قصيده للامام الحسين ع الوزن دارمي.


كلما يهل عاشور يبن الزجيه
حيل اللجم وانهار وانصب عزيه

انته الذي ضحيت مولانه بدماك
واني الاخدمك دوم مالحضه انساك
الطم واون وانعاك واتعاهد اوياك
لاخر نفس ما عوف هاي القضيه
الخادمة زينة الگريشاوية
«««««««««««««««
لاخر نفس ماعوف خطك ياالحسين،،
روحك وعيله انطيت النصرت الدين،،
واجب تنوح اعليك تبجي الموالين،،
وتنصب عزه ورايات حد المنيه،،
✍ام مرتضى الخزرجي
«««««««««««««««
ننصب عزه وكل عام نحيي الشعائر
نقره بحزن لحسين فوگ المنابر
من تكتب الي صار اكتب يشاعر
ابين السطور اتروح زينب سبيه
✍️أم حوراء البركاوي
«««««««««««««««
ابچي وون اعليك ودموعي تجري
ومقصره انه اوياك يحسين ادري
ياريت خيل اعداك داسته صدري
لكن اسف مولاي ماصح بديه
✍️ ام مهدي الفرطوسي
«««««««««««««««
طول الزمن يحسين وذكرك ابالي
راسمته بالوجدان وصوره ابخيالي
شماطالت الأيام أومرت لليالي
لا أبد مانساك يبن الزچيه
ام علي المالكي
«««««««««««««««
لا ابد ماننساك ماننسه ثارك
للذله لا هيهات نردد شعارك
تحيي الشريعة تريد ربنه لختارك
بالطفل من ضحيت واخته رقيه
✍🏻ام محمد باقر ال عبيد
«««««««««««««««
تمت بأاقلام شاعرات رابطة كفيل زينب عليها السلام

تمت باقلام شاعرات رابطة كفيل زينب عليهما السلام
https://www.tgoop.com/alkfoofalskea

موشح مقصور وداع الحسين والعليله المقاصير فعلاتن فاعلن

وداعت الله يا أبو كلب الحنين

رايح ونتلاكه جا يابويه وين

عيني تبقى عالدرب

واتنضر ليه تطب

؛...................................
انتضر ياوالدي يمتى تعود
تدري لو ماجيتني العله تزود
خل انام ابحضنك اشويه الودود
تمسح ادموعي التصب
وانتضر ليه تطب

الخادمة زينة الگريشاوية
،،،،،،،،،،،،،،،،،،،،،،،،،،،،،،،،،،،،،،،،،،،،
خل انام ابحضنك والكه حنان

وعطرك اشتمه و احسن باالامان

گسر ظهري وداعك اصعب امتحان

يكتل وداعك صعب

وانتظر ليه تطب
✍ام مرتضى الخزرجي
،،،،،،،،،،،،،،،،،،،،،،،،،،،،،،،،،،،،،،،،،،،،،
ماتردلي ادخيل خافن ماتجي
وانه بدنياي عكبك شترجي
نايحه عليك بونين اشكد شجي
يابعد هرش الكلب
وانتظر ليه تطب
ام حسين المحمداويه
،،،،،،،،،،،،،،،،،،،،،،،،،،،،،،،،،،،،،،،،،،،،،،
هرش گلبی حاضن اجروحه ابشعف،
مثـــــل شمعه جــــای اذوبن بالکهف
اسطوره اکتابی بدمعي ما نشف
یذبح ابروحی الرعب
وانتظـــــر لیه تطب،،

ام مهدی مجدم✍🏻
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
گاعده وتنطر ودمعي يهل
من ونيني عليك ابدا ما امل
اتمنه يابويه لون يمك أصل

فركتك نار وتشب
وانتظر ليه تطب

✍️ أم حوراء البركاوي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بويه انطيني وعد يمته ترد
وداعك اذاني ومرد چبدي مرد
وداعت الله ياحبيبي والسند
يلي اعز من العذب
وانتظر ليه تطب
✍️ ام مهدي الفرطوسي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تمت بأاقلام شاعرات رابطة كفيل زينب عليها السلام

https://www.tgoop.com/alkfoofalskea

بسم الله الرحمن الرحيم
اللهم صل على محمد وال محمد

عد الله العمل بكتاب مكتوب
اتروح من الحساب اهناك ياصوب
🍃🍃🍃🍃🍃🍃
الباري امسجله والملك محصيهه
كل ذره من خير وشر تسويهه
حافظ على الگبر والبنه ابنيهه
ظهرك منكسر من كثر الذنوب
✍ام مرتضى الخزرجي
🍃🍃🍃🍃🍃🍃

