لطميه ثكيله
لفقد الاحباب

يتراب النجف عينك لاهلنه
يريت ابدالهم رملك حضنه

ريت ترد الاحباب
ملينه من الغياب

اعزاز وحملو وابعدو عنه
يتراب النجف عينك لاهلينه
🔷🔷🔷🔷🔷🔷🔷🔷
يتراب النجف هدمو حيلي
سهم ااغيابهم وذر دليلي
يروح ويه المشو ياريت شيلي

يروح المن تضلين
واحبابج بعيدين

بعد هيهات ما يرجع شملنه
يتراب النجف عينك لاهلنه
🔷🔷🔷🔷🔷🔷🔷🔷
يتراب النجف وين الغوالي
عگب اعيونهم وحشه الليالي
صفه مثل الشمع هذا انه حالي

اذوب بحسرة الآه
بجفاهم صحت ويلاه

عليهم ابد مابطلنه ونه
يتراب النجف عينك لهلنه
🔷🔷🔷🔷🔷🔷🔷🔷
عليهم ابد ماطلنه ونات
نصحه علدمع وانام وانبات
حلوه ايامهم لاجن قليلات

الراحو مايردون
عليهم لاعمي العيون

ايس ياكلب واكطع الظنه
يتراب النجف عينك لاهلنه
🔷🔷🔷🔷🔷🔷🔷🔷

نظل بدموعنه شماطال الغياب
يهد الحيل آه يافگد الحباب
نتأمل يجونه ودگت الباب

نظل بامالنه انحير
صفت بس التصاوير


شما طال البعد منكف دمعنه
يتراب النجف عينك لاهلنه
🔷🔷🔷🔷🔷🔷🔷🔷
شما طال البعد ماننسه العزاز
هنيال المشه ويه. احبابه جناز
الكعدتهم نحن كلساع نعتاز

نحن كلساعه ليهم
مانكدر نجيهم

قاسي يل الدهر لا مارحمنه
يتراب النجف عينك لاهلنه



تمت بعون الله تعالى
باقلام خادمات اهل البيت عليهم السلام
✍️ ام حوراء البركاوي
✍️ام نور الزهراء الزينبيه

يگلب امك يعبد الله
دليلي من الهجر ذايب جرحك يدي ماطايب
يگلب امك يعبد الله

يعبد الله سهرت الليل عليك وزايد اونيني
يعبد الله انه بچفاك ليل الهجر ياذيني
يعبد الله گلي شلون بعدك تخلص اسنيني

صعب فرگاك يعبدالله

دهري غير الواني. صار الحزن عنواني

يگلب امك يعبد الله


يعبد الله شنهو الصار وريدك ينذبح يبني
يعبد الله موتك نار ابدليلي يمه جوتني
يعبدالله صحت بجفاك يريت الموت ياخذني

صعب انساك يعبدالله

نار اجفاك تاذيني. يبني ويانظر عيني

يگلب امك يعبدلله


يعبد الله الهجر چتال وهجرك يمه هد حيلي
يعبد الله بصوت انياح اني خلصت ليلي
يعبد الله بعد شحچي وَحسَّن غصه بدليلي


البعد. چتال. يعبدالله

يريت الموت يدنالي. هجرك عذب احوالي

يگلب امك يعبدالله


يعبد الله الوج عليك يبني ونخطف لوني
يعبدالله سهم الصاب وريدك صابلي اعيوني
يعبدالله زغير اعداك منك يمه حرموني


عليك شلون يعبدلله

اهيد اشلون يلغالي من اشوفن مهدك الخالي

يگلب امك يعبدالله



يعبد الله ريت وكون اروي ثغرك الضامي
يعبدالله لاطالت الهذا اليوم ايامي
يعبد الله ولا شوفن نحرك بالسهم دامي

ضامي. اتموت يعبدالله

سهم البين فجعاني. خذاك وحيل اذاني

يگلب امك يعبد الله

بقلمي أم حوراء البركاوي

هذا الجمع ياعباس لجلك حاضره حشوده
ياراعي الواء انت يجودك ماحصل جوده
اذا عالغيره نشدوني اكلهم يمه موجوده

