في شي مهم لازم كلنا نفهموا
نشوة النصر يلي حاسسها الأغلبية حقن الكامل يعيشوها
ولما حدا يعترض ع شي شغلة فهوي ما هدفو تدمير النصر أو مبعوت من شي جماعة بدا تفشل الثورة ..
بس طالما الثورة قامت بسبب ظلم الحكم فلازم ما نرضى الحكم الجديد يظلم
الحكومة الحالية عم تستجيب لما يضج الشعب لشي وهاد مؤشر كتير إيجابي
مافي داعي الناس المؤمنة بالحكومة الجديدة تهاجم بقية الناس لما يعترضوا عشي
العالم عم تجرب عن جديد ثقافة الاعتراض وثقافة اللاخوف وأنو ماحدا عم يسجلا لما تعلق شي تعليق ما بيرضي الحكومة
في ثقافة خوف معششة فطالما الناس عم تحاول تتجاوزا ياريت ما نرجع لسياسة القمع
مبارح علقت تعليق بسيط سألت فيه عن كفاءات الدكتور يلي صار نقيب الأطباء
أنا مابعرفو ولا مرة سمعانة باسمو وطلبت يتعرف عنو
يا جماعة عشرات الردود كلا ضمن معنى واحد هاد ابن الثورة هاد لازم يحكم من زمان هاد شخص كفؤ هاد ابن ادلب هاد احسن من جماعتكم واسفة عهالكلمة بس فعلا في ردود تندرج ضمن التشبيح
تعليقين من عشرات الردود بس يلي وضحت مين بكون نقيب أطباء سوريا النقابة يلي منتسبة الها أنا ورح ارضخ لقرارتا
مين قال أني ضد بس مو غلط لما يتسلم حدا صناعة قرار يصير تعريف عنو
أخطاء زمان مو لازم تنمحى؟ معقول يرجع يتسلم قيادات الدولة ناس ما منعرف مين هية ولا عأي اسأس تنصبت ووين المشكلة إذا توضح مين استلم
صدقوني ماحدا بدو الثورة تفشل إلا العصابة المستفيدة كانت من الحكم
العالم ال كانت يئسانة من البلد وعم تجرب تهرب وتدور عطريقة تسافر فيها من هالسجن الكبير يلي مقبوض عليه بقبضة كبيرة كلا رجعت تتأمل أنو فيها تعيش تحت سقف هالبلد
أي .. في خلافات ع شكل الدولة بس صدقوني ماحدا بدو تفشل لهيك استوعبو بعض
رجاء تعليقاتنا لبعض تكون أخف حدة وما نصادر حق بعض بالحكي
مو أي كلمة بتطلع براسنا نكتبا بدون تفكير
أنا مابفهم بالسياسة ولا بدي افهم بس تقبلوا وجهة نظري
نشوة النصر يلي حاسسها الأغلبية حقن الكامل يعيشوها
ولما حدا يعترض ع شي شغلة فهوي ما هدفو تدمير النصر أو مبعوت من شي جماعة بدا تفشل الثورة ..
بس طالما الثورة قامت بسبب ظلم الحكم فلازم ما نرضى الحكم الجديد يظلم
الحكومة الحالية عم تستجيب لما يضج الشعب لشي وهاد مؤشر كتير إيجابي
مافي داعي الناس المؤمنة بالحكومة الجديدة تهاجم بقية الناس لما يعترضوا عشي
العالم عم تجرب عن جديد ثقافة الاعتراض وثقافة اللاخوف وأنو ماحدا عم يسجلا لما تعلق شي تعليق ما بيرضي الحكومة
في ثقافة خوف معششة فطالما الناس عم تحاول تتجاوزا ياريت ما نرجع لسياسة القمع
مبارح علقت تعليق بسيط سألت فيه عن كفاءات الدكتور يلي صار نقيب الأطباء
أنا مابعرفو ولا مرة سمعانة باسمو وطلبت يتعرف عنو
يا جماعة عشرات الردود كلا ضمن معنى واحد هاد ابن الثورة هاد لازم يحكم من زمان هاد شخص كفؤ هاد ابن ادلب هاد احسن من جماعتكم واسفة عهالكلمة بس فعلا في ردود تندرج ضمن التشبيح
تعليقين من عشرات الردود بس يلي وضحت مين بكون نقيب أطباء سوريا النقابة يلي منتسبة الها أنا ورح ارضخ لقرارتا
مين قال أني ضد بس مو غلط لما يتسلم حدا صناعة قرار يصير تعريف عنو
أخطاء زمان مو لازم تنمحى؟ معقول يرجع يتسلم قيادات الدولة ناس ما منعرف مين هية ولا عأي اسأس تنصبت ووين المشكلة إذا توضح مين استلم
صدقوني ماحدا بدو الثورة تفشل إلا العصابة المستفيدة كانت من الحكم
العالم ال كانت يئسانة من البلد وعم تجرب تهرب وتدور عطريقة تسافر فيها من هالسجن الكبير يلي مقبوض عليه بقبضة كبيرة كلا رجعت تتأمل أنو فيها تعيش تحت سقف هالبلد
أي .. في خلافات ع شكل الدولة بس صدقوني ماحدا بدو تفشل لهيك استوعبو بعض
رجاء تعليقاتنا لبعض تكون أخف حدة وما نصادر حق بعض بالحكي
مو أي كلمة بتطلع براسنا نكتبا بدون تفكير
أنا مابفهم بالسياسة ولا بدي افهم بس تقبلوا وجهة نظري
بتصدقوا أنو مبارح أهلي طلبوا مني احذف التعليق متل أيام زمان وقت كانو يطلبو مني احذف تعليقاتي اذا علقت عشي قرار ظالم
بالله ما ترجعونا لهديك الحقبة
بالله ما ترجعونا لهديك الحقبة
ماذا لو كنت أنت الأخر ؟
حدا جرب يحط حالو مكان الطرف التاني ؟
يحاول يفهم معاناتو بدل ما ينكرها ويساعدو يتخلص من مخاوفو بدل ما يزيدها عليه ويجبرو يتطرف ؟
نصكم ما بيعرف أنو أنا مسلم سني
١٤ سنة وأنا بفتح التلفزيون بشوف الجوامع يلي هيي دور عبادة عم تنقصف وتنهد وعم يقولوا أنو أرهاب .
