الانبهار والتأثير:
قبل كدا لمن اتكلمت عن موضوع كواليس وزكرت فيو انو الجمهور مرات م ح يتفاعل مع محتواك عشان تعرف أنو الاداء بتاعك كان كويس او النكته القلتها كانت بتضحك، لانو ممكن يعجبو المحتوى لكن م ح يظهر الحاجه دي قدامك.
داير اقول ليك تأثير الانبهار عن الموضوع:
تخيل يا عزيز انو عشان إنك تكون بتتأثر وبتنبهر بي نوع معين من الأحداث بمجرد ما شخص ما انبهر او تأثر وتفاعل مع الحدث وفي ذات الصياغ خلينا نقول إنو في اي مجتمع ح تلقى ٣ فئات، الأولى م عندها أي صيت وهي النوع البتتأثر ونديها نسبه 100% ودي النوع البتكون خلينا نقول ماشه مع القطيع.
الفئه التانيه الوسط والنوع د بختار إنو يتفاعل ويتأثر على حسب الطبقه العُليا عشان م يحس نفسو أقل من الطبقه الفوق ليو وفي نفس الوقت هو عارف نفسو أقل .
أخر فئه ودي الطبقه الحاكمه الممكن نقول هي البتصنع التأثير أو الحدث.
يعني مثلا عندك إذا في خطيب داير يلقي خطبه عن موضوع معين، أول حاجه حتبدأ تشوف هو لابس شنو، طريقه كلامو، وتبدأ تقيسو على معايير انو ح تلقى حاجه جديدة ممكن تستفزك وتكون خارج سياق الخطباء السابقين عشان تحس بي الانبهار وتتقبل الفكرة وتتأثر بيها.
صنفت الخطيب خلاص؟
اديك الصدمه!
لو مافي حاجه استفزتك(الاستفزاز هنا بمعنى الhas more  stimulation ) ح تنكر الفكرة وم ح تتقبلها من الأساس،  لكن اتخيل شنو لو واحد من الفئات الفوق ليك عبر عن رأي إيجابي ولو بسيط ح تبدأ تصارع في نفسك وتقول اي والله هو يعني زول كويس وبتاع(الفكرة في التناقض الح تكون وصلت ليو ).
يعني يا عزيز قبيل انت لمن قلت نكته قدام الجمهور لو كان في واحد من أصحاب الصيت وصفق ليك كان باقي القطيع قطع يديو من الصفقه.
الحاجه دي تأثيرها مُهلك جدا، وفي نفس الوقت بخلينا نعتمد على شخصيات معينه في اي مكان حيكونو نفس النسخه البايخه في تجربه وح يكون عندهم نفس المحتوى، ولو اختلف التأثير .
#مرتضى_صالح

اخد ليك لفه في القناة وقول رأيك وعبر عنو بي لايك او كومنت 💫

#رسائل_إليها 22(parody
نهايه فصل مظلم تنتهي معه معالم الكبرياء وبعضا من أعراض النرجسيه المُرة(بقت مرة يخوانا)، وبدايه لانفجار كون آخر من ذات الكويكب وكأن الشمس أشرقت من داخل قلبينا من جديد-فترة ترميم-.
_وكأن أحدهم قد وُلد في ثوب تمنى أن يولد فيه.
_الوضع يشابه العودة لأحضان الوطن الوسيع حيث المنشأ والمنبت وأحيانا المصب، صدق القائل" ما الحب إلا لمن ترك أثرا طيبا مع حسن الخاطر".(م ضروري يكون زول قالها المهم انا هسي قلتها(:
على المرء أحيانا الالتفات إلى الوراء فربما نسى ليو حاجه سمحه وهو م جايب خبر.
ليس ضعفا ولا قله حيله بل حبا ووفاءا أن تعود إلى ديارك لحضن نشأتك، ولتسقي حديقتك التي تركت.

