#تعبني_الولد_يحسين_تعبني
عبد الله الرضيع =عندما عاد به الحسين مذبوحاً الى أمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

تعبني الولــد يحـسين تعبـني
سهمه البنحر بحشاي صوبني

اباوع للمهد عبدالله مابي للخيمه رجع والدمه مغطيه
تعبني الولــد يحـسين تعبني

============================

اه من المنيه ويا سهـم الكــشـــر
فدوه اغديك يمه الروح والمنـحـر
صعبه الفرگه يمه اتعوديت اعليك
مابيه انه اشـوفــك دامي ما أگدر

سهم الصوبك صاباني ياريت
ابدالك يلولــد ميتــه تمنيت

مرمرني غيابك يمــه مرمـرني
تعبني الولـد يحـسين تعبـني
============================

كل ام تنتظر للولـــــد تحسبـلـه
بس انه حـسبـــتي تبـوگها النبله
احسب باليالي يـــوم يتبع يـــوم
عبد يمه بدليلي خلّـفـت عِـلـــه

اهزن بالمهد واتخيل الصـوت
افزّن عـلـى واقع والگه تابوت

اتخيل ييـمـه البـيـن فـززنـي
تعبني الولـد يحـسين تعبـني
============================

مو مالت ذبح عبدلله مال أگـمـــاط
يحسين الولد من حـر سهمهم شاط
فل أگماطه بيده وشابـگـك يحـسين
وانه اتگطعت يحـسيـن بيــه انيـاط

تتگطع نياط الگــلــب يحسين
دامي اوليدي جبته اعلصواوين

سباح الگلب يمه عــبــد يبني
تعبني الولـد يحـسين تعبـني
============================

ضاع التعب كله وراح يمــــه ارباي
سهم نحرك سگاك اوليدي دم موماي
خذاك حسين مني وگلت يسـگيـك
ردك دامي اليه وصب دمــع عيناي

ردك دامي الي يامصعب الحال
مذبوح الولد يم الولــد گــــال

مايگطع عليك اوليدي ابد وني
تعبني الولـد يحـسين تعبـني
============================

كل ام تحسب شگد الولـــد عمـره
وانه اوليدي شحسب منگطع نحره
ايعين الله ابوك شلون شاف الحال
بحضانه تمـوت أولامّــك صـــدره

بحضانه ييمـه وتشهـك انفاس
يشمر للسمه جفّه دِمـه الراس

ست اشهر يعبدالله وتفارگـني
تعبني الولـد يحـسين تعبـني

============================

✍️عباس مالك العفريت

#جديد_محرم_الحرام_١٤٤٧هــ
نسألكم الدعاء


https://www.tgoop.com/joinchat-UShxzSh6DyF31x9W

حسين خليني اكلك رايحه
لا تضل عينك عليه شابحه
خلي اخبرك مايلي
راسي عالي بت علي . خويه يحسين
:::::-----:::::
بعد روحي حسين خويه خلي اكلك سالفه
انــه اختك لا تصدك يــوم اذل لـو خايفه
عله نهجك راح امشي حسين ماني زالفه
راح اخزيهم و حكك و انه بسمك حالفه
وحك شارب كافلي
راسي عالي بت علي . خويه يحسين
:::::-----:::::
حسين خويه خلي اكلك يبو الاكبر لورحت
لا تصدك طـاح ستري بالغرب مــا دنكت
راح اذل اجيوش اميه كلمه وحده صرحت
مـن كمر هاشم كفيلي انه هيج تعلمت
الشام رايح تبتلي
راسي عالي بت علي . خويه يحسين
:::::-----:::::
انه زينب ما ادنك لا وحك راس الكفيل
خلي اكلك راح اشلع شارب البيه يعيل
و لا يهمك يبو الاكبر غير ويانه العليل
لا يكلك اطخ راسي لا تصدك مستحيل
اعمي عينه الصد الي
راسي عالي بت علي . خويه يحسين
:::::-----:::::
موش اني اطخ راسي راسي من علو النجم
افكس عيونه وغلاتك كلمن يغث الحرم
ستري ما طاح و عباتي لكن بكلبي سهم
دير بالك عله روحك سهله يحسين الخيم
مـا يهمني عاذلي
راسي عالي بت علي . خويه يحسين
:::::----::::::
بس غيابك حيل يصعب خويه يحنيلي ضهر
احنه مـن بيت الرساله احنه نؤمن بالقدر
مـــا تهمنه الدنيه كلها ولا مشينه بمنحدر
حسين خويه راح امشي دير بالك عل گمر
راح امشي بلا هلي
راسي عالي بت علي . خويه يحسين
.
.
حسن صالح العيساوي


،https://www.tgoop.com/joinchat-UShxzSh6DyF31x9W

حال لسان كل خادم
.
.