خيي أو أبن عمي أو ابن خالتي يا أما مع الجيش الحر يا أما معتقل وأنا ساكن بمناطق النظام وبالحالتين مضطر أنكر أني بعرفو أو بقربو وبخاف اتواصل معو أو اسأل عنو كرمال ما تجيني كمان تهمة الأرهاب ، بس كل هاد الأنكار ما كان يفيدني لأنو أي وظيفة كنت قدم عليها كانوا يطلبوا دراسة أمنية ويجي الأمن السياسي يقول أنو ابن خالة مرت عمي كان معارض وانحرم من الوظيفة .
طيب جربت يكون تحت بيتك في مفرزة أمن فيها واحد
ما معو صف سادس ولا بيعرف يفك الحرف وغليظ وسمج
وشحاد من رتبة مشلح وأنت مضطر تضحك بوجهو وتسايرو وتكسر على أنفك بصلة كرمال ما يشمط تقرير يغيبك ورا الشمس ؟
شو رأيك نجيب هلا باص أخضر ونطالعك أنت وأمك وخواتك الصغار من بيتكم وأرضكم ونحطكم بخيمة بأدلب
كونكم أرهاب وكل ذنبك أنك ولدت بهي المنطقة ؟
تخيل خمسين سنة وأنت ما فيك تجاهر بدينك ولا فيك تبين أنك متدين لأنو باقي المجتمع رح يشوفك رجعي ومتخلف
حتى لو دكتورة وشهاداتك معبية الحيطان ومعك عشر لغات
ما بتسلمي بالأيد ؟؟؟؟؟؟ شو هالتخلف والرجعية .
تخيل أنك مضطر ما تقول رايح صلي وألف نقاش يصير قدامك وتبلع الكلمة مع أنو عندك رأي وعندك قناعة
بس ليش لتحكي طالما بكل الأحوال رح تطلع بالأخر يا رجعي متخلف يا أرهابي .
وكلو بقلك حماية الأقليات وحماية الأقليات
طيب نحنا مين بدو يحمينا ؟
هي المعاناة حقيقية مو تضليل أعلامي
المخاوف أنو ترجع تنعاد حقيقية وما رح نخليها تنعاد
حتى لو صرت عنجد ارهابي طالما هيك هيك هي نظرتك ألي
إذا أنا متدين فأنت عم تجبرني صير متطرف
إذا أنا مو متدين فأنت عم تحشرني بالزاوية وتخليني صير متدين ومتطرف لأحمي أهلي
يا سيدي إذا بكون ملحد من خلفية سنية وبتضل أنت عم تشكك بوجع أهلي رح قاتل بسناني لأحد حق اهلي لأنك مين ما كنت مانك أغلى منهم وطالما شايفن أرهاب فأنت كمان أرهابي .
نصكم ما بيعرف أنو أنا علوي
وإذا بدك تعرف العلوي مسلم أو لا
إذا كان الأسلام نطق الشهادتين وأركان الإسلام الخمسة ف أي نحنا مسلمين بس عنا طريقتنا الصوفية الخاصة بالعبادة .
بدك تعرف شو هيي هي الطريقة ما رح قلك لأنو نحنا مو مذهب تبشيري ، مذهب أو طريقة بتتناقل عن طريق التوريث وطالما نحنا مو تبشيريين ف ما رح قلك ولا مجبور قلك .
طلاع على القرداحة عرين الأسد معقل الشبيحة
بتلاقي غرفتين تراب (حجر وعليهم حور) هي بيتنا
ألو بيي بطح خمسين سنة ما قدر يعمرهم .
