بو گئجه ایسته ییرم دونیایا نیسگیل گتیرم
گؤیدن عیسی کیمی عشقینده بیراینجیل گتیرم
سن اول عاقلیماازل گونکو یئرین اَن گؤزلی
منده قابیلدن ایراق سئوگینه هابیل گتیرم
اینجاریم اولمادی لال سئوگیمی دیللندیره رک
اوره ییندن سؤزونو سؤیله مه یه دیل گتیرم
سنی تانری منه گؤستردی دئدی قابیلی یوخ!
من اوتاندیم کی سنی سئوگیمه قابیل گتیرم
قورخما من اؤلمه ییرم،بیر نئچه گونلوک گئدیرم
سنه جنّت چیچه یی،بوللو قرنفیل گتیرم
سن گئدنده دئدین اوچ گون چکه،چکمز گلیرم
گونون آی اولدو دئدیم آیلارینا ایل گتیرم
منه یوخ سؤیله مه آغلاتما منی من دَلی یم
ائله ایش گؤرمه گؤزومدن سنه بیر نیل گتیرم
چالدین اوخ گؤزلر ایله ماهنیما یایلانمالاری
سازینین تئللرینه بم وورالی زیل گتیرم
سنه گوللوک نه یئتر دونیانی گول له بَزه رم
قاپینا سانما کی بیر باغچا یا زنبیل گتیرم
اسَر-اسمز رحیمی چن بورودو داغ سایاغی
"سازاق"ین آهلارینا ساز دولو نیسگیل گتیرم
#سازاق
@qanadli_duyqular
گؤیدن عیسی کیمی عشقینده بیراینجیل گتیرم
سن اول عاقلیماازل گونکو یئرین اَن گؤزلی
منده قابیلدن ایراق سئوگینه هابیل گتیرم
اینجاریم اولمادی لال سئوگیمی دیللندیره رک
اوره ییندن سؤزونو سؤیله مه یه دیل گتیرم
سنی تانری منه گؤستردی دئدی قابیلی یوخ!
من اوتاندیم کی سنی سئوگیمه قابیل گتیرم
قورخما من اؤلمه ییرم،بیر نئچه گونلوک گئدیرم
سنه جنّت چیچه یی،بوللو قرنفیل گتیرم
سن گئدنده دئدین اوچ گون چکه،چکمز گلیرم
گونون آی اولدو دئدیم آیلارینا ایل گتیرم
منه یوخ سؤیله مه آغلاتما منی من دَلی یم
ائله ایش گؤرمه گؤزومدن سنه بیر نیل گتیرم
چالدین اوخ گؤزلر ایله ماهنیما یایلانمالاری
سازینین تئللرینه بم وورالی زیل گتیرم
سنه گوللوک نه یئتر دونیانی گول له بَزه رم
قاپینا سانما کی بیر باغچا یا زنبیل گتیرم
اسَر-اسمز رحیمی چن بورودو داغ سایاغی
"سازاق"ین آهلارینا ساز دولو نیسگیل گتیرم
#سازاق
@qanadli_duyqular
اینتیحار
تئلئویزیا، گلن عصرین، روبوط عصری اولاجاغیندان دانیشیردی. سرمایه‌دارلار و فئرما صاحیب‌لری سئوینیرکن "نه اولاجاق گله‌جه‌ییمیز؟!" -دئیه دوشوندو او.
کئچمیشینی و بو گونونو اودوزموش ایشچی قادین، یالنیز گله‌جه‌یه اومود باغلامیشدی!
#ووقار_نعمت
@qanadli_duyqular
تئلئویزیا، گلن عصرین، روبوط عصری اولاجاغیندان دانیشیردی. سرمایه‌دارلار و فئرما صاحیب‌لری سئوینیرکن "نه اولاجاق گله‌جه‌ییمیز؟!" -دئیه دوشوندو او.
کئچمیشینی و بو گونونو اودوزموش ایشچی قادین، یالنیز گله‌جه‌یه اومود باغلامیشدی!
#ووقار_نعمت
@qanadli_duyqular
سنی کاغاذ-کاغاذ قارالاییرام
سنی شعرلریمده یاراتمیشام من
ایکیمیز بیر ائوده یاشاماساق دا،
سنی هیجا-هیجا یاشاتمیشام من...