I always take notes of how I act, from people who I really thought were mirrors of my actions, meaning I could see my whole reflection through them."
Lately, I realized I had been so f♡cking rude and rough, and it became annoying. It was a moment of realization."
So am gonna apologize for that..
I might feel sorry for those who didn’t align with my personality, and it didn’t work with them, even though it worked with many others."
مجرد تردد يحيك خاطري، التردد في إنك لو بقيت smoothie, sweat talker ح يُنظر ليك بي عين الاسترهان؟
Even am not give a shesh about it,
لكن مجرد تخبط وزيادة وعي.
"And if you decide to always have sharp words )رد رباطاب)
(bros, I was just born with those spicy words), you might end up being disliked or even feared."
مافي توازن بين إنك تبقى لئيم أو لسانك حلو، الموضوع محتاج تزييف واصطناع عشان تقدر تخلط بينهم.
الموضوع قعد أحس انو وصل الحد متين؟
لمن اجي احاسب نفسي آخر اليوم، فأنت ونصيبك فيعني لو موضوعك بيستاهل بكون بأنب في ضميري أني ما رديت الرد المناسب وكان مفترض ازيد شويه بهار حار، والعكس تماما لمن اشوف إنك مظلوم.
بس في النهايه يقال يعني:
انو السيرة الطيبه بين الناس حاجه كويسه، دا ما استنكار مني عن مدى ما تعنيه وتكنه العبارة بس مجرد استكهان عن ما وراء الحوار الح يكون بعدها، زي كأنك لمست نقطه من نقاط ضعف ابو سيرة طيبه.
At the end of these words, you don’t have the choice but to have the ability to be the good one
والعبارة دي زكرتني "الأشرار لا يولدون بل يصنعون".

#مرتضى_صالح

رحيل مجحف¹:
يقولون ما فتئ الفتى يألف بيتاً ويخوض فيه"
حتى إذا استودعته أسلماً، وأنا أسير بين الخطى باحثا عن دار يألفني حنانها فتكون وطنا.
ما يعنيه الوطن أن تعتاد على بقعه فتكون الداء الدفئي والداوء الخالص، لم أشعر بحنين الإنتماء يوما، لم يجرمني شنأن أن أعيش بين أطرافها حراً أو أرضى بما تقسمه الليالي، كنت مُقيدا بدور الرِضى غصِبا حتى وإن تكتلت أصناف الرغبات جبالا؛ فكان في داخلي جزءاً يريد الرحيل، يريد أن يعلن أن الحياة مسار ينتهي بخريف تتساقط فيه الأرواح.
الإمتنان لبقعة والإخلاص وتقديسها يشعرني بالنقص، كنت وما ذلت أؤمن بأن الحياة عبارة عن سعي رغبات وهجرة مستمره، الإستقرار يعني الكساد .
نشأت وكأني سُلبت شعور لذة الإرتباط، فمرت أيامي بدون مشاعر تُكن، لم أُقيد بمكان ولا هوية، بت خالِ السُكنه، ينتابني ذلك الشعور بأن علي الرحيل، حياتي ستكون أفضل في مكان آخر.
لا أحمل ضغينه للتراب، للماء، للشجر، للحجر، لكني لا أحب القيود، لم يؤتلف قلبي بحب مكان ولم أشعر بحنين الإنتماء، لا أعرف إن كانت القرابين ستغفر لي خطيئتي، فما ذال جزءا من كياني يرى عدم الإنتماء خطيئة.