عنا معاناة أنو ما عنا ولا معمل ولا مصنع ولا شركة ولا فندق
ولا أي شي خلقو الله خرج تشتغل فيه بكل المنطقة ، ضيعتي لهلا ما فيها تمديد مي نظامي ولا صرف صحي
ما عنا حل على وجه الكرة الأرضية (أو نحنا هيك منشوف لما نكون بالضيعة) غير الجيش لحتى نهرب من هاد الفقر
وبس نروح على الجيش ونجي عالمدينة ونشوف الدنيا
منقضي باقي العمر عم نعض أصابعنا ندم ليش رحنا ع جيش.
منخاف أي منخاف وكتير وخوفنا قديم لأنو ما حدا تركنا بحالنا .
بدك ياها تاريخياً كنا بحلب أجت الدولة العثمانية والسلطان السليم ضل يدبحو فينا يدبحو فينا لحتى بالأخر قدرت كم عيلة تهرب وتتخبى بين المسيحية بالجبال وكذبنا أنو نحنا مسيحيين لحتى ننفد بجلدنا
(لهيك لليوم منحتفل بعيد البربارة مع أنو عيد مسيحي)
بدك ياها قبل الحرب عنا مشايخ خريجيين الأزهر
وقامات كبيرة اجتماعية وثقافية ودينية
ضلو بيت الأسد وراهم وراهم لحتى خفوهم عن وجه الأرض
مرة حاولنا نعمل مجلس متلنا متل كل الطوائف على وجه الكوكب أي الله لا يفرجيك شو صار .
عايشين ع الليمون عنا شجر ليمون كتير وكان أكبر أحلامنا
معمل عصير برتقال بساحل لحتى نعيش بس عبث ممنوع نهائياً ، من عشرين سنة لليوم كل ما نزل موسم الليمون
بتكون الدولة استوردت موز من لبنان
ف بتلاقي الليمون عنا بالأراضي ، حتى ما عاد نحوشو
لأن حقو ماعاد جاب أجار الشغيلة .
ف منلف وندور ومنرجع على الجيش
منلف وندور ونرجع على الجيش ، وإذا كانت الماديات متوسطة وخرج لواحد يصبر ف لا بيدرس وبكون أكبر أحلامو وظيفة بالدولة .
بلشت الحرب وأساساً كلنا بالجيش ويلي مو بجيش ساكن بمساكن عسكرية مغلقة وكل جيرانك بجيش وإذا مو هيك بتكون بالضيعة .
بتفتح التلفزيون السوري
بتلاقي العلوية ع التابوت والمسيحية ع بيروت
بتفتح الجزيرة أو أورينت بشار وطائفته ، بشار والنصيرية
من هم النصيرية ، هل النصيرية سوريين ؟
بتلاقي كل يوم وتاني كونو كل عيلتك بالجيش
خيك شهيد ، رفيقك شهيد ، بيك شهيد
وأنت نص عيلتك بالجيش والنص تاني موظفين بالدولة
ف إذا سقطت الدولة رح تاكل هوا .
حدا جرب يحط حالو مكان الطرف التاني ؟
يحاول يفهم معاناتو بدل ما ينكرها ويساعدو يتخلص من مخاوفو بدل ما يزيدها عليه ويجبرو يتطرف ؟
نصكم ما بيعرف أنو أنا مسلم سني
١٤ سنة وأنا بفتح التلفزيون بشوف الجوامع يلي هيي دور عبادة عم تنقصف وتنهد وعم يقولوا أنو أرهاب .
خيي أو أبن عمي أو ابن خالتي يا أما مع الجيش الحر يا أما معتقل وأنا ساكن بمناطق النظام وبالحالتين مضطر أنكر أني بعرفو أو بقربو وبخاف اتواصل معو أو اسأل عنو كرمال ما تجيني كمان تهمة الأرهاب ، بس كل هاد الأنكار ما كان يفيدني لأنو أي وظيفة كنت قدم عليها كانوا يطلبوا دراسة أمنية ويجي الأمن السياسي يقول أنو ابن خالة مرت عمي كان معارض وانحرم من الوظيفة .
طيب جربت يكون تحت بيتك في مفرزة أمن فيها واحد
ما معو صف سادس ولا بيعرف يفك الحرف وغليظ وسمج
وشحاد من رتبة مشلح وأنت مضطر تضحك بوجهو وتسايرو وتكسر على أنفك بصلة كرمال ما يشمط تقرير يغيبك ورا الشمس ؟
شو رأيك نجيب هلا باص أخضر ونطالعك أنت وأمك وخواتك الصغار من بيتكم وأرضكم ونحطكم بخيمة بأدلب
كونكم أرهاب وكل ذنبك أنك ولدت بهي المنطقة ؟
تخيل خمسين سنة وأنت ما فيك تجاهر بدينك ولا فيك تبين أنك متدين لأنو باقي المجتمع رح يشوفك رجعي ومتخلف
حتى لو دكتورة وشهاداتك معبية الحيطان ومعك عشر لغات
ما بتسلمي بالأيد ؟؟؟؟؟؟ شو هالتخلف والرجعية .