#سعید_موغانلی
@qanadli_duyqular
سنی شعرلریمده یاراتمیشام من
ایکیمیز بیر ائوده یاشاماساق دا،
سنی هیجا-هیجا یاشاتمیشام من...
#سعید_موغانلی
@qanadli_duyqular
سئوگیلیم من اؤلنده.
بیر کونجده خیسین_خیسین
آغلایاجاقسا‌ن‌می سن؟
کیمین خاراباسیندا
بیر داملا یاشا دؤنوب
دوشه‌جه‌یم گؤزوندن؟
آغلا قوربانیم آغلا،
آغلا حئیرانیم آغلا،
ائوده قوناقلار اولسا،
چیخیب ائشیکده آغلا.
گؤزل،گئجه دوشنده،
یورغان_دؤشکده آغلا
قولاق آسما عالمین
سؤزونه بیرجه کره.
دئ واقیف اؤلمه‌لی‌یدی،
گل اؤلدو ناحاق یئره...
#واقیف_صمداوغلو
@qanadli_duyqular
بیر کونجده خیسین_خیسین
آغلایاجاقسا‌ن‌می سن؟
کیمین خاراباسیندا
بیر داملا یاشا دؤنوب
دوشه‌جه‌یم گؤزوندن؟
آغلا قوربانیم آغلا،
آغلا حئیرانیم آغلا،
ائوده قوناقلار اولسا،
چیخیب ائشیکده آغلا.
گؤزل،گئجه دوشنده،
یورغان_دؤشکده آغلا
قولاق آسما عالمین
سؤزونه بیرجه کره.
دئ واقیف اؤلمه‌لی‌یدی،
گل اؤلدو ناحاق یئره...
#واقیف_صمداوغلو
@qanadli_duyqular
ایتیرمیشم اؤز یاپیمی
منی منه قایتار، آللاه!
تاپانمیرام اؤز قاپیمی
منی منه قایتار، آللاه!
قانادلاریم قولا دؤندو
لَلَکلریم قیلا دؤندو
آیاقلاریم سولا دؤندو
منی منه قایتار، آللاه!
قویما شیطانا أییلم
قورخورام یانیب یئییلم
من بو دونیادان دییلم
منی منه قایتار، آللاه!
#سئور_شهابی
@qanadli_duyqular
منی منه قایتار، آللاه!
تاپانمیرام اؤز قاپیمی
منی منه قایتار، آللاه!
قانادلاریم قولا دؤندو
لَلَکلریم قیلا دؤندو
آیاقلاریم سولا دؤندو
منی منه قایتار، آللاه!
قویما شیطانا أییلم
قورخورام یانیب یئییلم
من بو دونیادان دییلم
منی منه قایتار، آللاه!
#سئور_شهابی
@qanadli_duyqular
کئف چکمیردیک او بولاغین باشیندا
دوز باسیردیق دردیمیزین یئرینه
دئدیم داغلار داغیتمایین دردیمی
آمان وئرین دردی دوزوم یئرینه
بولاق سوسدو، بولاق تَزدن دانیشدی
بولاق قیشدان، بولاق یازدان دانیشدی
ایکی شاعیر ایکی قیزدان دانیشدی
ساز آغلادی دؤردوموزون یئرینه
ائلشن عظیم سرت یوخوشدا سرت یئری
قوجا قافقاز اَرَن یوردو، مرد یئری
گؤیوم-گؤیوم گؤینه ییردی یورد یئری
ویران اولان یوردوموزون یئرینه
#ائلشن_عظیم
@qanadli_duyqular
دوز باسیردیق دردیمیزین یئرینه
دئدیم داغلار داغیتمایین دردیمی
آمان وئرین دردی دوزوم یئرینه
بولاق سوسدو، بولاق تَزدن دانیشدی
بولاق قیشدان، بولاق یازدان دانیشدی
ایکی شاعیر ایکی قیزدان دانیشدی
ساز آغلادی دؤردوموزون یئرینه
ائلشن عظیم سرت یوخوشدا سرت یئری
قوجا قافقاز اَرَن یوردو، مرد یئری
گؤیوم-گؤیوم گؤینه ییردی یورد یئری
ویران اولان یوردوموزون یئرینه
#ائلشن_عظیم
@qanadli_duyqular
اینسان ثروتینی ایتیردیکده یوخسول،
اؤزگورلویونو ایتیردیکده اسیر،
سئوگی‌سینی ایتیردیکده شاعیر اولورموش...
