اليه خوان كون بساع يرَدَّون

اعيال وللكفلهم حيل يَردون

عطاشى وغرفه من الماي يَرِدون

بيها من الكفلهم كون ميه

بقلمي ام حوراء البركاوي

حارت دمعتي بعيني ولاجت

وعليكم روحي ماتهده ولاجت

وحيده ولا ابو العندي ولاجت

ام ولا اخو ظل حامي ليه

بقلمي أم حوراء البركاوي

بعيني الدمعه عالخوان لاجيت

وعليهم روحي ياهالناس لاجيت

عساني الكربله يحسين لاجيت

ولا بيها انصب خيمه اليه

بقلمي ام حوراء البركاوي

عن لسان مولاي السجاد ع

حادي النوگ شفته. بغيض. يسره

وشفت عمتي وخواتي بحزن يسره

يمين. ارفع. عليكم. مدري. يسره

اهدن والمرض هد حيل بيه




✍أم حوراء البركاوي

يگلب امك يعبد الله
دليلي من الهجر ذايب  جرحك يدي ماطايب
يگلب امك يعبد الله

يعبد الله سهرت الليل عليك وزايد اونيني
يعبد الله انه بچفاك ليل الهجر ياذيني
يعبد الله گلي شلون بعدك تخلص اسنيني

صعب        فرگاك            يعبدالله

دهري غير الواني.  صار الحزن عنواني

يگلب امك يعبد الله


يعبد الله شنهو الصار وريدك ينذبح يبني
يعبد الله موتك نار ابدليلي يمه جوتني
يعبدالله صحت بجفاك يريت الموت ياخذني

صعب      انساك       يعبدالله

نار اجفاك تاذيني.    يبني ويانظر عيني

يگلب امك يعبدلله


يعبد الله الهجر چتال وهجرك يمه هد حيلي
يعبد الله بصوت انياح اني خلصت ليلي
يعبد الله بعد شحچي وَحسَّن غصه بدليلي


البعد.          چتال.      يعبدالله

يريت الموت يدنالي.    هجرك عذب احوالي

يگلب امك يعبدالله


يعبد الله الوج عليك يبني ونخطف لوني
يعبدالله سهم الصاب وريدك صابلي اعيوني
يعبدالله زغير اعداك منك يمه حرموني


عليك شلون يعبدلله

اهيد اشلون يلغالي  من اشوفن مهدك الخالي

يگلب امك يعبدالله



يعبد الله ريت وكون اروي ثغرك الضامي
يعبدالله لاطالت الهذا اليوم ايامي
يعبد الله ولا شوفن نحرك بالسهم دامي

ضامي.          اتموت    يعبدالله

سهم البين فجعاني. خذاك وحيل اذاني

يگلب امك يعبد الله

بقلمي أم حوراء البركاوي

بصوت الموفق ملا عمار

انضمو لقناة الموفق ملا عمار ستجدون بها اروع الالحان 👇👇👇👇

https://www.tgoop.com/afghgghhh

ها يعمتي حيره حيرة كربله
ها يعمتي صوت وناتج عله


آه يعمه ريت لو موتي خذاني
آه يعمه ولاعشت بالطف عساني
آه يعمه لوعه يالوعة زماني
اه يعمه والحزن. غير الواني

هايعمتي. راح ابن عقد الوله
ها يعمتي صوت وناتج عله



گلبي ضامي وعطش الشوفة هلي
گلبي ضامي العمي وحسين الولي
گلبي ضامي الجاسم وشوفة علي
گلبي ضامي وشيرجعهم الي

هايعمه گلبي مشتاك الهله
ها يعمه صوت وناتج عله


عل حبايب مانشف مني الدمع
ع حبايب صوت وني ينسمع
عالحبايب انكسر مني ضلع
عل حبايب ذاب عمري كالشمع

ها يعمتي. من مثلنه مبتله
ها يعمتي صوت وناتج عله



يا عذابي. زاد من لوعة خواتي
ياعذابي. والحزن غير صفاتي
ياعذابي ريت لاطالت حياتي
ياعذابي وريت لو گرب مماتي

