🇰🇿Қасым-Жомарт Тоқаев:

«Басты мақсат – халықтың экологиялық мәдениетін одан әрі арттыру»

Президенттің Ауыл шаруашылығы еңбеккерлерінің бірінші форумында сөйлеген сөзінен

@ptrkkz

🇰🇿🇷🇸Сербия сарайының алдындағы алаңда Қасым-Жомарт Тоқаевты ресми қарсы алу рәсімі өтті

Президенттің келуіне орай Құрмет қарауылы сап түзеді. Құрмет қарауылының бастығы рапорт бергеннен кейін екі елдің әнұрандары шырқалды, сондай-ақ он рет зеңбіректен оқ атылды.

@ptrkkz

🇰🇿🇷🇸 Қасым-Жомарт Тоқаев Александр Вучичпен шағын құрамда келіссөз жүргізді

▫️Мемлекет басшысы Қазақстан Президенті ретіндегі Сербияға алғашқы сапарының мәні ерекше екенін айтты.

▫️Сондай-ақ соңғы жылдары Астана мен Белград экономикалық ықпалдастықты нығайту үшін нақты шаралар қабылдап, сауда және инвестициялық байланыстарды белсенді дамытып келе жатқанын атап өтті.

▫️Орайлы сәтті пайдалана отырып, Қасым-Жомарт Тоқаев көктемгі су тасқыны кезінде көмек көрсеткені үшін Александр Вучич пен Сербия халқына алғыс айтты.

@ptrkkz

🇰🇿🇷🇸Одан кейін кеңейтілген құрамда келіссөз жүргізілді

🤝Кездесу барысында мемлекеттер басшылары сауда-экономикалық және инвестициялық ықпалдастықты тереңдету мәселелеріне баса мән берді. Президенттер екі ел арасындағы тауар айналымы өсімін жоғары бағалады. Осы орайда қазіргі әлемдегі геосаяси және экономикалық жағдай ынтымақтастықты жандандыра түсуді қажет ететінін атап өтті.

@ptrkkz

🇰🇿🇷🇸Қасым-Жомарт Тоқаев Александр Вучичті келесі жылы Қазақстанға ресми сапармен келуге шақырды

⚛Екі ел басшылары БАҚ өкілдері үшін брифинг өткізді. Брифингте біздің Президенттің сөйлеген сөзінен:

– Сербия – Қазақстанның Балқан түбегіндегі ниеттес әрі тілеулес сенімді серіктесі

– Біз инвестиция, өнеркәсіп, тау-кен, ауыл шаруашылығы, денсаулық сақтау салаларына баса мән беріп отырмыз. Инновация және жаңа технология бағытына ерекше назар аудардық. Өзара алыс-берістің көлемін арттыру үшін құзырлы органдарға нақты шаралар қабылдау жөнінде тапсырма береміз

– Қазақстан Сербияға өнеркәсіп, азық-түлік өнімдерін және басқа да тауарларды экспорттауға дайын. Сербияның да қазақ еліне шығаратын өнімдері аз емес

– Сербия – ауыл шаруашылығы саласында мол тәжірибесі бар ел. Осыны ескеріп, өзара тиімді қарым-қатынасты дамытуға уағдаластық

– Біз ауыл шаруашылығы саласындағы оқу орындары, ғылыми-зерттеу мекемелері арасында серіктестік орнатудың маңызды екенін атап өттік

⚛Сондай-ақ Президент Сербияны 2027 жылы ЭКСПО көрмесін өткізу құқығын жеңіп алуымен құттықтады:

– Бұл, ең алдымен, Сербияның және оның басшысы – Президент Александр Вучичтің халықаралық беделінің жоғары екенін айғақтайды. Ауқымды іс-шара «Адамзат игілігі үшін: баршаға арналған спорт пен музыка» тақырыбында өтеді.

▫️Брифинг соңында Сербия Президенті Астанаға сапарын асыға күтетінін және Мемлекет басшысын Белградта тағы да қарсы алуға дайын екенін жеткізді.

