Астанада ер адам 60 метрлік краннан секірмек болды

Астана полиция департаменті Сарыарқа аудандық жанындығы полиция бөлімінің жедел уәкілі Руслан Байбөриев түнгі сағат 03:10 шамасында "102"-ге түскен қоңыраудан кейін оқиға орнына дереу жеткен.

Бірден баспалдақпен жоғары көтеріліп, суицид жасамақ болған жігітпен сөйлесіп, оны сабырға шақырды. Сол сәтте оның сеніміне кіріп, қауіпсіз жерге түсірді.

Полицей ер адаммен сөйлесіп жатқан кезде оқиға орнына Төтенше жағдайлар министрлігінің қызметкерлері де жеткен. Жедел жәрдем қызметкерлері 35 жастағы азаматтың денсаулығын тексеріп, үйіне жеткізді.

Ол бұл әрекетін эмоцияның әсерімен жасағанын, салдарын ойламағанын мойындап, өмірін сақтап қалғаны үшін полиция капитанына алғыс айтты.

«ҚҚС мөлшерлемесін арттыруға қарсымыз». Қазақстанда тағы бір петиция жарияланды

Қазақстанда e-Petition.kz порталында қосылған құн салығы бойынша тіркеу шегін 15 миллион теңгеге дейін төмендетуге қарсы петиция жарияланды. Мұндай ұсынысты 28 қаңтарда Ұлттық экономика министрі Серік Жұманғарин айтқан еді.

Петицияны екі заңгер – Астана қаласы Заң консультанттар палатасының төрағасы Әнуарбек Сықақов пен Алматы қалалық адвокаттар алқасының заңгері Жангелді Сүлейманов жасаған. Олардың пікірінше, ҚҚС шегін төмендету шағын кәсіпорындардың жабылуына, баға мен бизнес шығындарының өсуіне әкеледі.

Сатушыға алданып қалсаңыз не істеу керек?

Қазіргі әлемде тұтынушылардың құқықтары барған сайын өзекті бола түсуде. Әрқайсымыз кем дегенде бір рет сатып алу үмітті ақтамаған немесе сатушы ашық немесе жасырын түрде жаңылыстыратын жағдайға тап болдық.

Егер сіз өнімнің тұтынушылық қасиетіне немесе сапасына қатысты алданып, өлшеп, өлшеп, есептеп, жаңылысқан болсаңыз, онда сізді алдаған адам ҚР ӘҚБтК-нің 190-бабының 1-бөлігі бойынша әкімшілік жауапкершілікке тартылуы мүмкін. жеке тұлғаларға – 10, шағын кәсіпкерлік субъектілеріне – 20, орта кәсіпкерлік субъектілеріне – 30, ірі кәсіпкерлік субъектілеріне 50 АЕК мөлшерінде айыппұл салу көзделген.

Мұндай істерді Қазақстан Республикасы ӘҚБтК-нің 685-бабының 1-бөлігіне сәйкес Қазақстан Республикасының ішкі істер органдары қарайды.

Өнімді сатып алу кезінде алданып қалмау үшін сізге сатып алынатын өнімнің (жұмыстың, қызметтің) сапасын, толықтығын, салмағын, көлемін, санын, мөлшерін тексеру ұсынылады, мүліктік тексерулер жүргізу немесе оның дұрыс және қауіпсіз екендігін көрсетуді талап ету ұсынылады. тауарды пайдалану, егер бұл тауардың сипатына байланысты алынып тасталмаса, «Тұтынушылардың құқықтарын қорғау туралы» Қазақстан Республикасы Заңының 13-бабына сәйкес мұны жасауға толық құқығыңыз бар.

Алмас Кішкенбаевтың сот отырысы өтпей қалды: Себеп?

Өткен аптада полицияға жеткізілген әнші Алмас Кішкенбаевқа қатысты бүгін сот отырысы өтпей қалды.

Әншіге қатысты іс бүгін Алматы қаласының әкімшілік құқық бұзушылықтар жөніндегі мамандандырылған ауданаралық сотында қаралатын болған.  Алайда сот отырысы белгісіз уақытқа шегерілді. Сөйтіп, Кішкенбаев бүгін сотталудан аман қалды.

"Қонаевта оқушы аяусыз соққыға жығылған": әкімдік өкілдері мәлемет берді

Қонаев қаласының әкімдігі кәмелет жасқа толмаған баланы сыныптастары өлімші етіп сабағаны туралы ақпаратты жоққа шығарды. Оқушы антисептиктен уланып, ауруханаға жеткізілген, деп хабарлайды Qaz365.kz.

Білім бөліміндегілер орта мектеп-гимназиясындағы тәртіптік жағдайға қатысты комиссия құрған. Оқушы антисептиктен уланды деген диагнозбен ауруханаға түскен. Қазіргі таңда жағдайы жақсы, ем қабылдап жатыр.

Оқушының анасы да төбелес болғанын жоққа шығарып, видео түсірген.

"Осы жылдың 31 қаңтарында кәмелетке толмаған ұлым жергілікті ауруханаға түсті. Қаланың кіреберіс көпірінің астында ұлымды ешкім соққыға жыққан жоқ және ешқандай топтық төбелес болған жоқ", - дейді Ажар Дәмренова есімді әйел бейнежазбада.

Қонаев әкімдігі журналистерден және Қазақстан халқынан ресми ақпарат көздеріне ғана сенуін сұрайды. Жалған ақпарат тарату үшін заңнама аясында әкімшілік жаза қарастырылғанын еске салады.

Сондай-ақ олар Қонаевта бұған дейін көпірдің астында төбелес болғаны туралы дерек тіркелмегенін айтты. Өзіне-өзі қол жұмсамақ болған бала оқуда озат, ортасында сыйлы оқушы болған.

Еске салайық, бұған дейін журналист Гүлмира Әбіқай Instagram желісіндегі парақшасында Қонаев қаласының 9-сынып оқушылары өз сыныптасын қала көпірінің астында ұрып-соққанын жазған еді.

Алматы облысы полиция департаментінің баспасөз қызметі "Өз-өзіне қол жұмсауға итермелеу" дерегі бойынша қылмыстық іс қозғалғанын хабарлады.

Ақтау маңындағы ұшақ апатының алдын ала есебі жарияланды

https://qaz365.kz/incidents/11791-aktau-manyndagy-ushak-apatynyn-aldyn-ala-esebi-zhariialandy/

AZAL ұшағынан алынған бұрын-сонды жарияланбаған бөгде заттардың суреттері пайда болды

https://qaz365.kz/news/11793-azal-ushagynan-alyngan-buryn-sondy-zhariialanbagan-bogde-zattardyn-suretteri-paida-boldy/