ابسورة زلـــــزله اقــــره خبرها،،
کـــل ذرة خیــــر اتسوی وشرها،،
وحگ طاها النبـــی سید بشرها،،
ابرگبته یطوقو بعماله کل صوب،،
ام مهدی مجدم✍🏻
ظهرك منكسر خل يعدل بتوبه
البشر بالآخره مرهون بذنوبه
يم ربنه الخلقها الروح مطلوبه
فكر وتعض بالآخره وتوب

✍️أم حوراء البركاوي
🍃🍃🍃🍃🍃🍃

فكر وتعض وشعامل اليوم
من غفلة الدنيا انهض وگوم
الماعنده عمل كافي من النوم

اعدلها المعاصي اعبد المحبوب
ظهرك منكسر من كثر الذنوب

ام علي المالكي

🍃🍃🍃🍃🍃🍃

الدنيه لاتغرك اعمل الصالح

يبن ادم اشما تبقى تره رايح

صفي نيتك واتعبد وسامح
ولاشي ابنهج ابو اليمه المهيوب

الخادمة زينة الگريشاوية
🍃🍃🍃🍃🍃🍃🍃
تمت بأاقلام شاعرات رابطة كفيل زينب عليها السلام

https://www.tgoop.com/alkfoofalskea

السيده زينب ع تخاطب الامام الحسين ع
ـــــــــــــــــــــــــ
بجيت عيون الك من شفتك موذر
ياساگي العطش والعطش بيك اثر
سنينك طشن بلحضه
المهن ماتصح ركضه

حيل اختك سبگها بذبحة المنحر
ــــــــــــــــــــــــــــــــ
أتنفس اخو مكسور ظهره طاح
واشهگ شهگة لغرگان ماكو صياح
حروف اسمك قلم ويدون الالواح
بوريد الدم كتب مامات لاماراح

ياميت عدل نبضه
المهن ماتصح ركضه
حيل ختك سبگها ابذحةالمنحر

ام حسين المحمداويه
ــــــــــــــــــــــــــــــــــ
شهگتي كبرتني وراح مني الحيل
من شفت الصدر مسحون تحت الخيل
ودم نحرك نزف يبن امي مثل السيل
مصيبه ماجرت ولا الها امثيل
الك ذكرى والك ومضه
المهن ماتصح ركضه
حيل اختك سبگها ابذبحة المنحر
✍️ ام مهدي الفرطوسي
______
العبره امكسره بصدري واجر ونه
اذبيح وضامي شفته سيد الجنه

ومن دم النحر الشيب اله اتحنه

اموذر على الترب اعيوني شافنه

المهن ماتصح ركضه

الخيل بحافر اتسحكه

حيل اختك سبكهه ابذبحه المنحر

✍ام مرتضى الخزرجي
___
المكتوب خويه كون الي يندار
ولاشوفك امگطع والگلب يحتار
يوالي لويصح القدر بيه اختار
وگف من الهضايم والسبي والنار

الحوافر جسمك اترضه
المهن ماتصح رگضه
حيل اختك سبگها ابذبحة المنحر

ام علي المالكي
______
راح الحيل مني اوين ادورنك
اشتم ريحه امي من اشمنك
مكلوب اعله وجهك خويه اشوفنك
اصيح بصوت بسمك ارد اندهنك
گلبي اعليك يتلظه
المهن ماتصح ركضه
حيل اختك سلگها ابدبحه المنحر
زهره الكناني✍🏼
____
اخاف احچي يخويه اتزيد بيك اجروح
مو بس الگفى خاطر الي مذبوح
يريت اليوم روحي ليك فدوه تروح
يا عطر الاخوه شلون كلي ايروح

حلم ياريته مو يقضه
المهن ماتصح ركضه
حيل اختك سبگها ابذبحة المنحر

ام حوراء البركاوي
___
ياغصن الورد مگطوع من شجره
گطعو منحرك يامهجة الزهراء
ماي الله تبده بوسطت الصحره
ويتامك عطاشه وماتصح گطره