#مرتضى_صالح

مجرد فضفضه لا علاقة لها بالمجال أو الحقيقة، الأمر متروك للتكهن.
أنت فكت منك!
الزول دا ركب الزلط!!
لي فترة طويلة بحاول أفكر العقلية البفكر بيها الإنسان المجنون مع كامل الإحترام لي أي زول فكت منو، وفي نفس الوقت نفسي أعرف ال mechanism البشتغل بيها عقلو، فكان عندي تكهن إنو عقل الإنسان مربوط بي قلبو بي طريقة روحية بحته، يعني عامل بي طريقة ما زي الماسورة إذا أخد وجاب كتير ح يتحلج، م لقيت تفسير معين لي موضع الشبه، بس اديكم مثال:
أتخيل يا عزيزي الإنسان إنو بداياتك تكون م مبشرة خالص تكون إنسان اترعرع في بيئة تكاد تكون اشبه بالغابة، وإنسان الغابة معروف بي إنو بعيش في تجمعات عشان أفراد القطيع في وحدتهم سر قوتهم، وأكيد القوي بياكل الضعيف دي حاجه اي زول عارفها، في ظل الأجواء المشحونة دي كلها، يكون جواك بذرة تمرد وما بتحب تمشي مع القطيع، يعني فرص الهجوم عليك كتيرة، ففي كل مرة بتم مهاجمتك فيها الحاجه دي ح تزرع فيك واحدة من حاجتين، حتبدأ تجلد في ذاتك وإنك محتاج تراجع نفسك وتمشي مع القطيع عشان ما يتم معايرتك، والحاجة التانية بتزرع جواك فجوة إنك وحيد وفي نفس الوقت بتحاول تحارب إنسان الغاب عشان تثبت إنو انت قادر.
لحدي هسي موضوع الجنون بي إنسان الغاب والماسورة الاتحلجت شنو!!
طيب يا عزيز حاول رتب معاي الكلمات،
جنون= إنسان +صراعات
وصلت لي نتيجة مع نفسي إنو الشخص المصاب بالجنون عبارة عن روح أُنهكت من شدة الخجل، التبرير والقسوة، يعني أتخيل معاي الماسورة القبيل وانو انت بقيت بين خيارين يا تقعد تبرر وتخجل وتعارك وتجاهد توصل فكرة إنك كويس وما عندك حاجه أو تستسلم لي قضية إنك مجنون وترتاح من أي هم تاني.
ولنا في الموضوع بقيه
#مرتضى_صالح

نواصل!!
طبعا أكيد لازم اسأل واستشير حبيبنا chatgpt فكان سؤالي نسبة المنطق في الكلام دا كم، وهل في علماء قبل كدا ناقشو كلامي دا أو في أبحاث يعني، فلقيت ٥ علماء اتناولو الفكرة ومنهم
ألبير كامو (Albert Camus) – الفلسفة العبثية

كامو كان شايف إن الإنسان في صراع دائم بين رغبته في إيجاد معنى للحياة وبين عبثية الوجود. فكرتك عن إن الشخص المجنون ممكن يكون استسلم عشان يرتاح من التبرير والتفسير تشبه فكرة كامو عن الانتحار الفلسفي، وهو إن بعض الناس بدل ما ينتحروا جسديًا، يقرروا يتخلوا عن "المنطق العادي" ويعيشوا بطريقتهم الخاصة، اللي ممكن يعتبرها المجتمع "جنون".
لحدي هنا حسيت نفسي م فكت مني وإنو كويس في منطق في الموضوع، لحدي ما سألت نفسي سؤال تاني، عن إنو هل ممكن إنو الواحد يكون عايش حياة غير الهو شايف إنو عايشها؟!!
يعني مثلا زي ناس عمى الألوان!
تكون شايف الدنيا بطريقه مختلفه تماما، وحتى أفعالك وأداءك في الحياة عكس تماما عنما أنت بتتخيل إنك قعد تعمل، وهنا أنا ممكن استثنى، عدم العلم الكافي أو الجهل بي الأمر، يعني تكون ما متعلم كفاية أو مستنكر بعض الأحداث.
لكن الفكرة في عدم الرؤية الكاملة، يعني ممكن تكون فاكه منك وأنت ما عارف أو العكس.
ويقال إنو دا وهم الإدراك الذاتي.