من اموت اشلون كلي بحالي
انـه متروسه معاصي اسلالي
.
.
محمله ذنوب الحمل كلش ثجيل
تـغرك بساع السفينه بـس تميل
اهناك مـا ينفع المال ولا خليل
راح يبره الغالي من كل الغالي
.
.
هيه حيره وما الي غير الحسين
ما تطفي النار بس دمعة العين
خن تحاسب بيش خلصنا السنين
اسنين مـــا بيهن نفع لتالي
.
.
دنيا ما تسوه وعلي صم التراب
هنه جم يوم ويجي وكت الحساب
بكيفك انته اختار جنه لو عذاب
اطلب الرحمه ورضات العالي
.
.
اليوم بيه الحيل هم عندي ولد
راح كلشي يروح مني ومـا يرد
باجر اشلون بغربتي و اللحد
يروح كل تعبي التعبته ومالي
.
.
عندي بس حل الوحيد بدنيتي
غاد ينفعني امن اموت بغربتي
مــــن ارخص بالعزيه دمعتي
حيل خايف كلشي يتراوالي
.
.
حسن صالح العيساوي



https://www.tgoop.com/joinchat-UShxzSh6DyF31x9W

# ١٤٤٧          
            جيت اكلك خويه كلش خايفه

              كربله   تاخذ  اخوتي  عارفه

وبيها   أول  ليلة  هاي ... الموت اشوفه بسرعه جاي
                          
      يحسين يحسين  ... يحسين يحسين


٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

حسين خويه ...  هاي  اول  ليلة  ألنه  هناه  نبات

حسين خويه ...   كربله  تألمني  تبقى  ابذكريات

حسين خويه ... خايفه  العاشر  يطشرنه  الممات

حسين خويه ... الساتر الله العطش شايخ والفرات




              جيت اكلك نوم مامر عيني

             خفت وحدي ابكربله اتخليني


حيل ماعندي لبجاي ... الموت اشوفه بسرعه جاي

      يحسين يحسين ... يحسين يحسين

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

روحي أكلها ... هيدي ياروحي بعدهم يمي اخوتي

روحي أكلها ...  بلكي  كبل العاشر  ويلفيني موتي

روحي أكلها ... هم سمعتي ابحرمه  بلوتها  بلوتي

روحي أكلها ... صدك خدري يروح ويسمعون صوتي



        جيت اكلك جاره شوف لحالي

          افراكم  يبن أمي  يتراوالي


حسين كلي ياضواي ... الموت اشوفه بسرعه جاي

     يحسين يحسين  ... يحسين يحسين

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

تدري بيه ... اصرخ وصوتي يصل حد مسمعك

تدري بيه ... حرم تبقى ابظهر عاشر مصرعك

تدري بيه ... راح احير شلون بالطف اجمعك

تدري بيه ...  يكطع  اكليبي  المنحر واصبعك



          جيت اكلك عمري صفره اوراكه

           راح  اودعك وانه  فوك الناكه


سبي هم تدري وراي ... الموت اشوفه بسرعه جاي

      يحسين يحسين ... يحسين يحسين

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

مرحلة خوف ...  خوف من الفركه والغربه الطويله

مرحلة خوف ... حيل ماعندي وصفت روحي نحيله

مرحلة خوف  ... الشام تتركني أعلى حالي مستحيله

مرحلة خوف ...  ياسبية  يصير  أسمي  مو عقيلة



             جيت  اكلك  شامهم  ياذيني

            وياخذ البيها اشكد اموصيني


   وتكلها يرقيه تعاي ... الموت اشوفه بسرعه جاي

    يحسين يحسين  ... يحسين يحسين



✍️عباس محمد الحميداوي
١٤٤٧.٢٠٢٥ محرم الحرام


https://www.tgoop.com/joinchat-UShxzSh6DyF31x9W

هلالك ياشهر بسهامه يرميني
وسواد ايامك المُرات يعميني
،،،،،،،،،،،،،،،،،
هلالك ياشهر كلما اشوفنه
تخنگني حسرتي واجذب الونه
حزني البيك مااگدر اوصفنه