تخيل أنك مضطر ما تقول رايح صلي وألف نقاش يصير قدامك وتبلع الكلمة مع أنو عندك رأي وعندك قناعة
بس ليش لتحكي طالما بكل الأحوال رح تطلع بالأخر يا رجعي متخلف يا أرهابي .
وكلو بقلك حماية الأقليات وحماية الأقليات
طيب نحنا مين بدو يحمينا ؟
هي المعاناة حقيقية مو تضليل أعلامي
المخاوف أنو ترجع تنعاد حقيقية وما رح نخليها تنعاد
حتى لو صرت عنجد ارهابي طالما هيك هيك هي نظرتك ألي
إذا أنا متدين فأنت عم تجبرني صير متطرف
إذا أنا مو متدين فأنت عم تحشرني بالزاوية وتخليني صير متدين ومتطرف لأحمي أهلي
يا سيدي إذا بكون ملحد من خلفية سنية وبتضل أنت عم تشكك بوجع أهلي رح قاتل بسناني لأحد حق اهلي لأنك مين ما كنت مانك أغلى منهم وطالما شايفن أرهاب فأنت كمان أرهابي .
نصكم ما بيعرف أنو أنا علوي
وإذا بدك تعرف العلوي مسلم أو لا
إذا كان الأسلام نطق الشهادتين وأركان الإسلام الخمسة ف أي نحنا مسلمين بس عنا طريقتنا الصوفية الخاصة بالعبادة .
بدك تعرف شو هيي هي الطريقة ما رح قلك لأنو نحنا مو مذهب تبشيري ، مذهب أو طريقة بتتناقل عن طريق التوريث وطالما نحنا مو تبشيريين ف ما رح قلك ولا مجبور قلك .
طلاع على القرداحة عرين الأسد معقل الشبيحة
بتلاقي غرفتين تراب (حجر وعليهم حور) هي بيتنا
ألو بيي بطح خمسين سنة ما قدر يعمرهم .
عنا معاناة أنو ما عنا ولا معمل ولا مصنع ولا شركة ولا فندق
ولا أي شي خلقو الله خرج تشتغل فيه بكل المنطقة ، ضيعتي لهلا ما فيها تمديد مي نظامي ولا صرف صحي
ما عنا حل على وجه الكرة الأرضية (أو نحنا هيك منشوف لما نكون بالضيعة) غير الجيش لحتى نهرب من هاد الفقر
وبس نروح على الجيش ونجي عالمدينة ونشوف الدنيا
منقضي باقي العمر عم نعض أصابعنا ندم ليش رحنا ع جيش.
منخاف أي منخاف وكتير وخوفنا قديم لأنو ما حدا تركنا بحالنا .
بدك ياها تاريخياً كنا بحلب أجت الدولة العثمانية والسلطان السليم ضل يدبحو فينا يدبحو فينا لحتى بالأخر قدرت كم عيلة تهرب وتتخبى بين المسيحية بالجبال وكذبنا أنو نحنا مسيحيين لحتى ننفد بجلدنا
(لهيك لليوم منحتفل بعيد البربارة مع أنو عيد مسيحي)
بدك ياها قبل الحرب عنا مشايخ خريجيين الأزهر
وقامات كبيرة اجتماعية وثقافية ودينية
ضلو بيت الأسد وراهم وراهم لحتى خفوهم عن وجه الأرض
مرة حاولنا نعمل مجلس متلنا متل كل الطوائف على وجه الكوكب أي الله لا يفرجيك شو صار .
عايشين ع الليمون عنا شجر ليمون كتير وكان أكبر أحلامنا
معمل عصير برتقال بساحل لحتى نعيش بس عبث ممنوع نهائياً ، من عشرين سنة لليوم كل ما نزل موسم الليمون
بتكون الدولة استوردت موز من لبنان
ف بتلاقي الليمون عنا بالأراضي ، حتى ما عاد نحوشو
لأن حقو ماعاد جاب أجار الشغيلة .
ف منلف وندور ومنرجع على الجيش
منلف وندور ونرجع على الجيش ، وإذا كانت الماديات متوسطة وخرج لواحد يصبر ف لا بيدرس وبكون أكبر أحلامو وظيفة بالدولة .
بلشت الحرب وأساساً كلنا بالجيش ويلي مو بجيش ساكن بمساكن عسكرية مغلقة وكل جيرانك بجيش وإذا مو هيك بتكون بالضيعة .