@ptrkkz

☑ Сербиямен достыққа және түсіністікке негізделген серіктестігімізді жоғары бағалаймыз – Мемлекет басшысы Сербия Премьер-министрімен кездесті

▫️Әңгімелесу барысында Мемлекет басшысы Қазақстан мен Сербия үкіметтерін қол жеткізген уағдаластықтарды сапалы жүзеге асыру үшін бірлесе әрекет етуге шақырды.

@ptrkkz

🪖Президент Сербияның қорғаныс өнеркәсібі өнімдерінің көрмесіне барды

⚡️Көрмеде құрлық әскерінің жауынгерлік техникаларының, сербиялық қару-жарақпен жабдықталған тікұшақтардың, әуе қорғанысы жүйелерінің, атыс қаруларының, артиллериялық және басқа да оқ-дәрілердің, миналар мен минометтердің үлгілері ұсынылған.

Сербияның осы бағыттағы мол тәжірибесі Қазақстанның қорғаныс әлеуетін нығайтуға ықпал ете алады.

@ptrkkz

Президент Мажарстанға мемлекеттік сапармен келді

🇰🇿🤝🇭🇺Будапешт әуежайында Қасым-Жомарт Тоқаевты Премьер-министр Виктор Орбан қарсы алды.

@ptrkkz

🇰🇿Президент:

«Сербия – Қазақстанның Балқан түбегіндегі ниеттес әрі тілеулес сенімді серіктесі»

Қасым-Жомарт Тоқаевтың Александр Вучичпен БАҚ өкілдері үшін өткізген брифингте сөйлеген сөзінен.

@ptrkkz

🇰🇿Президент:

«Қазақстан Сербияға өнеркәсіп, азық-түлік өнімдерін және басқа да тауарларды экспорттауға дайын»

Қасым-Жомарт Тоқаевтың Александр Вучичпен БАҚ өкілдері үшін өткізген брифингте сөйлеген сөзінен.

@ptrkkz

🇰🇿Президент:

«Сербия – ауыл шаруашылығы саласында мол тәжірибесі бар ел. Осыны ескеріп, өзара тиімді қарым-қатынасты дамытуға уағдаластық

Қасым-Жомарт Тоқаевтың Александр Вучичпен БАҚ өкілдері үшін өткізген брифингте сөйлеген сөзінен.

@ptrkkz

🇰🇿🇭🇺Біздің Президентті ресми қарсы алу рәсімі өтті

⚛Мажарстанға мемлекеттік сапармен келген Қасым-Жомарт Тоқаевты Будапешт қаласындағы Король сарайының Арыстандар алаңында әскери оркестрдің сүйемелдеуімен Мажарстан Премьер-министрі Виктор Орбан қарсы алды.

@ptrkkz

🇰🇿🇭🇺Мемлекет басшысы Мажарстан Президентімен кездесу үшін Шандор сарайына келді

📝Қасым-Жомарт Тоқаев Тамаш Шуйокпен бірге суретке түсіп, Құрметті қонақтар кітабына естелік жазба қалдырды.

@ptrkkz

⚛«Менің осы сапарым көпқырлы ықпалдастықты одан әрі тереңдетуге Қазақстан мен Мажарстанның ниетті екенін көрсетеді» – Қазақстан Президенті Тамаш Шуйокпен кездесті

▫️Түскі ас форматында өткен кездесу барысында президенттер екіжақты ынтымақтастықтың кең ауқымды бағыттарын талқылады.

▫️Президент сауда-экономикалық және инвестициялық ынтымақтастық аясын кеңейтудің маңызына айрықша тоқталды. Оның айтуынша, энергетика, көлік-логистика, металлургия, жаңартылатын энергия көздері, ауыл шаруашылығы, фармацевтика, тамақ өнеркәсібі және басқа да салаларды дамыту мәселесінде екі елдің мүдделері сай келеді.

@ptrkkz