تجي وباحزانك وهمك تغطيني
،،،،،،،،،،،،،،،،،
تجي وبالروح تكبر ونتي وحزني
كل طلعة بسماك جروح تلچمني
ياجية وداع وزيدت وني
يارحلة سفر يالماخذ سنيني
،،،،،،،،،،،،،،،،
يهلال النوايب كون لاهليت
وشهرك ما اجه وبالعمر مامريت
تهل شتريد مني وشبعد خليت
شعندك جاي وشرايد تراويني
،،،،،،،،،،،،،،،،
شرايد بعد مني وبينت بسماي
اخذت الاهل كلهه ومابقه وياي
من شفتك عميت وتيهيت الراي
عسنك مااجيت وشافتك عيني
،،،،،،،،،،،،،،،،،،،
شحال العين لمن شافت هلالك
تهل دموعهه وبالآه تبرالك
شمالك ياشهر من تگبل شمالك
تفت الروح وبحزني تخليني
،،،،،،،،،،،،،،،،،،
الك صورة حزن مرسومه بعيوني
واملاك السمه بحزني يعينوني
قميص مصبغ بدمه يراووني
تبچي ام الحسن منه وتبچيني
،،،،،،،،،،،،،،،،،،،،،
تجي وعيني تشوفك كربله وحزان
وايتام وخيم بيهن تشب نيران
وطفل ذبلت وردته وبالمهد عطشان
يريد الماي من عندي ويناغيني
،،،،،،،،،،،،،،،،
الك صورة ابد مافارگت بالي
من رد المهر يم الخيم خالي
طاح حسين گلي ومرد دلالي
وگلتله يامهر لحسين وديني
،،،،،،،،،،،،،،،،
بعد شتريد اسولف حيل مابيه
تهل وهلالك مبينه معانيه
اولهن ذبح والتالي مسبيه
انه ام الخدر والشمر يسبيني
،،،،،،،،،،،،،،،،
عسن غيم بسماك يغيب رسومك
ولااشوفك تجيني وجايب همومك
وبعمري عسن لاينحسب يومك
واموت ولا اشوفن رسمك بعيني
،،،،،،،،،،،،،،،،،،،
الشاعر ابو اسحاق الفحام


https://www.tgoop.com/joinchat-UShxzSh6DyF31x9W

(بندريه)

#شبل_من_أسد



.            نومس الرايه ابيمينه وشالـهـه
             وشَد عله المهره البطل خيّالهه

            عــبــاس   عــبــاس   عــبــاس  

                     يـابــو الـمـرجـلـه

                          *---------------*---------------*

شَـد الـكـحـيـلـه ورسـنـهـه وگاصد لـ سوح الحرب
اربـات حـيـدر لـلـمـعـارك چـنـه حـيـدر مـن يـطـب
مـا يـهـم لـلـحـومـه وحده ابـساع يـگـلـبـهـه گـلـب
الـثــبــات اگـبـال ســيــفــه لـلــزلـم كـلـش صـعـب

            بالسـيـف   بالسـيـف   بالسـيـف

                     زلــــزل كــربــلــه

                          *---------------*---------------*

يْصول ويـجـول بشجاعه وعـالـزلـم فارض حـظـر
ساعـة الـشـجـعـان هـايـه ولـلـحـرب ساعـة صـفـر
يطلب الـروس الـچـبـيـره وكـلـهـه گـامـت تـعـتـذر
يـوم الاســود عـالاعـادي يـشـبـه لــ يــوم الـحـشـر

            شــافــوه   شــافــوه   شــافــوه

                     لـلـشـگـره اعتـلـه

                          *---------------*---------------*

ابـصـولـتـه خلّـه العـسـاكـر واحـــد ابـــواحــد ردم
راكـب الشگـره الاصـيـلـه ويـفـتـر ابصوب الـخـيـم
مـبـخـت الـيـنــدل طـريـقـه ومـبـخـت الـمـنـه سلم
خورس الـقـاده ابـنـظـرتـه وصـاروا ابـعـيـنـه عـدم

            من صال   من صال   من صال 

                     مــحــد قــابــلــه

                          *---------------*---------------*

هـلـهـلـت يمّـه الـمـعـالـي والـمـجـد بـسـمـه انكتب
الحاسب احسابه يخلّص طـار راســه الـمـاحـسـب
زلزل الـحـومـه وگـلـبـهـه وشوّف الـكـوم الـعَـجـب
اتـشـرعـبـت بـيـه الحميه و يـا عـلـي حـيـدر نـدب

