أنـادي ومانـفع يحـسين منـداي
داء الهـجر گـلي شلـون من داي
دوا انت ورحت ياخوي من داي
رحـت والـداي يـاكـل گـام بـيـه
قلمي المقصر

مولاتي ام البنين ع تقول

صرت ويه الدمع والآه عشره
احس من الوفه منطيت عشره
غير الاربعه اتمنيت عشره
واقدمهم فده الابن الزجيه

قلمي المقصر ام حوراء البركاوي
من ديوان الدماء الزاكيه

مولاتي ام البنين ع تقول

يدهري وياي ليش اصبحت خوان
يحيلي بعد فكد حسين خوان
وي عباس ريت هناك خوان
موش اتلاثه كون اخوان ميه

قلمي المقصر ام حوراء البركاوي
من ديوان الدماء الزاكيه

مولاتي ام البنين ع تقول

اسمعت ناعي اطلعت اركض بشر هين
صحت وهمومي هدني بشرهين
گلوب اتلوع عالغالي بشرهين
بخبر طمن العليله ورد اليه

قلمي المقصر ام حوراء البركاوي
من ديوان الدماء الزاكيه

ابو فاظل لزينب صبح فيها

وجموع العده ابطرت سيف فيها

اتخيل حرب والعباس فيها

چن حيدر علي بالغاضريه

قلمي المقصر ام حوراء البركاوي

يعود   الكافل   اتمنن حي الهن

ماضل بعده خياته    حيل الهن

اميه انكلبت وصارت حيه الهن

تلدغ   بالحجي   كلب   السبيه
◇◇◇◇◇◇◇◇◇◇◇◇◇◇
#شاعرة_اهل_البيت(ام حوراء البركاوي)

حزينه وضعي عالراحو وضع ناي

وسفه الزمن ياخويه وضعناي

عله نوك الهزل أسري وضعناي

يحمل للاسر سكنه ورقيه
◇◇◇◇◇◇◇◇◇◇◇◇◇◇◇◇◇◇
#شاعرة_اهل_البيت(ام حوراء البركاوي)

اجيت اصرخ لعد جسمك بحيلاي
وبح الصوت من صوتي بحيلاي
طاح الصار بحوالك بحيلاي
السند انت وصفيت اعله الوطيه

قلمي المقصر ام حوراء البركاوي

على خدي دموعي نار جاوين
ابدالي لو صخر جلمود چا وين
ادور بالجثث عباس چاوين
اريد اشكيله حال الصار بيه

قلمي المقصر ام حوراء البركاوي

تقول مولاتي زينب ع

ضاع الفرح احزاني محنه

ابدمه القاسم انشوفه محنه

دهرنه فگده هاليله محنه

ويم رمله اله ننصب عزيه
قلمي المقصر

سَطَعَ الهُدَى وَتَهَلَّلَتْ اسْــــرارُ
وسـَــرَتْ بِمَكَّــةَ يَوْمَها الاخبَـاار
وُلِـدَ البشِيرُ مُحَمَّدٌ فِي أمــَّــــةٍ
مِنْ بطْنِ يَعْرُبَ وَالبُطُونُ ثِمَـارُ
تِيهِي أَمَكـَّـةُ فالْحَبِيبُ مُحَصًّـن
في بَيْتِ هَاشِمَ وَالعَبِيرُ يــُـــدَارً
هــــذَا الوَلِيدُ مُبَاركٌ فِي حِلـِّــهِ
رَحـــلَ الظَّلامُ وحَلــَّتْ الأنوارُ
منقول

سطع بالكون نوره والهدى وياه
بخيت اليهدي گلبه والهده وياه
روحه  والها  رجه.  ولها.  دوياه
اهازيج.       الولاده    الهاشميه
قلمي