قائد انت ورفعة راس يوم انادي بأسمك

بقلمي ام حوراء البركاوي
مباشر وليدة اللحظه

نعي

ياشهر. الونين انعمت. عيناي

اظل وحدي واخوتي ماهم وياي

يا وسفه. الغريب ايصير حداي


عليه ياشهر متگلي وشخليت

بيك شكد دمع عالخوه هليت

وحيده بلا اخو بالغربه ظليت


بعد ذاك الدلال المر عليه

اميره ولليسر يسرون بيه

هضيمه بت علي وتنشد اديه


وعله ديار الغرب يحسين اسيرن

بحرم وطفال من بعدك احيرن

واحس. اعيونك علينه يديرن


✍أم حوراء الركاوي

آني زينب بت علي وتسبيني
وسيد الجنه اخوي حسيني
*
الليله ياحال اليمر زينب عليج
ابين اطفال وحرم لمة اديج
هاي سكنه اتصحيلي ياعمه ليج
اخذيني جوه عبايتج غطيني
****
الليله آلله ايساعدج يابت علي
وحدج الليله والج ماضل ولي
اكبال عيني ع رمح ظل معتلي
راس اخوي احسين ضنوة عيني
**
الليله صوت اطفالنه يمه عله
والجثث ع غبره ضلت بالفله
ريتج ويايه حضرتي كربله
وع فكد اخواني الي اتواسيني
****
ابين نهران الدمع جن صوت صاح
عمه بويه خل يجيني وين راح
شفت دمعج يارقيه عمه طاح
مودمع جن نار احس يجويني
***
لبسو سجادنه طوك الحديد
وراس اخويه ع رمح وقيود ايد
لعنة الله عليك يالضالم يزيد
تدري جدي المصطفى وتسبيني
*
آني تربات الطهر بنت البتول
وعلي ابوي المرتضى وجدي الرسول
مارعيتو القرب يامرضه العقول
من رسول الله بده تكويني
*
✍ الشاعرة أم حوراء البركاوي

ببركة محمد وآل محمد نالت قصيدتي شرف القراءة بمجلس الحسين ع بصوت الموفق ملا ابو آدم

نعي

في صباح الحادي عشر
جلست زينب عند القمر
تحكي له عما جرى
دخان الخيام عاليها
وجثثآ نائمه فوق الثرى


تگله خويه ياخويه
يعباس انه جيتك فاكده الراي
لحسين ارد اروحن كوم وياي
اريدنك سند لو مال ممشاي
صعب خويه صعب تنظرلي اعداي

اريدك سد يخو زينب اليه
ماريد العده تنظر عليه
اريدن طولي وي طولك سويه
ويم حسين خل ننصب عزيه

شوف من الگفه راس حسين ذبحوه
وجسمه موذر وعل رمل طشوه
وضلعه بحافر الخيل ياخويه داسوه
ونظر خنصره من ايديه گصوه

بقلمي ام حوراء البركاوي

باجر بالجمر طرف العبايه
يخط ومعون تحتار ابسبايه
باجر من يرحلون•••الله ايساعد ام عون
سبايه سبايه
@@@@@@@@@@@@@@@@@@@
باجر العباس زينب تشتكيله
اتكله ياخويه المحن كلش ثكيله
اخلاف عينك انسبي وآني العقيله
الحملته اجبال ماتكدر تشيله
حرت باطفال يبجون
الله ايساعد ام عون
سبايه سبايه
@@@@@@@@@@@@@@@@@@
اركض ع جمر وحمل بديه
يتامه حسين بارض الغاضريه
عين السكنه دارت والرقيه
وعين اتشاهد الراحو ضحيه
عليهم اعمي العيون
الله ايساعد ام عون
سبايه سبايه
@@@@@@@@@@@@@@@@@@
حسافه الكالو عليه الاسيره
واني الربي توجني اميره
بعد ذاك الدلال اصبح ابحيره
حرم وطفال اقودن بالمسيره
باجر وحدي وشلون
الله ايساعد ام عون
سبايه سبايه
@@@@@@@@@@@@@@@@@@@
ناده حسين لكن لامناصر
وحيد عليه كلها ادور باجر
يضل وحده ولينه وي العساكر
تخلي اعله الصدر اثار حافر
جسمه سهام يملون
الله ايساعد ام عون
سبايه سبايه
@@@@@@@@@@@@@@@@@@
امانه عندج اعزازي يالطفوف
ضنوة حيدره مارحمته اسيوف
عباس الكمر ضميله الجفوف
عنهم راح اروح وبعد ماشوف
اخوتي المايرجعون
الله ايساعد ام عون
سبايه سبايه
@@@@@@@@@@@@@@@@@@
#شاعرة_اهل_البيت(ام حوراء البركاوي)
#لااجيز_حذف_اسم_الشاعره
قناة الشاعرة أم حوراء البركاوي
ياحسين
https://www.tgoop.com/qwerrtt76