بتفتح التلفزيون السوري
بتلاقي العلوية ع التابوت والمسيحية ع بيروت
بتفتح الجزيرة أو أورينت بشار وطائفته ، بشار والنصيرية
من هم النصيرية ، هل النصيرية سوريين ؟
بتلاقي كل يوم وتاني كونو كل عيلتك بالجيش
خيك شهيد ، رفيقك شهيد ، بيك شهيد
وأنت نص عيلتك بالجيش والنص تاني موظفين بالدولة
ف إذا سقطت الدولة رح تاكل هوا .
بتجي أيران بتفتح كم جمعية بالساحل
وبدها تشيعك (مع كامل حبي واحترامي للشيعة)
خيو نحنا ما بدنا نتشيع ، ما بدنا نغير طريقتنا بالعبادة
بنفس الوقت ما بدنا نموت بدنا نعيش
وحلها إذا بتنحل .
سقط النظام ورغم كل القهر والظلم والعبودية لكنا عايشين فيها بس خفنا ولبقلك ما خفنا بكون كذاب .
كلشي علوية بالشام وبيطلعو شي مليون ، ضبو غراضن لينزحوا للساحل (مع أنو في منن تولد الشام يعني يعني خلقو وربيو وكبرو من خير الشام)
يوم سقط النظام شفت منظر بحياتي ما بنساه
شفت زلمي عمرو شي ستين سنة ، ماسك بكل أيد صبية أعمارن بالعشرين يلي هنن بناتو وحاط على كتافو بارودة بلا مخزن غالباً ملاقاها بالشارع وماشيين بهشارع عم يبكي والعالم عم تحتفل .
هو ما عم يبكي لأن بحب بشار عم يبكي لأنو خايف .
ما طلع من بيتو لأنو شبيح طلع لأنو علوي وما بيعرف شو عم يعمل ولا بيعرف لوين رايح بس خايف
حامل بارودة بلا مخزن وما بتساويلو شي ساعة الجد بس حاملها لأنو خايف .
حدا جرب يوقف احتفال ويقلو طول بالك يا عمو
ورجاع على بيتك أنت مو ذنبك وبناتك بناتنا وعرضك عرضنا ؟
سقط النظام وولادنا وخواتنا بالالاف شي بسجن حماة وشي بأدلب ما منعرف عنن شي .
سقط النظام وكل علوي انطرد من الجيش أو الشرطة أو وظيفتو وما بيعرف شو جاييه بكرا ، بس الأكيد رح يجي صاحب البيت يقلو وين الإيجار ؟
كل ما حكيت كلمة بقلولك نسيت حالك يا شبيح يا فلول النظام ، بدي كذا ليش أيام بشار ما كنت تقول بدك ؟
بتقول في تجاوزات عم تصير ، كذاب عم تخلق فتنة
بتحب تشارك ك أبن بلد ومواطن سوري وتقول بدي دولة مدنية كذاب أنت بدك فتنة وما عم تعاني ومانك خايف
بس هيك بدك تخرب بلدنا
هاد مو حل ولا منطق أنا كمان عندي معاناتي وعندي مخاوفي من بكرا ، إذا ما بدك تطمني لا تزيدها عليي
وإذا رح تضل شايفني شبيح وكذاب ف أي بالأخر رح صير شبيح وما رح اسمحلك تقهرني فوق قهري .
نصكم ما بيعرف أنو أنا مسيحي
ومن لما ولدت ببلدي وأرضي أنا مواطن درجة تانية
وبيجي حكم وبروح حكم وبقلولنا لا تخافو ما رح نقتلكم ولا نهجركم نحنا مو طائفيين أي والله كتر خيرك مارح تقلعني من بلدي .
كل ما دق الكوس بالجرة وبكل مناسبة بتجو تاخدو خوري من عنا وبتسلخو صورة معو لتفرجو للغرب أنكم مو طائفيين
وبتحترمو الأقليات ، وهي كلمة الأقليات بتحسسني أني كائن مهدد بالانقراض ببلدي .
كل ما حدا شافني بقلي مسيحي وما سافرت ؟
يا عمي ما بدي هاجر بدل ضل هون لأني من هون
وحقي متلي متل أي واحد رشح حالي وصير رئيس
خيو ما بدك رئيس مسيحي لا تنتخبني بس لا تحرمني حقي بأني اترشح ، أنت شو خسران إذا ترشحت بكل الأحوال ما رح اربح الانتخابات
وفي حال ربحت متخيل أنو ببلد ٨٠% أسلام يربح مرشح مسيحي ؟ متخيل قديش رح يكون إنسان رائع وعملي لحتى المسلمين انتخبوه وقدي رح يقدم لهاد البلد ؟
نصكم ما بيعرف أني كردي
وكردي مو ديني لا ، الكرد مو دين هيي قومية يعني ماني عربي بس خلقت هون وبيي خلق هون وجدي خلق هون .
