استشهاد فاظمة الزهراء عليها السلام

شمنتظر يا جفن يالله اجري الدمه
ما يفيد العمر لو مشت فاطمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يساعد الله اليبتعد عنه حبيبه
تصير اعز خلاني اهات و نحيبه
يالله يا روحي استعدي للمصيبه
انتي من هل ليلي يا روحي غريبه

خل يموت الصبح دنيتي مضلمه
ما يفيد العمر لو مشت فاطمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
انا حيدر قالع الباب بيميني
انا اشر و الشمس طوعأ تجيني
والله هاي الليله احس خلصت سنيني
عني اذا فاطم مشت اعميها عيني

كوثر و تندفن كلشي بعدج ضمه
ما يفيد العمر لو مشت فاطمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شما قصى وياها الزمن ضلت تكابر
حته و بكسر الضلع تجبر خواطر
وحدي نيتها تخليني و تسافر
لو گلت باچر ترد يجرحني باچر

عايش اعله الجمر و انا حامي الحمه
ما يفيد العمر لو مشت فاطمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
داري اذا ما بيها فاطم ما اطبها
لا فلاً يحصل مثل طيبت قلبها
هيه يكفيها غضب الله الغضبها
هوه وحده اليدري بيه شگد احبها

من العلي و العلي نازله من السمه
ما يفيد العمر لو مشت فاطمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الزهره اذا راحت على الدنيا السلامه
هذا يا ليل البعد اگدر انامه
من اصد الزينب تبيين العلامه
كربلا و نار و ضمه و خوف و يتامه

لا يجيها الكفل لا يسل صارمه
ما يفيد العمر لو مشت فاطمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