بصوت الموفق ملا عمار

انضمو لقناة الموفق ملا عمار ستجدون بها اروع الالحان 👇👇👇👇

https://www.tgoop.com/afghgghhh

يعباس جيب الماي لسكينه
يعباس جيب الماي لسكينه


يعباس بصيحة الم نادوها
والخيام بنار البغض حركوها
والعيال من الماي حرموها
صحت بصوت الحك يخويه علينه

يعباس جيب الماي لسكينه
يعباس جيب الماي لسكينه


تنادي سكينه لو نضرت الحالي
يابس دليلي من العطش يالغالي
وينك يعمي وين ابوي الوالي
الحك يكافل بلعجل رد لينه

يعباس جيب الماي لسكينه
يعباس جيب الماي لسكينه



زينب تنادي والحزن عاليها
عيالك عطاشه والعطش ياذيها
سكنه يخويه نادتك رد ليها
بلا ماي والعطش ياذينه

يعباس جيب الماي لسكينه
يعباس جيب الماي لسكينه



يعباس امكدره ومهضومه
الفكد حسين روحي صفت مالومه
دم وتراب ضاعت هذيج ارسومه
وحر الگاع چوت جسد والينه

يعباس جيب الماي لسكينه
يعباس جيب الماي لسكينه


يعباس ماظل اخو يحامينه
بنص الخيل ونار الخيم تجوينه
وين انروح والعدوان تولينه
ولأرض الشام وسفه الغرب تحدينه

يعباس جيب الماي لسكينه
يعباس جيب الماي لسكينه
@@@@@@@@@@@@@@@@@@
#شاعرة_اهل_البيت(ام حوراء البركاوي)
#لااجيز_حذف_اسم_الشاعره
قناة الشاعرة أم حوراء البركاوي
ياحسين
https://www.tgoop.com/qwerrtt76

بصوت الموفق ملا عمار

انضمو لقناة الموفق ملا عمار ستجدون بها اروع الالحان 👇👇👇👇

https://www.tgoop.com/afghgghhh

أنـادي ومانـفع يحـسين منـداي

داء الهـجر گـلي شلـون من داي

دوا انت ورحت ياخوي من داي

رحـت والـداي يـاكـل گـام بـيـه

✍أم حوراء البركاوي

عن لسان مولاي السجاد ع

اچفوف النيبه ياوسفه لوني

عليل وناحت الدنيه لوني

معافه وريت يوم الطف لوني

اسوي افلاك بأرض الغاضريه

✍أم حوراء البركاوي

دارميات محاوره بين مولاتي زينب ع
واخيها ابا الفضل العباس ع

~
ما ادري الم اعيال ما ادري انوحن
ترضاها يالعباس مسبيه اروحن

منهو اليصل لحذاج يختي الاميره
صدگيني لو موجود مارحتي اسيره

انه ادري يالعباس ماتقبل بهاي
ياهو اليصل لحذاي لو انت وياي

ماخلي واحد چان يگرب عيالج
صدگيني اكص انحور خاطر خيالج

انه ادري دمك حار اعليه ويفور
ولو انت يمي اليوم گصيت الانحور

موبس نحر گصيت يختي العقيله
صدگيني لليدناج من گاعه اشيله

والله وكفو وادريك يارفعت الراس
من اسمك العدوان ترجف يعباس

من يمي وتروحين يصعب عليه.
ويه الغرب تمشين زينب سبيه

ماقصرت عباس وفيت اخوتك
كسرت ظهر لحسين ياخويه موتك

✍🏻ام حوراء البركاوي