ها يعمتي بالحزن گلبي امتله
ها يعمتي. صوت وناتج عله


شرد اوصف حالي وشياحال بيه
شرد وصف ضاگت الدنيه عليه
شرد اوصف. وشخذت مني المنيه
شرد. وصف من هلي ماظل اليه


ها يعمتي الاخوه كله مجتله
هايعمتي صوت وناتج عله



✍ ام حوراء البركاوي

يعباس جيب الماي لسكينه
يعباس جيب الماي لسكينه


يعباس بصيحة الم نادوها
والخيام بنار البغض حركوها
والعيال من الماي حرموها
صحت بصوت الحك يخويه علينه

يعباس جيب الماي لسكينه
يعباس جيب الماي لسكينه


تنادي سكينه لو نضرت الحالي
يابس دليلي من العطش يالغالي
وينك يعمي وين ابوي الوالي
الحك يكافل بلعجل رد لينه

يعباس جيب الماي لسكينه
يعباس جيب الماي لسكينه



زينب تنادي والحزن عاليها
عيالك عطاشه والعطش ياذيها
سكنه يخويه نادتك رد ليها
بلا ماي والعطش ياذينه

يعباس جيب الماي لسكينه
يعباس جيب الماي لسكينه



يعباس امكدره ومهضومه
الفكد حسين روحي صفت مالومه
دم وتراب ضاعت هذيج ارسومه
وحر الگاع چوت جسد والينه

يعباس جيب الماي لسكينه
يعباس جيب الماي لسكينه


يعباس ماظل اخو يحامينه
بنص الخيل ونار الخيم تجوينه
وين انروح والعدوان تولينه
ولأرض الشام وسفه الغرب تحدينه

يعباس جيب الماي لسكينه
يعباس جيب الماي لسكينه
@@@@@@@@@@@@@@@@@@
#شاعرة_اهل_البيت(ام حوراء البركاوي)
#لااجيز_حذف_اسم_الشاعره
قناة الشاعرة أم حوراء البركاوي
ياحسين
https://www.tgoop.com/qwerrtt76

بصوت الموفق ملا علي خادم الزهراء ع
مع اشبال الحسين ع هكذا هي الخدمه الحسينيه

القصيده💥 للعلیله ع💥

يابويه فــدوه مروتك
ماني حمامه بشجرتك
تتركني وحدي بلااهل

ياحسين انه عليلتك
__
يابويه اتــــوجه بألم
وصل لحد باب البيت
وانــظر وعاين لليمر
اقره الوجوه اونيت
اتمايل انه من الولم
وأحسب سوالف ظلیت

يمكن تجي لوماتجي
عمي وخي انه رتجي

تدريه توجع غربتك
ياحسين انه عليلتك

بقلم العلويه ام رقيه
♠️♠️♠️♠️♠️
يحسين هدحيلي المرض
وغير علـــيه احوالي
وظلیت اعالج بالالم
الليــل بس يبرالي
اتهيس اصوات التمر
لصوتك احن يالغالی

المـــــــن یبویه التجي
عمی واخی انه ارتجي

حن الكلب الشوفتك
يحسين انه عليلتك

✍🏻 ام سجاد الشهيد
♠️♠️♠️♠️♠️
انطر وعاين عالدرب
وحسب ليالي واليام
كل يوم يابويه اليمر
اتزيد بيـــه الآلام
ابين يقضه والحلم
مابيه عيشن احلام