#اؤزدمیر_آصاف
#گون_آیدین
@qanadli_duyqular
اؤزگورلویونو ایتیردیکده اسیر،
سئوگی‌سینی ایتیردیکده شاعیر اولورموش...
#اؤزدمیر_آصاف
#گون_آیدین
@qanadli_duyqular
منه سحری وئرین!
گئجه‌لری ایسته‌میرم،
گئجه‌نین قارانلیغی وار.
قارانلیغی ایسته‌میرم،
ظولمتی، تورانلیغی وار.
قارانلیغی گؤرنده،
قارا پالتارلی،
قارا اللی،
قارا عمللی،
قارا نیّتلی آداملارین،
قارا ایللرده دؤیدوگو،
قاپیلار یادیما دوشور.
«موشفیق»لر، «جاوید»لر،
«جاواد»لار یادیما دوشور.
منه سحری وئرین، سحری!
دیلینده دونیانین،
خئییرلی خبری.
آخشامدان قالان خیفّتی،
گئجه‌دن ییغیلان قهَری.
دان یئری گؤزومون ایشیغی،
قلبیمین تپری.
منه سحری وئرین، سحری!
#زلیمخان_یعقوب
@qanadli_duyqular
گئجه‌لری ایسته‌میرم،
گئجه‌نین قارانلیغی وار.
قارانلیغی ایسته‌میرم،
ظولمتی، تورانلیغی وار.
قارانلیغی گؤرنده،
قارا پالتارلی،
قارا اللی،
قارا عمللی،
قارا نیّتلی آداملارین،
قارا ایللرده دؤیدوگو،
قاپیلار یادیما دوشور.
«موشفیق»لر، «جاوید»لر،
«جاواد»لار یادیما دوشور.
منه سحری وئرین، سحری!
دیلینده دونیانین،
خئییرلی خبری.
آخشامدان قالان خیفّتی،
گئجه‌دن ییغیلان قهَری.
دان یئری گؤزومون ایشیغی،
قلبیمین تپری.
منه سحری وئرین، سحری!
#زلیمخان_یعقوب
@qanadli_duyqular
یاناغیمدا گؤز یاشلاریم،
دوزولوبدور گیله-گیله
گؤزله‌ییرم سن سیله‌سن،
یوخلوغونو بیله-بیله
اوره‌ییمی ائله‌ییب شام،
ظولمت‌لرده دایانمیشام
گؤزله‌یه‌جم سحر-آخشام،
یوخلوغونو بیله-بیله...
#زیور_آغایئوا
@qanadli_duyqular
دوزولوبدور گیله-گیله
گؤزله‌ییرم سن سیله‌سن،
یوخلوغونو بیله-بیله
اوره‌ییمی ائله‌ییب شام،
ظولمت‌لرده دایانمیشام
گؤزله‌یه‌جم سحر-آخشام،
یوخلوغونو بیله-بیله...
#زیور_آغایئوا
@qanadli_duyqular
پاییز ایله من
منیم ده ساچلاریم بویالی سن‌تک،
منیم ده شاخامدان قارانقوش کؤچوب.
من ده سنین کیمی خزل‌لنمیشم،
منیم ده قوشلاریم باشیمدان اوچوب.
توتولور هاوام دا یامان دال‌بادال،
بورویور چن-دومان اوره‌ییم گؤیون.
پیرتلاشیق کلَف‌تک هئی قیوریلیرام،
مین بارماق آچانمیر حالیمدان دۆیون.
ایندی من قالمیشام، سویوق پنجره،
تؤکولور خزللر، سۏلور چیچک‌لر.
داها بوش سوفره‌لی کیچیک باغچاما،
قوناق گلمه‌ییرلر ناز کپنک‌لر.
قدم قوی بو گئجه یالقیز اوداما!
صوبحه‌دک دردلشک، چوخلو چایلاشاق.
دئییرلر: بؤلوشسن دردی، یونگولر.
اوندا گَل سنین‌له دردی پایلاشاق!
قویوم قاباغینا آلما، قوز، اوزوم،
بویاقلی ساچینا اینجی‌لر دوزوم،
دئییم خوش گلمیسن آی منیم اؤزوم،
گَل گولوم سنین‌له ائکیزتایلاشاق!
اوز-گؤزون غملی‌دیر، اللرین یالین،
سازاقدان گئیمیسن اَینینی قالین،
نه یاخشی بیلیرسن دوستلوغون یولون،
قوینونا آل منی بیر قوجاقلاشاق!