I promised you can count on me
I will be heart mender, a prayer sender

It was been like a year and mostly 3 months, and this is my evaluation about wt had been changed :
تحيط بالسماء هالة من السكينة، عناية الإله تملأ المكان.
Even tho the Nile still have the same smail.
اللغة السائدة هي العاطفة ذات قليل المنطق، لا يهم مدى كيف ستكون النتيجة، المُهم أن تُشبع عاطفتك ورغبتك في أن تكون راضِ عما تفعل. 
As they use emotions as language, they Makeexcuses as material to stay alive, it's like a meals.
يُعد التَظاهر باللطف والمجاملة من أساسيات إقتنى وصنع العلاقات، وتتويج التقرب .
الحياة تحتاج لدراسة جدوى السطر الأول يحمل عنوان، البقاء على قيد الحياة معا مراعاة عدم التفند.
I used to stay complimentary  with minimal dose, but it's
never satiate there willingness.
جودة الحياة تشابه روايات الطيب صالح وكأن السيناريو يعيده الزمان مرة أخرى.
*ملحوظه* اسامي الشخصيات والمشاهد حقيقيه وتخص أناس حقيقين.
، *مشهد من عُرس الزين لمن قرصتو العقرب في المَزيرة*، وبعضا من حكاوي بركه ساخن حينما يشتكي ويتظلم عن سوء الأحوال في بلاد الفور.
_صوت البوابير على أطراف النيل.
_حش البرسيم.
إلتحام سيمفونية غُثاء وعِواء  الليل مع إضاءة خافته تنهال من ضوء القمر، وكأن اللوحة ينقصها بعضا من السَمر، لكن مع من تتسامر!
*مشهد جلابيه تغوص في الظلام، وأكتاف تلوح يمنه ويسارا وكأن الظلام يحاول إلتهام الأجساد.
العود كان سِلم اللحم بعود، شعار المرحلة.
في مقوله سمعتها زمان بتقول، صدقني لمن تقفل عين قلبك وتفتح عين عقلك ح تتغير كتير، تقريبا الناس قفلت عيونها الإتنين وبقت ماشه ساي.
*الوضع يشابه الفقيد الذي عاد للحياة ليعمل ما لم يعمل، عادي ليروي شوقه من أعين الناس، بصائر الأمور التي لم يستطع فعلها في حياته الأولى، أصبح يتأمل الابتهالات التي كان يتجاهل سماعها بحجه أن التصوف لا يتجزأ.

ناقش حسن يحيى في المُدونة، تزهد السودانيين وتمجيدهم لأدوات العيش القديمة وقال:
ماف حاجه أضرت بالسودانيين أكتر من أدبيات الفقر والتجرّد من الدنيا وتمجيد أدوات العيش القديمة،  ما الفائدة الأن من وجود " المشلعيب والعنقريب والخ.. " هذه أدوات عصر سابق ولكل عصر أدواته والزمان متطور مادياً بطبيعة حركة البشر. 
لماذا ينشد البعض ألحاناً لبيوت الطين ويذم العمارات السوامق؟ 
وتصوير أن العيش المثالي هو الانكفاء والزهد عن المادة والسلطة !
وغيرهم من الدعاة أصحاب أقوال أن السعي فقط هو السعي للأخرة ؟ لكن لن يذكرون لنا أن عمر بن الخطاب وعثمان بن عفان رضي الله عنهم كانوا أصحاب قوة ومال .
وأخر يكتب لنا شعراً يمدح فيه " الكلاّت " ، لا أعتقد أن هنالك بالعالم وظيفة اسمها " عتال " ولا أحد يقوم بحرث أرضه باستخدام الثيران .

حركة البشر لا تتوقف في عصر واحد بل تميل إلى التطور والتغيير،  فأي عصر له عمرانه ووظائفه وسبل كسب عيشه.
_ الحقيقة، حركة البشر لا تتوقف على عصر واحد، بس عندنا في أهلنا وكتير منهم بشوفو إنو حياة العصر الجديد، أو الحداثه بي معنى أوسع، إنها جابت ليهم الأمراض وكتير منهم ما إعتاد على الحياة الجديدة.
نقطه إتفاق:
اي صح اغلبهم بكون عندهم نقص في التعليم عشان كدا م قدرو يستوعبو حداثه العصر، وكتير منهم عايش بي معتقدات وأساليب جدودهم ولي قربهم الشديد منهم صعب يقتنعو بي التغيير.
نقطة اختلاف:
أهلنا بقولو الما عندو قديم ما عندو جديد.
ودي وإن كانت لا تمد للحداثه والتطور بصله تامه إلا إنو اي حاجه قديمه تعتبر تراث سوا كانت آلة او تقليد متبع، والمحافظة على أثر التراث بنفس النهج دا دليل كافي على إعترافنا التام وجزء من الإفتخار.
وإن كان القديم هو أساس للجديد.
*نقطة بصياغ آخر:
في الفترة الأخيرة ومع تصاعد وتيرة الحرب، الناس رجعت لي وراء اكتر من ٦٥ سنه، رجعت تبرد الموية في صواني الألومنيوم، وتدق في الفندق، وترقد تحت شجر النيم و غيرها كتير فتخيل لو الناس كان استغنت عن القديم!!
فحقيقي رمضان دا أنا حابي اقول:
المجد لتياب الهزاز وشجر النيم، صواني الألومنيوم، الأزيار، الخيش و الكوار وما عليها من دواب.