ادری مـا ینفع الحچي
عمی واخی انه ارتجي

تعبت دليلي غربتك
يحسين اني اعليلتك

✍ام حوراء البركاوي
♠️♠️♠️♠️♠️
ابعتبت الباب انه انتظر
وتبجي لبوي اعيوني

اعضامي بيدها المرض
بيوم المشو عافوني

والفرگه هدتلي الجسم
وخابت یبویه اضنوني

الیا مـــــتن بعد انتچي
عمی واخی انه ارتجي

طالت عليه غيبتك
يحسين اني اعليلتك

✍🏻 ام زينب الأسدي

♠️♠️♠️♠️♠️
يابويه بالحسره اون
ماعندي غيرك والي

دلالي محزون ابألم
منه الذي يبرالي

بنتك حزينه امألمه
والفراگم چتالي

دمعي وشل من البچي
عمی واخي انه ارتجي

عنت عليه شوفتك
يحسين انه عليلتك

✍️هدى المطر ام محمد
_
تمت بعون الله

بأقلام رابطة ساقي عطاشى كربلاء

بصوت الموفق ملا عمار

انضمو لقناة الموفق ملا عمار ستجدون بها اروع الالحان 👇👇👇👇

https://www.tgoop.com/afghgghhh

قصيده ع طور يالليل طول ساعاتك لابو بشير النجفي


يا موت ريتك ماخذني
ياموت المن عايفني

ريتك ماخذني بساع ولا عشت وشفت وداع


يوم طفچ كربله يوم ابد مامثله صاير
خذتي اهلي ليش مني وكسرتي من عدنه خاطر
يا اشد وصعب مصيبه آه يا ليلة العاشر

حسين گطعو منحره. ونار الخيم متوجره
الله يا هذا الجره حسين يطبع صدره حافر

ياموت خذتلنه الغالي ياموت ضاعت آمالي
شفت من الظلم انواع. ماعشت وشفت اوداع




اصعب يعمه كل جرح يا اشد جرح السبايه
يوم شفتج عالهزل ومجتفه بحبل الرزايه
وشفت يازينب رقيه تنشد اعله الشال رايه

حالها يبجي الحجر. تايها وضاع النظر
اتصيح ياعمه بقهر. وين عمي وين مايه

ياموت المنظر اذاني. ياموت تايه خلاني

زادت بيه الاوجاع. لاعشت وشفت اوداع



قيد السبي بيدي طبع والحبل غير احوالي
ومن اصد ارماح تمشي اعليها دم روس الغوالي
بين درب الشام والطف من مصايبها شجرالي

ماانسه ليل النايبه ودموع زينب ساجبه
طف كربله وامصايبه طبع ميفارك خيالي

ياموت مسبيه الخدر ياموت بخطواتي اتعثر
واجساد صرعه اعله الكاع
لاعشت وشفت اوداع


شحجي بعد يامعضله وتجرح بروحي النوايب
آه ياطف القهر خذت من عدنه الحبايب
ابين نبله وذبح منحر شفنه اشكال المصايب

آهات يانحر الطفل. ايتام مشدوده بحبل
شفت النسه فوگ الهزل. والتحدي ياوسفه الاجانب

يا موت اطفال اتنادي. ياموت تهات بالوادي

تركض عمتي عالضاع. لا عشت وشفت اوداع




صرت مابين حزني وبين لوعات اليتامه
شلون ياعيني تنامي والليل عمتي ماتنامه
اتگلي ياعمه الجفوف وآه ياطرت الهامه

اتخيل ابالي الجره. نار واخوه اموذره
وحسين گطعو منحره هذي ماجانت ايامه

يا موت ما انسه الضامي ياموت شما عشت ايامي
راحو من عدنه اسباع. ولا عشت وشفت وداع



✍️الشاعره ام حوراء البركاوي

يمه وين اخوتج والكمر وين
يمه ع قاسم اسالج والميامين

¤¤¤¤¤¤¤¤¤¤¤¤¤¤¤¤¤¤

زينب ييمه وشوفي حالي
مامعروف شكلي من خيالي
صفت بنتج وحيده بلايه والي
انه دخيلج ييمه لاتسألين

¤¤¤¤¤¤¤¤¤¤¤¤¤¤¤¤¤

شحجيلج ييمه وحزني غطاني
بسياطه النذل ع متن ضرباني
ماظل بعد ليه افكد ولياني
بس الحزن يمه ودمعة العين

¤¤¤¤¤¤¤¤¤¤¤¤¤¤¤¤¤¤¤

يمه من شفت الرمح دكيت ع راس
ريته ابعيني اجه ولا عين عباس
وسمعت حسين ناده اكعد ينوماس
خويه انهض دخيلك ناده الحسين

¤¤¤¤¤¤¤¤¤¤¤¤¤¤¤¤¤¤¤

شحجيلج بعد يايمه ياحال
عكب عزي ودلالي انجر بالحبال
وصفت بتج سبيه بيد النذال
اجيبك ياكمر عباس من وين