كلمات: جعفر الزرفي

عطر

ابوذيات للسيده الزهراء ع|||●●●●
~~~~

عليه اهمومي بالدلال.......چاوين
اعاين والكبر بالروح.........چاوين
حنيت وظهري من الاه.....چاوين

وهيل اترابهه  اشلون بأديه
__

يريت العمر بعدج صار.........بيداي
وانه اكليبي الجرح ياناس...بيداي
عجيبه الكبر هلت اتراب......بيداي

دفنت الزهره وي روحي سويه
_____

عجيبه الدهر چنه ايريد........بعداج
حنيت الظهر مثل السيف......بعداج
چثيره اهمومي لو سولف.....بعداج

علي ولا چن علي ذيج المسيه
_

ﻋﻠﻰ ﮔﺒﺮﺝ بچيت اﺷﻜﺜﺮ ...... ﻳﻤﺂﻩ
ﺁﻧﺘﺮﺱ ﺣﺴﺮﺁﺕ ﻛﻠﺒﻲ ﻭﺁﺁﻩ .... ﻳﻤﺂﻩ
ﻟﻮﻥ  ﺑﻴﻪ  ﺩﺭﻳﺘﻲ اشصاﺭ ...... ﻳﻤﺂﻩ

ﺣﺰﻥ ﻳﻌﻘﻮﺏ ﻋﻜﺒﺞ ﺻﺂﺭ ﺑﻴﻪ
__
تمت بعون الله تعالى
خادمكم●●●●●يوسف الفتلاوي


www.tgoop.com/qqq88997ffff


عطـ🌹ــــر.

شوط كربلائي استشهاد الزهراء عليها السلام


حيدر غسلج بالليل      ويجر حسره بأثر حسره
ومن شاف الضلع مكسور    شال أيده ولزم ظهره
*
ألليله حيدر بيا حال      حزين ودمعته اتلالي
شال أم الحسن بيده     وللمغيسل مشه الوالي
يعينه الله علي رايد         بيده ايغسل الغالي
انحنه والصدره ضماها    وكام ايسولف وياها
علي ما أضنه ينساها
والله ايموت الف موته     علي لو فارك الزهره
*
شال الماي ابو الحمله   وعليها يبجي كام اهواي
لن يسمع علي دخيلك       غسل فاطمه بهداي
الغالي اشلون كلبها انطاه     عالغالي يدير الماي     
بعلي املاك السمه احتارت   من ايده عله الضلع صارت    
الدنيه بحيدر اندارت
شال أيده وكعد بالكاع    حيدر خنكته العبره
*
كام ودمعته بعينه     يكلها عليج أون معذور
حياتي وبيده اغسلها      وشوفن خدج المسطور
وشيظل فاطمه بالشاف     من عندج ضلع مكسور
انكسر من شدت العصره      وعينج فاطمه حمره
ادري من وره السطره
وحكج لوما الوصيه     جان الكل خذت عمره

جفنها علي بحزنه           وبده يتوادع وياها
ولن زينب اجت لمها     وبجه عرش الله لبجاها
وحسين اعتنه مهموم        وكعد يم أمه حاجاها
الحسن يبجي ويريد أمه      الصدرها رايد اتضمه
يكلها دنيتي ظلمه
امي وزهرتي بدنياي     الفاكد أمه شيصبره
*
يبجون وعلي محتار     الزهره اطفال عافتهم
يريد أمه الطفل بالليل   وانه اشلون اسكتهم
حنت فاطمه وأنت     الصدرها برقه ضمتهم
منظر ماتحمله العين     زينب والحسن وحسين
بحضن أمهم غفو هالحين
المنظرهم بجت أملاك       وكامت تسجب العبره
**
تمت
ميثم العمر

#لاحول ولاقوة الا بالله العلي العظيم
#انا لله وانا اليه راجعون
#تنعى مؤسسة منبريون الحسينية فقيدها
الرادود الشيخ عز الدين الشيخ علي شيخ عشائر الدبات في كربلاء المقدسة
#اخوية الغالي شفيعك الحسين ع
#الفاتحة يرحمكم الله

عطر ……..🕊🍃



شهيدة الامامة

عمري الوجودك فدوه
اوياك الـمواقف تسوه
لجلك يحيدر ضحيت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
آنه بمقامك عارفه .. وهذا سبب تضحيتي
البسمار اخذ حيلي ومشه .. والباب أخذ عافيتي
كله اعله مودك ياعلي .. غير أنته كشخة بيتي
ربيتلك أعظم ولد .. وانطيتهم حنيتي

اگبالك اغطّي السطره
خاطر اصون العشره
طردوني حته من البيت
وانكسر ضلعي وناديت
عمره الوجودك فدوه
ــــــــــــــــــــــــــــــــــــــ
عصروني بالباب وطحت .. طيحت شمس من قمه
يافضه أدركيني صحت .. راح الولد من أمه
امقدره احساسك ياعلي .. ومااريد ازيدك لچمه
وجه ابوجه من نلتقي .. عنك اغطي اللطمه

مثل الشمع بسكوتي
من أبچي اخفض صوتي
يمك علي ماونيت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
عشرتنه چانت ياعلي .. بالدنيه اجمل عشره
مايوم زعلتك ولا .. قولك اخالف أمره
تاج الـولايه أنته علي .. وبالتاج آنه الشذره
لله حبيتك علي .. وانته تحب الزهره

ابوجهك محمد شفته
اسمك حرز شايلته
مايوم عني اتخليت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
ماهمني بسمار النبت .. بضلوعي همني احساسك
ايأذيني ظل حته الهوه .. ومحتاجه اشم انفاسك
أهل السقيفه وكل حكم .. ياعلي جوه امداسك
لومتت لاتحفر گبر.. خليني شيبه براسك

موزوجي احس بيك ابني
وآنه ادري حيل اتحبني
يمك أظل اتمنيت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
أذكر احاديث النبي .. عنك اشگال وعني
گال اليحبك ياعلي .. معناهه هم ايحبني
وآنه الله لو أرضه رضه .. ويغضب عله الزعلني
كل هذا والثاني جسر .. شال ايده حيل وطگني

طگني وطحت ياحيدر
والقرط مني اتناثر
شكوه الـمحمد وديت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
مااريد اودعك يالولي .. اوداعك أشد من كسري
لاكن يحماي الحمه .. ماباقي شي من عمري
ابتغسيلي اصبر لوشفت .. بسمار جارح صدري
وانته اوي الحسين وحسن .. گعدو سوه يم گبري

مجلس عزاء سوولي
واعله السبي اقرولي
الزينب وحقك حنيت
وانكسر ضلعي وناديت
عمري الوجودك فدوه

محمد الجماسي

#اللهم_عجل_لوليك_الفرج

www.tgoop.com/qqq88997ffff


عطـ🌹ــــر

#أبوذية

نِـشَرْ حِـزنك عـلـى راسـي عـلامه
يـبـويه و دمْ تـهِـلْ عـينـي عـلامه
بـوجـهي ظـلّـت الـسـطْره عـلامه
أجيـك و شـوف شنهو لصـارْ بِـيّـه

#جابر_الكاظمي

#اللهم_عجل_لوليك_الفرج