پرسیار // ئایا جن دەچێتە ناو لاشەی مرۆڤ ؟


وەلام // بەلێ جن دەچێتە ناو لاشەی مرۆڤ ، بە بەلگەی قورئان و سونەت و یەک دەنگی زانایانی ئەهلی سونە ، کەس پێچەوانەی ئەم یەک دەنگییەی نەکردووە ئیلا معتزلە نەبن .

عەبدولای کوڕی ئەحمەد دەلێت بە باوکم وت : خەلکانێک دەلێن جن ناچێتە ناو لاشەی مرۆڤ یان شێت ، فەرمووی : ئەی کوڕەکەم دڕۆ دەکەن .....

ابن تیمییە ڕەحەتی خوای لێ بێت دەلێت : (( جن چوونە ناو لاشەی مرۆڤ چەسپاوە بە بە یەک دەنگی هەموو زانایانی ئەهلی سونە ، .....)) مجموعە فتاوی ج۲٤ ڵاپەڕە ۲۷٤

بەلگە کە جن دەچێتە ناو لاشەی مرۆڤ :

(۱) خوای گەورە دەفەرمووێت : (( الذین یٲكلون الربا لایقومون ٳلا كما یقوم الذی یتخبطه الشیطان من المس )) [ البقرة : ٢٧٥ ] .

واتە : ئەوانەی ڕیبا دەخۆن زیندوو ناکرێنەوە ئیلا وەک ئەوانە نەبێت کە شەیتان دەستی لێ وەشاندبێت .

هەموو ڕاڤەکارانی قورئان یەک دەنگن کە (( یتخبطه الشیطان من المس )) شەیتان دەستی لێ وەشاندووە ، بەلام ئەو جیاوازییەی هەبێت لە نێوان زانایان سەبارەت بە (( لایقومون )) دوو وتە هەیە سەبارەت بە قیام هەستانەوە :

(ٲ) زۆربەی زانا دەلێن هەلناستنەوە لە گۆڕەکانیان ڕۆژی قیامەت ئیلا وەک کەسێک نەبێت شێت بێت کە شەیتان دەستی لێ وەشاندبێت .

(ب) هەندێک زانا دەلێن هەلناستن بۆ ڕیبا خواردن کاتێک ڕیبا دەکەن ئیلا وەک شێت نەبن کە شەیتان دەستی لێ وەشاندبێت .

(۲) فەرموودەی صفیة بن حیی دەلێت ، پێغەمبەر سەلامی خوای لێ بێت دەفەرمووێت : (( ٳن الشیطان من ابن ادم مجری الدم .... )) رواە البخاری ، مسلم ، واتە : شەیتان بەناو دەماری نەوەی ئادەم دا دەڕوات ....

(۳) مناڵێکی شێتیان هێنایە لای پێغەمبەرسەلامی خوای لێ بێت دەیگوت : (( اخرج یا عدو اللە ، اخرج یا عدو اللە )) ، وفی لفظ : (( اخرج یا عدو اللە ، ٲنا رسول اللە )) فبرٲ الصبی . رواە احمد ، و البیهقی ، واته : دەربچۆ ئەی دوژمنی خوا ، دەربچۆ ئەی دوژمنی خوا ، روایە هاتووە دەلێت : دەبچۆ ئەی دوژمنی خوا ، من پێغەمبەری خوام ، مناڵەکە چاک بووەوە .

وە چەندین بەلگەی تری ڕوون و ئاشکرا ھاتوون .