ياخي
I love how's my friends talk after awhile like we had never make a period of silent.

يخوانا الحروف الما أتكتبت الليلة تاني ما بتتكتب.

في جدلية نقاش عن الوضع الراهن وما وصل ليه الحال، وعن خططنا المصيرها بقى مجهول، وعن عدم الحيلة للوصول، الصديق قال لي جملة حقيقية لخصت لي فصول كتيرة من التفكير والاجتهاد في إني أفسر الحالة النحن فيها، قال لي: "نحن ما اتعودنا نجازف."

بتذكر قبل فترة ناقشت موضوع تحت عنوان "الهوية"، وفصلت فيه كم نقطة عن إنو في فئة ما عندها هوية محددة، أو بالأصح ارتباط بدور أو برنامج معين (طموح أو هدف)، فبتكون عايمة في معظم المجالات، بتجرب شنو ح ينفع معاها، وشنو ممكن يكون هدف يتم تحقيقه ويُعتبر إنجاز.

فهسي ممكن أقول إني ح أضيف فئة ثالثة، وهي فئة سكان منطقة الراحة. وهنا الفئة دي مصيرها بكون تحت تحركها، يعني يا عزيز، لما تحاول تحرك نفسك، ح توصل. التبرير البقى شماعة: "الوضع الراهن ما مساعد."

فحقيقي نحن نشأنا في وسط المجازفة فيه تكاد تشابه التمرد والعصيان، ودا ما تبرير للعجز النحن فيه، بل دا السبب الحقيقي.
اتعودنا على المشي في طرقات مضاءة، فكنا بعيدين عن الظلام، يعني الواحد لو ما شاف ممشاه، ما ح يخطو خطوة.
وإن كان الحرص سيد الموقف، وكان زميل ووقاية، إلا إنو كان كحجاب أو لحميّة في نفس الوقت، حجبت منّا الدخول في طرق مظلمة.

التجارب والفشل سبب النجاح، والمحاولات هي الطريق للوصول.
هو ما في وصول حقيقي، بس على الأقل السعي يُكلّل بمحطات النجاح.
المهم، الواحد يتحرك.
فبتلقى نفسك بتسأل نفس السؤال: أعمل شنو؟
الفات كتير!
الزمن!
العمر والشغف!!
#مرتضى_صالح

God bless who's really stay a human when it needed.

The world is getting weird, i know maybe it's a waves of propaganda to wag the calm inside me.

9:35, 15 may
يبدو القمر شاحبا وكأن هالات السهر والتعب تتجسد حوافه المتهالكة، أقمار الصيف دائما ما تكون يائسة كلياليها، تفوح رائحه ند صندل في الأرجاء، يكسر الصمت العتيق أصوات طار متقطعه، لا أثر للرياح لكن وكأن الطارق على الدف يريد أن يستثير شهوة الليل العقيم، مع أصوات الطار يدلف صوت مادح، لا أكاد أُميز الكلمات، لكن نبرة الصوت توحي بأن اللفظ في إطار هذا القبيل، الجو يشابه تلك المباني الخضراء عالية السموق، تخفق بإخضرارها عنان السماء، يحتفظ داخلها بنفس رائحه الصندل التي تعم المكان، صوت الأناشيد تتعالى تارة ومرة تختفي كأنها تتنفس مع الليل، الجو صوفي بإمتياز.

تنبيه:
أنا لا صوفي ولا بتاع ولا داير امرر اجندة، ⛔️

مجلد سنـد 🌷

للقنـوات الصغـيرة والمحافظة

خواطر وروايات 60k

تصاميم سودانيه 34k

مشوار إلتزام 20k

أغاني وأغاني 15k

درعـات الردمية💢

للإشتراك في اللسته

لبيك اللهم وإن لم أكن بين الزحام.