كل ما فتحت تمي بحرف بتقلولي انفصالي كلب
يا عمي أنا مو انفصالي ، بس أنت بتعرف أنو دولتك ما عطتني هوية ؟ بتعرف شو يعني نصنا ما معو هويات
يعني نحنا مافي شي بالكون بيثبت وجودنا
يعني لا بحقلنا ندرس ولا نتعلم ولا نروح مشفى ولا أي شي
طيب بتعرف مثلاً أنو كنت اتزوج ويجيني ولد
روح اضطر سجلو بأسم خيي بدل أسمي لأنو دولة معترفه بخيي أو مواطن بس أنا لا .
طيب بتعرف أنو داعش هجمت على عين العرب
يلي هيي اسما الحقيقة كوباني بس دولة عربتها بصرماية
وما أجا الجيش دافع عنا ولا حدا دافع عنا ولا حدا عطانا سلاح ندافع عن حالنا غير أميركا فأخدناه
حط حالك مكاني إذا بيجي الشيطان وبيعطيك سلاح رح تاخدو لتدافع عن أهلك .
كل ما بحكي كلمة انفصالي
كل ما طالب بحق انفصالي
شو أعمل طيب ؟ بموت لترتاحو وتتأكدو أني مو انفصالي؟
طيب إذا رح تضلو هيك أنا عنجد رح صير انفصالي
ورح انفصل عنكم كونكم هيك هيك مو معترفين فيي ك إنسان حقو بهالبلد متل حقكم .
بس ليش لنتخبى ورا صبعنا ونغطي الشمس بغربال ؟
٢% من السنة عنجد كانو ارهاب بس مو كل السنة ارهاب
٢% من العلويين كانوا شبيحة بس مو كل العلويين شبيحة
٢% من الأكراد انفصاليين بس مو كل الأكراد انفصاليين .
وهدول كلن ما بمثلونا
شو واجبنا اليوم
واجبنا ك سنة كل حدا عندو فكر متطرف نحنا نوقف ضدو
واجبنا ك علوية كل شبيح نحنا نسلمو
واجبنا ك أكراد كل ما حدا بيحكى بالانفصالية نقص لسانو
واجبنا نحب بعض ونتفهم مخاوف بعض ونحاول نزيل هي المخاوف بدل ما نزاود على بعض .
واجبنا ك شعب نكون أيد وحدة ضد أي دولة بتجي وقد ماكانت منيحة مارح نصفقلن ولا رح نهتفلن ورح نضل نحسسن أنهم مقصرين ومجرد موظفين عنا .
إذا جربوا يضطهدو أي حدا فينا لازم نقوم كلنا
لأن جربوا يلغو حقوق أي حدا رح نقوم كلنا
نحنا معركتنا مو لازم تكون بين بعض
لازم تكون مع بعض ومع القانون لأخر يوم بعمرنا
وهاد كلشي بتمناه ..
وبدها تشيعك (مع كامل حبي واحترامي للشيعة)
خيو نحنا ما بدنا نتشيع ، ما بدنا نغير طريقتنا بالعبادة
بنفس الوقت ما بدنا نموت بدنا نعيش
وحلها إذا بتنحل .
سقط النظام ورغم كل القهر والظلم والعبودية لكنا عايشين فيها بس خفنا ولبقلك ما خفنا بكون كذاب .
كلشي علوية بالشام وبيطلعو شي مليون ، ضبو غراضن لينزحوا للساحل (مع أنو في منن تولد الشام يعني يعني خلقو وربيو وكبرو من خير الشام)
يوم سقط النظام شفت منظر بحياتي ما بنساه
شفت زلمي عمرو شي ستين سنة ، ماسك بكل أيد صبية أعمارن بالعشرين يلي هنن بناتو وحاط على كتافو بارودة بلا مخزن غالباً ملاقاها بالشارع وماشيين بهشارع عم يبكي والعالم عم تحتفل .
هو ما عم يبكي لأن بحب بشار عم يبكي لأنو خايف .
ما طلع من بيتو لأنو شبيح طلع لأنو علوي وما بيعرف شو عم يعمل ولا بيعرف لوين رايح بس خايف
حامل بارودة بلا مخزن وما بتساويلو شي ساعة الجد بس حاملها لأنو خايف .
حدا جرب يوقف احتفال ويقلو طول بالك يا عمو
ورجاع على بيتك أنت مو ذنبك وبناتك بناتنا وعرضك عرضنا ؟
سقط النظام وولادنا وخواتنا بالالاف شي بسجن حماة وشي بأدلب ما منعرف عنن شي .
سقط النظام وكل علوي انطرد من الجيش أو الشرطة أو وظيفتو وما بيعرف شو جاييه بكرا ، بس الأكيد رح يجي صاحب البيت يقلو وين الإيجار ؟
كل ما حكيت كلمة بقلولك نسيت حالك يا شبيح يا فلول النظام ، بدي كذا ليش أيام بشار ما كنت تقول بدك ؟
بتقول في تجاوزات عم تصير ، كذاب عم تخلق فتنة
بتحب تشارك ك أبن بلد ومواطن سوري وتقول بدي دولة مدنية كذاب أنت بدك فتنة وما عم تعاني ومانك خايف
بس هيك بدك تخرب بلدنا
هاد مو حل ولا منطق أنا كمان عندي معاناتي وعندي مخاوفي من بكرا ، إذا ما بدك تطمني لا تزيدها عليي
وإذا رح تضل شايفني شبيح وكذاب ف أي بالأخر رح صير شبيح وما رح اسمحلك تقهرني فوق قهري .
