بين منو المتمسك ..
وبين منو المتخلي ،
من آنت اسآس المشكله
ونآيم لگيتك قبلي !!
حبيتك وكلهآ درت :
( من الغريب لـ آهلي )
خلصت عمري بـ گلبي آحب
آمنيتي آحب بـ عقلي !!
فرگآك والحُب والسهر
والـ آخ والحنيه
مفضوح ( كلشي بـ وجهي )!!

#يونس_محسن

شلون عاشگ ؟ وانته بيدك
سلمت دفتر نشيدك للحرگ
بعد كل هذا لفراگ

شلون نگدر نقره كاغد محترگ
شلون تگدر تطلع من الخيمه
وتسولف صدگ ؟!
شلون راح تسولفنه ؟
وانته صوره بلا عيون
بلا چفوف بلا حلگ !

#القصاب

ظِلها لو جاسه البرد
كِلي أشتعل
ولَوَن غثّتها الشمس
صرتلها ظل
چنا من نتزاعل بليلة غرام
ربع ساعة ونرجع أحسن من قبل
بالخيال شگد نعّرس بالخيال
وعدنا بيت مأثث وطفلة وطفل ♥️

لگيناكم
سفر نجمه
تطيح اشما جفن يعثر

وحچيناكم
سوالف ماي
حسبنه گلوبكم عنبر

يل موش اعلى گدكم ليش
گدرتو الشمس بالگاع خاف افيايكم يزغر

ترى الدنيه عطش ليله
وشراع الما تضوگه الريح ما يكبر..



كاظم علي الركابي

ما شَفت شگَد چان طبعك بارَد ؟
مِن چَنت أجيلك مَحترَگ
و ألگاك حَيل تعاند !
مِن چان عَندك چَم مُحب
و ما عَندي غَيرك واحد
كُل ذَني مو صوچَك تَرى !
صوچ إهتَمامي الزايد .

‏لا تحبنـي
الدنيـا ماخلتلـي واهــس
وإرجـع اهـوى
الدنيا كسرتني
بـ شكو ابنـادم گلت بس هو يسوه
لا تحبنــي
الدنيا اخذت حيف
كل ضحكة عشتها ولحظه حلوه
لا تحبني
مو بعازة لچمة
تدري..؟
جـروحي متـهيــدات گوه
و (اني من اخر جرح عاهدت روحـي)
وگلت أقوه
شلون اذا حبيتك اقوه؟
.
#سمر_الخالصي