¤¤¤¤¤¤¤¤¤¤¤¤¤¤¤¤¤¤¤¤

يمه ام الكمر لوسالت اشلون
ودري حسين عدها ابعز العيون
هاي الاربعه كالت يروحون
لحسين وبعد لو عندي عشرين

¤¤¤¤¤¤¤¤¤¤¤¤¤¤¤¤¤¤¤

#شاعرة_اهل_البيت(ام حوراء البركاوي)
#لااجيز_حذف_اسم_الشاعره

بصوت الموفق ملا عمار

انضمو لقناة الموفق ملا عمار ستجدون بها اروع الالحان 👇👇👇👇

https://www.tgoop.com/afghgghhh

آني زينب بت علي وتسبيني
وسيد الجنه اخوي حسيني
*
الليله ياحال اليمر زينب عليج
ابين اطفال وحرم لمة اديج
هاي سكنه اتصحيلي ياعمه ليج
اخذيني جوه عبايتج غطيني
****
الليله آلله ايساعدج يابت علي
وحدج الليله والج ماضل ولي
اكبال عيني ع رمح ظل معتلي
راس اخوي احسين ضنوة عيني
**
الليله صوت اطفالنه يمه عله
والجثث ع غبره ضلت بالفله
ريتج ويايه حضرتي كربله
وع فكد اخواني الي اتواسيني
****
ابين نهران الدمع جن صوت صاح
عمه بويه خل يجيني وين راح
شفت دمعج يارقيه عمه طاح
مودمع جن نار احس يجويني
***
لبسو سجادنه طوك الحديد
وراس اخويه ع رمح وقيود ايد
لعنة الله عليك يالضالم يزيد
تدري جدي المصطفى وتسبيني
*
آني تربات الطهر بنت البتول
وعلي ابوي المرتضى وجدي الرسول
مارعيتو القرب يامرضه العقول
من رسول الله بده تكويني
*
✍ الشاعرة أم حوراء البركاوي

بصوت الموفق ملا عمار

انضمو لقناة الموفق ملا عمار ستجدون بها اروع الالحان 👇👇👇👇

https://www.tgoop.com/afghgghhh

مسبيه ياحادي عشر•••انهدحيلي ابأول عشره
خويه انسبينه
بيها المصايب تختلف•••تشهد عليها الغبره
واحنه انولينه
********
اصحاب اخويه اجتلو ناصر يتبعه ناصر
بين الذبح بين الطعن بين انسحك بالحافر
ضحو مهج لحسين امس ابطال يوم العاشر
أسماء ظلت خالده ••• باقة ورد قطرة ندى
اسماأهم من تنذكر ••• جن جوري فايح عطره
********
ياثار اصحاب السبط طلعة كمر ياخذها
من برز يامرحب امس جن حيدره حاضرها
بدرآ انعادت ياعلي وعباسها اليوم الها
يأخذ الروس ابلاعدد***البطل من عدهم شرد
صاحب الرايه الهيبته•••الكاع ترجف حدره
*******
للعلكمي لمن مشه الماي يحضن جفه
كد ماعشك جف الكمر خلاها تحضن جرفه
خجل النهر لمن نضر عطشانه شاف الشفه
الروج ضل يلطم قهر•••وزعلان ضل يبجي النهر
ناده النهر يابا الفظل•••مخنوك مايه ابعبره
******
حاجه السهم لمن اجه منذوره كله عيني
من الصغر منطي وعد بيها اخلي حسيني
انطيك وحده وحده الي بالوحده اوفي ديني
لوماوصيت حسين الي•••اهده يبن حيدر علي
تكفيني عيني ابلايه جف•••امحي العده من نضره
****
ستر الله مجموع ابستر زينب سترها آيه
من جفي ماطاح العلم هيه العلم والرايه
من صغري منها اتعلمت مانختلف بحجايه
منبع علم بيت النبي•••معقوله زينب تنسبي
عباس انهض لونخت•••اهدم يزيد وقصره
***
#شاعرة_اهل_البيت(ام حوراء البركاوي)
#لااجيز_حذف_اسم_الشاعره