صاباح دا گئده‌ریک «خیاوچایی»نا،
باخاریق طبیعت قیزی بویونا.
قوشوللوق ائلیمین شنلیک، تویونا،
ال-اله، قول-قولا گَل سیجاقلاشاق!
یئریییب خزلده سئودالی، ملَنگ،
باغلاریق چؤللرین گولوندن چلَنگ.
ییغیشسین دونیادان هر نه توپ، توفنگ،
غریبسن؟ عئیبی یوخ، یالقوزاق‌لاشاق!
#سحر_خیاوی
@qanadli_duyqular
منیم ده ساچلاریم بویالی سن‌تک،
منیم ده شاخامدان قارانقوش کؤچوب.
من ده سنین کیمی خزل‌لنمیشم،
منیم ده قوشلاریم باشیمدان اوچوب.
توتولور هاوام دا یامان دال‌بادال،
بورویور چن-دومان اوره‌ییم گؤیون.
پیرتلاشیق کلَف‌تک هئی قیوریلیرام،
مین بارماق آچانمیر حالیمدان دۆیون.
ایندی من قالمیشام، سویوق پنجره،
تؤکولور خزللر، سۏلور چیچک‌لر.
داها بوش سوفره‌لی کیچیک باغچاما،
قوناق گلمه‌ییرلر ناز کپنک‌لر.
قدم قوی بو گئجه یالقیز اوداما!
صوبحه‌دک دردلشک، چوخلو چایلاشاق.
دئییرلر: بؤلوشسن دردی، یونگولر.
اوندا گَل سنین‌له دردی پایلاشاق!
قویوم قاباغینا آلما، قوز، اوزوم،
بویاقلی ساچینا اینجی‌لر دوزوم،
دئییم خوش گلمیسن آی منیم اؤزوم،
گَل گولوم سنین‌له ائکیزتایلاشاق!
اوز-گؤزون غملی‌دیر، اللرین یالین،
سازاقدان گئیمیسن اَینینی قالین،
نه یاخشی بیلیرسن دوستلوغون یولون،
قوینونا آل منی بیر قوجاقلاشاق!
صاباح دا گئده‌ریک «خیاوچایی»نا،
باخاریق طبیعت قیزی بویونا.
قوشوللوق ائلیمین شنلیک، تویونا،
ال-اله، قول-قولا گَل سیجاقلاشاق!
یئریییب خزلده سئودالی، ملَنگ،
باغلاریق چؤللرین گولوندن چلَنگ.
ییغیشسین دونیادان هر نه توپ، توفنگ،
غریبسن؟ عئیبی یوخ، یالقوزاق‌لاشاق!
#سحر_خیاوی
@qanadli_duyqular
خزانلار
خزان چاغی
قیزیل گۆنش اوْدلانیبدیر،
آغاجلارین یارپاقلاری
مین بیر رنگه بوْیانیبدیر...
هر یارپاغین بیر رنگی وار،
سئودا رنگی،
حسرت رنگی،
توُتقون، توْزلو،
غربت رنگی...
خزان چاغی، یئل اَسرکن
یاغیر یارپاق،
اؤلگۆن یارپاق.
قالانیبدیر، قالاق- قالاق.
یوْللار اوُزاق، گؤللر درین،
نسیم اَسیر سرین- سرین.
داغلار بیزیم، باغلار بیزیم،
یئرییرکن یارپاق اۆسته
قالماز ایزین...
گۆن یاندیرماز،
سوْن‌باهاردیر،
سانکی آغاج یارپاقلاری،
لاجوردی بیر متنده
ناقیشلاردیر.
بیر چوخ خزان گلیب، کئچدی...
بیر چوخ کروان قوْنوب، کؤچدو.
بیر خزاندا
یتیم قالدیق.
بیر خزاندا
سئودالاندیق.
اَن نهایت
خولیالارین هاواسیندان
قانادلاندیق.
بیر خزاندا
پارلاق قیزیل گۆنش دوْغدو.
بیر خزاندا
بولود گلیب گۆنۆ بوْغدو...
آنلایارکن خزانلاری
زامان بیزی قوْوالادی...
گلدی زامان، کئچدی زامان...
آیری دۆشدۆک یوردوموزدان.
حسرت قالدیق
سَرین- سَرین بوُلاقلارا
گول- چیچکلی اوْتاقلارا
زامان کئچدی، بیز قوُرودوق
سوُسوز قالان آغاجلار تک.
