وبتكلفة أقل، باستخدام البكتيريا اللي تكاثرها سهل وسريع.

الخلاصة: نأخذ الجين، ندخله بالبكتيريا، والبكتيريا تنتج البروتين اللي نحتاجه

❤️

https://www.tgoop.com/pharmacy_2021_3

فقرة اليوم لا تغلط غلطتي 🥲

شباب هاي نصيحة مني الكم

دائماً ادرسوا بحب وادرسوا كلشي وخلي علميتكم تصير قويه يعني المادة الي تقروها ركزوا بيها ولا تعبرون اي كلمة إذا معرفتوها بالعكس ابحث وطور نفسك لا تقرون بس علمود الامتحان وحتى انجح و و و
لان الامتحان مجرد ما ينتهي معلوماتك تنتهي وياه وتنسي ف
انت صيدلاني لازم تحسب حساب ممكن اي شخص يسألك في اي مكان ممعقولة تكون معلوماتك محدودة فقط بالمادة العلمية مال كلية
اني بصراحة وكعت بهذا الخطا جنت اقرا بس حتى انجح وبس حتى اعبر(يمكن بسبب صعوبة المواد) وهذا الشي كولش خطا
لازم تفكر خارج الصندوق

نقلاً عن تجربتي بالكيمياء جنت اشوفها صعبه ومتنفهم وشربتتها تشربت بس حتى اعبرها رغم اني احبها وهسه من الدكتور ديشرحلي الادفانس ويشوفني ضعيفه ك اساسيات كيمياء وأواصر وفنكشنل كروب احس بالإحراج يمه😂
فاكيد اني مسؤولة عن خطأي

كذلك كلشي متوفر سواء على اليوتيوب او الذكاء الاصطناعي الي هسه معجزة العصر صاير ف استغلوا هاي الفرص لصالحكم ❤️

شرح مادة الادفانس

https://www.tgoop.com/samer_advance

عيني طلاب اني ما اجيبلكم شي موزين بالقناة والشي إلا اجربه يلا انصحكم بي
هنا الدكتور ديدرسني الادفانس ومشالله مشالله الشرح روعه 🙂‍↔️

طبعا هو دكتور صيدلاني (دكتوراه صيدلانيات)
بالكورس الاول درسني الصيدله الصناعية وهسه الادفانس موهوب بشكل لا يُصدق


نزلتلكم بروڤة عن شرحة شوفو وملاحظات ايضاً شوفوا على راحتكم حبايب

https://www.tgoop.com/samer_advance