نصكم ما بيعرف أنو أنا مسيحي
ومن لما ولدت ببلدي وأرضي أنا مواطن درجة تانية
وبيجي حكم وبروح حكم وبقلولنا لا تخافو ما رح نقتلكم ولا نهجركم نحنا مو طائفيين أي والله كتر خيرك مارح تقلعني من بلدي .
كل ما دق الكوس بالجرة وبكل مناسبة بتجو تاخدو خوري من عنا وبتسلخو صورة معو لتفرجو للغرب أنكم مو طائفيين
وبتحترمو الأقليات ، وهي كلمة الأقليات بتحسسني أني كائن مهدد بالانقراض ببلدي .
كل ما حدا شافني بقلي مسيحي وما سافرت ؟
يا عمي ما بدي هاجر بدل ضل هون لأني من هون
وحقي متلي متل أي واحد رشح حالي وصير رئيس
خيو ما بدك رئيس مسيحي لا تنتخبني بس لا تحرمني حقي بأني اترشح ، أنت شو خسران إذا ترشحت بكل الأحوال ما رح اربح الانتخابات
وفي حال ربحت متخيل أنو ببلد ٨٠% أسلام يربح مرشح مسيحي ؟ متخيل قديش رح يكون إنسان رائع وعملي لحتى المسلمين انتخبوه وقدي رح يقدم لهاد البلد ؟
نصكم ما بيعرف أني كردي
وكردي مو ديني لا ، الكرد مو دين هيي قومية يعني ماني عربي بس خلقت هون وبيي خلق هون وجدي خلق هون .
كل ما فتحت تمي بحرف بتقلولي انفصالي كلب
يا عمي أنا مو انفصالي ، بس أنت بتعرف أنو دولتك ما عطتني هوية ؟ بتعرف شو يعني نصنا ما معو هويات
يعني نحنا مافي شي بالكون بيثبت وجودنا
يعني لا بحقلنا ندرس ولا نتعلم ولا نروح مشفى ولا أي شي
طيب بتعرف مثلاً أنو كنت اتزوج ويجيني ولد
روح اضطر سجلو بأسم خيي بدل أسمي لأنو دولة معترفه بخيي أو مواطن بس أنا لا .
طيب بتعرف أنو داعش هجمت على عين العرب
يلي هيي اسما الحقيقة كوباني بس دولة عربتها بصرماية
وما أجا الجيش دافع عنا ولا حدا دافع عنا ولا حدا عطانا سلاح ندافع عن حالنا غير أميركا فأخدناه
حط حالك مكاني إذا بيجي الشيطان وبيعطيك سلاح رح تاخدو لتدافع عن أهلك .
كل ما بحكي كلمة انفصالي
كل ما طالب بحق انفصالي
شو أعمل طيب ؟ بموت لترتاحو وتتأكدو أني مو انفصالي؟
طيب إذا رح تضلو هيك أنا عنجد رح صير انفصالي
ورح انفصل عنكم كونكم هيك هيك مو معترفين فيي ك إنسان حقو بهالبلد متل حقكم .
بس ليش لنتخبى ورا صبعنا ونغطي الشمس بغربال ؟
٢% من السنة عنجد كانو ارهاب بس مو كل السنة ارهاب
٢% من العلويين كانوا شبيحة بس مو كل العلويين شبيحة
٢% من الأكراد انفصاليين بس مو كل الأكراد انفصاليين .
وهدول كلن ما بمثلونا
شو واجبنا اليوم
واجبنا ك سنة كل حدا عندو فكر متطرف نحنا نوقف ضدو
واجبنا ك علوية كل شبيح نحنا نسلمو
واجبنا ك أكراد كل ما حدا بيحكى بالانفصالية نقص لسانو
واجبنا نحب بعض ونتفهم مخاوف بعض ونحاول نزيل هي المخاوف بدل ما نزاود على بعض .
واجبنا ك شعب نكون أيد وحدة ضد أي دولة بتجي وقد ماكانت منيحة مارح نصفقلن ولا رح نهتفلن ورح نضل نحسسن أنهم مقصرين ومجرد موظفين عنا .
إذا جربوا يضطهدو أي حدا فينا لازم نقوم كلنا
لأن جربوا يلغو حقوق أي حدا رح نقوم كلنا
نحنا معركتنا مو لازم تكون بين بعض
لازم تكون مع بعض ومع القانون لأخر يوم بعمرنا
وهاد كلشي بتمناه ..
