ابوذيه

عيوني شابحه الشوفك يريدان
اتمنه اچفوف الك خويه يردان
ترضاها يبو فاضل يرى الدان
والقاصي ابغيابك طول اليه

للشاعرة/: ام حوراء البركاوي

بصوت. ( مسلم المطيري)

مشت الارض الشام عالي الواها
كلشي يخجل من اثر ممشاها

+++++++++++++++++++++++++++++

لومشت لقدامها اتهاب الرمال
هاي زينب بت علي خير الرجال
دير بالك عينك اتصد للخيال
الغيره تنهض والجفوف وياها

+++++++++++++++++++++++++++

الغيره تنهض والجفوف اترد اله
ابن حيدر هذا راعي المرجله
صعبه عنده الحره تنجر بالفله
روحه ضلت بالدرب تحماها

+++++++++++++++++++++++++++++

روحه ضلت ابو فاضل ناطره
ايده لليكرب عليها تسطره
هاي اخت عباس سبع الكنطره
شحده منهم بالدرب يدناها

+++++++++++++++++++++++++++++

منهو يكدر منها يدنه شبر
راسه حار وابد ماعنده صبر
اشحده يوصل بالدرب الها شمر
يخلي درب الشام فيض ادماها

+++++++++++++++++++++++++++++

يخلي درب الشام فيض من الدمه
لجل اخيته يطبك الارض وسمه
هوه كافلها وعليه امعلمه
شلون يقبل شخص يتولاها

+++++++++++++++++++++++++++++

#شاعرة_اهل_البيت(ام حوراء البركاوي)
#لااجيز_حذف_اسم_الشاعره

بصوت الموفق سيد عدنان الموسوي

الرادود هاشم الكعبي

مشاهدة "آني زينب/اداء الرادود عدي الربيعي/ كلمات #ام_حوراء_البركاوي_#نسالكم_الدعاء" على YouTube
https://youtu.be/BunsT83xe8o

انذبح من القفى زينب خي الج

وابد. مابارح. المنظر خيالج

تغير. حته يالحره خيالج

بيوم الشفتي راس ابن الزجيه


#بقلمي_خادمة_الزهراء_ع
#أم_حوراء_البركاوي
#لا_اجيز_حذف_اسم_الشاعره
2021/9/6
الاثنين


قناة خاصة بالدارمي والأبوذيه
يحسين اسمك بي تكويني

قناتي الثانيه يسرني انضمامكم
بحق محمد صلو على محمد وآله قبل المغادرة
https://www.tgoop.com/dffghyyrr

روحي راحت يوم شفت حسين مدمي
روحي راحت. من هوه اعله الكاع مرمي
روحي راحت. وزاد ياخويه اني همي
روحي راحت


صحت من بعدك يخويه احنه انولينه
شرد اكولن والعده غارو علينه
خيمي محروكه وجمرها يجوي بينه
خويه ياخويه الهب واصل عبينه

دمعه طاحت. وروت الكاع بحزنها
دمعه طاحت. جرحت اخدودي بالمها
دمعه طاحت. ماصفه الاخ اليلمها

روحي راحت

صحت خويه راح اظل ياخويه وحدي
شكد هضيمه انسبي والحادي يحدي
عكب عينك تصفه دمعاتي اعله خدي
جرح بعدك شوك راح الجرح يدي

خويه صاحت. وحيده اظل بالغاضريه
خويه صاحت. بعدك اتسمه السبيه
خويه صاحت تنشد احبال اباديه
روحي راحت



الفركه مانحملها خويه علينه كلفه
تركت اجروح والم هيهات تشفه
عيوني ماترضه بعدكم لحظه تغفه
وسفه هيجي ايصير بينه والله وسفه

كلها ناحت الفواطم عله الفركه
كلها ناحت. ايست مابعد ملكه
كلها ناحت بس دمع ظل ويه شهكه

روحي راحت


يبو اليمه من بعدكم منهو لينه
عكب عيناكم يخوتي احنه انسبينه
نمشي حفاي ابحبل مشدوده ادينه
روسكم اخذوها خويه من مشينه

عيني لاحت. عالرمح راس ابو اليمه
عيني لاحت. راس الاكبر ويه عمه
عيني لاحت. القاسم امعفر ابدمه
روحي راحت


آه من حر الشمس غيرت صفاتك
امشي ويلوذن ابكتري كل بناتك
والحزن يحسين مافارك خواتك
والترب غطه عبيها امدللاتك

اعيوني ساحت مودمع دم اعله اخوتي
اعيوني ساحت. وياهم اتمنيت موتي
اعيوني ساحت. سكته ماسمعت صوتي

روحي راحت


#شاعرة_اهل_البيت(ام حوراء البركاوي)
#لااجيز_حذف_اسم_الشاعره


2021/9/9 الخميس


¤========¤☆¤=======¤
قناة الشاعرة أم حوراء البركاوي
ياحسين
https://www.tgoop.com/qwerrtt76

بعدك احس كلشي مات
وضاكت ابصدري الجلمات

بعيوني هلت دمعتي
بكليبي ظلت حسرتي

بعدك احس كلشي مات


بعدك يضنوة حيدره مافارك اعيوني الدمع
يحسين احس كلبي انكسر يوم انكسر منك ضلع
اكتمت بنفاسي الالم ماريد صوتي ينسمع
ماريد ياخويه العده اتشوفني بهذا الوضع

ماصار مثل امصيبتي
والعده رادو ذلتي

ماتنذل اختك هيهات
بعدك احس كلشي مات



بعدك يبوفاضل انه اعداك سارو بيه
تلجمني عكبك يالاخو احجاية المسبيه
وين الكه مثلك يالكمر شايل شكد حنيه
بعدك يخو زينب حبل طابع اثر بيديه


عباس اشوفك غايتي
وتشوف همي ولوعتي

وتواسيني خويه بجلمات
بعدك احس كلشي مات


اتمنيت ردتك بس تجي وتشوفنه بياحاله
يوم العله حسين بحقد تتوارد الخياله
كسرو ضلوعه ونسبت ابن امي كل اعياله
لو انت موجود وعلي ماواحد ادناله

بكليبي ضلت جمرتي
وبصدري تخنك عبرتي

بين الالم والآهات
بعدك احس كلشي مات


اتمنیت تمسح دمعتي وتشيل خويه همي
ياكافل العيله صبحت اوحيده محد يمي
محد صفالي بأخوتي لا انت لا أبن امي
اخلافكم منهو الالي وللضعن ياهو اليحمي

ياخويه حركو خيمتي
نار وجمر بعبايتي

ماتطفه هاي الجمرات
بعدك احس كلشي مات


يبن امي ماريد العمر بلياك شلي بعمري
الفراك جن نار وجمر بكليبي احسن يسري
زاد الالم لمن شفت ارقيه حافي تسري
ازغيره على اسياط العده لاذت بخوف بكتري

من رحتو خويه دنيتي
ضلمه صفت يامنيتي

وتكفلت ببنيات
بعدك احس كلشي مات

2021/9/10الجمعه

#شاعرة_اهل_البيت(ام حوراء البركاوي)
#لااجيز_حذف_اسم_الشاعره


¤========¤☆¤=======¤
قناة الشاعرة أم حوراء البركاوي
ياحسين
https://www.tgoop.com/qwerrtt76

آداء ملا علي خادم الزهراء ع