            مــيــدان   مــيــدان   مــيــدان

                     لـلــكــافــل حِـلـه

                          *---------------*---------------*

تـخـطـف ارواح الـعـسـاكـر رايـتـه لـمـن تــــــــرف
شـــايـل الـبــتــار بـيـده وداخـوا الـسـبـعـيـن الـف
الـگـابـل الـعـبـاس يـشـرد مو ركض يـزحـف زحف
عاد حـمـلات الـصـمـيـده وهـالـفـعـل مـا يـخـتـلـف

            سـجـيـل   سـجـيـل   سـجـيـل 

                     سـيـفـه وزلــزلــه

                          *---------------*---------------*

طـشّــر الـسـبـعـيـن الــف مـــا يـهـم هـــذا الـعــدد
زيـنـب تـعـايـن لـخــوهـه وتـقـره ايـــات الـحـسـد
الـحـصّـل الـمـشـراد گـدهـه والـسـبـع بـيـهـم لِـبــد
وارث الـكــرار اجــاهــم و الـشــبــل مـــن الاســـد

            يــــدرون   يــــدرون   يــــدرون

                     بـيـهـه الـمـسـألـه

                          *---------------*---------------*
✍خادم الحسين ع
الشاعر رعد الجريخي


https://www.tgoop.com/joinchat-UShxzSh6DyF31x9W

#قصيدة_لام_البنين
لسان حال ام البنين تخاطب الحسين ع

امنياتي
عالهزل اركـــــــــب اســــيرة
حالي مــــــن حال الأمــــيرة
انــــدفن تالي ابحصــــــــيرة
امنياتي
ــــــــــــــــــــــــــــــــــــــــــــــــ
چانت امنيــتي قبل لا عني تمشون
حافية وَياكم امشي بذيـچ الضعون
شايَّلة سكنة و رقية بنـــص العـيون
و اباديه گايدتها نـــــــاگة ام عــون

لكربلائك.
لو وصــــــلنا اخـــدم بنــاتك
و اكنس الخيـــــمة لــخواتك
يُمّة و اغســــــــــــلك عباتك
امنياتي.
ــــــــــــــــــــــــــــــــــــــــــــــــ
امنيات ابالي چانــــت كلــش اهوواي
وحـــدة منهن يُمّة أوزع الكــــم الماي
و ثاني وحدة من تصلي اوگف افياي
و امد سجادة لصـلاتك شـــيلتي هاي

و گلبي يوگف
سمعاً لحُبك و طاعة
درع فاتحـلك ذراعه
من تصلي بالجماعة
امنياتي.
ــــــــــــــــــــــــــــــــــــــــــــــــ
ابالي أتحــول هوه من تطــــلب انفـــاس
و انه اصيرلك ظــــهر لو طـــــاح عبـاس
گبالك اوگف لابــسه درع ابني و الطاس
و ما اخلي شعــــرة منـك و الله تنجاس

و لا اخلي
حجر يوصل يم جبينك
و لا رمــل يأكــلها عينك
خنصرك يبقه بيميـــــنك
امنياتي
ــــــــــــــــــــــــــــــــــــــــــــــــ
امن العطش عبدالله ما تسمع صياحه
الجربة اترسها بدمـــــوعي المُستباحة
علي الاكبر بيـدي اضــــــمّدلك جراحه
و زفة القاســــم تصــــــــير ابلا مناحة

لجل رملة
جاســـم انحــنيله ايـده
حنَّة مو دم مــن وريـده
و للـفرح نقره القصيدة
امنياتي
ــــــــــــــــــــــــــــــــــــــــــــــــ
الشام ما يحرگ گلــب زينب عذابه
و ما تنام ارقية بنتـك عــــــــالترابة
للستر ادعي و دعوتي مُستـــــجابة
تمطر الدنية عِبْي فــــــوگ الخرابة

ارفع ايدي.
و ادعي ربّي يدزلي غيمة
تنصب فـــــــوگانه خيمة
ابلا غطه متظـــــل يتيمة
امنياتي.
ــــــــــــــــــــــــــــــــــــــــــــــــ
الك أُمنيتي الاخيرة اختصــــــــرها
كون زينب سـوط ميورم ظهـــــرها
لا هزيلة و لا سبي تشـــوف بعمرها
و سالمة اترد للمدينة بظـل خـدرها

لدار اهلها
ترجع بعـــــــــــزة وِليــها
حـــبل مـا ملتــــف عليها
و لا سياط مگطعة اديها
امنياتي
ــــــــــــــــــــــــــــــــــــــــــــــــ
الحمدلله
#علي_حسين_الكناني


https://www.tgoop.com/joinchat-UShxzSh6DyF31x9W