صله الماي الك فرضه
المهن ماتصح ركضه
حيل اختك سبگها ابذبحه المنحر


الشاعره ام روكان الشمري
ــــــــــــــــــــــــــــــ
تمت باقلام شاعرات رابطة كفيل زينب عليهما السلام

ــــــــــــــــــــــــــــــــ
https://www.tgoop.com/alkfoofalskea

ديوان نعي المحمداويه
للشاعره الحسينيه
أم حسين المحمداويه
يحتوي على نعي المجردات والنعي النصاري مع اجمل الابوذيات وكذالك ختمه بالهوسات الرائعه
سارعو بالحجز متوفر بجميع مكتبات المحافظات الحقوق للطباعه والنشر
لمكتبة الزهراء عنوان المكتبه
البصره//,العشار

مذنبين احنه يربي مقصرين
تغفرنه نريد وبجاه الحسين

غير ماعدنه وسيله
نسال بحق العليله

تغفرنه نريد وبجاه الحسين

ــــــــــــــــــــــــــــــــــــ

ياعظم هاي الذنوب لكن انعرفك رحيم

باب مفتوح العبادك اليسلكه يستقيم

المشه بمنهج قضيته نجا وبدربه يقيم

عاصي وذنوبي ثجيله
نسال بحق العقيله
تغفر النه نريد وبجاه الحسين

ام حسين المحمداويه
ـــــــــــــــــــــــــــــــــــــــــــ

رحمتك الله وسيعه وانت القل هو احد
وانتَّ قادر وانتَّ واحد وكلشي بيدك ياصمد
صورتنه بصور حلوه ياجلال ألم تلد
أعفوا عنا ذا خطئنا نسبح وليك الحمد

بجاه فاطمة الزچيه
أغفر الذنب العليه
تغفرنه أنريد وبجاه الحسين
ام علي المالكي

ـــــــــــــــــــــــــــــ
نسالك ياباري سامح بيدك الحق والمصير
امسح اذنوب الخلايك بجاه مولانه الامير
احنه متمسكين بيكم وباسمكم نستجير

الذنب صعبه نشيله
نسال بحق العقيله
تغفر النه نريد وبجاه الحسين

✍☘ام فراس الساعدي ☘
ـــــــــــــــــــــــــــــــــــــــــــــــ
ادخيل يارب البريه اغفر اذنوب البشر
لاتخلي العبد حاير ابجاه مگطوع النحر
بحق ابواليمه نخيت بحق التسع الدرر
ربي مااطن مستحيله
نسال بحق العقيله
زهره الكناني✍🏼
ــــــــــــــــــــــــــــــــــــــــــــ
انت ارحم من ابونه ومن حضن امنه الحنون،،

رحمتك اوسع ياربي اتكول لشي كون يكون،،

تغفراذنوب العلينه ونشرب بكاس المنون،،

مالنه ياربي حيله،،
نسأل بجاه العليله،،

تغفر النه انريد وبجاه الحسين،،

✍ام مرتضى الخزرجي
ـــــــــــــــــــــــــــــــــــــــــــــــ

جيتك وكلي معاصي وادري كل ذنبي يزول
مرتكب ذنب وخطيئه مستحي منك شگول
العـفو اطلب تسامح منك بجاه الرســول

انت كل دربي سبيله
نسأل بحـق العلــيله

تغفر النه نريد وبجاه الحسين

أم صـــ✍️ـــادق المنصوري
ـــــــــــــــــــــــــــــــــــــــــــــــــــــ
ندري وابرحمتك واسع انت غفار الذنوب
ابد بابك ماتسده اترحب ابكلمن يتوب
انت تهدي من تشاء شما قست بينه الگلوب

ندعي والمدمع نسيله
نسأل بحق العقيله
تغفرلنه انريد وبجاه الحسين
✍️أم حوراء البركاوي
ـــــــــــــــــــــــــــــــــــــــــــــ
اسألك ياربي رحمه انستر حد الممات
ماازول منالعقيده اريد يارب الثبات
تعمي گلبي وتعمي عيني من جميع المحرمات
ارحم العبد الضعيف منالمعاصي والشتات
ماكو غيرك اشتكيله
نسأل بحق العقيله
تغفرلنه انريد وبجاه الحسين
✍️ ام مهدي الفرطوسي
ـــــــــــــــــــــــــــــــــــــــــــــــــــ
تمت بأاقلام شاعرات رابطة كفيل زينب عليها السللام
https://www.tgoop.com/alkfoofalskea