البلد عندا فرصة ذهبية لتصير بلد
الشعب عندو فرصة ذهبية ليصير شعب
رجاء تحلّوا بالوعي
كلنا عنا مهمة اليوم تجاه بلدنا
الشعب عندو فرصة ذهبية ليصير شعب
رجاء تحلّوا بالوعي
كلنا عنا مهمة اليوم تجاه بلدنا
والله بأيدنا فينا ناخدا للمزيد من النار والدمار وبأيدنا فينا نعملا دولة
هي الفرصة ببناء وطن مارح تنعاد
هي الفرصة ببناء وطن مارح تنعاد
بدولة الحرية الموعودة
بدولة العدل القادم الموعود
رجل سوري أيا كان بيهين وبيضرب أب كمان سوري أيا كان
وعلى عين ومرأى الكل
ولا حسيب ولا رقيب
يلي بدو يقلي جملة على أيام بشار يبلعا
لأنو إذا معتبر بشار قدوة روح انطم
بدولة العدل القادم الموعود
رجل سوري أيا كان بيهين وبيضرب أب كمان سوري أيا كان
وعلى عين ومرأى الكل
ولا حسيب ولا رقيب
يلي بدو يقلي جملة على أيام بشار يبلعا
لأنو إذا معتبر بشار قدوة روح انطم
كل واحد عامل دولة لحالو وعم يحاسب
مانكن فهمانين أنو في دولة وأنت بتصرفاتك حتى لو حاسب حالك عالمحررين فأنت خارج عنها
شبنا ؟ تناسوا خلفيات البشر أنتو سوريين قبل أي شي كل عمرنا عايشين مع بعض
تعاملوا مع الناس حسب ما بتشوفو منن
الناس صايرة بتمشي بالشارع خايفة من بعضا
خايفة يطلعلا واحد مشلح
خايفة يطلعلا واحد يقلا شو طائفتا
خايفة يطلعلا واحد يهينا بلا محاسبة
خايفة تجيا رصاصة هيك من غامض علمه
الله يسامحنا إذا منخسر هالبلد ومنوديها لحرب جديدة
مانكن فهمانين أنو في دولة وأنت بتصرفاتك حتى لو حاسب حالك عالمحررين فأنت خارج عنها
شبنا ؟ تناسوا خلفيات البشر أنتو سوريين قبل أي شي كل عمرنا عايشين مع بعض
تعاملوا مع الناس حسب ما بتشوفو منن
الناس صايرة بتمشي بالشارع خايفة من بعضا
خايفة يطلعلا واحد مشلح
خايفة يطلعلا واحد يقلا شو طائفتا
خايفة يطلعلا واحد يهينا بلا محاسبة
خايفة تجيا رصاصة هيك من غامض علمه
الله يسامحنا إذا منخسر هالبلد ومنوديها لحرب جديدة
Media is too big
VIEW IN TELEGRAM
بدي أختم هي السنة بهاد الفيديو
بدي اختموا بكلام هدول الناس
الناس يلي ضاع عمرا وشبابا تحت البارود
الناس يلي مستاهلة ترتاح من ريحتو
ترجع تستقر
تكوّن عيلة
تعيش .. تعيش وتضحك بعد ما تعبت من الموت والبكي
بتمنى السلام لهالبلد
بتمنى أحلامنا تتحقق فيا
بتمنى تكون هالبلاد أم عنجد لمرّة
بتمنى عنجد هالبلاد تكون لبست الأخضر نوّت تتعمر وكبّت وراها الدم ولون الدم
لأنو والله بتستاهل
والله منستاهل
وأي .. حرام نكون إلّا سوا
السلام لقلوبكم جميعا
القلوب المكلومة الحزينة الفاقدة المتأملة اليائسة الخايفة المرتاحة المتفائلة
والاحتواء والاستيعاب والتعاطف والتفهم يغمر قلوبنا ويساعدونا نتجاوز هالمرحلة 💚🤍
بدي اختموا بكلام هدول الناس
الناس يلي ضاع عمرا وشبابا تحت البارود
الناس يلي مستاهلة ترتاح من ريحتو
ترجع تستقر
تكوّن عيلة
تعيش .. تعيش وتضحك بعد ما تعبت من الموت والبكي
بتمنى السلام لهالبلد
بتمنى أحلامنا تتحقق فيا
بتمنى تكون هالبلاد أم عنجد لمرّة
بتمنى عنجد هالبلاد تكون لبست الأخضر نوّت تتعمر وكبّت وراها الدم ولون الدم
لأنو والله بتستاهل
والله منستاهل
وأي .. حرام نكون إلّا سوا
السلام لقلوبكم جميعا
القلوب المكلومة الحزينة الفاقدة المتأملة اليائسة الخايفة المرتاحة المتفائلة
والاحتواء والاستيعاب والتعاطف والتفهم يغمر قلوبنا ويساعدونا نتجاوز هالمرحلة 💚🤍