طراوتدن سالدی بیزی،
بیلمم غربت؟
یوْخسا فلک؟
#حبیب_ساهیر
@qanadli_duyqular
خزان چاغی
قیزیل گۆنش اوْدلانیبدیر،
آغاجلارین یارپاقلاری
مین بیر رنگه بوْیانیبدیر...
هر یارپاغین بیر رنگی وار،
سئودا رنگی،
حسرت رنگی،
توُتقون، توْزلو،
غربت رنگی...
خزان چاغی، یئل اَسرکن
یاغیر یارپاق،
اؤلگۆن یارپاق.
قالانیبدیر، قالاق- قالاق.
یوْللار اوُزاق، گؤللر درین،
نسیم اَسیر سرین- سرین.
داغلار بیزیم، باغلار بیزیم،
یئرییرکن یارپاق اۆسته
قالماز ایزین...
گۆن یاندیرماز،
سوْن‌باهاردیر،
سانکی آغاج یارپاقلاری،
لاجوردی بیر متنده
ناقیشلاردیر.
بیر چوخ خزان گلیب، کئچدی...
بیر چوخ کروان قوْنوب، کؤچدو.
بیر خزاندا
یتیم قالدیق.
بیر خزاندا
سئودالاندیق.
اَن نهایت
خولیالارین هاواسیندان
قانادلاندیق.
بیر خزاندا
پارلاق قیزیل گۆنش دوْغدو.
بیر خزاندا
بولود گلیب گۆنۆ بوْغدو...
آنلایارکن خزانلاری
زامان بیزی قوْوالادی...
گلدی زامان، کئچدی زامان...
آیری دۆشدۆک یوردوموزدان.
حسرت قالدیق
سَرین- سَرین بوُلاقلارا
گول- چیچکلی اوْتاقلارا
زامان کئچدی، بیز قوُرودوق
سوُسوز قالان آغاجلار تک.
طراوتدن سالدی بیزی،
بیلمم غربت؟
یوْخسا فلک؟
#حبیب_ساهیر
@qanadli_duyqular
شانس‌سیزلیغیمدان،
گئجه‌نین اوزون اولدوغونو اونوتدوم.
شانسیندان،
صوبحه قدر، سنی خاطیرلادیم...
#محمود_درویش
@qanadli_duyqular
گئجه‌نین اوزون اولدوغونو اونوتدوم.
شانسیندان،
صوبحه قدر، سنی خاطیرلادیم...
#محمود_درویش
@qanadli_duyqular
بيلدي كي مجنونون پروانه سي يم
مني دولانديردي باشينا تبريز
اوغلونو اوجادا گؤرمك ايسته دي
قالديردي داغلارين قاشينا تبريز
#زليمخان_یعقوب
#گون_آیدین
@qanadli_duyqular
مني دولانديردي باشينا تبريز
اوغلونو اوجادا گؤرمك ايسته دي
قالديردي داغلارين قاشينا تبريز
#زليمخان_یعقوب
#گون_آیدین
@qanadli_duyqular
نئجه نیسگیل‌لی‌دیر!
او یالقیز انسانین خلوتی کی،
بولوت‌لو هاولاردا،
اؤز کؤلکه‌سی‌ایله ده دردله‌شه بیلمه‌ییر...
#مهدی_سربازی_علمداری
@qanadli_duyqular
او یالقیز انسانین خلوتی کی،
بولوت‌لو هاولاردا،
اؤز کؤلکه‌سی‌ایله ده دردله‌شه بیلمه‌ییر...
#مهدی_سربازی_علمداری
@qanadli_duyqular
باشقالاری
سئودیگیمیز آداملار اونا گؤره بیزیم اولمور کی،
اونلارین دا سئودیکلری وار.
بیز ده اؤز سئوگیلی‌لریمیزین باشقالاری‌ییق.
آدیمیز دا دَییشیب،
ایندی بئله‌دیر:
«هارداسینیز؟»
«کیمینله‌سینیز؟»
«ساعات نئچه‌ده‌سینیز؟»
«یوخسا یئنه تک‌سینیز؟»
«نه واخت اؤله‌جکسینیز؟»
بیز ایسه قوجالیریق،
اوره‌ییمیزی حیسلریمیزدن گیزله‌مه‌یین واختی‌دیر.