. يتوفر ديوان بين الباب والخيام
يجزئيه الاول والثاني في المكاتب التاليه

البصره
مكتبه الدعاء
07716860773

. البصره الكرنه
مكتبه الغدير
07712668559

.
. كربلاء
مكتبه الكفيل
07724112934

. الناصريه شطره
سيد حيدر
07836111239

. الكوت الحي
مكتبه القبس
07829396624

. الحله
مكتبه الحسن المشتبى
0786772872

. الناصريه
مكتبه نور الزهراء
07808201784

. بغداد
سوق الاوله
ابراهيم المعوق

. ناصرية شطره
سيد صالح الغرابي
07805433015

. عماره
مكتبه الامام الحسين
07803379535

. عماره
مجمع القلم
07712529427

. البصره
مكتبه العليله
07705677443

. البصره
انوار الزهراء
07830177501

الناصريه شارع الحبوبي
مكتبة ابو محمد
0773550770964

سوق الشيوخ
عقيل التميمي للمبايل
07809643271

النجف
حسن الطريحي
07832535076

كربلاء
معرض الكتاب بين الحرمين

الغاية من الزيارة ليس مسك شباك الحسين :
وانت سارق .
وانت منافق .
وانت معتدي .
وانت مرتشي .
وانت لا تصلي .
وانت مختلس .
وانت لا تصوم .
وانت غاضب لربك .
وانت عاق لوالديك .
وانت مكلل بالديون .
وانت لديك فضائيين .
وانت قاطع لصلة الرحم .
وانت لا تراعي حرمة الجار .
وانت متجاوز على الرصيف .
وانت ساكن في دار مغتصب .
وانت تارك لعملك بحجة الزيارة .
وانت لا تحافظ على المال العام .
وانت آكل لاموال السحت الحرام .
وانت لا تنهج على نهج اهل البيت .

اخي اختي :
الحسين نهج ..
الحسين قضية ..
الحسين طريق الحق ..
الحسين مدرسة للأخلاق ..
لازم الكل نمشي على خطى الحسين وأهل البيت عليهم السلام ونتحلى بأخلاقهم ..

عليه شكد صلف يهلال هليت
ودموع العين عل خوان هليت
بيك اتراب عل مذبوح هليت
ونياط الگلب بيك انگطع بيه

جاب احزانه والونه وجاني
وبنار الفگد لخواني وجاني
شهر عاشور بي لوعه وجاني
احزان وحرگه بي دمعه واذيه

هلالك ياشهر بسود يهل كون
ويريت اعداك ياخويه يهلكون
منو المثلي هله انچتلو يهل كون
ومنو مثلي بحبل تنجر سبيه

قلمي ام حوراء البركاوي

ابوذيات للهلال 👆

عله ابعاد الاهل صدكوني ماراد
گلبي وبجفاهم حيل ماراد
روحي ومن طفوف حسين ماراد
طارش وبخبر. يحچي القضيه


الف ياريت ذاك اليوم لادار
احس لا اهل ظلو الي لادار
مثل دمعي بجفاهم بعد لادار
ولا مثلي حزن حملت ابنيه


عليله وزاد من علتي بعدهم
ولا يهجع حزن گلبي بعدهم
ابوي حسين بفراگه بعد هم
زاد هموم بعده وي رقيه


عله افراگه نحيله وحيلي ماعاد
يحمل والحزن چن سوه ماعاد
وياي ومن ابوي ابخبر ماعاد
يطمني ويرد الروح بيه

قلمي ام حوراء البركاوي

ابوذيات للعليله ع👆

على لسان مولاتي ام البنين ع

اسمعت ناعي اطلعت اركض بشر هين
صحت وهمومي هدني بشرهين
گلوب اتلوع عالغالي بشرهين
بخبر طمن العليله ورد اليه


عدوها العاده ابو الاكبر ولدها
وسند لحسين بلحومه ولدها
داهي الحزن والوعه والدها
فگد حسين اعظم كل رزيه


يدهري وياي ليش اطلعت خوان
يحيلي بعد فگد حسين خوان
وي عباس ريت هناك خوان
موش اتلاثه كون اخوان ميه

قلمي ام حوراء البركاوي

ابوذيات لمولاتي أم البنين ع👆

ابوذيات لمسلم ابن عقيل ع👆