منیم باشقام!
گؤزلریمین سایی آزدیر سنه باخماق اوچون.
بیری کوردو، او بیری ده هئچ کیمی گؤرمک ایسته‌میر...
#آقشین_یئنی‌سئی
@qanadli_duyqular
سئودیگیمیز آداملار اونا گؤره بیزیم اولمور کی،
اونلارین دا سئودیکلری وار.
بیز ده اؤز سئوگیلی‌لریمیزین باشقالاری‌ییق.
آدیمیز دا دَییشیب،
ایندی بئله‌دیر:
«هارداسینیز؟»
«کیمینله‌سینیز؟»
«ساعات نئچه‌ده‌سینیز؟»
«یوخسا یئنه تک‌سینیز؟»
«نه واخت اؤله‌جکسینیز؟»
بیز ایسه قوجالیریق،
اوره‌ییمیزی حیسلریمیزدن گیزله‌مه‌یین واختی‌دیر.
منیم باشقام!
گؤزلریمین سایی آزدیر سنه باخماق اوچون.
بیری کوردو، او بیری ده هئچ کیمی گؤرمک ایسته‌میر...
#آقشین_یئنی‌سئی
@qanadli_duyqular
قیش پالتاری گئیینن
تورپاغا ،داشا سلام
یئردن اولفت کسمه یه ن
نازلی گونشه سلام
اورکلری اوخشایان
دوستا ، یولداشا سلام
دوستان ایستی گتیرن
سنی مین یاشا سلام
#سخاوت_عزتی
@qanadli_duyqular
تورپاغا ،داشا سلام
یئردن اولفت کسمه یه ن
نازلی گونشه سلام
اورکلری اوخشایان
دوستا ، یولداشا سلام
دوستان ایستی گتیرن
سنی مین یاشا سلام
#سخاوت_عزتی
@qanadli_duyqular
بيل، یامان گونده ده ،یاخشی گونده ده
ایسته‌رم قوووشام، مَن یئتم سَنه
گؤزوم گؤزلرینه دیکیلنده ده
حَسرتم ، حَسرتم ، حَسرتم سَنه....!
#بختییار_واهابزاده
@qanadli_duyqular
ایسته‌رم قوووشام، مَن یئتم سَنه
گؤزوم گؤزلرینه دیکیلنده ده
حَسرتم ، حَسرتم ، حَسرتم سَنه....!
#بختییار_واهابزاده
@qanadli_duyqular
گئتدین
هر شئی بوراخدیم
سن منی بوراخان کیمین
گئتدین
اوقده‌ر ایشسیز قالدیم کی
اللریم قابار چالدی
گئتدین
گئجه‌لره کیبریت چکیره‌م
بو یئرلرده
گئجه‌لری مین کیمی پاتلادیرام
کوچه‌لرده
گئتدین
گئتمه‌سیدین من
آدام اؤلمازدیم...
#محمد_چالقین
@qanadli_duyqular
هر شئی بوراخدیم
سن منی بوراخان کیمین
گئتدین
اوقده‌ر ایشسیز قالدیم کی
اللریم قابار چالدی
گئتدین
گئجه‌لره کیبریت چکیره‌م
بو یئرلرده
گئجه‌لری مین کیمی پاتلادیرام
کوچه‌لرده
گئتدین
گئتمه‌سیدین من
آدام اؤلمازدیم...
#محمد_چالقین
@qanadli_duyqular
و یالقیزلیق؛
سیقارئت آلیشدیردیغیم بیر، ساواشین اورتاسینداکی چاخماق کیمی
الیمده تیتره‌ییر.
#بهروز_اسماعیل_زاده
@qanadli_duyqular
سیقارئت آلیشدیردیغیم بیر، ساواشین اورتاسینداکی چاخماق کیمی
الیمده تیتره‌ییر.
#بهروز_اسماعیل_زاده
@qanadli_duyqular
دَیمه احساسیم یوخ، داشا بنزیرم!
گؤزلرین اوستونده قاشا بنزیرم.
سن منیم بوینومو قوجاقلایاندا،
من سنین قوینوندا قوشا بنزیرم...
#هوشنگ_جعفری
@qanadli_duyqular
گؤزلرین اوستونده قاشا بنزیرم.
سن منیم بوینومو قوجاقلایاندا،
من سنین قوینوندا قوشا بنزیرم...
#هوشنگ_جعفری
@qanadli_duyqular